10258

Tibetan	ཁྲག་འཐུང་རྩ་འཆམས་ཀྱི་དོན་ཚན་བཅུ་གསུམ།
Tibetan Alternate
Tibetan Definition	1. ཐོག་མར་རང་ལུས་ལ་བགེགས་ཀྱིས་མི་ཚུགས་པའི་ཕྱིར་ལྷའི་ང་རྒྱལ་གྱིས་བྱིན་གྱིས་བརླབས་པའི་ཆས་གོས་བགོ་ཞིང་ཕྱག་མཚན་བཟུང་། 2. ལྷ་སྲིན་གྱི་ཟེར་མི་ལྡང་བའི་ཕྱིར་གསེར་སྐྱེམས་བསྔོ། 3. གསང་སྒྲོགས་ཀྱི་ཉེས་པ་སྤང་བའི་ཕྱིར་སྣོད་བཅུད་དཀྱིལ་འཁོར་དུ་གསལ་བས་ལུས་འགྱུར་ཐུན་མོང་དུ་གཅེས་པའི་ཡན་ལག་བཅུ། ཕྱག་རྒྱ་ལ་མཁས་པ་གསུམ། ལུས་རྒྱུན་དཔེ་གསུམ་དང་མཐུན་པའི་ཡོན་ཏན་དང་ལྡན་པས་དཀྱིལ་འཁོར་གྱི་ས་གཞིར་འགྲོ། 4. རིགས་དང་མཐུན་པའི་རང་གནས་སུ་འདུག 5. སློབ་དཔོན་འཁོར་ལོའི་མགོན་པོར་བསྐྱེད་ལ་གཞན་སྲས་ཀྱི་བྱ་བས་དཀྱིལ་འཁོར་རྫོགས་པར་སྤྲོས་ལ་བསྐུར་བརླབ་དྲུང་བསྟིམ་མཆོད་བསྟོད་བྱ། 6. ཕྱོགས་ཀྱི་སློབ་མ་རྣམས་རིགས་བཞིའི་ཡུམ་དུ་བྱིན་བརླབ། 7. ཕྱོགས་བཞིའི་ཡུམ་གྱིས་མཆོད་བསྟོད་སྔོན་དུ་འགྲོ་བས་དཀྱིལ་འཁོར་བཤད་པར་གསོལ་བ་གདབ། 8. སློབ་དཔོན་གྱིས་མཁའ་ཁྱབ་ཀྱི་རྒྱལ་བ་རྣམས་ཀྱི་ཐུགས་དམ་བསྐུལ། 9. ཞེ་སྡང་རྡོ་རྗེའི་གར་གྱིས་བཀའ་བསྒོ་ཞིང་བགེགས་བསྐྲད། 10. དཀྱིལ་འཁོར་ལྷའི་སྟངས་སྟབས་ཀྱིས་ས་བཟུང་བ་ལ། འཆམས་བསྐོར་གསུར་དང་ཆོས་དབྱིངས་བསྐྱེད། ། དབང་སྡུད་མཁའ་འགྲོ་དཔའི་བསྐྱེད་དང་། ། ཉམས་པའི་བླ་འགུགས་དམ་ཅན་འབོད། ། ནམ་མཁའ་བར་སྣང་ས་གཞི་གསུམ། ། འཁོར་ལོ་རྟགས་བརྒྱུད་པདྨོར་བརླབ། ། རྡོ་རྗེ་ཕྱེད་རྐྱང་སྔགས་གསུམ་གྱིས། ། ས་བཙལ་འདུལ་ཞིང་སློབ་པའོ། ། ཞེས་པ་ལྟར་སྔོན་འགྲོའི་སྟངས་སྟབས་བཅུ་གཉིས་ཀྱིས་སྤྱིར་རློབ། མཁའ་རླུང་རཀྟ་ཞིང་ཆེན་དང་། ་། ཀེང་རུས་མེ་དཀྱིལ་གཞལ་ཡས་ཁང་། ། ཞེས་རྟེན་བསྐྱེད་པ་བདུན། ། གཙོ་བོ་དང་ནི་རིགས་བཞི་དང་། །རིགས་ལྔའི་ཡུམ་དང་གོ་རི་བརྒྱུད། ། སཾ་ཧ་མ་བརྒྱུད་སྒོ་མ་བཞི། ། དབང་ཕྱུག་མ་དང་ཕྲ་མེན་ཀྱི། ། བམ་ལེན་དཔལ་ཆེན་སྟོབས་འཆམས་སོ། །ཞེས་པའི་ནང་ཚན་གཙོ་བོ་དཔལ་ཆེན་པོའི་འགྱིང་འཆམས་ནང་གསེས་དགུ་དང་བཅས་པས་བརྟེན་པ་བསྐྱེད་པ་སྟེ་དངོས་གཞི་སོ་སོའི་སྟངས་སྟབས་ཀྱིས་བྲེ་བྲག་ཏུ་བྱིན་བརླབ། 11. ཕྱོགས་བཅུའི་བགེགས་ལ་ཕུར་བུས་གདབ། 12. རྟག་ཆད་ཀྱི་མཐའ་བསལ། 13. བསྔོ་སྨོན་དང་ཤིས་པ་བརྗོད་པས་མཐའ་བརྒྱན་པའོ། །
Tibetan Source	《ཤེས་བྱ་ཀུན་ཁྱབ་》དེབ་བར་ཆ་ཤ་293.16ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number