9717

Tibetan	སངས་རྒྱས་ཀྱི་ཆོས་ཐམས་ཅད་ལ་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སངས་རྒྱས་ཀྱི་ཆོས་ཐམས་ཅད་ལ་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བཅུ་སྟེ། 1. དེ་ལ་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། སེམས་ཅན་ཐམས་ཅད་སྦྱིན་པས་ཡོངས་སུ་བསྡུ་བར་བྱའོ། ། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱིས་ཡོངས་སུ་བསྡུ་བར་བྱའོ་སྙམ་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད། ཐེ་ཚོམ་མེད་དེ། དེ་ནི་གནས་མ་ཡིན་ནོ། ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་དང་པོའོ། ། 2. གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། མ་འོངས་པའི་དུས་ན། གང་ཇི་སྙེད་དུ་འབྱུང་བར་འགྱུར་བའི་སངས་རྒྱས་ཐམས་ཅད་བླ་ན་མེད་པའི་མཉེས་པར་བྱ་བ་དང་། སངས་རྒྱས་ཐམས་ཅད་མཆོད་ཅིང་། བསྙེན་བཀུར་བའི་སེམས་བསྐྱེད་པས་མཉེས་པར་བྱའོ་སྙམ་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད། ཐེ་ཚོམ་མེད་དེ། དེ་ནི་གནས་མ་ཡིན་ནོ། ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་གཉིས་པའོ།། ། 3. གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། འཇིག་རྟེན་གྱི་ཁམས་ཐམས་ཅད་འོད་ཟེར་སྣ་ཚོགས་ཀྱི་དྲ་བའི་རྒྱན་གྱིས་ཡོངས་སུ་རྒྱས་པར་དགུང་ངོ་སྙམ་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད། ཐེ་ཚོམ་མེད་དེ། དེ་ནི་གནས་མ་ཡིན་ནོ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་གསུམ་པའོ། ། 4. གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། མ་འོངས་པའི་བསྐལ་པའི་མུར་ཐུག་པར་མི་སྐྱོ་བའི་རྒྱུད་ཀྱིས་སེམས་ཅན་གྲངས་མེད་པ་ཡོངས་སུ་སྨིན་པར་བྱ་བའི་ཕྱིར། སེམས་ཅན་གྱི་ཁམས་གྲངས་མེད་པ། བསམ་གྱིས་མི་ཁྱབ་པ། མཚུངས་པ་མེད་པ། ཚད་མེད་པ། གཞལ་དུ་མེད་པ། ཀུན་ཏུ་མཐའ་ཡས་པ། མུ་མེད་པ། ས་མཚམས་མེད་པ། བརྗོད་དུ་མེད་པའི་ཡང་བརྗོད་དུ་མེད་པ། གྲོངས་དང་བགྲང་བ་ལས་འདས་པ། ཆོས་ཀྱི་དབྱིངས་ཀྱིས་ཀླས་པ། ནམ་མཁའི་དབྱིངས་ཀྱི་མཐས་གཏུགས་པ་ཐམས་ཅད་བླ་ན་མེད་པའི་ཡོངས་སུ་སྨིན་པར་བྱ་བ་དང་། བླ་ན་མེད་པའི་རྣམ་པར་གདུལ་བས་ཡོངས་སུ་སྨིན་པ་དང་། རྣམ་པར་གདུལ་བར་བྱའོ་སྙམ་ན་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད་ཐེ་ཚོམ་མེད་དེ། དེ་ནི་གནས་མ་ཡིན་ནོ། ། འདི་ནི་ཐེ་ཚོམ་ཐམས་ཅད་གཅོད་པའི་སེམས་བསྐྱེད་པ་བཞི་པའོ། ། 5. གཞན་ཡང་བྱུང་ཆུབ་སེམས་དཔའ་འདི་ལྟར་སེམས་བསྐྱེད་དེ། བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སྨོན་ལམ་ཐམས་ཅད་ཡོངས་སུ་རྫོགས་པར་བྱའོ་ཞེས་ནས། དེ་ལ་ནེམ་ནུར་མེད་ཅིང་། ཡིད་གཉིས་མེད་པ་དང་། ཐེ་ཚོམ་མེད་པར་གནས་པ་ཡིན་ཏེ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་ལྔ་པའོ། ། 6.གཞན་ཡང་བྱང་ཆུབ་སེམས་དཔའ་འདི་སྙམ་སྟེ། བདག་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སངས་རྒྱས་ཀྱི་ཆོས་ཐམས་ཅད་སྣང་བར་གྱུར་པས། ཆོས་ཐམས་ཅད་མངོན་དུ་གྱུར་པར་འགྱུར་རོ་སྙམ་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད། ཐེ་ཚོམ་མེད་དེ། དེ་ནི་གནས་མ་ཡིན་ནོ། ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་དྲུག་པའོ། ། 7. གཞན་ཡང་བྱང་ཆུབ་སེམས་དཔའ་འདི་སྙམ་སྟེ། འདི་ལྟར་སེམས་ཅན་ཐམས་ཅད་ཀྱི་སེམས་ཁོང་དུ་ཆུད་པར་བྱ་བའི་ཕྱིར། ཆོས་ཐམས་ཅད་སངས་རྒྱས་ཀྱི་ཆོས་སུ་མོས་་པར་བྱའོ་སྙམ་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད་། ཐེ་ཚོམ་མེད་དེ། དེ་ནི་གནས་མ་ཡིན་ནོ། ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བདུན་པའོ།། 8. གཞན་ཡང་བྱང་ཆུབ་སེམས་དཔའ་ཆགོས་པ་མེད་པའི་ཆོས་ཀྱི་སྒོ་ཐམས་་ཅད་མི་དམིགས་པས་རབ་ཏུ་ཤེས་ཤིང་། དེ་ལ་ནེམ་ནུར་མེད། ཡིད་གཉིས་མེད། ཐེ་ཚོམ་མེད་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ཀྱི་བར་དུ་ཡང་དག་པ་ཉིད་ལ་གནས་པ་འདི་ནི། ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བརྒྱད་པའོ།། 9. གཞན་ཡང་བྱང་ཆུབ་སེམས་དཔས་ཆོས་ཐམས་ཅད་འདུ་ཤེས་ཀྱི་ཕྱིན་ཅི་ལོག་རབ་ཏུ་སྤངས་པ་དང་། བླང་བ་མེད་ཅིང་དོར་བ་མེད་པའི་ཚུལ་གྱིས་འཇིག་རྟེན་ལས་འདས་པའི་ཆོས་སུ་ཤེས་ཏེ། དེ་ལ་གཞན་གྱི་དྲིང་མི་འཇོག་ཅིང་ནེམ་ནུར་མེད། ཡིད་གཉིས་མེད་ལ། ཐེ་ཚོམ་མེད་པ་ཡིན་ཏེ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་དགུ་པའོ། ། 10 . གཞན་ཡང་བྱང་ཆུབ་སེམས་དཔའ་འདི་སྙམ་དུ་སེམས་ཏེ། འདུ་ཤེས་ཀྱི་ཕྱིན་ཅི་ལོག་ཐམས་ཅད་རབ་ཏུ་སྤུངས་པའི་སེམས་སྐད་ཅིག་གཅིག་གི་ཡེ་ཤེས་གཅིག་དང་། གཉིས་སུ་མི་དམིགས་པ་བགྲང་བ་ཐམས་ཅད་དང་བྲལ་བ། འདུས་མ་བྱས་ལ་ཤིན་ཏུ་གཞོལ་བ། བརྗོད་པ་ཐམས་ཅད་རབ་ཏུ་སྤངས་པ། སྤྱོད་ཡུལ་བརྗོད་དུ་མེད་པའི་མཐར་ཕྱིན་པས། སངས་རྒྱས་ཀྱི་ཆོས་ཐམས་ཅད་མངོན་པར་འཚང་རྒྱ་བར་བྱའོ་སྙམ་ཡང་། དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད། ཡིད་གཉིས་མེད། ཐེ་ཚོམ་མེད་དེ། དེ་ནི་གནས་མ་ཡིན་ནོ། ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བཅུ་པའོ། །
Tibetan Source	《ཕལ་ཆེན་ང་པ་》ཤ་229བ་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number