9713

Tibetan	སངས་རྒྱས་ཀྱི་སྐུའི་རྒྱན་མཆོག་དམ་པ་བླ་ན་མེད་པ་བཅུ།
Tibetan Alternate
Tibetan Definition	དེ་ཡང་། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སྟེ། 1. སངས་རྒྱས་བཅོམ་ལྡན་འདས་རྣམས་ཀྱི་སྐུའི་མཚན་དང་། དཔེ་བྱད་བཟང་པོས་བརྒྱན་པ་སངས་རྒྱས་ཀྱི་སྐུའི་རྒྱན་མཆོག་དམ་པ་བླ་ན་མེད་པ། 2. སངས་རྒྱས་བཅོམ་ལྡན་འདས་རྣམས་ཡན་ལག་དྲུག་ཅུ་མཆོག་དམ་པ་དང་ལྡན་ཞིང་གསུང་གི་ཡན་ལག་བརྒྱ་རྩ་ལྔ་ཡོངས་སུ་བཟུང་བ་བརྒྱ་སྟོང་དུ་མས་བརྒྱན་པ་མཐའ་དང་། མུ་མེད་པའི་དབྱངས་ཀྱི་ཡན་ལག་རྣམ་པར་དག་པ་བརྗོད་དུ་མེད་པའི་སངས་རྒྱས་ཀྱི་ཆོས་དང་། དོན་ཚིག་འབྲུ་རབ་ཏུ་དང་བ་དང་། འཇིགས་པ་མེད་པ་ཆེན་པོས་མི་འཇིགས་ཤིང་བག་ཚ་བ་མེད་པར་སེང་གེའི་སྒྲ་བསྒྲགས་པས་ཆོས་ཀྱི་དབྱིངས་མ་ལུས་པ་ཐམས་ཅད་སེམས་ཅན་ཐམས་ཅད་ལ་ཐོས་པ་དང་། སྣང་བ་དང་། ཤེས་པར་མཛད་པ་དང་། སེམས་ཅན་རྣམས་ཀྱི་བསམ་པ་སྣ་ཚོགས་དང་། དབང་པོ་སྣ་ཚོགས་ཀྱི་རིམ་པ་སོ་སོར་སློང་ཞིང་འདུལ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་གསུང་གི་རྒྱན་མཆོག་དམ་པ་བླ་ན་མེད་པའོ། ། 3. སངས་རྒྱས་བཅོམ་ལྡན་འདས་ཀྱི་ཡིད་ཀྱི་ལས་སྟོབས་བཅུས་བརྒྱན་པ། སངས་རྒྱས་ཐམས་ཅད་ཏིང་ངེ་འཛིན་ཆེན་པོས་རྒྱས་ཤིང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་རྒྱུན་གྱིས་ཤིན་ཏུ་བརྒྱན་ཏེ་ཆགས་པ་མེད་པའི་ཡུལ་གྱི་སྤྱོད་ཡུལ་བ། ཆོས་ཀྱི་དབྱིངས་ལ་རབ་ཏུ་གནས་ཤིང་སངས་རྒྱས་ཀྱི་ཆོས་ཐམས་ཅད་ཀྱི་ཡན་ལག་བརྙེས་ཏེ་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་རྒྱན་དང་། སེམས་ཀྱི་སྐད་ཅིག་མ་གཅིག་དང་ལྡན་པའི་ཤེས་རབ་ཀྱིས་དུས་གསུམ་མ་ལུས་པ་དང་། ཆོས་ཐམས་ཅད་ཀྱི་དབྱིངས་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཐམས་ཅད་རབ་ཏུ་མཁྱེན་པོ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐུགས་ཀྱི་རྒྱན་མཆོག་དམ་པོ་བླ་ན་མེད་པའོ། ། 4. སངས་རྒྱས་བཅོམ་ལྡན་འདས་ཀྱིས་བརྗོད་དུ་མེད་པའི་འོད་བྱེ་བ་ཁྲག་ཁྲིག་རབ་ཏུ་བཏང་ནས། འོད་ཟེར་བརྗོད་དུ་མེད་པ་གཅིག་ནས་གཅིག་ཏུ་འོད་ཟེར་གྱི་དྲ་བར་བསྐོར་ཅིང་ཞིང་མེད་བཅུ་རྟུལ་ཡབ་མ་ལུས་པ་ཐམས་ཅད་དུ་སྣང་བར་བྱས་པ། འཇིག་རྟེན་གྱི་ཁམས་ཅད་ཀྱི་མུན་པའི་རིགས་སྟོན་པ། འཛུམས་པ་སྟོན་པའི་ཞལ་གྱི་འོད་ཟེར་ཁ་དོག་སྣ་ཚོགས་དུ་མ་ཁ་དོག་བརྒྱ་སྟོང་བྱེ་བ་ཁྲག་ཁྲིག་ཚད་མེད་གྲངས་མེད་པ་བྱུང་བས་ཕྱོགས་བཅུའི་འཇིག་རྟེན་ཁམས་ཚད་མེད་གྲངས་མེད་པ་མ་ལུས་པ་ཐམས་ཅད་ཀྱི་སེམས་ཅན་གྱི་ཁམས་ལ་སྣང་བས་ཤེས་པར་བྱེད་ཅིང་། བློ་ན་མེད་པ་ཡང་དག་པར་རྫོགས་པར་བྱང་ཆུབ་པར་མཛད་པ་དང་། སངས་རྒྱས་འབྱུང་བ་དང་མི་འབྲལ་ཞིང་སངས་རྒྱས་ཀྱི་མཛད་པ་གདོན་མི་ཟ་བ་ཕྱིར་མི་ལྡོག་པ་བརྗོད་དུ་མེད་པའི་སངས་རྒྱས་འབྱུང་ཞིང་བཞུགས་ཀུན་རྣམ་པར་དག་པས་དགའ་བ་མེད་པར་འབྱུང་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་འོད་ཀྱི་རྒྱན་མཆོག་དམ་པ་བླ་ན་མེད་པའོ། །། 5. སངས་རྒྱས་བཅོམ་ལྡན་འདས་རྣམས་གཞན་དུ་ལུང་སྟོན་པ་དང་། འགྲོ་བ་ཐམས་ཅད་ཀྱི་སྒྲིབ་པ་མེད་པར་མཛད་པས། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་རབ་རིབ་མེད་པས་འཇིག་རྟེན་ཐམས་ཅད་དུ་འཛུམ་པ་སྟོན་པའི་རྒྱན་མཆོག་དམ་པ་བླ་ན་མེད་པའོ། ། 6. ཚད་མེད་པའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུ་སྒྲིབ་པ་མེད་ཅིང་རྣམ་པར་དག་པ། ཆོས་ཐམས་ཅད་ལ་མ་ཆགས་པ།། མཐའ་མེད་པའི་ཆོས་ཀྱི་དབྱིངས་མཐའ་དང་། དབུས་མེད་པར་ཆུད་པ། འཇིག་རྟེན་ཐམས་ཅད་དང་མ་འདྲེས་པ། འཇིག་རྟེན་ཐམས་ཅད་དེ་ཁོ་ན་ཉིད་ཀྱི་རྗེས་སུ་འབྲང་བ་། འཇིག་རྟེན་ཐམས་ཅད་འཇིག་རྟེན་ལས་འདས་པར་སྤྱོད་པར་འཇུག་པའི་ཚིག་གི་ལམ་ཆད་ཅིང་བརྗོད་དུ་མེད་པར་ཆུད་པ། ཕུང་པོ་དང་། ཁམས་དང་། སྐྱེ་མཆེད་དང་བྲལ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་རྒྱན་མཆོག་དམ་པ་བླ་ན་མེད་པ། 7. སངས་རྒྱས་བཅོམ་ལྡན་འདས་ཀྱི་འོད་ཚད་མེད་པ། འཇིག་རྟེན་གྱི་ཁམས་མ་ལུས་པ་ཐམས་ཅད་དབྱེར་མེད་པའི་འོད། བརྗོད་དུ་མེད་པའི་ཡང་བརྗོད་དུ་མེད་པའི་རྒྱན་ཁ་དོག་སྣ་ཚོགས་དུ་མའི་རྐྱེན་ཀུན་ནས་མི་ཕྲོག་པའི་འོད། འཇིག་རྟེན་ཐམས་ཅད་ལ་མ་ཆགས་པའི་འོད། ཚད་མེད་པ་སྒྲིབ་པ་མེད་པའི་འོད་ཀྱི་དཀྱིལ་འཁོར་གྱི་མཛོད་ཐམས་ཅད་ཁང་པ་ལྟར་གྱུར་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་འོད་ཀྱི་རྒྱན་བླ་ན་མེད་པ་མཆོག་དམ་པའོ། །། 8. སངས་རྒྱས་བཅོམ་ལྡན་འདས་ཀྱི་ཁ་དོག་མཐའ་ཡས་པ། ཁ་དོག་འཚེར་བ། ་་ཁ་དོག་རང་བཞིན་གྱིས་འཚེར་བ། ཁ་དོག་ཚད་མེད་པ། སེམས་ཅན་མ་ལུས་པ་ཐམས་ཅད་ཀྱི་བསམ་པ་དང་། དད་པ་ཇི་ལྟ་བ་བཞིན་དུ་རྣམ་པར་རིག་པར་བྱེད་པའི་ཁ་དོག་སྟེ། སངས་རྒྱས་བཅོམ་ལྡན་འདས་མི་ཟློག་པའི་ཁ་དོག་དང་། ཁ་དོག་ཐམས་ཅད་ཀྱི་མཆོག་བརྙེས་པས་དེ་ལས་གཞན་པའི་ཁ་དོག་དང་། ཁམས་གསུམ་གྱི་ཁ་དོག་ཐམས་ཅད་ཁྱབ་པ་ཟིལ་གྱིས་མནན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཁ་དོག་གི་རྒྱན་མཆོག་དམ་པ་བླ་ན་མེད་པའོ། ། 9. སངས་རྒྱས་བཅོམ་ལྡན་འདས་ཀྱི་དགེ་བ་ཤིན་ཏུ་རྣམ་པར་དག་པས་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་ཀྱི་རིགས་དགེ་བ་རིན་པོ་ཆེ་འབྱུང་བ་འཇིག་རྟེན་ཐམས་ཅད་ཀྱིས་མ་སྨད་པ། ཁ་ན་མ་ཐོ་བ་མེད་པས་ཆོས་ཐམས་ཅད་ཀྱི་དེ་ཁོ་ན་མཉམ་པ་དང་། མི་མཉམ་པར་སྤྱོད་པ་རྣམ་པར་དག་པའི་རྒྱན་དང་། དེ་བཞིན་གཤེགས་པའི་རིགས་སྒྲིབས་པ་མེད་ཅིང་རིགས་རྣམ་པར་དག་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ལས་བྱུང་ཞིང་འདུས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་རྒྱན་གྱི་རིགས་དང་། གདུང་རྣམ་པར་དག་པའི་རྒྱན་མཆོག་དམ་པ་བླ་ན་མེད་པའོ། ། 10 . སངས་རྒྱས་བཅོམ་ལྡན་འདས་ཀྱི་སྐུ་བྱམས་པ་ཆེན་པོའི་སྟོབས་ཀྱིས་བརྒྱན་པ་ཤིན་ཏུ་དང་ཞིང་རྙོག་པ་མེད་པའི་ཀུན་ཏུ་རྟོག་པའི་སྐུའི་འདུ་བྱེད་ཉམ་རངས་པ། ཤིན་ཏུ་རྣམ་པར་ཕྱེ་བ་ལྟ་བས་མི་ངོམས་པས། ཐུགས་རྗེ་ཆེན་པོའི་ཐུགས་འགྲོ་བ་ཐམས་ཅད་ཀྱི་སྦྱིན་གནས་དང་། སྐྱབས་མེད་ཀྱི་མཆོག་བླ་ན་མེད་པ་སོ་སོར་འཛིན་པ་རྣམས་ལ་ཐུགས་བརྩེ་ཞིང་ཕན་པར་བཞེད་པ། སེམས་ཅན་ཐམས་ཅད་ལ་ཡེ་ཤེས་ཆེན་པོའི་བྱིན་གྱིས་སློབ་པ་བསོད་ནམས་ཆེན་པོ་འཕགས་པ། འགྲོ་བ་ཐམས་ཅད་ཀྱི་བསོད་ནམས་མཐའ་ཡས་པའི་ཞིང་། སེམས་ཅན་ཐམས་ཅད་ལ་ཡོན་ཏན་དང་། ཡེ་ཤེས་ཀྱི་ཕུང་པོ་ཐམས་ཅད་རྣམ་པར་འཕེལ་བར་མཛད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་བྱམས་པ་ཆེན་པོ་དང་། ཐུགས་རྗེ་ཆེན་པོ་དང་། བསོད་ནམས་ཀྱི་མཐའི་རྒྱན་མཆོག་དམ་པ་བླ་ན་མེད་པའོ། །
Tibetan Source	《མདོ་བ་པ་》ཤ་262བ་5ལས་བཏུས་པ། །
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number