9596

Tibetan	ཡོན་ཏན་མཚུངས་པ་མཉམ་པ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་སུམ་ཅུ་སོ་གསུམ་པ་ཏིང་ངེ་འཛིན་གྱི་ལེའུ་ལས་བྱུང་བ་བྱང་ཆུབ་སེམས་དཔའ་རྣམས་ཀྱི་ཡོན་ཏན་མཚུངས་པ་མཉམ་པ་བཅུ་སྟེ། 1. འདི་ལྟར་གཟུགས་དང་། མཚན་དང་། དཔེ་བྱད་བཟང་པོ་སྣ་ཚོགས་ཀྱིས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 2. འོད་དང་འོད་ཟེར་གྱི་དྲ་བ་རབ་ཏུ་འགྱེད་པ་རྣམ་པར་དག་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 3. རྫུ་འཕྲུལ་དང་། རྣམ་པར་འཕྲུལ་པ་དང་། སྤྲུལ་པ་སེམས་ཅན་འདུལ་བའི་ཚུལ་བཞིན་དུ་སྟོན་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 4. ལུས་ཚད་མེད་པ་དང་། ཁ་དོག་མཐའ་ཡས་པ་དང་། དབྱངས་ཐམས་ཅད་རྣམ་པར་དག་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 5. སངས་རྒྱས་ཀྱི་ཞིང་རྣམ་པར་དག་པ་བྱིན་གྱིས་རློབ་ཅིང་སེམས་ཅན་གྱི་ལས་དང་སྤྱོད་པ་ཇི་ལྟ་བ་བཞིན་དུ་རྣམ་པར་དམིགས་པ་ཡང་དག་པར་སྟོན་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 6. སེམས་ཅན་ཐམས་ཅད་ཀྱི་ཐ་སྙད་གཟུངས་དམ་པས་འཛིན་པའི་མཐུ་དང་། དྲན་པ་ཉམས་པ་མེད་པའི་མཐར་ཐུག་པར་གནས་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 7. ཐ་དད་པར་ཤེས་པ་ཡང་དག་པར་ཤེས་པ་མི་ཟད་པས་སེམས་ཅན་གྱི་སྒྲ་སྐད་ཤེས་པས་སྟོན་ཅིང་། ཆོས་ཀྱི་འཁོར་ལོ་བསྐོར་བས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 8. མི་འཇིགས་པས་བག་ཚ་བ་མེད་པ་སེང་གེ་ང་རོ་སྒྲོག་ཅིང་། ཆོས་དང་མཐུན་པར་སེམས་ཅན་ཐམས་ཅད་ཁོང་དུ་ཆུད་པར་བྱེད་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 9. དུས་གསུམ་གྱི་ཚིག་གི་ལམ་ལ་འཇུག་པ་སྐད་ཅིག་གི་མཐར་འཇུག་པར་བྱེད་པས་བྱང་ཆུབ་སེམས་དཔའ་མཚུངས་པ་མཉམ་པ་ཡིན། 10 .སངས་རྒྱས་ཀྱི་སྟོབས་དང་དེ་བཞིན་གཤེགས་པའི་ཡུལ་རྣམ་པར་ཕྱེ་བ་སེམས་ཅན་རྣམས་ལ་ཡང་དག་པར་སྟོན་པས་བྱང་ཆུབ་སེམས་དཔའ་དེ་བཞིན་གཤེགས་པ་ཐམས་ཅད་དང་མཚུངས་པ་མཉམ་པའོ། །
Tibetan Source	《ཕལ་ཆེན་ག་པ་》ཤ་325བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number