11023

Tibetan	འཕྲིན་ལས་རྣམ་པ་ཉི་ཤུ་རྩ་བདུན།
Tibetan Alternate
Tibetan Definition	དེ་ཡང་། འདུས་བྱས་དང་འདུས་མ་བྱས་རྣམ་པར་ངེས་པ་ལས་བྱུང་བ་ལྟར་ན་ཁག་གཉིས་ཡོད་པ་སྟེ། ། ཁག་དང་པོ། 1.བཅོམ་ལྡན་འདས་དེ་གཟུགས་སུ་སྤྲུལ་ཏེ་གང་དམྱལ་བ་པ་རྣམས་ཀྱི་དམྱལ་བའི་མེ་སྦུབས་ནས། དུད་འགྲོ་རྣམས་རང་གི་ཤ་ལ་སོགས་པ་བྱིན་ཞིང་ཡི་དྭགས་རྣམས་ལ་བཟའ་བཏུང་ལ་སོགས་པ་བྱིན་ཏེ། ཆོས་བསྟན་པས་སེམས་མངོན་པར་དང་བས། དེ་རྣམས་ལྷ་དང་མི་རྣམས་སུ་སྐྱེ་བར་བྱེད་དོ། ། 2.ལྷ་རྣམས་ཀྱང་ཐེག་པ་དམན་པ་ལ་མོས་པ་རྣམས་ལ་ཆོས་བསྟན་པས་མངོན་པར་རབ་ཏུ་དང་བས། མི་རྣམས་སུ་སྐྱེས་པ་ནས་ཇི་སྲིད་དུ་ཉན་ཐོས་ཀྱི་བྱང་ཆུབ་ལ་རབ་ཏུ་འཇོག་པར་བྱེད་པ་ནི་འགྲོ་བ་ཞི་བར་བྱེད་པའི་ལས་སོ། ། 3.གང་དག་མི་རྣམས་ལ་ཕྱི་དང་ནང་གི་བདག་ཉིད་ཀྱི་ཟང་ཟིང་གི་སྦྱིན་པ་དང་འཇིག་རྟེན་དང་འཇིག་རྟེན་ལས་འདས་པའི་ཆོས་ཀྱི་སྦྱིན་པ་དང་། དོན་སྤྱོད་པ་དང་། དོན་མཐུན་པ་རྣམས་ལ་་སློབ་པར་བྱེད་པ་ནི་བསྡུ་བའི་དངོས་པོ་ལ་བཀོད་པར་བྱེད་པའི་ལས་སོ། ། 4.ཤེས་བྱའི་སྒྲིབ་པ་དང་ཉོན་མོངས་པའི་སྒྲིབ་པ་དག་གིས་ཀུན་ནས་ཉོན་མོངས་པ་དང་རྣམ་པར་བྱང་བ་དེ་དག་ནུབ་པར་གྱུར་པ་སྟེ། དེའང་གང་ཟག་དང་ཆོས་ལ་བདག་མེད་པ་ཤེས་པ་ལས་ཞེས་པ་ནི་ཀུན་ནས་ཉོན་མོངས་པ་དང་རྣམ་པར་བྱང་བ་ཤེས་པ་ལ་དགོད་པའི་ལས་སོ། ། 5.ཇི་ལྟར་སྒྱུ་མའི་རྣམ་པ་སྣ་ཚོགས་པས་དངོས་པོ་རྣམས་སྤྲུལ་ཏེ། སྒྱུ་མའི་དངོས་པོ་དེ་ཐམས་ཅད་ལ། རྫས་མེད་པ་ཞེས་འཇིག་རྟེན་རྣམས་ནི་མི་ཤེས་སོ། ། གང་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ནི་ཕུང་པོ་ལ་སོགས་པ་རྣམས་རང་བཞིན་སྟོང་པ་ཉིད་དུ་རོ་གཅིག་པ་ཉིད་དུ་བལྟའོ། ། དོན་དམ་པར་ནི་སེམས་ཅན་མེད་ཅིང་སེམས་ཅན་དུ་བཏགས་པ་ཡང་མེད་དོ། ། ཆོས་རྣམས་ནི་རང་བཞིན་སྟོང་པ་ཉིད་ཡིན་པས་སོ་ཞེས་པ་ནི་སེམས་ཅན་གྱི་དོན་ཇི་ལྟ་བའི་བདག་ཉིད་ལ་དགོད་པའི་ལས་སོ། ། 6.དེ་སྦྱིན་པ་སྦྱིན་པར་བྱེད་ཅིང་། གཞན་ཡང་སྦྱིན་པ་ལ་སྦྱོར་བར་བྱེད་པའོ། ། དེ་བཞིན་དུ་ཚུལ་ཁྲིམས་སྲུང་བར་བྱེད་པ་ལ་སོགས་པ་བརྗོད་པར་བྱའོ་ཞེས་པ་ནི་ཕ་རོལ་ཏུ་ཕྱིན་པ་དྲུག་ལ་དགོད་པའི་ལམ་མོ། ། དེ་དག་དགེ་བ་བཅུ་ཡང་དག་པར་བླངས་ཏེ་འཇུག་གོ་ཞེས་པ་ལ་སོགས་པ་ནི་སངས་རྒྱས་ཀྱི་ལམ་ལ་འགོད་པའི་ལས་སོ། ། 7.བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་ལ་སོགས་པའི་ཆོས་རྣམས། དེ་རྣམས་ཀྱི་མཐའ་གསུམ་དང་འབྲས་བུ་དག་རང་བཞིན་གྱིས་སྟོང་པ་ཉིད་དུ་སྟོན་པར་བྱེད་ཅིང་། དེ་དག་སྒོམ་པར་བྱེད་དེ། ཇི་སྲིད་དུ་བླ་ན་མེད་པའི་བྱང་ཆུབ་ཏུ་འགྲོའོ་ཞེས་པ་ནི་རང་བཞིན་སྟོང་པ་ཉིད་ལ་དགོད་པའི་ལས་སོ། ། 8.ཆོས་ཐམས་ཅད་རང་བཞིན་སྟོང་པ་ཉིད་རང་བཞིན་སྟོང་པ་ཉིད་ནི་ཆོས་ཐམས་ཅད་དེ། དེ་ཉིད་ནི་རང་བཞིན་སྟོང་པ་ཉིད་དོ་ཞེས་པ་ནི། གཉིས་སུ་མེད་པའི་ཆོས་ལ་དགོད་པའི་ལས་སོ། ། 9.ཡང་དག་པར་རྫོགས་པའི་བྱང་ཆུབ་ལ་བཅོམ་ལྡན་འདས་དོན་དམ་པར་ན་ཆོས་འགའ་ཞིག་ཉེ་བར་མི་དམིགས་སོ། ། ཀུན་རྫོབ་ཏུ་ཆོས་རྣམས་མངོན་པར་རྫོགས་པར་བྱང་ཆུབ་ནས་ཕུང་པོ་ཁམས་ལ་སོགས་པ་དང་ཕ་རོལ་ཏུ་ཕྱིན་པ་ལ་སོགས་པ་དང་རྣམ་པ་ཐམས་ཅད་མཁྱེན་པ་ཉིད་ལ་སོགས་པ་སྟོན་པ་ནི་བརྡ་ཅན་གྱི་ཤེས་པ་ལ་དགོད་པའི་ལས་སོ། ། 10.གང་གིས་ཕ་རོལ་ཏུ་ཕྱིན་པ་ལ་སོགས་པའི་ཆོས་རྣམས་ལ་སྤྱོད་ཅིང་དེ་རྣམས་ཀྱི་མཐའ་གསུམ་དང་འབྲས་བུ་དག་ཉེ་བར་མི་དམིགས་པ། དེའི་ཚེ་ཡང་དག་པར་རྫོགས་པའི་བྱང་ཆུབ་ཆེད་དུ་ནུས་པའོ་ཞེས་པ་ནི་མི་དམིགས་པ་ལ་དགོད་པའི་ལས་སོ། ། 11.གང་གི་ཚེ་ཡང་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་དོན་དམ་པར་སེམས་ཅན་ཉེ་བར་མི་དམིགས་ཏེ། དེ་ལྟར་ཡིན་ཡང་ཀུན་རྫོབ་ཏུ་སེམས་ཅན་རྣམས་དངོས་པོ་ལ་མངོན་པར་ཞེན་པས་ཀུན་ནས་ཉོན་མོངས་པར་བྱེད་དོ། ། དེ་དེའི་དེ་དག་སྤང་བའི་ཆེད་དུ་ཐེག་པ་གསུམ་ལ་ཡོངས་སུ་སྨིན་པར་བྱེད་དོ་ཞེས་པ་ནི། སེམས་ཅན་ཡོངས་སུ་སྨིན་པ་ལ་དགོད་པའི་ལས་སོ། ། 12.དེ་ཕ་རོལ་ཏུ་ཕྱིན་པ་ལ་སོགས་པ་རེ་རེ་ལ་སྤྱོད་ཅིང་དཀར་པོའི་ཆོས་ཐམས་ཅད་དང་ཆོས་ཐམས་ཅད་སྟོང་པ་ཉིད་ལ་སེམས་ཅན་རྣམས་སློབ་པར་བྱེད་པའོ་ཞེས་པ་ནི་བྱང་ཆུབ་སེམས་དཔའི་ལམ་ལ་དགོད་པས་སོ། ། 13.དེ་འདི་ལྟར་ཡོངས་སུ་རྟོག་སྟེ། ཆོས་ཐམས་ཅད་སྟོང་པ་ཉིད་དོ། ། སྟོང་པ་ཉིད་ཀྱི་སྟོང་པ་ཉིད་ལ་མངོན་པར་ཞེན་པ་ནི་མ་ཡིན་ནོ། ། སྦྱིན་པ་ལ་སོགས་པ་ལ་སྤྱད་པར་བྱ་ཞིང་དེའམ་དེའི་འབྲས་བུ་ལ་རློམ་པར་མི་བྱའོ་ཞེས་པ་ནི་མངོན་པར་ཞེན་པ་ཐམས་ཅད་སྤང་བ་ལ་དགོད་པའི་ལས་སོ། ། 14.བྱང་ཆུབ་ཉིད་ནི་ལམ་ཡིན། ལམ་ཉིད་ནི་བྱང་ཆུབ་བོ། ། དེས་ན་བྱང་ཆུབ་སེམས་དཔའ་སངས་རྒྱས་སུ་མི་འགྱུར་རོ། ། དེ་ཡང་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་ནས་གང་གི་ཚེ་རྫོགས་པའི་བྱང་ཆུབ་ཏུ་ལྷག་པར་དགོད་པ་དེའི་ཚེ་དེ་བཞིན་གཤེགས་པ་ཉིད་དོ་ཞེས་པ་ནི་བྱང་ཆུབ་ཐོབ་པ་ལ་དགོད་པའི་ལས་སོ། ། 15.དེ་ཕུང་པོ་སྐྱེ་མཆེད་ལ་སོགས་པ་ཆོས་ཐམས་ཅད་འདུ་ཤེས་གནས་ངན་ལེན་བཟློག་ཅིང་བདག་དང་གཞན་ཕ་རོལ་ཏུ་ཕྱིན་པ་ལ་སོགས་པ་དགེ་བའི་ཆོས་ཐམས་ཅད་ལ་འཇོག་པར་བྱེད་དོ། དགེ་བ་དེ་དག་རང་དང་གཞན་གྱིས་རྫོགས་པའི་བྱང་ཆུབ་དང་རང་གི་སངས་རྒྱས་ཀྱི་ཞིང་ཡོངས་སུ་དག་པ་དག་ཏུ་ཡོངས་སུ་བསྔོ་བར་བྱེད་ཅིང་སྨོན་ལམ་ཡང་འདེབས་པར་བྱེད་དོ་ཞེས་པ་ནི། སངས་རྒྱས་ཀྱི་ཞིང་ཡོངས་སུ་དག་པ་ལ་དགོད་པའི་ལས་སོ། ། 16.བྱང་ཆུབ་སེམས་དཔའ་དང་པོ་སེམས་བསྐྱེད་པ་ཉིད་རྫོགས་པའི་བྱང་ཆུབ་ངེས་པ་ཉིད་ཡིན་ནོ། ། ངེས་པ་ན་ངན་སོང་དུ་སྐྱེ་བ་མེད་དོ་ཞེས་པ་ནི་རྫོགས་པའི་བྱང་ཆུབ་ངེས་པ་ལ་དགོད་པའི་ལས་སོ། ། 17.དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཤིང་ཕྱོགས་བཅུ་གྲངས་མེད་པའི་འཇིག་རྟེན་གྱི་ཁམས་སུ་སེམས་ཅན་རྣམས་ཀྱི་དོན་བྱེད་ཅིང་དགོས་པ་མེད་དེ། སྟོང་པ་ཉིད་ལ་གནས་པས་དཀར་པོའི་ཕྱོགས་ཀྱི་ཆོས་ ཐམས་ཅད་ལ་གནས་པ་ཡིན་ཏེ། ཆོས་ཐམས་ཅད་ལས་སྟོང་པ་ཉིད་གཞན་ཉིད་མེད་པས་སོ་ཞེས་པ་ནི་གཞལ་དུ་མེད་པའི་སེམས་ཅན་དོན་ལ་དགོད་པའི་ལས་སོ། ། 18.དེ་འདི་བཞིན་དུ་དཔྱོད་པར་བྱེད་དེ། གང་དག་གང་གཱའི་ཀླུང་གི་བྱེ་མ་དང་མཉམ་པའི་ཕྱོགས་བཅུའི་འཇིག་རྟེན་གྱི་ཁམས་དང་། གང་དག་དེ་རྣམས་ཀྱི་དེ་བཞིན་གཤེགས་པ་དང་། དེ་རྣམས་ཐམས་ཅད་རང་བཞིན་གྱིས་སྟོང་པ་ཉིད་དོ། ། གང་ཚེ་ཡང་འགའ་ཞིག་སྟོང་པ་ཉིད་མ་ཡིན་པར་གྱུར་ན་དེ་ཉི་ཚེ་བར་འགྱུར་རོ། ། དེས་ན་ཆོས་ཐམས་ཅད་ཆོས་ཐམས་ཅད་ཀྱིས་སྟོང་པའོ་ཞེས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ་མངོན་པར་ཤེས་པ་དྲུག་མངོན་པར་སྒྲུབ་པར་བྱེད་དོ་ཞེས་པ་ནི་ཕྱོགས་བཅུའི་སངས་རྒྱས་ཉེ་བར་དགོད་པ་ལ་སོགས་པ་ལ་དགོད་པའི་ལས་སོ། ། 19.བྱང་ཆུབ་སེམས་དཔའི་བྱང་ཆུབ་ཡན་ལག་གང་ཞེ་ན། ཕ་རོལ་ཏུ་ཕྱིན་པ་དྲུག་ནས་སངས་རྒྱས་ཀྱི་ཆོས་མ་འདྲེས་པའི་བར་དུ་ཞེས་པ་ནི་བྱང་ཆུབ་ཡན་ལག་ལ་དགོད་པའི་རིགས་སོ། ། 20.གང་གི་ཚེ་ཡང་དོན་དམ་པར་ན་ཆོས་ཐམས་ཅད་རང་གི་མཚན་ཉིད་སྟོང་པའོ། ། དེ་ལྟར་ན་ཡང་ཀུན་རྫོབ་ཏུ་ལས་ཡོད་དེ་དེའི་འབྲས་བུ་དོག་ཡོད་དོ། ། སེམས་ཅན་རྣམས་ཀྱི་ཆོས་རྣམས་རང་གི་མཚན་ཉིད་སྟོང་པ་ཉིད་མི་ཤེས་སོ། ། མ་ཤེས་པས་གང་ཟག་དང་ཆོས་དག་ཏུ་རྟོག་པར་བྱེད་ཅིང་ལས་མངོན་པར་འདུ་བྱེད་དོ། ། དེས་ཉེས་པར་སྤྱད་པས་ངན་སོང་གསུམ་དུ་ལྟུང་བར་འགྱུར་རོ། ། ལེགས་པར་སྤྱད་པས་ལྷ་དང་མི་རྣམས་སུ་ཉེ་བར་སྐྱེའོ། ། ཁ་ཅིག་ཡང་གང་ཟག་ལ་བདག་མེད་པ་རབ་ཏུ་གོམས་པས་བདེ་འགྲོ་དང་ངན་སོང་སྤངས་ནས་མྱ་ངན་ལས་འདའ་བར་འགྲོ་བར་འགྱུར་རོ། ། བྱང་ཆུབ་སེམས་དཔའ་ནི་བདག་མེད་གཉིས་རྣམ་པར་གོམས་ནས་ཕ་རོལ་ཏུ་ཕྱིན་པ་ལ་སོགས་པ་དགེ་བའི་ཆོས་རྣམས་ཡོངས་སུ་རྫོགས་པར་བྱས་ནས་རིམ་གྱིས་ས་བཅུ་བགྲོད་དེ། སྐད་ཅིག་གཅིག་ལ་ཡང་དག་པར་ལྡན་པའི་ཤེས་རབ་ཀྱིས་ཆོས་ཐམས་ཅད་ལ་མངོན་པར་རྫོགས་པར་བྱང་ཆུབ་པས་སངས་རྒྱས་བཅོམ་ལྡན་འདས་སུ་འགྱུར་རོ་ཞེས་པ་ནི་ལས་དང་འབྲས་བུ་འབྲེལ་བ་རྣམ་པར་མ་ཉམས་པ་ལ་དགོད་པའི་ལས་སོ། ། 21.བྱང་ཆུབ་སེམས་དཔའ་ནི་བདེན་པ་ཤེས་པས་མྱ་ངན་ལས་འདའ་བ་མ་ཡིན་ཏེ། དེ་ལྟ་མོད་ཀྱི་བདེན་པ་བཞི་རང་བཞིན་མེད་པ་ཉིད་ཀྱིས་སྡུག་བསྔལ་ཡོངས་སུ་ཤེས་སོ། ། ཀུན་འབྱུང་བ་རབ་ཏུ་སྤངས་སོ་རབ་ཏུ་འགོག་པ་མངོན་དུ་བྱེད་དོ། ། ལམ་སྒོམ་པར་བྱེད་དོ་ཞེས་པ་ནི་བདེན་པ་བཞི་ལ་དགོད་པའི་ལས་སོ། ། 22.རྟག་པ་བདེ་བ་དག་བདག་གི་ཕྱིན་ཅི་ལོག་བཞི་ནི་གང་ཟག་ལ་བདག་མེད་པའི་མི་མཐུན་ཕྱོགས་སོ། ། དངོས་པོ་ལ་མངོན་པར་ཞེན་པ་ནི་ཆོས་ལ་བདག་མེད་པའི་མི་མཐུན་ཕྱོགས་སོ་ཞེས་ཕྱིན་ཅི་ལོག་ལ་དགོད་པའི་ལས་སོ། ། 23.ཕྱིན་ཅི་ལོག་གིས་སེམས་ཅན་རྣམས་ལས་མངོན་པར་འདུ་བྱེད་དོ། ། དེ་ནས་ཐ་སྙད་ཀྱིས་འཇིག་རྟེན་རྣམས་ཀུན་ནས་ཉོན་མོངས་པ་དང་། དོན་དམ་པར་ན་ཕྱིན་ཅི་ལོག་ནི་དངོས་པོ་མེད་པ་ཉིད་ཤེས་པ་དགོད་པའི་ལས་སོ། ། 24.གང་ཆོས་ཐམས་ཅད་ཀྱི་མཉམ་པ་ཉིད་དེ་བཞིན་ཉིད་ཡང་དག་པའི་མཐའ་མྱ་ངན་ལས་འདས་པའོ་ཞེས་པ་ནི་རྣམ་པར་བྱང་བ་ལ་དགོད་པའི་ལས་སོ། ། 25.སེམས་ཅན་ཐམས་ཅད་ཀྱི་ཕྱིན་ཅི་ལོག་རབ་ཏུ་སྤང་བའི་ཆེད་དུ་བྱང་ཆུབ་སེམས་དཔའ་ཚོགས་སོགས་པ་ལ་སྤྱོད་ཅིང་ཇི་སྲིད་དུ་མངོན་པར་རྫོགས་པར་བྱང་ཆུབ་ནས་སེམས་ཅན་ཡོངས་སུ་སྨིན་པར་བྱེད་དོ་ཞེས་པ་ནི་རྣམ་པར་བྱང་བ་དང་ཚོགས་ལ་དགོད་པའི་ལས་སོ། ། 26.ཆོས་ཉིད་ནི་མཉམ་པ་ཉིད་དེ། ཆོས་ཉིད་ལ་ཐ་དད་པ་ཉིད་ཡོད་པ་མ་ཡིན་ནོ། ། དེ་ནི་འདུས་བྱས་མ་ཡིན་འདུས་མ་བྱས་མ་ཡིན་ནོ། ། གང་འདུས་བྱས་ཀྱི་དབྱིངས་དང་འདུས་མ་བྱས་ཀྱི་དབྱིངས་དག་ཀུན་ཏུ་ལྡན་པ་མ་ཡིན་མཚན་མ་ཉིད་དག་པའོ་ཞེས་འདུས་བྱས་དང་འདུས་མ་བྱས་ཐ་དད་མེད་པས་ཤེས་པ་ལ་དགོད་པའི་ལས་སོ། ། 27.ཆོས་ཐམས་ཅད་རང་བཞིན་གྱིས་སྟོང་པ་སྟེ་དེ་བཞིན་གཤེགས་པས་མི་བྱས་པ་གང་དག་རང་བཞིན་སྟོང་པ་ཉིད་ནི་དངོས་པོ་དངོས་པོ་མེད་པར་མཆོག་ཏུ་འཛིན་པ་ཟད་པས་མྱ་ངན་ལས་འདའོ་ཞེས་པ་ནི་མྱ་ངན་ལས་འདའ་བ་དགོད་པའི་ལས་དང་ཉི་ཤུ་རྩ་བདུན་ནོ། ། ཕྲིན་ལས་ནི་ཀུན་སྤྱོད་དོ། ། དེའི་ཁྱབ་པ་ཉིད་ནི་ཕྱོགས་བཅུའི་འཇིག་རྟེན་ཁམས་སུ་གནས་པའི་སེམས་ཅན་ཐམས་ཅད་ལ་རྣམ་པ་ཐམས་ཅད་ཀྱིས་སྣོད་ཇི་ལྟ་བ་བཞིན་དུ་རྣམ་པར་ཐར་པ་མེད་པས་ནམ་མཁའ་ཇི་སྲིད་དུ་འཇུག་པའོ་ཞེས་སོ། ། ཁག་གཉིས་པ་བཞེད་པ་གཞན་ནི། ། 1.འགྲོ་བ་བཟང་པོ་དང་བཟང་པོ་མ་ཡིན་པ་མངོན་པར་ཞེན་པའི་གནས་སྐབས་མ་ཡིན་པའི་མཚན་ཉིད་ནི་འགྲོ་བ་ཞི་བའི་ལས། 2.བསྡུ་བའི་དངོས་པོ་བཞི་ལ་དགོད་པའི་ལས། 3.ཐོས་པའི་རང་བཞིན་ལ་སོགས་པས་ཤེས་པས་མི་མཐུན་པའི་ཕྱོགས་དང་གཉེན་པོ་དག་སྤང་བྱ་དང་སྤང་བྱའི་སྒོ་ནས་རྟོགས་པའི་སྒོ་ནས་ཉོན་མོངས་པའི་རྣམ་པར་བྱང་བ་རྟོགས་པ་ལ་དགོད་པའི་ལས། 4.གཞན་དོན་དུ་བྱམས་པ་ལ་སོགས་པའི་མཚན་ཉིད་ནི་སེམས་ཅན་གྱི་དོན་ཇི་ལྟ་བའི་བདག་ཉིད་ལ་དགོད་པའི་ལས། 5.ཕ་རོལ་ཏུ་ཕྱིན་པ་དྲུག་གོམས་པ་ལ་དགོད་པའི་ལས། 6.དགེ་བ་བཅུའི་ལས་ཀྱི་ལམ་དང་སངས་རྒྱས་ཀྱི་ལམ་ལ་དགོད་པའི་ལས། 7.ཆོས་ཐམས་ཅད་རང་བཞིན་སྟོང་པ་ཉིད་གོམས་པ་ལ་དགོད་པའི་ལས། 8.སྦྱིན་པ་ལ་སོགས་པའི་མཐུས་ས་དང་པོ་ལ་ཐམས་ཅད་དུ་ཆོས་དབྱིངས་མངོན་དུ་རྟོགས་པའི་མཚན་ཉིད་གཉིས་ཟད་པ་ལ་དགོད་པའི་ལས། 9.ས་གཉིས་པ་ལ་སོགས་པ་ལ་ཚོགས་ཡོངས་སུ་རྫོགས་པའི་རྒྱུར་གྱུར་པ་ཚུལ་ཁྲིམས་ལ་སོགས་པའི་ཕ་རོལ་ཏུ་ཕྱིན་པ་ཆོས་ཐམས་ཅད་བརྡར་བཏགས་པའི་ཤེས་པ་ལ་དགོད་པའི་ལས། 10.ཤེས་རབ་ཀྱི་ཕ་རོལ་ཏུ་ཕྱིན་པའི་མཐུས་ས་དྲུག་པ་ལ་ཤེས་པ་ཤེས་བྱ་སྒོམ་པ་མངོན་པར་ཞེན་པ་མེད་པའི་མཚན་ཉིད་ཆོས་ཐམས་ཅད་མི་དམིགས་པ་ལ་དགོད་པའི་ལས། 11.བདུན་པ་ལ་ཐབས་ཀྱི་ཕ་རོལ་ཏུ་ཕྱིན་པའི་སྟོབས་ཀྱིས་སེམས་ཅན་ཡོངས་སུ་སྨིན་པ་ལ་དགོད་པའི་ལས། 12.བརྒྱད་པ་ལ་སྟོབས་ཀྱི་ཕ་རོལ་ཕྱིན་པའི་མཐུས་ཉན་ཐོས་ལ་སོགས་པ་ཐུན་མོང་མ་ཡིན་པའི་བྱང་ཆུབ་སེམས་དཔའི་ལམ་ལ་དགོད་པའི་ལས། 13.ས་དེ་ཉིད་ལ་སྒོམ་པར་མངོན་པར་ཞེན་པ་སྤོང་བ་ལ་དགོད་པའི་ལས། 14.དགུ་པ་ལ་སྨོན་ལམ་གྱི་ཕ་རོལ་ཕྱིན་པའི་ནུས་པ་ལས་བྱང་ཆུབ་ཡང་དག་པར་ཐོབ་པ་ལ་དགོད་པའི་ལས། ། 15.བཅུ་པ་ལ་ཡེ་ཤེས་ཀྱི་ཕ་རོལ་ཏུ་ཕྱིན་པའི་སྟོབས་ལས་སངས་རྒྱས་ཀྱི་ཞིང་རྣམ་པ་གཉིས་ཡོངས་སུ་སྤྱོད་པ་ལ་དགོད་པའི་ལས། 16.ས་དེ་ཉིད་ལ་སྐྱེ་བ་གཅིག་གིས་ཐོགས་པའི་རང་བཞིན་ཡང་དག་པར་རྫོགས་པའི་བྱང་ཆུབ་ཏུ་སོ་སོར་ངེས་པ་ལ་དགོད་པའི་ལས། 17.ཕྱོགས་བཅུའི་འཇིག་རྟེན་ཁམས་ཀྱི་སེམས་ཅན་དོན་ལ་དགོད་པའི་ལས། 18.འཇིག་རྟེན་ཁམས་ཐམས་ཅད་དུ་སངས་རྒྱས་ཉེ་བར་འཆགས་པ་ལ་སོགས་པའི་ཡོན་ཏན་ལ་དགོད་པའི་ལས། 19.དེ་ཉིད་ཀྱི་ཁྱད་པར་གྱི་ལམ་གྱི་རང་བཞིན་ལ་བྱང་ཆུབ་མ་ལུས་པ་ཐོབ་པར་བྱེད་པའི་ཆོས་ཀྱི་མཚན་ཉིད་བྱང་ཆུབ་ཀྱི་ཡན་ལག་ལ་དགོད་པའི་ལས། ཆིས་དགོད་པའི་ལས། 21.ཕྱིན་ཅི་ལོག་ཐམས་ཅད་སྤོང་བ་ལ་དགོད་པའི་ལས། 22.དངོས་པོ་མེད་པའི་ཕྱིན་ཅི་ལོག་སྤོང་བའི་ཤེས་པ་ལ་དགོད་པའི་ལས། 23.བྱང་ཆུབ་སེམས་དཔའ་རང་བཞིན་ཡོངས་སུ་དག་པའི་མཚན་ཉིད་རྣམ་པར་བྱང་བ་ལ་དགོད་པའི་ལས། 24.དྲི་མ་ཐམས་ཅད་དང་བྲལ་བ་རྣམ་པར་བྱང་བའི་རྒྱུ་ཚོགས་སོགས་པ་ལ་དགོད་པའི་ལས། 25.རང་བཞིན་གྱིས་སྟོང་པ་ཉིད་འདུས་བྱས་དང་འདུས་མ་བྱས་རྣམ་པར་ཐ་དད་པ་མེད་པ་ཡོངས་སུ་ཤེས་པ་ལ་དགོད་པའི་ལས། 26.དེ་བཞིན་གཤེགས་པའི་ས་ལ་མྱ་ངན་ལས་འདས་པ་ལ་དགོད་པའི་ལས་བཅས་སོ། ། (སྐབས་འདིར་ལས་གཅིག་གཞུང་དུ་མི་གསལ།།)
Tibetan Source	《བསྟན་འགྱུར་དབུ་མ་ཧ་པ་》ཤ་292ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number