10387

Tibetan	དབྱིངས་རྣམ་པར་དག་པའི་སྒྲོན་མ་རྒྱས་པར་བཤད་པ་བཅུ་བཞི།
Tibetan Alternate
Tibetan Definition	དེ་ཡང་། ཚིག་དོན་མཛོད་ལས་བྱུང་བ་སྟེ། 1.ངོ་བོ་ནི། ངེས་པའི་ཡུལ་བྱེད་པ་སྟེ། སྒྲོན་མ་འབར་བ་ལས། རྣམ་དག་དབྱིངས་ཀྱི་སྒྲོན་མས་ནི། ། རིག་པ་ཡི་ནི་ངོ་བོ་སྡུད། །ལུ་གུ་རྒྱུད་ཀྱི་ར་བར་སྣང་། ། འདི་ལ་སུས་གོམས་དོན་དེ་ཉིད། ། མཐིང་ག་མི་འགྱུར་རང་གསལ་བ། ། མུ་ཁྱུད་ཀྱི་ནི་ར་བར་གནས། ། རང་གསལ་ཕྱི་ཡི་ཡུལ་དུ་སྣང་། །ངོ་བོ་ཉིད་ནི་མ་བཅོས་པའོ། ། ཞེས་སོ། ། 2.ངེས་ཚིག་ནི་དེ་ཉིད་ལས། རྣམ་པ་ཡུལ་དུ་སྣང་བ་ལ། ། དག་པ་དྲི་མའི་གྲངས་མཐའ་ཟད། ། དབྱིངས་ཀྱི་རིག་པའི་རང་ཡུལ་བྱེད། ། རྡོ་རྗེ་ཉིད་ནི་ལུ་གུ་རྒྱུད། ། འདི་ཉིད་ནང་དུ་གཞུག་པར་བྱ། ། རང་གི་ངོ་བོ་རྟོག་མེད་དུ། ། ནང་གི་དབྱིངས་ཀྱི་གོ་རར་ཡང་། ། མ་བཟུང་མི་གནས་ཚུལ་གྱིས་ནི། ། འབྲལ་བ་མེད་པར་རྒྱུན་དུ་སྣང་། ། སྒྲོན་གྱི་རྡོ་རྗེ་ལུ་གུ་རྒྱུད། ། ནམ་མཁའ་ཉིད་ལ་ཅེར་སྟོན་ཏེ། ། རང་བཞིན་མེད་པར་སྣང་བར་བྱེད། ། མས་ནི་དེ་ཡི་དོན་འཛིན་པས། ། རང་བཞིན་ཉིད་ཀྱི་ངེས་ཚིག་ཏུ། ། ཡེ་ནས་འདུ་འབྲལ་མེད་པར་གནས། ། 3.མཚན་ཉིད་ནི་མཐིང་ག་ཁྱབ་ཆེན་དང་ལྔ་ལྡན་འོད་དུ་སྣང་བ་གང་ཞིག་རིག་པའི་ཡུལ་གྱི་ཆར་གནས་པ་སྟེ། ཐལ་འགྱུར་ལས། དབྱིངས་ཉིད་དག་པའི་མཚན་ཉིད་ནི། ། མཐིང་ག་རང་རྫོགས་གཉིས་ཀྱི་ཆ། ། ཐབས་དང་ཤེས་རབ་རྫོགས་པ་ཡི། ། ཟུར་གཉིས་ཆ་ལས་སྐུ་གཉིས་འཛིན། ། རབ་ཏུ་སྣང་བ་མཆེད་པར་བྱེད། ། འདི་དག་རྣམས་ཀྱང་རང་ཤེས་རྫོགས། ། ཁྱབ་བདག་སེམས་དཔའི་གཟུགས་བརྙན་སྟོན། ། ལུ་གུ་རྒྱུད་ནི་སྲང་ནས་འདྲེན། ། དཀྱིལ་འཁོར་རྫོགས་པའི་གཟུགས་དང་མཚུངས། ། ཡེ་ཤེས་རྣམས་ཀྱི་གཟི་མདངས་སྟོན། ། འོད་ཀྱི་གཏིང་མདངས་བཀྲག་ཀྱང་སྟོན། ། སྐུ་དང་ཐིག་ལེ་འདུན་སའོ། ། དེ་ལྟར་ཡེ་ཤེས་རྫོགས་པའི་སྐུ། ། འདི་ཉིད་སུས་མཐོང་སངས་རྒྱས་ཏེ། ། སྐུ་གསུམ་ཟད་སར་རང་བཞིན་གྲོལ། ། གཟུང་འཛིན་ཕྲེང་ལས་བརྒལ་ནས་ནི། །འཁོར་འདས་རྡོས་ཐག་ཆོད་པའོ། ། 4.དབྱེ་བ་ནི་གསུམ་སྟེ། གཞིའི་དབྱིངས་རང་གི་སྙིང་ག་ན་འོད་ལྔ་ལྷུན་གྲུབ། ལམ་གྱི་དབྱིངས་མིག་གི་འོད་རྩའི་རང་འོད་སྣང་བ། ཡུལ་ལ་སྣང་བའི་དབྱིངས་མཐིང་ག་དང་ལྔ་ལྡན་ཏེ། དེ་ཉིད་ལས། དབྱེ་ན་རྣམ་པ་གསུམ་ཡིན་ཏེ། གཞི་ལ་གནས་པའི་དབྱིངས་ཀྱིས་ནི། ། རིག་པའི་ཡེ་ཤེས་སྐུ་རུའི་འཛིན། ། ལམ་ལ་སྣང་བའི་དབྱིངས་ཀྱིས་ནི། ། རིག་པའི་ཐིག་ལེའི་དྭངས་མ་བསྡུས། །ཡུལ་ལ་སྣང་བའི་དབྱིངས་ཀྱིས་ནི། ། ལུ་གུ་རྒྱུད་དེ་བཙོན་དུ་འཛིན། ། འདི་ཀུན་དེ་ཡི་དབྱེ་བའོ། །ཞེས་སོ། ། 5.རྟེན་ནི་ཐལ་འགྱུར་ལས། རྣམ་དག་དབྱིངས་ཀྱི་བརྟེན་པ་ཡི། ། སྨིན་མཚམས་ཉིད་དང་ནམ་མཁའ་དང་། ། འོད་དང་ཐིག་ལེ་དག་དང་ཡང་། ། སྣ་ཚོགས་སྐུ་ལ་བརྟེན་པའོ། །ཞེས་སོ། ། 6.རང་བཞིན་ནི། དབྱིངས་སྣང་ལ་གཏད་པས་རྣམ་པར་མི་རྟོག་པའི་ཏིང་ངེ་འཛིན་མཉམ་གནས་ཀྱི་དབྱིངས་ཆོས་ཉིད་ཟད་པའི་དགོངས་པ་ལ་ངང་གིས་བློ་གནས་པ་སྟེ། སྒྲོན་མ་འབར་བ་ལས། རང་བཞིན་སྣང་བ་མ་འགགས་པས། ། བློ་དངོས་དྲན་པ་ཀུན་ཟད་དེ། ། སྣང་བ་རང་དག་དབྱིངས་སུ་ནི། ། རྟོག་པ་མེད་པའི་རིག་པར་ཡང་། ། མི་གཡོ་མཉམ་པ་ཉིད་ཤེས་པས། ། ཐམས་ཅད་མཉམ་པའི་དབྱིངས་སུ་ཡང་། །ཡེ་ནས་རྣམ་པར་ཟད་པར་ནི། ། རང་བཞིན་རྣམ་དག་དབྱིངས་སུ་གནས། །ཞེས་སོ། 7.ཡུལ་ནི་ནམ་མཁའ་སྟོང་པ་ལ་འོད་ལྔ་དང་གསལ་བ་སྟེ། ཐལ་འགྱུར་ལས། དབྱིངས་ཀྱི་ཡུལ་ནི་སྟོང་པ་དང་། ། གསལ་དང་སྒྲིབ་བྲལ་མདངས་འབྱིན་པ། ། ཁྱབ་ཅིང་ཡངས་ལ་གཅིག་འདུས་པའོ། ། བག་རྡུལ་དེངས་པའི་ནམ་མཁའ་ལ། ། མཉམ་རྫོགས་ཆོས་ཉིད་དག་པའོ། ། གསལ་ཞིང་ཡེ་ཤེས་ལྔ་ཡི་མདངས། ། འོད་གསལ་དག་པའི་ཡུལ་ཉིད་དོ། ། 8.དགོངས་པ་ནི་སྔ་མ་ལས། དབྱིངས་ཀྱི་རིག་པའི་རང་ཡུལ་བྱེད། ། ལུ་གུ་རྒྱུད་ནི་སྲང་ནས་འདྲེན། །ཞེས་སོ། ། 9.ཚད་ནི་དབྱིངས་སྨིན་མཚམས་ལས་སོར་བཞིའི་ཡར་མཚམས་སུ་སྣང་དུས་དང་པོ་མཐིང་ག་ལས་ཁ་དོག་ལྔར་མཆེད་པ་སྟེ། སྒྲོན་མ་འབར་བ་ལས། མཐིང་ག་མི་འགྱུར་སྣང་བ་ལས། ། ཁ་དོག་གསལ་བའི་འོད་ལྔར་ཡང་། ། འདི་ཉིད་རབ་ཏུ་གསལ་འགྱུར་ཞིང་། ། རང་གི་མདུན་གྱི་ཡར་མཚམས་སུ། ། སོར་བཞིའམ་ནི་མཐོ་གང་ལས། ། འཕགས་ཏེ་ལུས་དང་བྲལ་བ་ནི། ། དེ་ཡི་ཚད་དུ་དེ་འགྱུར་རོ། ། ཞེས་སོ། ། 10.གནས་ནི་གསུམ་སྟེ། ཕྱིའི་ཡུལ་གནས་ནམ་མཁའ། བར་གྱི་འཆར་གནས་མིག་ཟུང་། ནང་གི་གཞི་གནས་ཙིཏྟའོ། ། སྔ་མ་ལས། མིག་ནི་འབྱུང་བའི་རྐྱེན་མེད་ལ། ། གནས་པར་རང་གི་རིག་པ་ཉིད། ། ལུ་གུ་རྒྱུད་དུ་སྣང་བ་སྟེ། ། སྤྲིན་བྲལ་མཁའ་ལ་འཛིན་པར་བྱེད། ། རང་ཤེས་ནང་དུ་གསལ་བའི་ཚེ། ། ཙིཏྟའི་དཀྱིལ་དུ་གནས་པ་ཡིན། ། ཕྱིར་འཕྲོས་སྤྲིན་བྲལ་ནམ་མཁའ་ལའོ། ། ཞེས་སོ། ། 11.སྒོ་ནི་ཡང་དེ་ཉིད་ལས། འདི་ཡི་འཆར་སྒོ་མིག་ནས་ཀྱང་། ། འགྱུར་མེད་ཁྱབ་པའི་ཚུལ་དུ་སྣང་། ། ཞེས་སོ། ། 12.དངོས་ནི་ཡར་མཚམས་སུ་དང་པོ་མཐིང་ག་ཁྱབ་པ་ཆེན་པོའི་འོད་ལས་རྣམ་ལྔ་རང་གསལ་འཇའ་འོད་ཀྱི་ནང་ན་མུ་ཁྱུད་ཀྱི་ར་བས་བསྐོར་བའི་ཐིག་ལེ་པད་འདབ་དང་བཅས་པ་ནི་དབྱིངས་ཀྱི་ར་བ་ཞེས་བྱ་བའམ་འཇའ་འོད་ཀྱི་དབྱིངས་ཀྱི་སྣང་བ་ཞེས་བྱ། མཐིང་ག་ནི་དབྱིངས་རང་ངོ་ཞེས་བྱ་སྟེ། སྒྲོན་མ་འབར་བ་ལས། མིག་ གི་རྣམ་ཤེས་དག་པ་ལ། ། གསལ་བྱེད་འབར་བའི་འོད་ཟེར་ལྔ། ། མི་འགྱུར་ཁྱབ་པའི་ཚུལ་དུ་ཡང་། ། མཐིང་གའི་རང་མདངས་ཆེན་པོར་གནས། ། འཆར་བྱེད་སྣང་བ་མ་འགགས་པས། །ཕྱི་ཡི་ཡུལ་ལ་རྣམ་པར་སྣང་། ། 13.དཔེ་ནི། མུ་ཏིག་ཕྲེང་བ་ལས། དཔེར་ན་ནམ་མཁའི་འཇའ་ཚོན་ལྟར། ། དག་པས་ཉོན་མོངས་དྲི་མ་ཟད། ། ཅེས་པ་དང་། སྒྲོན་མ་འབར་བ་ལས། དཔེར་ན་ཡི་གེ་ན་རོ་བཞིན། ། གཉིས་ཀྱི་ཟུང་སྟེ་སྡོམ་པས་གཅིག ། ནག་པོ་བསྒྱུར་དུ་བཏུབ་པ་མིན། ། དེ་ལ་གོམས་པའི་གདེང་རྙེད་ནས། ། བར་སྣང་འཇའ་ཚོན་ཇི་བཞིན་དུ། ། ཁ་དོག་མ་འདྲེས་ཡོངས་སུ་རྫོགས། ། དེ་ནས་ཡང་ནི་གོམས་སྟོབས་ཀྱིས། ། དེ་ཡི་རྟགས་དང་ལྡན་པ་ལ། །བར་སྣང་ཁམས་ཀྱང་དེ་བཞིན་ནོ། ། ཞེས་སོ། ། 14.གནད་ནི། ཇི་ལྟར་ཉམས་སུ་ལེན་པའི་གནད་ནི་དང་པོ་འཁོར་འདས་རུ་ཤན་ཕྱེ་བས་དབྱིངས་སྣང་ངོ་སྤྲད་དེ་སྣ་རྩེར་མིག་གཏད་པས་འཇའ་འོད་དུ་སྣང་དུས་མིག་ཟུང་གཉིས་ལ་དལ་བུས་འཁྲིད་དེ་ནམ་མཁར་བལྟ་ཞིང་ཉི་མའི་ཟུར་ནས་ཁྲིད་པས་གང་གཏད་ཀྱི་སར་སྣང་བ་སྟེ། ཟླ་བ་དང་མར་མེའི་འོད་ཀྱི་དཀྱིལ་ལ་གཏད་པས་སྣང་སྟེ་རིམ་གྱིས་མཆེད་ནས་འཁྲུལ་སྣང་འོད་གསལ་དུ་འཆར་བ་ནི་གོམས་པའི་ཚད་ཀྱིས་མཐོང་བ་སྟེ། སྒྲོན་མ་འབར་བ་ལས། འཁོར་འདས་རུ་ཤན་ཕྱེད་པ་ནི། ། ལུས་ངག་རྣམས་ནི་རྣལ་དུ་དབབ། ། དེ་ནས་དབྱིངས་རིག་སྣང་བ་བརྟག ། འདི་ལ་གོམས་པའི་ཚད་རྙེད་ན། ། ཕྱི་རོལ་ཉིད་ཀྱི་སྣང་བ་ནི། ། གོང་ནས་གོང་དུ་ཡང་འཕེན་པར། ། རིམ་གྱིས་རང་བཞིན་གོམས་ཆེན་ཐོབ། ། འདི་ལ་བརྟན་པའི་ཚད་རྙེད་ན། ། ཆོས་རྣམས་ཟད་སར་འགྱུར་བ་ནི། ། དེ་ཉིད་གོམས་པར་བྱ་ བ་ཡིན། ། ཡན་ལག་ཏུ་ནི་ངས་བཤད་དོ ། །
Tibetan Source	《ཀློང་ཆེན་མཛོད་བདུན་ག་པ་》ཤ་58ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number