10194

Tibetan	ཟླ་བའི་ཉིན་མཚན་གྱི་ཚད་བཅུ་གཉིས།
Tibetan Alternate
Tibetan Definition	དེ་ཡང་། སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། 1. དབྱར་ཟླ་ར་བ་དང་། རྒྱུ་སྐར་མཆུ་དང་། ཚེས་གནམ་སྟོང་དུ་ལྡན་པར་གྱུར་ལ། གནམ་སྟོང་སྔ་མ་གྲོ་བཞིན་དང་འཛོམ་ན། ཉིན་བར་ལ་ཡུད་ཙམ་བཅུ་བདུན་ཡོད་དོ། ། མཚན་མོ་ལ་ཡུད་ཙམ་བཅུ་གསུམ་དུ་འགྱུར་རོ། ། 2. ཤིང་བུ་སོར་དྲུག་པ་ཉི་མ་ཕྱེད་ལ་བཙུགས་ནས་གྲིབ་མ་ལ་སོར་ཕྱེད་ཕྱེད་ཀྱིས་འཕེལ་ཞིང་ཉི་མ་འགྱུར་ལ། ཆུ་སྟོད་དང་མཚན་མོ་ལྡན་ལ་ཉི་མ་དང་མགོ་འགྲོགས་ཤིང་དབྱར་གྱི་ཟླ་བ་གཉིས་པའི་གནམ་སྟོང་དང་མཆུར་འཛོམ་པ་ན། དབྱར་གྱི་གཉིས་པའི་བཅོ་ལྔ་དང་ཁྲུམས་སྟོད་དུ་ལྡན་ན་ཉིན་པར་ནི་ཡུད་ཙམ་བཅུ་དྲུག་ཏུ་འགྱུར་རོ། ། མཚན་མོ་ལ་ནི་ཡུད་ཙམ་བཅུ་བཞིར་འགྱུར་རོ། ། 3. སོར་གཉིས་ཀྱི་གྲིབ་མ་འཕེལ་ཞིང་འགྱེད་དོ། ། གྲོ་བཞིན་དང་མཚན་མོར་ལྡན་བ་ལ་ཉི་མ་དང་རྒྱལ་དུ་འགྲོགས་ཤིང་དབྱར་ཟླ་ཐ་ཆུང་གི་གནམ་སྟོང་དང་ཆུ་སྟོད་དུ་འཛོམ་པར་འགྱུར་ཞིང་ཚེས་བཅོ་ལྔ་ལ་ཐ་སྐར་དུ་འཛོམ་ན་ཡུད་ཙམ་བཅོ་ལྔ་ཉིན་པར་ལ་ཡོད་དོ། ། མཚན་མོ་ལའང་ཡུད་ཙམ་བཅོ་ལྔ་ཡོད་དོ། ། 4. སོར་གསུམ་གྱིས་གྲིབ་མ་འཕེལ་ཞིང་ཉི་མ་འགྱེད་དོ། །ཆུ་སྟོད་དང་མཚན་མོར་ལྡན་ལ་མཆུ་དང་ཉིན་མོར་འགྲོགས་ཤིང་ནག་པ་དང་། དབྱར་གྱི་ཟླ་བ་བཞི་པའི་གནམ་སྟོང་དུ་འཛོམ་ལ་སྨིན་དྲུག་དང་ཚེས་བཅོ་ལྔར་འཛོམ་ན་ཉིན་པར་ལ་ཡུད་ཙམ་བཅུ་གསུམ་ཡོད་དོ། ། མཚན་མོ་ལ་ནི་ཡུད་ཙམ་བཅུ་བདུན་ཡོད་དོ། ། 5. སོར་བཞིའི་གྲིབ་མས་ཉི་མ་འགྱེད་ལ་རྒྱུ་སྐར་དང་མཚན་མོར་ལྡན་ལ་ཆུ་སྟོད་དང་ཉིན་མོར་འགྲོགས་ན་དགུན་གྱི་ཟླ་བ་དང་པོའི་གནམ་སྟོང་དང་ལྷ་མཚམས་སུ་འཛོམ་ཞིང་མགོ་དང་བཅོ་ལྔར་ལྡན་ན་ཉིན་པར་ལ་ཡུད་ཙམ་བཅུ་གསུམ་ཡོད་དོ། ། མཚན་མོ་ལ་ཡུད་ཙམ་བཅུ་བདུན་ཡོད་དོ། ། 6. སོར་ལྔའི་གྲིབ་མས་ཉི་མ་འགྱེད་ཅིང་སྨིན་དྲུག་དང་མཚན་མོར་འཛོམ་ལ། ནག་པ་དང་ཉིན་པར་འགྲོགས་ཤིང་དགུན་གྱི་ཟླ་བ་གཉིས་པའི་གནམ་སྟོང་དང་སྣོན་དུ་འཛོམ་པར་འགྱུར་ཞིང་རྒྱལ་དང་བཅོ་ལྔར་ལྡན་ན། ཉིན་པར་ལ་ཡུད་ཙམ་བཅུ་གཉིས་ཡོད་དོ། ། མཚན་མོ་ལ་ནི་ཡུད་ཙམ་བཅོ་བརྒྱད་ཡོད་དོ། ། 7. སོར་དྲུག་གི་གྲིབ་མས་ཉི་མ་འགྱུར་ཞིང་མགོ་དང་མཚན་མོར་འཛོམ་ལ། ས་ག་དང་ཉི་མར་འགྲོགས་ཤིང་དགུན་གྱི་ཟླ་བ་གཉིས་པའི་གནམ་སྟོང་དང་ཆུ་སྟོད་དུ་འཛོམ་ལ་མཆུ་དང་བཅོ་ལྔར་ལྡན་ན། ཉིན་པར་ལ་ནི་ཡུད་ཙམ་བཅུ་གསུམ་ཡོད་དོ། ། མཚན་མོ་ལ་ནི་ཡུད་ཙམ་བཅུ་བདུན་ཡོད་དོ། ། 8. སོར་ལྔའི་གྲིབ་མ་འགྲིབ་པས་ཉི་མ་འགྱུར་ཞིང་རྒྱལ་དང་མཚན་མོར་འཛོམ་ལ་སྣོན་དང་ཉི་མ་འགྲོགས་ཤིང་དགུན་གྱི་ཟླ་བ་བཞི་པའི་གནམ་སྟོང་དང་གྲོ་བཞིན་དུ་འཛོམ་ལ་ཆུ་སྟོད་དང་བཅོ་ལྔར་འཛོམ་ན་ཉིན་པར་ལ་ཡུད་ཙམ་བཅུ་བཞིའོ། ། མཚན་མོ་ལ་ནི་ཡུད་ཙམ་བཅུ་དྲུག་གོ ། 9. སོར་བཞིའི་གྲིབ་མས་ཉི་མ་འགྱུར་ཞིང་མཆུ་དང་མཚན་མོར་འཛོམ་ལ་ཆུ་སྟོད་དང་ཉི་མ་འགྲོགས་ཤིང་དཔྱིད་ཟླ་ར་བའི་གོནམ་སྟོང་དང་ཁྲུམས་སྟོད་དུ་འཛོམ་པར་འགྱུར་ཞིང་། ནག་པ་དང་བཅོ་ལྔར་འཛོམ་ན་ཉིན་པར་ལ་ནི་ཡུད་ཙམ་བཅོ་ལྔར་འགྱུར་རོ། ། མཚན་མོ་ལའང་ཡུད་ཙམ་བཅོ་ལྔར་འགྱུར་རོ། ། 10. སོར་གསུམ་གྱི་གྲིབ་མས་ཉི་མ་འགྱུར་ཞིང་ཆུ་སྟོད་དང་མཚན་མོར་འཛོམ་ལ་གྲོ་བཞིན་དང་ཉི་མར་འགྲོགས་པར་འགྱུར་ཞིང་དཔྱིད་ཀྱི་ཟླ་བ་གཉིས་པའི་གནམ་སྟོང་དང་ཐ་སྐར་དུ་འཛོམ་ལ་ས་ག་དང་བཅོ་ལྔར་འཛོམ་ན་ཉིན་པར་ལ་ནི་ཡུད་ཙམ་བཅུ་དྲུག་ཏུ་འགྱུར་རོ། ། མཚན་མོ་ལ་ནི་ཡུད་ཙམ་བཅུ་བཞིའོ། ། 11. སོར་གཉིས་ཀྱི་གྲིབ་མས་ཉི་མ་འགྱུར་ཞིང་ནག་པ་དང་མཚན་མོར་འཛོམ་ལ་ཁྲུམས་སྟོད་དང་ཉི་མར་འགྲོགས་པར་འགྱུར་ཞིང་དཔྱིད་ཀྱི་ཟླ་བ་གསུམ་པའི་གནམ་སྟོང་དང་སྨིན་དྲུག་ཏུ་འཛོམ་པར་གྱུར་ལ་སྣུབས་དང་བཅོ་ལྔར་འཛོམ་ན་ཉིན་པར་ལ་ནི་ཡུད་ཙམ་བཅུ་བདུན་དུ་འགྱུར་རོ། ། མཚན་མོ་ལ་ནི་ཡུད་ཙམ་བཅུ་གསུམ་མོ། ། 12. སོར་གཉིས་ཀྱི་གྲིབ་མས་ཉི་མ་འགྱུར་ཞིང་སྣོན་དང་མཚན་མོར་འཛོམ་ལ་མ་ལ་སྨིན་དྲུག་དང་ཉི་མར་འཛོམ་པར་གྱུར་ཅིང་དཔྱིད་ཀྱི་ཟླ་བ་བཞི་པའི་གནམ་སྟོང་དང་རྒྱལ་དུ་འཛོམ་པར་གྱུར་ལ། ཆུ་སྟོད་དང་བཅོ་ལྔར་འཛོམ་ན་ཉིན་པར་ལ་ནི་ཡུད་ཙམ་བཅོ་བརྒྱད་དུ་འགྱུར་རོ། ། མཚན་མོ་ལ་ནི་ཡུད་ཙམ་བཅུ་གཉིས་སུ་འགྱུར་རོ། ། ཉི་མ་ཕྱེད་སྐད་ལ་སོར་ཕྱེད་པའི་གྲིབ་མས་ཉི་མ་འགྱུར་ཞིང་ཆུ་སྟོད་དང་མཚན་མོར་འཛོམ་ལ་རྒྱལ་དང་ཉིན་བོར་འགྲོགས་པར་འགྱུར་ཞིང་། ལོ་བཙལ་བས་ཡུད་ཙམ་གྱི་བྱེ་བྲག་རྣམས་ཀྱིས་རྒྱུ་སྐར་དེ་ཐམས་ཅད་ལ་ཆ་དང་། ཆ་རུ་བགོ་ཞིང་གནམ་སྟོང་དང་། བཅོ་ལྔར་ཕྱེ་བས་མཚན་མོ་་དང་། ཉིན་ཞག་ཏུ་ཤེས་པར་བྱའོ། ། ལོ་ལྔ་ལྔ་ཞིང་ཟླ་བ་རེ་རེ་ལྷག་པར་འགྱུར་ཞིང་། ཟླ་བ་དྲུག་ན་ཉིན་མཚན་མཉམ་པར་གྱུར་ལ། དེ་ལས་གཞན་ཟླ་བ་དྲུག་ནི་ཉི་མ་རིང་ལ་ཡང་ཟླ་བ་དྲུག་ནི་མཚན་མོ་རིང་ངོ་། ། ཟླ་བ་དྲུག་དྲུག་ནི་ཡུད་ཙམ་དེ་དག་མཉམ་པར་རིག་པར་བྱ་སྟེ། ཟླ་བ་དྲུག་ནི་ཉི་མ་བྱང་ཕྱོགས་སུ་འགྲོ་ལ། ཟླ་བ་དྲུག་ནི་ལྷོ་ཕྱོགས་སུ་རྒྱུའོ། ། ཟླ་བ་དྲུག་ནི་རྒྱ་མཚོ་ལ་ལྷག་པར་འབབ་པར་འགྱུར་ཞིང་ཟླ་བའི་འགྲོས་དང་། ཉི་མའི་འགྲོས་ཀྱི་དུས་འཕེལ་བར་འགྱུར་ཞིང་། རྩིས་དང་བྲལ་བས་ཤེས་པར་མི་ནུས་བ་དེ་ནི་འདི་ལྟར་ལོ་ཡིན་པར་བཤད་པར་འགྱུར་རོ། །
Tibetan Source	《མདོ་ཨ་པ་》ཤ་416བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number