9745

Tibetan	སངས་རྒྱས་ཀྱི་ཡང་དག་པ་དང་།བདེན་པའི་ཚུལ་དུ་མྱ་ངན་ལས་འདས་པ་ཆེན་པོ་ཡོད་པར་གསུངས་པ་བཅུ།
Tibetan Alternate
Tibetan Definition	དེ་ཡང་། འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་མདོ་ལས་བྱུང་བ་ལྟར་ན་ཁག་གཉིས་ཡོད་པ་སྟེ། ཁག་དང་པོ། 1. དེ་བཞིན་གཤེགས་པ་རྣམས་ཀྱིས་ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པ་ཡོངས་སུ་སྤངས་པས་མྱ་ངན་ལས་འདས་པ་ཞེས་བྱ་བ། 2. དེ་བཞིན་གཤེགས་པ་རྣམས་ཀྱི་གང་ཟག་ལ་བདག་མེད་པ་དང་། ཆོས་ལ་བདག་མེད་པར་མངོན་དུ་མཁྱེན་པས་མྱ་ངན་ལས་འདས་པ་ཞེས་བྱ་བ། 3. ལུས་ཀྱི་གནས་དང་། ཆོས་ཀྱི་གནས་སུ་གྱུར་པས་མྱ་ངན་ལས་འདས་པ་ཞེས་བྱ་བ། 4. སེམས་ཅན་རྣམས་འདུལ་བར་མཛད་པ་ལྷུན་གྱིས་གྲུབ་པའི་ཕྱིར་མྱ་ངན་ལས་འདས་པ་ཞེས་བྱ་བ། 5. ཡང་དག་པ་ཉིད་མངོན་དུ་གྱུར་པས་མཚན་ཉིད་ཐ་དད་པ་མེད་པས་ཆོས་ཀྱི་སྐུར་མཉམ་པའི་ཕྱིར་མྱ་ངན་ལས་འདས་པ་ཞེས་བྱ་བ། 6. འཁོར་བ་དང་། མྱ་ངན་ལས་འདས་པའི་རང་བཞིན་གཉིས་སུ་མེད་པར་མངོན་དུ་གཟིགས་པས་མྱ་ངན་ལས་འདས་པ་ཞེས་བྱ་བ། 7. ཆོས་ཐམས་ཅད་ཀྱི་ངོ་བོ་ཉིད་རྟོགས་པས་རྣམ་པར་དག་པ་མངོན་དུ་གྱུར་པའི་ཕྱིར་མྱ་ངན་ལས་འདས་པ་ཞེས་བྱ་བ། 8. ཆོས་ཐམས་ཅད་སྐྱེ་བ་མེད་པ་དང་། འཇིག་པ་མེད་པ་སྒྲུབ་པ་ལ་མཁས་པས་མྱ་ངན་ལས་འདས་པ་ཞེས་བྱ་བ། 9. དེ་བཞིན་ཉིད་དང་། ཆོས་ཀྱི་དབྱིངས་ཡང་དག་པའི་མཐའ་མཉམ་པའི་ཡེ་ཤེས་ཐོབ་པའི་ཕྱིར་མྱ་ངན་ལས་འདས་པ་ཞེས་བྱ་བ། 10. ཆོས་ཐམས་ཅད་ཀྱི་དེ་བཞིན་ཉིད་དང་། མྱ་ངན་ལས་འདས་པའི་དེ་བཞིན་ཉིད་ལ་བྱེ་བྲག་མེད་པར་མཁྱེན་པས་མྱ་ངན་ལས་འདས་པ་ཞེས་བྱ་བའོ། ། ཁག་གཉིས་པ། 1. ཉོན་མོངས་པ་ཐམས་ཅད་ཀྱི་གཞི་ནི་མོས་པ་དང་། འདོད་པ་སྟེ་གུང་མོས་པ་ལས་འདོད་པ་སྐྱེའོ། ། སངས་རྒྱས་བཅོམ་ལྡན་འདས་རྣམས་ནི་མོས་པ་དང་། འདོད་པ་ལས་བྲལ་བའི་ཕྱིར་མྱ་ངན་ལས་འདས་པ་ཞེས་བྱ་བ། 2. དེ་བཞིན་གཤེགས་པ་རྣམས་ནི་མོས་པ་དང་། འདོད་པ་ཐམས་ཅད་དང་བྲལ་ནས་ཆོས་གང་ཡང་མི་ལེན་པའི་ཕྱིར་གཟུང་བ་མེད་པ་དང་། འགྲོ་བ་དང་། འོང་བ་དང་། ལེན་པ་མེད་པ་སྟེ་དེའི་ཕྱིར་མྱ་ངན་ལས་འདས་པ་ཞེས་བྱ་བ། 3. འགྲོ་བ་དང་། འོང་བ་དང་། བླང་བར་བྱ་བ་མེད་པ་དེ་ནི་ཆོས་ཀྱི་སྐུ་སྟེ་སྐྱེ་བ་དང་། འགོག་པ་མེད་པའོ། ། སྐྱེ་བ་དང་། འགོག་པ་མེད་པ་དེ་ཉིད་ལ་མྱ་ངན་ལས་འདས་པ་ཞེས་བྱ་བ། 4. སྐྱེ་བ་དང་། འགོག་པ་མེད་པ་དེ་ཚིག་གིས་མི་བརྗོད་པ་ཚིག་གི་ལམ་ཆད་པའི་ཕྱིར་མྱ་ངན་ལས་འདས་པ་ཞེས་བྱ་བ། 5. བདག་དང་། གང་ཟག་མེད་ཅིང་སྐྱེ་བ་དང་། འགག་པའི་ཆོས་ཙམ་ལ་གནས་འཕོ་བ་ཐོབ་པའི་ཕྱིར་མྱ་ངན་ལས་འདས་པ་ཞེས་བྱ་བ། 6. ཉོན་མོངས་པ་དང་། ཉེ་བའི་ཉོན་མོངས་པ་དག་གློ་བུར་ཉིད་དུ་གཟིགས་ཤིང་གང་ཆོས་ཉིད་དེ་ནི་གནས་པ་སྟེ་འོགྲོ་བ་དང་།འོང་བ་མེད་པར་སངས་རྒྱས་བཅོམ་ལྡན་འདས་ཀྱིས་མངོན་དུ་གྱུར་པའི་ཕྱིར་མྱ་ངན་ལས་འདས་པ་ཞེས་བྱ་བ། 7. ཡང་དག་པ་ནི་བདེན་པ་སྟེ་དེ་ལས་གཞན་པ་ནི་བརྫུན་པའོ། ། གང་བདེན་པ་ཉིད་ནི་ཡང་དག་པ་སྟེ་ཡང་དག་པ་ཉིད་ནི་དེ་བཞིན་གཤེགས་པ་ཉིད་པས་དེ་ལ་མྱ་ངན་ལས་འདས་པ་ཞེས་བྱ་བ། 8. ཡང་དག་པའི་མཐའ་ཉིད་ནི་སྤྲོས་པ་མེད་པ། དེ་བཞིན་གཤེགས་པ་ཉག་ཅིག་གིས་ཡང་དག་པའི་མཐའ་མངོན་དུ་གྱུར་ཅིང་སྤྲོས་པ་ཉེ་བར་ཞི་བ་དེ་ཉིད་ལ་མྱ་ངན་ལས་འདས་པ་ཞེས་བྱ་བ། 9. མི་སྐྱེ་བ་ནི་བདེན་པ། སྐྱེ་བ་ནི་བརྫུན་པ་ཡིན་པས་ན་བྱིས་པ་སོ་སོའི་སྐྱེ་བོ་རྣམས་ནི་འཁོར་བའི་འདམ་དུ་བྱིང་བ། དེ་བཞིན་གཤེགས་པའི་སྐུ་ནི་བདེན་པ་ཡང་དག་པ་མ་ཡིན་པ་་མེད་པའི་ཕྱིར་མྱ་ངན་ལས་འདས་པ་ཞེས་བྱ་བ། 10. ཡང་དག་པ་མ་ཡིན་པའི་ཆོས་ནི་རྐྱེན་ལས་སྐྱེ་བ་ཡང་དག་པའི་བདེན་པའི་ཆོས་ནི་རྐྱེན་གྱིས་བསྐྱེད་པ་མ་ཡིན་པ། དེ་བཞིན་གཤེགས་པའི་ཆོས་ཀྱི་སྐུའང་ཡང་དག་པ་བདེན་པ་ཉིད་ཡིན་པས་དེ་ལ་མྱ་ངན་ལས་འདས་པ་ཞེས་བྱ་བའོ། །
Tibetan Source	《རྒྱུད་ད་པ་》ཤ་230ན་༨ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number