8967

Tibetan	ཏིང་ངེ་འཛིན་གྱི་རྒྱན་གཅིག་ཚན་ནས་བཅུ་ཚན་བད་ཆན་པ་བཅུ།
Tibetan Alternate
Tibetan Definition	དེ་ཡང་། འཕགས་པ་དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པའི་མདོ་ལས་བྱུང་བ་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་གཅིག་ཚན་ནས་བཅུ་ཚན་བར་ཚན་པ་བཅུ་སྟེ། 1. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་གཅིག་ནི། སེམས་ཅན་ཐམས་ཅད་ལ་བྱམས་པའོ། ། 2. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་གཉིས་ནི། (1)དྲང་བ། (2)མཉེན་པའོ། ། 3. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་གསུམ་ནི། (1)སྒྱུ་མེད་པ། (2)གཡོ་མེད་པ། (3)བཅོས་མ་མེད་པའོ། ། 4. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་བཞི་ནི། (1)འདུན་པས་འགྲོ་བ་མ་ཡིན་པར་མི་འགྲོ་བ། (2)ཞེ་སྡང་གིས་འགྲོ་བ་མ་ཡིན་པར་མི་འགྲོ་བ། (3)གཏི་མུག་གིས་འགྲོ་བ་མ་ཡིན་པར་མི་འགྲོ་བ། (4)འཇིགས་པས་འགྲོ་བ་མ་ཡིན་པར་མི་འགྲོ་བའོ། ། 5. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་ལྔ་ནི། སྒྲིབ་པ་ལྔ་པོ་སྤོང་བ་སྟེ། (1)འདོད་པ་ལ་འདུན་པ། (2)གནོད་སེམས། (3)རྨུགས་པ་དང་གཉིད། (4)རྒོད་པ་དང་འགྱོད་པ། (5)ཐེ་ཚོམ་མོ། ། 6. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་དྲུག་ནི། (1)སངས་རྒྱས་རྗེས་སུ་དྲན་པ། (2)ཆོས་རྗེས་སུ་དྲན་པ། (3)དགེ་འདུན་རྗེས་སུ་དྲན་པ། (4)གཏོང་བ་རྗེས་སུ་དྲན་པ། (5)ཚུལ་ཁྲིམས་རྗེས་སུ་དྲན་པ། (6)ལྷ་རྗེས་སུ་དྲན་པའོ། ། 7. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་བདུན་ནི། བྱང་ཆུབ་ཀྱི་སེམས་མི་བརྗེད་པའི་བྱང་ཆུབ་ཀྱི་ཡན་ལག་བདུན་སྒོམ་པ་སྟེ། (1)དྲན་པ་ཡང་དག་བྱང་ཆུབ་ཀྱི་ཡན་ལག (2)ཆོས་རབ་ཏུ་འབྱེད་པ་ཡང་དག་བྱང་ཆུབ་ཀྱི་ཡན་ལག (3)བརྩོན་འགྲུས་ཡང་དག་བྱང་ཆུབ་ཀྱི་ཡན་ལག (4)དགའ་བ་ཡང་དག་བྱང་ཆུབ་ཀྱི་ཡན་ལག (5)ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག (6)ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག (7)བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ ། 8. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་བརྒྱད་ནི། འཕགས་པའི་ལམ་ཡན་ལག་བརྒྱད་པ་སྒོམ་པ་སྟེ། (1)ཡང་དག་པའི་ལྟ་བ། (2)ཡང་དག་པའི་རྟོག་པ། (3)ཡང་དག་པའི་ངག (4)ཡང་དག་པའི་ལས་ཀྱི་མཐའ། (5)ཡང་དག་པའི་འཚོ་བ། (6)ཡང་དག་པའི་རྩོལ་བ། (7)ཡང་དག་པའི་དྲན་པ། (8)ཡང་དག་པའི་ཏིང་ངེ་འཛིན་ནོ། ། 9. བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་དགུ་ནི། (1)འདི་ལ་བྱང་ཆུབ་སེམས་དཔའ་བརྗེད་པ་མེད་པའི་སེམས་ཀྱིས་སྙིང་རྗེ་ཆེན་པོའི་གནས་ལ་གནས་ཏེ། སེམས་ཅན་ཐམས་ཅད་ཡོངས་སུ་མི་གཏོང་བར་གནས་ནས་འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་། བདེ་བ་ཅན་བསམ་གཏན་དང་པོ་རྫོགས་པར་བྱས་ཏེ་གནས་སོ། ། (2)དེ་རྟོག་པ་དང་། དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས་རྟོག་པ་མེད་པ་དཔྱོད་པ་མེད་པའི་ཏིང་ངེ་འཛིན་ལས་སྐྱེས་པའི་དགའ་བ་དང་། བདེ་བ་ཅན་བསམ་གཏན་གཉིས་པ་རྫོགས་པར་བྱས་ཏེ་གནས་སོ། ། (3)དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་དྲན་པ་དང་ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ་འཕགས་པ་རྣམས་ཀྱིས་གང་དེ་དྲན་པ་དང་ལྡན་པ། བདེ་བ་ལ་གནས་པ་བཏང་སྙོམས་པའོ། ། ཞེས་བརྗོད་པ་། དགའ་བ་མེད་པ་བསམ་གཏན་གསུམ་པ་རྫོགས་པར་བྱས་ཏེ་གནས་སོ། ། (4)དེ་བདེ་བའང་སྤང་སྟེ། སྔ་ནས་སྡུག་བསྔལ་བའང་སྤངས་ཤིང་ཡིད་བདེ་བ་དང་། ཡིད་མི་བདེ་བའང་ནུབ་པས་བདེ་བའང་མ་ཡིན། སྡུག་བསྔལ་བའང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་རྫོགས་པར་བྱས་ཏེ་གནས་སོ། ། (5)དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ་ཐོགས་པའི་འདུ་ཤེས་རྣམས་ནུབ་པར་གྱུར་ཅིང་། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས། ནམ་མཁའ་མཐའ་ཡས་སོ། ། སྙམ་ནས་ནམ་མཁའ་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་སོ། ། (6)དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ་རྣམ་པར་ཤེས་པ་མཐའ་ཡས་སོ། ། སྙམ་ནས་རྣམ་ཤེས་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་སོ། ། (7)དེ་རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ་ཅིའང་མེད་དོ་སྙམ་ནས་ཅིའང་མེད་པའི་སྐྱེ་མཆེད་རྫོགས་པར་བྱས་ཏེ་གནས་སོ། ། (8)དེ་རྣམ་པ་ཐམས་ཅད་དུ་ཅིའང་མེད་པའི་སྐྱེ་མཆེད་ལས་ཡང་དག་པར་འདས་ནས་འདུ་ཤེས་མེད་མིན་སྐྱེ་མཆེད་རྫོགས་པར་བྱས་ཏེ་གནས་སོ། ། (9)དེ་རྣམ་པ་ཐམས་ཅད་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ཡང་དག་པར་འདས་ཏེ་འདུ་ཤེས་དང་ཚོར་བ་འགོག་པའི་སྙོམས་པར་འཇུག་པ་ལ་སྙོམས་པར་འཇུག་ཀྱང་ཐབས་མཁས་པས་ཡང་དག་པའི་མཐའ་མངོན་སུམ་དུའང་མི་བྱེད་ལ་སྔོན་གྱི་བྱིན་རླབས་ཀྱིས་ཡང་དག་པར་གནས། སེམས་ཅན་རྣམས་ཀྱང་ཡོངས་སུ་སྨིན་པར་བྱེད་པའོ། ། 10 .བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱི་རྒྱན་བཅུ་ནི། (1)མི་འཁྲུགས་པས་ངེས་པར་སེམས་པ། (2)ཞི་གནས་ཡོངས་སུ་རྫོགས་པར་བྱེད་པ། (3)མངོན་པར་བརྩོན་པ་མི་འདོར་བ། (4)ནང་དུ་ཡང་དག་འཇོག་སྦེད་པ། (5)དགེ་བའི་རྩ་བ་རྣམས་ཆུད་མི་ཟ་བ། (6)སེམས་དབེན་པ། (7)ལུས་ཤིན་ཏུ་སྦྱངས་པ། (8)ཆོས་རྣམས་ལ་སེམས་ཤིང་འཇལ་ལ་སོ་སོར་རྟོག་པ། (9)སེམས་ལ་དབང་སྒྱུར་བ། (10)འཕགས་པའི་རིགས་ཐོབ་པའོ། །
Tibetan Source	《མདོ་ད་པ་》ཤ་184ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number