9724

Tibetan	སངས་རྒྱས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་བཅུ།
Tibetan Alternate
Tibetan Definition	དེ་ཡང་། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སྟེ། 1. གང་འདི་སངས་རྒྱས་ཀྱི་སྐུ་ཕ་རོལ་རྒོལ་བ་ཐམས་ཅད་ཀྱིས་མི་ཕྱེད་པ་དང་། འཚོ་བའི་དབང་པོ་འཇིག་རྟེན་གྱི་ཐམས་ཅད་ཀྱིས་མི་ཆོད་ཅིང་དུག་གིས་མི་འཇིགས་པ་དང་། འཇིག་རྟེན་གྱི་ཐམས་ཅད་འཚིག་པའི་མེའི་བསྐལ་པས་མི་འཚིག་པ་དང་། འཇིག་རྟེན་གྱི་ཐམས་ཅད་སྡུད་པ་དང་། འཛིན་པའི་ཆུའི་ཕུང་པོའི་ཆུས་མི་འཆི་བ་དང་། བདུད་ཐམས་ཅད་དང་། བདུད་ཀྱི་སྡེ་ཐམས་ཅད་དང་། ལྷ་ཐམས་ཅད་ཀྱི་སྟོབས་དང་། ཀླུ་ཐམས་ཅད་དང་། གནོད་སྦྱིན་ཐམས་ཅད་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་སྟོབས་དང་། ཤ་ཟ་དང་། འབར་བ་ཐམས་ཅད་ཀྱི་སྟོབས་དང་། སེམས་ཅན་མ་ལུས་པ་ཐམས་ཅད་ཀྱི་དམག་གི་སྟོབས་ཀྱིས་མི་ཚུགས་པ་དང་། རི་རབ་ལྷུན་པོའི་རི་དང་མཉམ་པའི་རྡོ་རྗེའི་ཆར་འབེབས་པ་དང་། གཞན་ཡང་། འཁོར་ཡུག་ཆེན་པོའི་རི་དང་མཉམ་པ་དང་། གཞན་ཡང་། སྟོང་གསུམ་གྱི་སྟོང་ཆེན་པོའི་ཚད་ཀྱི་རྡོ་རྗེའི་ཆར་བབས་ཏེ། དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བ་སྤུའང་མི་འགུལ། བག་ཚ་བ་ཡང་མི་འགྱུར། བཞུད་པ་དང་། བཞེངས་པ་དང་།། བཞུགས་པ་དང་། མནལ་བའི་སྤྱོད་ལམ་སྤྱང་བའང་མི་མངའ་སྟེ། ཡུལ་གང་དུ་དེ་བཞིན་གཤེགས་པ་དེ་ནི་དེ་བཞིན་གཤེགས་པ་ཀུན་ཏུ་ཇི་ཙམ་དུ་བཞེད་པ་ཀུན་ཏུ་དེ་ཙམ་དུ་མ་བབ་བོ། ། སངས་རྒྱས་ཀྱི་བྱིན་གྱིས་བརླབས་ཀྱི་སེམས་ཅན་ལའང་གཙེས་པར་མ་གྱུར་ན་དེ་བཞིན་གཤེགས་པའི་དེ་བཞིན་གཤེགས་པའི་སྐུ་མི་འཁྲུགས་པ་ལྟ་ཅི་སྨོས་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་དང་པོའོ། ། 2. སངས་རྒྱས་བཅོམ་ལྡན་འདས་བཞེད་ན་ཆོས་ཐམས་ཅད་ཀྱི་དབྱིངས་མཆོག་མ་ལུས་པ་ཐམས་ཅད་དང་། འཇིག་རྟེན་གྱི་ཁམས་ཐམས་ཅད་དང་། རི་རབ་ལྷུན་པོའི་རི་དང་། ཁོ་ར་ཁོར་ཡུག་དང་། ཁོར་ཡུག་ཆེན་པོའི་རི་དང་བཅས། རྒྱ་མཚོའི་རི་དང་། ནགས་སྟུག་པོར་བཅས་པ་དང་། སེམས་ཅན་གནས་པའི་གནས་སྣ་ཚོགས་དང་། འཇིག་རྟེན་ཁམས་མ་ལུས་པ་དེ་དག་ཐམས་ཅད་དེ་བཞིན་གཤེགས་པའི་བ་སྤུའི་བུ་གར་བཅུག་སྟེ་ཐ་མའི་མཐའི་བསྐལ་པའི་མཐའ་བཟུང་ན། དེ་བཞན་གཤེགས་པའི་བྱིན་གྱི་བརླབས་མ་གཏོགས་པར་སེམས་ཅན་གཞན་གྱིས་ཤེས་པར་མི་ནུས་སོ། ། འཇིག་རྟེན་གྱི་དུ་མ་དེ་དག་ཐམས་ཅད་དེ་བཞིན་གཤེགས་པ་ཉིད་ཀྱི་སྐུའི་བ་སྤུའི་བུ་གར་བཅུག་ནས་ཐ་མའི་མཐའི་བསྐལ་པར་བཟུང་སྟེ། བཞེངས་པ་དང་། བཞུད་པ་དང་། བཞུགས་པ་དང་། མནལ་བ་དང་། བསྐལ་པར་གཤེགས་ཀྱང་དེ་བཞིན་གཤེགས་པའི་ཐུགས་ལ་སྐད་ཅིག་ཀྱང་སྡུག་བསྔལ་དུ་མི་འགྱུར། – སྐྱོ་བ་མི་མངའ་སྟེ། སྟོབས་དང་། མཐུ་ཡོངས་སུ་ཉམས་པར་མི་འགྱུར། སྤྱོད་ལམ་ལ་རྣམ་པར་རྟོག་པར་མི་འགྱུར་རོ། ། དཔེར་ན། ནམ་མཁའ་ནི་ཆོས་ཀྱི་དབྱིངས་མ་ལུས་པ་ཐམས་ཅད་དང་། འཇིག་རྟེན་གྱི་ཁམས་ཐམས་ཅད་འཛིན་ཏེ། འབྱིང་བ་མ་ཡིན། ཞུམ་པ་མ་ཡིན་འཕེལ་བ་མ་ཡིན། འབྲི་བ་མ་ཡིན། འབྱུང་བ་མ་ཡིན། སྐྱེ་བ་མ་ཡིན། རྣམ་པ་མ་ཡིན་ནོ། ། དེ་བཞིན་དུ་སངས་རྒྱས་བཅོམ་ལྡན་འདས་རྣམས་བ་སྤུའི་བུ་ག་གཅིག་ཏུ་འཇིག་རྟེན་མ་ལུས་པ་ཐམས་ཅད་ཀུན་འཛིན་ཀྱང་དེའི་ཕྱིར་སྡུག་བསྔལ་ཚོར་བའི་སེམས་བསྐྱེད་པ་གཅིག་ཀྱང་མི་མངའ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་གཉིས་པའོ། ། 3. མཐུ་སྟོབས་གསུམ་པ་མ་དཔེར་མི་གསལ་བས་དཔྱད་པར་ཞུ།། 4. སངས་རྒྱས་བཅོམ་ལྡན་འདས་གོམ་པ་གཅིག་གི་སྤྱོད་པའི་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་འཇིག་རྟེན་གྱི་ཁམས་འདྲའོ། །སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པར་གོམ་པས་སྤྱོད་དོ། དུ་མའི་སེམས་སྐྱེ་ཞིང་འཇུག་པ་དེ་ལྟར་གཤེགས་ཤིང་འཇིག་རྟེན་གྱི་ཁམས་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པར་གཤེགས་ཏེ། འཇིག་རྟེན་གྱི་ཁམས་མ་ལུས་པ་ཐམས་ཅད་དུ་སེམས་བསྐྱེད་པ་བཞིན་དུ་བསྐལ་པར་གཤེགས་ཤིང་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་འཇིག་རྟེན་གྱི་ཁམས་ཀུན་གནས་ཤིང་ཚད་མེད་པ་དང་། ཁོར་ཡུག་ཆེན་པོའི་རི་བརྗོད་དུ་མེད་པའི་ཡང་བརྗོད་དུ་མེད་པར་འགྱུར་བ་དང་མཉམ་པའི་སངས་རྒྱས་ཀྱི་ཞིང་ཐ་དད་པའི་རབ་ཏུ་ཕྲ་བའི་རྡུལ་དང་མཉམ་པ་འདས་ཤིང་བ་སྤུའི་བུ་ག་གཅིག་འགག་པར་འགྱུར་ཏེ། ཇི་ལྟར་བ་སྤུའི་བུ་ག་གཅིག་པ་དེ་ལྟར་སྐུའི་སྤུའི་བུ་ག་ཐམས་ཅད་དེ་སེམས་ཅན་ཐམས་ཅད་ཇི་སྙེད་པ་བ་སྤུའི་བུ་གར་གྱུར་ལ། དེ་ལྟར་སེམས་ཅན་ཐམས་ཅད་ལྕི་བར་གྱུར་ལ། སེམས་ཅན་དེ་དག་ཐམས་ཅད་དེ་བཞིན་གཤེགས་པའི་སོར་མོ་གཅིག་གི་རྩེ་མོས་ཐ་མའི་མཐའི་བསྐལ་པར་འཛིན་ཏེ། ཇི་ལྟར་སོར་མོ་གཅིག་གིས་དང་པོར་འཛིན་པ་དེ་ལྟར་སོར་མོ་ཐམས་ཅད་ཀྱི་རྩེ་མོས་འཛིན་ཀྱང་དེའི་ཕྱིར་དེ་བཞིན་གཤེགས་པའི་སྐུ་བསྟེལ་བའང་མི་མངའ། ཐུགས་ལ་སྐྱོ་བར་ཡང་མི་འགྱུར། སྡུག་བསྔལ་གྱི་རེག་པ་ཚོར་རོ་སྙམ་པའི་སེམས་ཕྲ་རབ་གཅིག་ཙམ་ཡང་མི་སྐྱེའོ། ། དེ་ལྟར་འཇིག་རྟེན་གྱི་ཁམས་རེ་རེར་གཤེགས་ཤིང་འཇུག་པ་དང་། ནམ་མཁའ་ལ་གཤེགས་ཤིང་འཇུག་པ་དང་། རྒྱ་མོའི་ཕྱོགས་ཐམས་ཅད་དུ་གཤེགས་ཤིང་འཇུག་པ་དང་། དེ་ལྟར་ནམ་མཁའི་ཁམས་ཀྱི་མཐའ་མ་ལུས་པ་ཐམས་ཅད་དང་། ཆོས་ཀྱི་དབྱིངས་ཀྱི་མཐར་འཇུག་པ་དང་། སྐྲའི་རྩེ་མོའི་མཐའི་“ཚད་ཀྱི་ཁམས་ཐམས་ཅད་དུ་འཇུག་པ་དང་། སྐྲ་རྩེ་རེ་རེའི་མཐའ་ཚད་ཀྱི་གྲངས་ཀྱི་ནམ་མཁའི་ཁམས་མ་ལུས་པ་ཐམས་ཅད་ཡོངས་སུ་གསལ་བའི་སྐྲའི་རྩེ་མོའི་མཐའི་ཚད་ཀྱི་ནམ་མཁའི་ཁམས་སུ་འཇུག་པ་འདིས་དེ་བཞིན་གཤེགས་པའི་སྤྱོད་ལམ་ཐོག་མའི་མཐའ་དང་། ཐ་མའི་མཐའི་བསྐལ་པར་ཟད་ཅིང་འདས་ཀྱི་བར་དུ་ཕྱོགས་དང་། ཕྱོགས་ན་སྐྱིལ་མོ་ཀྲུང་གཅིག་གིས་བཞུགས་ཤིང་ཡོངས་སུ་ལོངས་སྤྱོད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་བཞི་པའོ། ། 5. སངས་རྒྱས་བཅོམ་ལྡན་འདས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་སྐུ་དང་། དབུ་དུ་མར་གྱུར་ལ། དབུ་གཅིག་ལ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་ལྗགས་སུ་གྱུར་པ་ལ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་དབྱངས་ཀྱི་ཡིན་ལོག་དང་། ། སྒྲ་དང་། གསུང་འཇུག་སྟེ། ཆོས་ཀྱི་དབྱིངས་མ་ལུས་པ་ཐམས་ཅད་སེམས་ཅན་གྱི་ཁམས་ལ་གོ་བར་བྱེད་པ་དང་། དབྱངས་ཀྱི་ཡན་ལག་དང་། གསུང་རེ་རེས་ཀྱང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་མདོ་སྡེ་དམ་པ་རབ་ཏུ་བཤད་ལ། མདོ་སྡེ་རེ་རེ་ལའང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་ཆོས་སྟོན་པའི་རྗེས་སུ་འབྲང་ལ་ཆོས་བསྟན་པ་རེ་རེ་ལ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་ཆོས་ཀྱི་ཚིག་དང་། འབྱེད་པ་རྣམས་ཀྱི་བརྗོད་པ་འགྲོ་སྟེ། ཇི་ལྟར་གང་གི་ཕྱིར་ཆོས་སྟོན་པ་དེ་ལྟར་ཆོས་ཐམས་ཅད་སྟོན་ཏེ། དེ་དག་ལ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་བསྐུལ་པར་སྟོན་ཅིང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པ་རྣམས་ཡོངས་སུ་ཟད་ནས། ཡང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པར་སྟོན་ཏེ གཞུང་འདིས་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པར་སྟོན་ལ། གཞུང་འདིས་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པའི་བསྐལ་པ་ཟད་པ་དང་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་སྙེད་ཀྱི་བསྐལ་པ་ཟད་ཅིང་འདས་ཀྱང་དེ་བཞིན་གཤེགས་པའི་སྤྲུལ་པ་ནི་དེ་ལྟ་མ་ཡིན་ཏེ། ཆོས་ཐམས་ཅད་འགལ་མེའི་འཁོར་ལོ་ལྟར་འཇུག་ཅིང་ཆོས་ཐམས་ཅད་ཤེས་རབ་ཀྱི་སྟོན་ཏེ། བརྡ་སྤྲོད་ཅིང་ཐེ་ཚོམ་ཐམས་ཅད་གཅོད་པའི་ཆོས་ཀྱི་འཁོར་ལོ་སྐོར་བ་དང་། ཆོས་ཐམས་ཅད་སྣང་བར་བྱེད་པའི་ཆོས་ཀྱི་འཁོར་ལོ་སྐོར་བ་དང་། ཆགས་པ་མེད་པའི་མཛོད་ཀྱི་འཁོར་ལོ་སྐོར་བ་དང་། སེམས་ཅན་མཐའ་ཡས་པར་ཚིམ་པར་བྱེད་པའི་འདུལ་བའི་རྒྱན་གྱི་ཆོས་ཀྱི་འཁོར་ལོ་སྐོར་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་བསྡུས་པའི་རྒྱན་གྱི་འཁོར་ལོ་སྐོར་བ་དང་། ཡེ་ཤེས་ཉི་མའི་དཀྱིལ་འཁོར་ཆེན་པོའི་རྒྱན་གྱི་འཁོར་ལོ་སྐོར་བ་དང་། འགྲོ་བ་མ་ལུས་པ་ཐམས་ཅད་ལ་ཡེ་ཤེས་ཀྱི་སྒྲོན་མ་ཆེན་པོའི་རྒྱན་གྱི་ཆོས་ཀྱི་འཁོར་ལོ་སྐོར་བ་དང་། སོ་སོ་ཡང་དག་པར་རིག་པ་དང་། མི་འཇིགས་པ་༈ ཆེན་པོའི་རྒྱན་གྱི་ཆོས་ཀྱི་འཁོར་ལོ་སྐོར་ཞིང་ཇི་ལྟར་སངས་རྒྱས་གཅིག་གི་སྐུའི་བྱིན་གྱི་རླབས་ཀྱིས་ཆོས་ཀྱི་འཁོར་ལོ་སྐོར་བའི་སྤྲིན་ཆེན་པོའང་དཔེ་ཐམས་ཅད་ཀྱིས་དཔེར་བྱ་བ་མ་ཡིན་ཏེ། དེ་ལྟར་ཆོས་ཀྱི་དབྱིངས་མ་ལུས་པ་ཐམས་ཅད་དང་། ནམ་མཁའི་ཁམས་ཀྱི་མཐར་སྐྲའི་རྩེ་མོའི་མཐོར་ནས་རྣམ་པར་ཕྱེ་བ་ཆགས་པ་མེད་པ་མ་ལུས་པ་ཐམས་ཅད་དང་། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རབ་ཏུ་ཕྲ་བའི་རྡུལ་དང་མཉམ་པའི་སེམས་ཀྱི་སྐད་ཅིག་མ་དང་། སེམས་ཀྱི་སྐད་ཅིག་མ་རེ་རེ་དེ་སྙེད་ཀྱི་སངས་རྒྱས་ཀྱི་སྤྲུལ་པ་དང་། ཇི་སྲིད་དུ་མཐའ་མའི་བསྐལ་པར་དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་སྐུ་རྣམས་ཀྱི་དེ་བཞིན་གཤེགས་པའི་སྐུ་རེ་རེ་བ་དེ་སྙེད་དེ་སྙེད་ཀྱི་དབུར་གྱུར་པའི་བར་དུ་སྔར་ཀུན་ཏུ་བརྗོད་པ་བཞིན་དུ་དབུ་རེ་རེ་ལ། དེ་སྙེད་དེ་སྙེད་ཀྱི་ལྗགས་སུ་གྱུར་པའི་ལྗགས་རེ་རེ་ལ་དེ་སྙེད་དེ་སྙེད་ཀྱི་དབྱངས་ཀྱི་ཡན་ལག་དང་། གསུང་དང་། སྐུ་དང་། ་གསུང་འཇུག་སྟེ། ཆོས་ཀྱི་དབྱིངས་མ་ལུས་པ་ཐམས་ཅད་སེམས་ཅན་གྱི་ཁམས་ན་གོ་བར་བྱེད་པ་དང་། དབྱངས་ཀྱི་ཡན་ལག་དང་། སྒྲ་དང་། གསུང་རེ་རེས་དེ་སྙེད་དེ་སྙེད་ཀྱི་མདོ་སྡེ་རྣམས་འཆད་དེ། མདོ་སྡེ་རེ་རེ་ལ་དེ་སྙེད་དེ་སྙེད་ཀྱི་ཆོས་སྟོན་པ་རྗེས་སུ་འབྲང་ལ་ཆོས་སྟོན་པ་རེ་རེ་ལ་དེ་སྙེད་དེ་སྙེད་ཀྱི་ཆོས་ཀྱི་ཚིག་དང་། འབྱེད་པའི་བརྗོད་པ་འགྲོ་སྟེ། ཆོས་ཀྱི་ཚིག་དང་། འབྱེད་པ་རེ་རེས་ཆོས་ཀྱི་དབྱིངས་མ་ལུས་པ་ཐམས་ཅད་སྒྲ་གསལ་བར་བྱེད་ཅིང་སེམས་ཅན་གྱི་ཁམས་མ་ལུས་པ་ཐམས་ཅད་ལ་གོ་བར་བྱེད་ཀྱང་དེ་བཞིན་གཤེགས་པའི་གསུང་འཛེར་བའང་མེད། ཉམས་པའང་མེད། ། ཟད་པའང་མེད། དེམས་པའང་མེད་དེ། དེ་ལྟར་ཐ་མའི་མཐར་བསྐལ་པའི་བར་དུ་གནས་ཤིང་་ཆོས་ཀྱི་འཁོར་ལོ་བསྐོར་ཏེ། འདི་ནི་སངས་རྒྱས་བཅོམ་ལྡན་འདིས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་ལྔ་པའོ།། །། 6. སངས་རྒྱས་བཅོམ་ལྡན་འདས་ཀྱི་ཐུགས་དཔལ་གྱི་བེའུའི་རྒྱུན་དང་ལྡན་ཞིང་། རྡོ་རྗེའི་སྙིང་པོས་བཟུང་བ་དེ་་དག་བྱང་ཆུབ་ཤིང་དྲུང་དུ་གཤེགས་པ་རྣམས་ལ་བཞག་ནས་སེམས་ཅན་ཐམས་་ཅད་སྙེད་ཀྱི་བདུད་སྡིག་ཅན་གྱི་སྡེ་གཟུགས་སྣ་ཚོགས་བསྐྲད་ཅིང་མི་སྡུག་པ། མཆོག་ཏུ་འཇིགས་པའི་གཟུགས། འཇིག་རྟེན་ཐམས་ཅད་འཇིགས་པའི་གཟུགས། མཆོག་ཏུ་སེམས་བསྐྱེད་པའི་གཟུགས་སུ་འཕྲུལ་པར་བྱེད་དོ། བྱང་ཆུབ་ཤིང་མཆོག་གི་དྲུང་དུ་སོང་ནས་ཆོས་ཐམས་ཅད་ཀྱི་དབྱིངས་ནམ་མཁའི་མཐར་བདུད་ཀྱི་མི་སྡུག་པའི་གཟུགས་འཛིན་པ། སྐྲག་པ་ཆེན་པོས་འཇིགས་པ་ཆེན་པོར་བྱེད་པ། འགྲོ་བ་ཐམས་ཅད་འཇོམས་པས། འཇིག་རྟེན་ཐམས་ཅད་འཇིག་པའོ། ། དེ་ན་དེ་བཞིན་གཤེགས་པ་བྱང་ཆུབ་ཀྱི་ཤིང་དྲུང་དུ་གཤེགས་ནས་. ཐམས་ཅད་ལ་གཟིགས་་ཏེ། གཟིགས་ནས་མི་བསྙེངས། བག་མི་ཚ་བ། སྤུ་འགའ་ཡང་མི་གཡོ། གཟུགས་སྣ་ཚོགས་ཀྱི་མཚན་མ་སྣ་ཚོགས་འཛིན་པའང་མི་མངའ། སེམས་ཕྲ་མོའང་མི་མངའ་བར་གནས་ཏེ་མི་གཡོ།：མི་བསྐྱོད་མི་འགྱུར་རྣམ་པར་མི་རྟོག ཤིན་ཏུ་རབ་ཏུ་ཞི། བསྙེངས་ཤིང་བ་སྤུ་ལྡང་བ་ཤིན་ཏུ་མི་མངའ། འདོད་པ་དང་། ། ཁོང་ཁྲོ་བ་ཤིན་ཏུ་མི་མངའ། སངས་རྒྱས་ཀྱི་མཛད་པ་བྱམས་པ་ཆེན་པོ་ཆགས་པ་མེད་པའི་སྟོབས་ཀྱིས་གཏོང་བ། དབང་པོ་སྦེད་ཅིང་ཐུགས་རྗེ་ཆེན་པོ་ལ་གནས་པ། བག་མི་ཚ་བའི་ཐུགས་དབྱེར་མི་ཕྱེད་པའི་སྙིང་པོ་ཐུགས་མི་དངངས་ཤིང་ཟིལ་གྱིས་མི་ནོན་པའི་ཐུགས་ཀྱིས་བདུད་དང་། བདུད་ཀྱི་རིས་ཀྱི་ལྷ་ཐམས་ཅད་དང་། བདུད་ཀྱི་སྡེ་མང་པོ་སྣ་ཚོགས་ཐམས་ཅད་ཟིལ་གྱིས་གནོན་ཅིང་བཟུང་ནས་ཟིལ་གྱིས་གནོན། བཟུང་ནས་དེ་བཞིན་གཤེགས་པ་ལ་སྐྱབས་སུ་སོང་སྟེ། དེ་དག་ལ་བཅོམ་ལྡན་འདས་ཀྱིས་ཆོ་འཕྲུལ་གསུམ་དང་། དེ་བཞིན་གཤེགས་པས་འདུལ་བ་ཏེ། ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་དྲུག་པའོ། ། 7. སངས་རྒྱས་རྣམས་ཀྱི་གསུང་ཐོགས་པ་མེད་པས་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་འཇུག་ཅིང་དེ་དང་། དེ་དག་ཏུ་འཇིག་རྟེན་ཐམས་ཅད་ཀྱིས་རྣམ་པར་རིག་ཅིང་སེམས་ཅན་རྣམས་འདུལ་བའི་དབང་གིས་དེ་བཞིན་གཤེགས་པའི་སྒྲ་དེ་རིལ་ཐོད་པ་མེད་དེ། རི་རབ་ལྷུན་པོ་ལ་མི་ཐོགས། རིན་པོ་ཆེའི་རི་ལ་མ་ཡིན། ཁོར་ཡུག་དང་། ཁོར་ཡུག་ཆེན་པོ་ལ་མ་ཡིན། ལྷའི་གནས་ལ་མ་ཡིན། ཀླུའི་གནས་ལ་མ་ཡིན། གནོད་སྦྱིན་གྱི་གནས་ལ་མ་ཡིན། དྲི་ཟའི་གནས་ལ་མ་ཡིན། ལྷ་མ་ཡིན་གྱི་གནས་ལ་མ་ཡིན། ནམ་མཁའ་ལྡིང་གི་གནས་ལ་ད་ལ་མ་ཡིན། མིའམ་ཅིའི་གནས་ལ་མ་ཡིན། མི་དང་། མི་མ་ཡིན་པའི་གནས་ལ་ལྟ་ཞིང་ཆགས་པར་མི་འགྱུར་རོ། ། གལ་ཏེ་འཇིག་རྟེན་གྱི་ཁམས་ཐམས་ཅད་དུ་གཤེགས་ནའང་མི་ཆགས་ཏེ། འཇིག་རྟེན་སྲིད་པའི་ཁམས་ཐམས་ཅད་ཀྱི་སྒྲ་ཆེན་པོ་དང་། འཇིག་རྟེན་ཐམས་ཅད་ཀྱི་སྒྲ་སྣ་ཚོགས་རབ་ཏུ་རྫོགས་པ་དེ་ལ་དེ་བཞིན་གཤེགས་པས་བརྗོད་པའི་སྒྲས་བསྒྲིབས་པར་འགྱུར་ཏེ། ཇི་ལྟར་འདུལ་བའི་སེམས་ཅན་རྣམས་ཀྱི་རྣ་བས་རྣམ་པར་རིག་སྟེ། གང་འདི་རྣ་བས་རྣམ་པར་རིག་ཅིང་རྣམ་པར་རིག་པའི་ཚིག་དང་། འབྱེད་པ་ཉམས་པར་མི་འགྱུར་ཏེ། དེ་ནི་འདི་ལྟར་དེ་བཞིན་གཤེགས་པའི་སྒྲ་ལྷམ་མེ། ལྷན་ནེ། ལྷང་ངེའོ། ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་་ཆོས་ཀྱི་སྒྲ་བདུན་པའོ། ། 8. སངས་རྒྱས་བཅོམ་ལྡན་འདས་རྣམས་ཀྱི་ཐུགས་བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་ཤིན་ཏུ་ཡོངས་སུ་སྦྱངས་པས་ཆགས་པ་མེད། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་རྒྱན་དང་ལྡན་ཞིང་རྙོག་པ་མེད་པ་དང་། བདག་གི་མེད་པའི་ཆོས་ཐམས་ཅད་ལ་གནས་པ། ནང་དང་། ཕྱི་དང་ལྡན་པ་མ་ཡིན། མ་སྐྱེས་པ་ལ་བརྩམ་པ་ཐམས་ཅད་རྣམ་པར་ཕྱེ་བ། ཞི་བ། གནས་མེད་པ། རྩོམ་པ་སྣ་ཚོགས་ཐམས་ཅད་མེད་པ། ངོ་བོ་ཐམས་ཅད་རྣམ་པར་རྟོག་པའི་འདུ་ཤེས་ལ་གནས་པ་འགག་པ། རང་བཞིན་འོད་གསལ་བ། ཤིན་ཏུ་ཡོངས་སུ་དག་པ། རྩོམ་པ་དང་། ཡིད་ལ་བྱེད་པ་ཐམས་ཅད་ལ་མ་ཆགས་པའི་ཉོན་མོངས་པ་མེད་པའི་ཆོས་ཐམས་ཅད་ཀྱི་ཡུལ་གྱི་རྗེས་སུ་སོང་བ། ཡང་དག་པའི་མཐའ་འདོད་ཆགས་དང་བྲལ་ཞིང་དག་པ། ཆོས་ཀྱི་དབྱིངས་སྟོན་པའི་མཐར་སོང་བ། ཆོས་ཀྱི་དབྱིངས་ཀུན་ཏུ་མི་ཟད་པའི་རྗེས་སུ་སོང་བ། འདུ་ཤེས་སུ་གྱུར་པ་ཐམས་ཅད་དང་། ཚད་དང་། ཚད་མེད་པ་དང་། འདུས་བྱས་དང་། འདུས་མ་བྱས་དང་། མངོན་པར་སྨྲ་བ་ཐམས་ཅད་འགགས་པ་དག་གིས་ལམ་བརྗོད་དུ་མེད་པའི་མཐའི་ཡུལ་མི་ཐོད་ཅིང་ཆགས་པ་མེད་པའི་དབྱིངས་ཀྱི་མཐའི་སྔོན་དུ་ཡེ་ཤེས་འགྲོ་ཞིང་འཇུག་པ་དང་། སྟོབས་བཅུའི་རྒྱན་དང་། ཆོས་ཐམས་ཅད་རྣམ་པར་དག་པ། ཐབས་མཁས་ཞུགས་པས་ཆོས་སྣ་ཚོགས་དང་། ་ཆོས་དུ་མ་དང། ཆོས་ཐམས་ཅད་་དང་། སྟོན་པ་འགལ་བ་མེད་པ་དང། དུས་གསུམ་དུ་དབྱེར་མེད་པ། ཆོས་ཀྱི་དབྱིངས་ཐམས་ཅད་དང་། ཆོས་ཐམས་ཅད་དང་། ཆོས་ཐམས་ཅད་དངོས་པོ་མེད་པའི་དབང་གི་ཕ་རོལ་དུ་སོང་བ། ཆོས་ཐམས་ཅད་ཀྱི་དབང་གི་འབྱུང་གནས་ཀྱི་མཛོད་ཀྱི་ཁྱད་པར་ཆོས་ཐམས་ཅད་ཀྱི་ཚུལ་དྲན་ཞིང་ཀུན་ནས་གཏི་མུག་པ་ཞིང་ཐམས་ཅད་དུ་འགྲོ་བའི་དབང་དང་། རྒྱུ་མོའི་ཕྱོགས་མ་ལུས་པ་ཐམས་ཅད་ཀྱི་མདོ། མེད་བཅུ་རྡུལ་ཡབ་ལ་མི་གནས་པ། བརྟན་པར་གནས་ཤིང་མི་འཕོ་བ། ཡེ་ཤེས་ཀྱི་ལྟ་བ་ཆོས་མ་ལུས་པ་པ་ལ་ཐམས་ཅད་ཀྱི་མཐར་ཐུག་པ། ཟག་པ་ཐམས་ཅད་ཡོངས་སུ་ཟད་ཅིང་ཟག་པ་མེད་པ། སེམས་རྣམ་པར་གྲོལ་བ། ཤེས་རབ་རྣམ་པར་གྲོལ་བ། ཤིན་ཏུ་རྣམ་པར་གྲོལ་བ། ཡང་དག་པའི་མཐའ་མི་ཟད་པའི་མཆོག་ཆགས་པ་མེད་པར་གནས་པ། རྟག་ཏུ་མཉམ་པ་དང་རབ་ཏུ་ལྡན་པ། དུས་གསུམ་ལ་ཆགས་པ་མེད་པར་གནས་པ། སེམས་ཀྱི་སྐད་ཅིག་མ་ལ་དུས་གསུམ་གྱི་སེམས་ཀྱི་སྤྱོད་པ་ཐམས་ཅད་མ་ལུས་པར་རབ་ཏུ་ཤེས་པ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་སྟོབས་བརྒྱད་པའོ། ། 9. སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུ་དང་། ལུས་གཅིག་ཏུ་འདུས་པ། སངས་རྒྱས་ཐམས་ཅད་ཀྱི་སྐུ་དང་། ཡུལ་ཚད་མེད་པ་མཐའ་དང་། དབུས་མེད་པའི་སྐུ་ཡོངས་སུ་གྲུབ་པ། འཇིག་རྟེན་ཐམས་ཅད་ཡོངས་སུ་འཛིན་པའི་སྐུ། ཁམས་གསུམ་གྱིས་མི་གོས་པའི་སྐུ། རྐྱེན་གྱི་སྐུ་རྣམ་པར་རིག་ཅིང་ལྷག་པའི་བསམ་པས་རྗེས་སུ་དྲན་པ་ལ་བྱིན་གྱི་རླབས་ཀྱི་སྐུའི་ཚོགས་སྟོན་པ། མི་བདེན་མི་རྫུན་ཞིང་མཉམ་པ་ཉིད་རྣམ་པར་དག་པའི་སྐུ། འོང་བ་དང་། འགྲོ་བ་མེད་པའི་ཆོས་ཀྱི་སྐུ་འདུས་པ། འདུས་མ་བྱས་ཤིང་འཇིག་པ་མེད་པའི་སྐུ། མཚན་ཉིད་གཅིག་དང་། མཚན་ཉིད་མེད་པའི་ཆོས་ཀྱི་ངོ་བོ་ཉིད་ཀྱི་སྐུ། ཡུལ་ན་མི་གནས་ཕྱོགས་ན་མི་གནས་པའི་སྐུ་ཚོགས་མ་ལུས་པ་ཐམས་ཅད་ཀྱི་སྐུ། སངས་རྒྱས་ཁྱུ་མཆོག་རྣམ་པར་སྤྲུལ་པའི་སྐུ། ཁ་དོག་མཐའ་ཡས་པའི་སྐུ། སྐུ་ཐམས་ཅད་རྗེས་སུ་འབྲང་བ། སྐུ་སྣ་ཚོགས་སུ་རྣམ་པར་རིག་པ། ཆོས་ཀྱི་སྐུའི་ཚུལ་གྱི་རྗེས། སུ་སོང་བ། མཐའ་ཡས་པར་སྣང་བའི་ཡེ་ཤེས་ཀྱི་སྙིང་པོའི་དཀྱིལ་འཁོར་གྱི་མཛོད་ཀྱི་སྐུ། བྱ་བ་སྣ་ཚོགས་མེད་པ་དང་། ཆོས་ཐམས་ཅད་ཀྱི་དབྱིངས་སྟོན་པའི་སྐུ། སེམས་ཅན་གྱི་ཁོམས་མ་ལུས་པ་ཐམས་ཅད་ལ་ཁྱབ་པར་གསལ་བའི་སྐུ་འདུས་པ།མི་གཡོ། མི་སེམས་པའི་སྐུ་རྣམ་པར་དག་པ། མེད་པ་དང་། མེད་པོ་མ་ཡིན་པ་དང་། ཚུལ་དང་། ཚུལ་མ་ཡིན་པས་ཕྱེ་པའི་སྐུ། སེམས་ཅན་ཐམས་ཅད་ཀྱི་དད་པ་སྣ་ཚོགས་ཀྱི་རྗེས་སུ་སོང་ཞིང་འདུལ་བའི་སྐུ།། འགགས་པ་དང་། འགགས་པ་མ་ཡིན་པ་འདུལ་བ་ལ་རབ་ཏུ་གཟིགས་པའི་ཡོན་ཏན་དཀོན་མཆོག་ཐམས་ཅད་བྱུང་བ་བསྒྲེང་བའི་དྷ་སྐུ། ཆོས་ཐམས་ཅད་སངས་རྒྱས་ཀྱི་ཆོས་དང་། དེ་བཞིན་ཉིད་འདུས་པའི་སྐུ། རང་བཞིན་གྱིས་ཤིན་ཏུ་ཞི་བ་དང་། བསྒྲིབས་པ་མེད་པའི་མཐའི་སྐུ། ཐོགས་པ་མེད་པའི་ཆོས་ཐམས་ཅད་ལས་སྐྱེས་པའི་སྐུ། ཐམས་ཅད་ཀྱི་རྗེས་སུ་སོང་བ། ཆོས་ཀྱི་དབྱིངས་དག་པ། འཇིག་རྟེན་ཐམས་ཅད་དུ་རྣམ་པར་ཕྱེ་བའི་སྐུ། བརྩམ་པ་ལས་མི་ལྡོག་པ། སངས་རྒྱས་ཀྱི་རྣམ་པར་ཐར་པའི་ཡེ་ཤེས་ཐམས་ཅད་ཀྱི་རྗེས་སུ་འབྲང་པ། ཀུན་རྗེས་སུ་འབྲང་བའི་སྐུ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་སྟོབས་ཀྱི་དཔལ་དང་། སངས་རྒྱས་ཀྱི་ཆོས་ཀྱི་འདུས་པ་དགུ་པའོ། ། 10. སངས་རྒྱས་བཅོམ་ལྡན་འདས་མཉམ་པ་དང་། མི་མཉམ་པའི་ཡེ་ཤེས་རྣམ་པར་ཆད་པ་དེ་བཞིན་གཤེགས་པ་ཐམས་ཅད་བྱང་ཆུབ་སེམས་དཔའི་སྤྱོད་པ་ཐམས་ཅད་ལས་བྱུང་བ། སྤྱོད་པ་ལས་མངོན་པར་བྱུང་བ། སྨོན་ལམ་གྱི་ཁྱད་པར་དང་། བྱང་ཆུབ་སེམས་དཔའི་སྤྱོད་པ་རྣམ་པར་དག་པ། བྱང་ཆུབ་སེམས་དཔའི་སྤྱོད་པ་ཐམས་ཅད་ཡོངས་སུ་རྫོགས་པའི་ཡེ་ཤེས་བྱ་བ་སྣ་ཚོགས་མེད་པའི་སངས་རྒྱས་ཐམས་ཅད་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ལས་བྱུང་བ། བྱང་ཆུབ་སེམས་དཔའི་སྤྱོད་པ་རྒྱ་མཚོའི་སྤྱོད་པ་ཐམས་ཅད་ཀྱི་ཆོ་ག་ཤེས་པ། སྨོན་ལམ་ཆེན་པོ་དང་། སྤྱོད་པ་མི་ཆུང་བ། སྤྱོད་པ་ཐམས་ཅད་ཡོངས་སུ་རྫོགས་པར་དཀའ་བ་མ་ཡིན་པ། སྤྱོད་པའི་སྟོབས་བརྗོད་པར་དཀའ་བའི་སྤྱོད་པ་ཐམས་ཅད་ལས་བྱུང་ཞིང་སྤྱོད་པ་ཐམས་ཅད་རྣམ་པར་དག་པ། བྱང་ཆུབ་སེམས་དཔའི་སྤྱོད་པ་བཟང་པོ་སྤྱད་པ་མི་འབྲི་བར་སྤྱོད་པ། སངས་རྒྱས་ཐམས་ཅད་ཏིང་ངེ་འཛིན་ཚད་མེད་པ་ཐམས་ཅད་ལ་གནས་པ། སྤྱོད་ཡུལ་མཐའ་ཡས་པ་ལམ་ཐམས་ཅད་སྟོན་པ། ལམ་མ་ཡིན་པའི་ཡུལ་དང་། ལམ་ཐམས་ཅད་ལ་ཞུགས་པ། ཡེ་ཤེས་མཆོག་གི་སྟོབས་ཆོག་ཤེས་པ། འཛེམ་པ་མེད་པར་ཆོས་ཀྱི་འཁོར་ལོ་འབེབས་པ། དགེ་བ་འདྲི་བ་དང་། མི་འདྲི་བ་དང་།བཙུན་པའི་ཆོས་ཀྱི་ཚུལ་སྟོན་པའི་ཡེ་ཤེས་མཉམ་པ་དང་མཉམ་པའི་ཡེ་ཤེས་ཤིན་ཏུ་ཡོངས་སུ་དག་པ། ལུས་དང་།ངག་དང་། ཡིད་ཀྱི་སྤྱོད་པ་གསུམ་ཡོངས་སུ་དག་པ། སངས་རྒྱས་ཀྱི་སྒོ་མ་རྙེད་པ་དང་། སངས་རྒྱས་ཀྱི་སྤྱོད་པས་སོང་བ་དེ་བཞིན་གཤེགས་པ་ཐམས་ཅད་ཀྱི་རིགས་དང་། སངས་རྒྱས་ཀྱི་ཡེ་ཤེས་དང་། མཛད་པ་ཐམས་ཅད་ལ་ཞུགས་པ། ཐམས་ཅད་མཁྱེན་པ་ལ་གནས་པ། ཚད་མེད་པར་སྟོན་པ་དག་གནས་པ། རྩ་བ་མེད་ཅིང་མཐའ་མེད་པའི་མངོན་པར་ཤེས་པ་ཐམས་ཅད་ཀྱི་ཡེ་ཤེས་བསམ་གྱིས་མི་ཁྱབ་པ།: ཡེ་ཤེས་འཇིག་རྟེན་གྱི་སེམས་ཅན་རྣམས་ཀྱི་རྗེས་སུ་འགྲོ་བ། འགྲོ་བ་མ་ལུས་པ་ཐམས་ཅད་ཀྱི་ཐམས་ཅད་ཆོས་ཐམས་ཅད་ཀྱི་ཡེ་ཤེས་མཐོང་བ་དང་། ཕྲ་བ་མ་ལུས་པ་མཐའ་དང་། དབུས་མེད་པའི་ཡེ་ཤེས། དུས་གསུམ་ཐམས་ཅད་ལ་འཇུག་པའི་ཚུལ་དང་ཕྲ་བའི་ཡེ་ཤེས་རྗེས་སུ་རྟོགས་པ། འཇིག་རྟེན་གྱི་ཁམས་མ་ལུས་པ་ཐམས་ཅད་རྣམ་པར་དག་པ་དང་། འ འཇིག་རྟེན་ལས་འདས་པའི་དོན་དང་། ཡེ་ཤེས་དང་། སངས་རྒྱས་ཀྱི་མཛད་པར་བརྗོད་དུ་མེད་པ་འཇིག་རྟེན་གྱི་ཁམས་ཐམས་ཅད་དང་ལྡན་ཞིང་། ཕྱིར་མི་ལྡོག་པའི་ཡེ་ཤེས་ཀྱི་སངས་རྒྱས་ཐམས་ཅད་ཀྱི་སྐུ། གྲངས་ལ་འཇུག་པའི་ཡེ་ཤེས་ཀྱི་ཆོས་ཡི་གེ་མེད་པར་རབ་ཏུ་རྟོག་པ། བརྗོད་དུ་མེད་པའི་ཡེ་ཤེས་སྣ་ཚོགས་རྣམ་པར་ཕྱེ་བ་དང་། ཡི་གེ་ཐམས་ཅད་བརྗོད་དུ་མེད་པར་ཤེས་པར་བྱེད།. ཡེ་ཤེས་ཀྱི་དགེ་བར་སྤྱོད་པའི་ཆོས་ཐམས་ཅད་རྣམ་པར་དག་པ་ཀུན་ཏུ་བཟང་པོའི་ཡེ་ཤེས་ཀྱི་རིམ་པ། སེམས་སྐད་ཅིག་མ་གཅིག་དང་ལྡན་པའི་ཡེ་ཤེས་ཀྱིས་ཆོས་ཐམས་ཅད་ཅད་ཁོང་དུ་ཆུད་པའི་ཡེ་ཤེས་ཇི་ལྟར་འོས་པ་དང་། སེམས་ཅན་ཐམས་ཅད་ཀྱི་ལུས་དང་། ཇི་ལྟར་སྐྱེ་མཆེད་ཀྱི་ཆོས་གཏོང་བར་རབ་ཏུ་ཡིད་ལ་བྱེད་པའི་ཡེ་ཤེས་ཆོས་ཐམས་ཅད་ཀྱི་ཡུལ་གྱི་མཚམས་མ་ཡིན་པ། འཇིག་རྟེན་གྱི་ཡུལ་ཁམས་མ་ལུས་པ་ཐམས་ཅད་དང་།: འགྲོ་བ་མ་ལུས་པ་ཐམས་ཅད་དང་། སེམས་ཅན་མ་ལུས་པ་ཐམས་ཅད་དང་། ཆོས་ཀྱི་དབྱིངས་མ་ལུས་པ་ཐམས་ཅད་དང་། དུས་གསུམ་གྱི་སེམས་ཀྱི་སྐད་ཅིག་མ་གཅིག་ལ་ཆགས་པ་མེད་པའི་ཡེ་ཤེས་ཀྱི་མཐོང་བའི་ཡུལ་དེ་བཞིན་གཤེགས་པ་མ་ལུས་པ་ཐམས་ཅད་ཀྱི་ས་རྒྱུས་འབྱུང་བའི་ཡུལ་ལ་འཇུག་ཅིང་ཐམས་ཅད་འདུས་པའི་ཡུལ་མ་ལུས་པ་ཐམས་ཅད་ཀྱི་རྗེས་སུ་སོང་བ། རྣམ་པར་དག་པར་སངས་རྒྱུས་ཀྱི་ཡིད་ཀྱི་མཚམས་སུ་ཐོབ་པ་མངོན་པར་མཁྱེན་ཅིང་ཡུལ་ཐམས་ཅད་ལས་མངོན་པར་སངས་རྒྱས་པ། སེམས་ཅན་གྱི་སེམས་དང་། ཡིད་ཀྱི་རྣམ་པར་ཤེས་པ་མ་ལུས་པ་ཐམས་ཅད་རྟོགས་པ། དུས་གསུམ་གྱིས་སངས་ཕྱེ་བའི་སེམས་ཀྱི་སྐད་ཅིག་མི་ལ་ཡེ་ཤེས་ཀྱི་རྗེས་སུ་སངས་རྒྱས་ཤིང་མཚམས་མ་ཡིན་པའི་སངས་རྒྱས་པ། སེམས་ཅན་ཐམས་ཅད་དུ་འགྲོ་བ་མཐའ་ཡས་ས་པ་དང། འཇིག་རྟེན་གྱི་ཁམས་ཐམས་ཅད་དུ་འགྲོ་བ་མཐའ་མེད་པ་དང་། འཇིག་རྟེན་གྱི་ཁམས་ཐམས་ཅད་དུ་འགྲོ་བ་མཐའ་ཡས་པ་དང་། དུས་གསུམ་ཐམས་ཅད་དུ་འགྲོ་བ་དཔག་ཏུ་མེད་པ་དང། སངས་རྒྱས་ཁྱུ་མཆོག་ཐམས་ཅད་དུ་འགྲོ་བ་དང་། ཁོང་དུ་ཆུད་པ་མ་ལུས་པ་ཐམས་ཅད་དུ་འགྲོ་བ་དང་། དེ་དག་མ་ལུས་པ་ཐམས་ཅད་ལས་མངོན་པར་རྫོགས་པར་སངས་རྒྱུས་པ་རྣམ་པར་ཆུད་པ་ཐམས་ཅད་ཀྱི་རྗེས་སུ་འགྲོ་ཞིང་སངས་རྒྱས་ཀྱི་ཡེ་ཤེས་མི་གཏོང་བ།། སངས་རྒྱས་ཐམས་ཅད་རྫུ་འཕྲུལ་རྣམ་པར་སྤྲུལ་པ་ལ་ཞུགས་ཏེ། དེ་ན་སངས་རྒྱས་བཅོམ་ལྡན་འདས་མཐའ་དང་། དབུས་མེད་པར་གནས་པ། སངས་རྒྱས་ཁྱུ་དུས་ཁྱུ་མཆོག་གི་སྐུ་མཐའ་དང་། དབུས་མེད་པོར་གནས་པ། སེམས་ཆགས་པ་མེད་པར་གནས་པ། མཐའ་དང་། དབུས་མེད་པའི་སྙིང་རྗེ་ཆེན་པོ་ལ་སྦྱོར་བ་ལ་གནས་པ། དུས་ཐམས་ཅད་དུ་རྟག་ཏུ་རྒྱུན་མི་འཆད་པར་ཆོས་སྟོན་པར་གནས་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཐུ་ཆེན་པོའི་སྟོབས་ཀྱི་དཔལ་དང་། ཡེ་ཤེས་ཆེན་པོ་ལ་གནས་པའི་ཆོས་བཅུ་་པའོ། ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་བཅུ་སྟེ། སེམས་ཅན་ཐམས་ཅད་དང་། འདས་པ་དང་། མ་འོངས་པ་དང། ད་ལྟར་བྱུང་བའི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་བསམ་གྱིས་མི་ཁྱབ་ཅིང་ཚད་མི་ཟིན་པའོ། །
Tibetan Source	《མདོ་བ་པ་》ཤ་286བ་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number