9700

Tibetan	ས་བཅུ་པོ་ཡེ་ཤེས་ཀྱི་གཞི་ལས་བྱུང་བའི་དཔེར་དྲངས་པ་རིའི་རྒྱལ་པོ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་སུམ་ཅུ་པ་ལས་བྱུང་བ་བྱང་ཆུབ་སེམས་དཔའ་ས་བཅུ་པོ་ཡེ་ཤེས་ཀྱི་གཞི་ལས་བྱུང་བའི་དཔེར་དྲངས་པ་རིའི་རྒྱལ་པོ་བཅུ་སྟེ། 1. རིའི་རྒྱལ་པོ་ཆེན་པོ་ཁ་བ་ཅན་ནི། སྨན་གྱི་རྣམ་པ་ཐམས་ཅད་ཀྱི་འབྱུང་གནས་ཏེ། སྨན་སྣ་ཚོགས་ཐམས་ཅད་བླང་བས་མཐར་ཐུག་པ་མེད་དོ། ། དེ་བཞིན་དུ་བྱང་ཆུབ་སེམས་དཔའི་ས་རབ་ཏུ་དགའ་བ་ལ་གནས་པའི་བྱང་ཆུབ་སེམས་དཔའ་ཡང་འཇིག་རྟེན་པའི་གཙུག་ལག་དང་། ཚིག་དང་། སྔགས་དང་། རིག་པའི་གནས་ཀྱི་འབྱུང་གནས་ཡིན་ཏེ། འཇིག་རྟེན་པའི་གཙུག་ལག་དང་། ཚིག་དང་། སྔགས་དང་། རིག་པའི་གནས་བསྟན་པས་མཐར་ཐུག་པ་མེད་དོ། ། 2. འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་སྤོས་ཀྱི་ངད་ཅན་ནི། སྤོས་ཀྱི་རྣམ་པ་ཐམས་ཅད་ཀྱི་འབྱུང་གནས་ཡིན་ཏེ། སྤོས་ཀྱི་རྣམ་པ་སྣ་ཚོགས་བླངས་པས་མཐར་ཐུག་པ་མེད་དོ། ། དེ་བཞིན་དུ་བྱང་ཆུབ་སེམས་དཔའི་ས་དྲི་མ་དང་བྲལ་བ་ལ་གནས་པའི་བྱང་ཆུབ་སེམས་དཔའ་ཡང་བྱང་ཆུབ་སེམས་དཔའི་ཚུལ་ཁྲིམས་དང་། སྡོམ་པ་དང་། ཚུལ་ཐམས་ཅད་ཀྱི་འབྱུང་གནས་ཡིན་ཏེ། བྱང་ཆུབ་སེམས་དཔའི་ཚུལ་ཁྲིམས་དང་། སྡོམ་པ་དང་། ཚུལ་རྣམ་པ་སྣ་ཚོགས་ཀྱི་སྤོས་ཀྱི་མཐར་ཐུག་པ་མེད་དོ། ། 3. འདི་ལྟ་སྟེ། དཔེར་ན། རིའི་རྒྱལ་པོ་རྣམ་པར་འདལ་བ་ནི། རིན་པོ་ཆེའི་རང་བཞིན་ཤིན་ཏུ་དག་པ། རིན་པོ་ཆེའི་རྣམ་པ་ཐམས་ཅད་ཀྱི་འབྱུང་གནས་ཡིན་ཏེ། རིན་པོ་ཆེ་རྣམ་པ་སྣ་ཚོགས་ཐམས་ཅད་བླང་བས་ཟད་པ་མེད་དོ། །དེ་བཞིན་དུ་བྱང་ཆུབ་སེམས་དཔའི་ས་འོད་བྱེད་པ་ལ་གནས་པའི་བྱང་ཆུབ་སེམས་དཔའ་ཡང་འཇིག་རྟེན་པའི་བསམ་གཏན་དང་། མངོན་པར་ཤེས་པ་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ཀྱི་འབྱུང་གནས་ཡིན་ཏེ། འཇིག་རྟེན་པའི་བསམ་གཏན་དང་། མངོན་པར་ཤེས་པ་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཡོངས་སུ་དྲིས་པ་བསྟན་པས་ཟད་པ་མེད་དོ། ། 4. འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་དྲང་སྲོང་རི་ནི། རིན་པོ་ཆེའི་རང་བཞིན་རྣམ་པར་དག་པ། དྲང་སྲོང་མངོན་པར་ཤེས་པ་ལྔ་དང་ལྡན་པའི་འབྱུང་གནས་ཡིན་ཏེ། མངོན་པར་ཤེས་པ་ལྔ་དང་ལྡན་པའི་དྲང་སྲོང་བགྲང་བས་ཟད་པ་མེད་དོ། དེ་བཞིན་དུ་བྱང་ཆུབ་སེམས་དཔའི་ས་འོད་འཕྲོ་བ་ཅན་གནས་པའི་བྱང་ཆུབ་སེམས་དཔའ་ཡང་ལམ་དང་ལམ་མ་ཡིན་པའི་ཁྱད་དང་། བྱེ་བྲག་ཤེས་པ་ཐམས་ཅད་ཀྱི་འབྱུང་གནས་ཡིན་ཏེ། ལམ་དང་ལམ་མ་ཡིན་པའི་ཁྱད་དང་། བྱེ་བྲག་གི་རྒྱུད་ཡོངས་སུ་དྲིས་པ་ཡོངས་སུ་བསྟན་པས་ཟད་པར་མི་འགྱུར་རོ། ། 5. འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་གཉའ་ཤིང་འཛིན་ནི། རིན་པོ་ཆེའི་རང་བཞིན་རྣམ་པར་དག་པ། གནོད་སྦྱིན་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། གནོད་སྦྱིན་རྫུ་འཕྲུལ་ཆེན་པོ་ཅན་བགྲང་བས་ཟད་པ་མེད་དོ། །དེ་བཞིན་དུ་བྱང་ཆུབ་སེམས་དཔའི་ས་ཤིན་ཏུ་རྒྱལ་བར་དཀའ་བ་ལ་གནས་པའི་བྱང་ཆུབ་སེམས་དཔའ་ཡང་མངོན་པར་ཤེས་པ་དང་། རྫུ་འཕྲུལ་དང་། རྣམ་པར་འཕྲུལ་བ་དང་། ཆོ་འཕྲུལ་ཐམས་ཅད་ཀྱི་འབྱུང་གནས་ཡིན་ཏེ། མངོན་པར་ཤེས་པ་དང་། རྫུ་འཕྲུལ་དང་། རྣམ་པར་འཕྲུལ་བ་དང་། ཆོ་འཕྲུལ་ཡོངས་སུ་དྲིས་པ་བསྟན་པས་ཟད་པ་མེད་དོ། ། 6. འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་རྟ་རྣ་རི་ནི། རིན་པོ་ཆེའི་རང་བཞིན་རྣམ་པར་དག་པ། ཤིང་ཏོག་གི་རྣམ་པ་ཐམས་ཅད་ཀྱི་འབྱུང་གནས་ཡིན་ཏེ། ཤིང་ཏོག་རྣམ་པ་སྣ་ཚོགས་ཐམས་ཅད་བླང་བས་ཟད་པར་མི་འགྱུར་རོ། ། དེ་བཞིན་དུ་བྱང་ཆུབ་སེམས་དཔའི་ས་མངོན་སུམ་ལ་གནས་པའི་བྱང་ཆུབ་སེམས་དཔའ་ཡང་རྟེན་ཅིང་འབྲེལ་བར་འབྱུང་བ་ལ་འཇུག་པ་ཤིན་ཏུ་བསྟན་པའི་འབྱུང་གནས་ཡིན་ཏེ། ཉན་ཐོས་ཀྱི་འབྲས་བུ་མངོན་པར་ཁོང་དུ་ཆུད་པར་བྱ་བ་ཡོངས་སུ་དྲིས་པ་བསྟན་པས་ཟད་པ་མེད་དོ། ། 7. འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་ས་འཛིན་ནི། རིན་པོ་ཆེའི་རང་བཞིན་རྣམ་པར་དག་པ། ཀླུ་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ཀླུ་རྫུ་འཕྲུལ་ཆེན་པོ་ཅན་བགྲང་བས་ཟད་པ་མེད་དོ། ། དེ་བཞིན་དུ་བྱང་ཆུབ་སེམས་དཔའི་ས་རིང་དུ་སོང་བ་ལ་གནས་པའི་བྱང་ཆུབ་སེམས་དཔའ་ཡང་ཐབས་དང་ཤེས་རབ་ཤིན་ཏུ་བསྟན་པའི་འབྱུང་གནས་ཡིན་ཏེ། རང་སངས་རྒྱས་ཀྱི་འབྲས་བུ་མངོན་པར་ཁོང་དུ་ཆུད་པར་བྱ་བ་ཡོངས་སུ་དྲིས་པ་བསྟན་པས་ཟད་པ་མེད་དོ། ། 8. འདི་ལྟ་སྟེ། དཔེར་ན། རིའི་རྒྱལ་པོ་ཆེན་པོ་ཁོར་ཡུག་ནི། རིན་པོ་ཆེ་ཆེན་པོའི་རང་བཞིན་རྣམ་པར་དག་པ། དབང་དུ་གྱུར་པ་རྣམས་ཀྱིས་འབྱུང་གནས་ཡིན་ཏེ། དབང་དུ་གྱུར་པ་བགྲང་བས་ཟད་པ་མེད་དོ། ། དེ་བཞིན་དུ་བྱང་ཆུབ་སེམས་དཔའི་ས་མི་གཡོ་བ་ལ་གནས་པའི་བྱང་ཆུབ་སེམས་དཔའ་ཡང་བྱང་ཆུབ་སེམས་དཔའི་དབང་མངོན་པར་སྒྲུབ་པ་ཡོངས་སུ་དྲིས་པ་ཤིན་ཏུ་བསྟན་པའི་འབྱུང་གནས་ཡིན་ཏེ། འཇིག་རྟེན་གྱི་ཁམས་རྣམ་པར་ཕྱེ་བ་ཡོངས་སུ་དྲིས་པ་བསྟན་པས་ཟད་པ་མེད་དོ། ། 9. འདི་ལྟ་སྟེ། དཔེར་ན། རིའི་རྒྱལ་པོ་དཔལ་དང་ལྡན་པ་ནི། རིན་པོ་ཆེའི་རང་བཞིན་རྣམ་པར་དག་པ། ལྷ་མ་ཡིན་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་མ་ཡིན་རྫུ་འཕྲུལ་ཆེན་པོ་ཅན་བགྲང་བས་ཟད་པ་མེད་དོ། ། དེ་བཞིན་དུ་བྱང་ཆུབ་སེམས་དཔའི་ས་ལེགས་པའི་བློ་གྲོས་ལ་གནས་པའི་བྱང་ཆུབ་སེམས་དཔའ་ཡང་སེམས་ཅན་འབྱུང་བ་དང་། འཇིག་པ་ཤེས་པའི་རྒྱུད་ཐམས་ཅད་ཀྱི་འབྱུང་གནས་ཡིན་ཏེ། འགྲོ་བ་ཐམས་ཅད་འབྱུང་བ་ཡོངས་སུ་དྲིས་པ་བསྟན་པས་ཟད་པ་མེད་དོ། ། 10. འདི་ལྟ་སྟེ། དཔེར་ན། ་རིའི་རྒྱལ་པོ་ཆེན་པོ་རི་རབ་ནི། རིན་པོ་ཆེའི་རང་བཞིན་རྣམ་པར་དག་པ། ལྷ་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་རྫུ་འཕྲུལ་ཆེན་པོ་ཅན་བགྲང་བས་ཟད་པ་མེད་དོ། ། དེ་བཞིན་དུ། བྱང་ཆུབ་སེམས་དཔའི་ས་ཆོས་ཀྱི་སྤྲིན་ལ་གནས་པའི་བྱང་ཆུབ་སེམས་དཔའ་ཡང་དེ་བཞིན་གཤེགས་པའི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་འབྱུང་གནས་ཡིན་ཏེ། སངས་རྒྱས་ཀྱི་འཕྲིན་ལས་ཡང་དག་པར་བསྟན་པ་ཡོངས་སུ་དྲིས་པ་བསྟན་པས་ཟད་པ་མེད་དོ། །
Tibetan Source	《མདོ་ཕལ་ཆེན་ག་པ་》ཤ་223བ་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number