9101
| Tibetan | སྡེ་བཅུ། |
|---|---|
| Tibetan Alternate | |
| Tibetan Definition | (བོད་ཀྱི་རུ་བཞི་དང་། ཞང་ཞུང་། སུམ་པ་དང་། བཅས་པའི་སྟོང་སྡེ་དྲུག་ཅུ་རྩ་གཅིག) དེ་ཡང་། མཁས་པ་ལྡེའུས་མཛད་པའི་རྒྱ་བོད་ཀྱི་ཆོས་འབྱུང་རྒྱས་པ་ལས་བྱུང་བ་སྟེ། སྡེ་བཅུ་ནི་བོད་རུ་རེ་རེ་ལ་སྟོང་སྡེ་བརྒྱད་བརྒྱད་སྟོང་བུ་ཆུང་དང་དགུ། སྐུ་སྲུང་དང་བཅུ་སྟེ། རུ་ལག་གི་སྟོང་སྡེ་ནི།
1. མང་དཀར་དང་ཁྲི་བོམ་གཉིས། 2. སྒྲོམ་པ་དང་། ལྷ་རྩེ་གཉིས། 3. མྱང་རོ་དང་། ཁྲི་ཐང་གཉིས། 4. མཁར་གསར་དང་། གད་སྲམ་གཉིས། 5. མཚོ་ངམ་སྟོང་བུ་ཆུང་དང་དགུ 6. སྐུ་སྲུང་ལྷོ་ཕྱོགས་པ་དང་བཅུའོ། ། གཡས་རུའི་སྟོང་སྡེ་ནི། 1. ལྟོ་ཡོའི་སྟོང་སྡེ་དང་ཤངས་ཀྱི་སྟོང་སྡེ་གཉིས། 2. ལང་མི་དང་ཕོད་དཀར་གཉིས། 3. ཉེན་མཁར་དང་འགྲངས་རྩང་གཉིས། 4. ཡོ་རབས་དང་གཟོང་སྡེ་གཉིས། 5. ཤངས་ལ་སྟོང་བུ་ཆུང་དང་དགུ 6. སྐུ་སྲུང་ནུབ་ཕྱོགས་པ་དང་བཅུའོ། ། དབུ་རུའི་སྟོང་སྡེ་ནི། 1. དོར་སྡེ་དང་སྡེ་མཚམས་གཉིས། 2. ཕྱུགས་མཚམས་དང་འགྲངས་འཚམས་གཉིས། 3. གཅོང་པ་དང་འབྲིང་མཚམས་གཉིས། 4. ཀྱི་སྟོད་ཀྱི་སྨད་གཉིས། 5. ཡེལ་རབས་སྟོང་བུ་ཆུང་དང་དགུ 6. སྐུ་སྲུང་ཤར་ཕྱོགས་པ་དང་བཅུའོ། ། གཡོ་རུའི་སྟོང་སྡེ་ནི། 1. ཡར་ལུང་ལ་སྟོང་སྡེ་གཅིག 2. འཆིང་ལུང་ལ་སྟོང་སྡེ་གཅིག 3. ཡར་རྒྱང་ཡུང་ང་གཉིས། 4. དྭགས་པོ་མྱག་མི་གཉིས། 5. དམྱལ་ལྷོ་བྲག་གཉིས། 6. ལོ་རོ་སྟོང་བུ་ཆུང་དང་དགུ 7. སྐུ་སྲུང་ཤར་ཕྱོགས་པ་དང་བཅུའོ། ། དེ་ནི་བོད་དང་རུ་བཞིའི་སྟོང་སྡེ་བཞི་བཅུའོ། ། བོད་དང་གྲུ་གུའི་སོ་མཚམས་ན་ཞང་ཞུང་སྟོད་ཀྱི་སྟོང་སྡེ་ལྔ་ཡོད་དེ། 1. འོ་ཅོ་དང་བག་གཅིག 2. མང་མ་བག་དང་གཉིས། 3. སྙེ་མ་བག་དང་གསུམ། 4. རྩ་མོ་བག་དང་བཞི། 5. བ་ག་སྟོང་བུ་ཆུང་དང་ལྔའོ། ། བོད་དང་སུམ་པའི་སོ་མཚམས་ན། ཞང་ཞུང་སྨད་ཀྱི་སྟོང་སྡེ་ལྔ་ཡོད་དེ། 1. གུག་གེ་གུ་ཅོག་གཉིས། 2. སྤྱིར་རྩང་ཡར་རྩང་གཉིས། 3. སྤྱི་ཏི་སྟོང་བུ་ཆུང་དང་ལྔའོ། ། དེ་དག་ནི། ཞང་ཞུང་ཁྲི་སྡེ་སྟོད་སྨད་ཀྱི་སྟོང་སྡེ་བཅུའོ། ། སྤྱིར་སུམ་པའི་སྟོང་སྡེའི་མིང་ནི་ལྟེ་ཁྱབ་རྒྱ་ལྡན་གྱི་སྟོང་སྡེ་ཞེས་བྱ་སྟེ། དེའི་ནང་ནས་སྟོང་སྡེ་བཅུ་གཅིག་སྲོང་བཙན་སྒམ་པོས་ཚུར་བཅད་དེ། 1. རྩེ་མཐོན་དང་ཡོ་མཐོན་གཉིས། 2. རྒོད་ཚང་སྟོད་སྨད་གཉིས། 3. འཛོམ་སྟོད་འཛོམ་སྨད་གཉིས། 4. ཏྲེ་སྟོད་ཏྲེ་སྨད་གཉིས། 5. ཁ་རོ་ཁ་བཟང་གཉིས། 6. ནག་ཤོད་སྟོང་བུ་ཆུང་དང་བཅུ་གཅིག་གོ ། དེ་ཚོ་ནི་བོད་རུ་བཞི། ཞང་ཞུང་ཁྲི་སྡེ་སྟོད་སྨད། སུམ་པའི་རུ་ལག་དང་བཅས་པ་དེ་རྣམས་ལ་བོད་ཀྱི་སྟོང་སྡེ་དྲུག་ཅུ་ཞེས་བྱའོ། ། |
| Tibetan Source | 《ལྡེའུ་ཆོས་འབྱུང་》དེབ་ཤ་258.5ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |