11101

Tibetan	སྐྱེས་བུ་ཆེན་པོའི་མཚན་སོ་གཉིས།
Tibetan Alternate
Tibetan Definition	ཁག་གཉིས་པ། འཕགས་པ་ཆེན་པོའི་མན་ངག་ཅེས་བྱ་བའི་མདོ་ལས་བྱུང་བ་སྟེ། 1.དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཞབས་ཤིན་ཏུ་གནས་པ་འདི་ནི་སྔོན་དམ་བཅས་པ་ལ་བརྟན་པས་མངོན་པར་གྲུབ་བོ། ། 2.དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཞབས་ཀྱི་མཐིལ་འཁོར་ལོའི་མཚན་དང་ལྡན་པ་འདི་ནི་སྔོན་སྦྱིན་པ་སྣ་ཚོགས་བསགས་པས་མངོན་པར་གྲུབ་བོ། ། 3.ཞབས་ཀྱི་རྟིང་པ་ཡངས་ཤིང་ཞབས་བྱིན་གྱིས་མཐོ་བ་ནི་སྔོན་སེམས་ཅན་གཞན་དག་ཁྱད་དུ་མ་བསད་པས་གྲུབ་བོ། 4.སོར་མོ་རིང་བ་ནི་སྔོན་སེམས་ཅན་རྣམས་ཆོས་ཀྱིས་བསྲུངས་ཤིང་བསྐྱབས་ཏེ་སྦས་པ་བྱས་པས་གྲུབ་བོ། ། 5.ཕྱག་དང་། ཞབས་དྲ་བར་འབྲེལ་བ་ནི་སྔོན་གཞན་གྱི་གཡོག་འཁོར་མ་ཕྱེ་བས་གྲུབ་བོ། ། 6.ཕྱག་དང་། ཞབས་གཞོན་ཞིང་འཇམ་བ་ནི་སྔོན་བགོ་བ་སྣ་ཚོགས་བྱིན་པས་གྲུབ་བོ། ། 7.བདུན་མཐོ་བ་ནི་སྔོན་བཟའ་བ་དང་། བཏུང་བ་རྒྱ་ཆེན་པོ་བྱིན་པས་གྲུབ་བོ། ། 8.བྱིན་པ་རི་དྭགས་ཨེ་ནེ་ཡའི་བྱིན་པ་ལྟ་བུ་ནི་སྔོན་སངས་རྒྱས་ཀྱི་ཆོས་ཡོངས་སུ་བཟུང་བས་གྲུབ་བོ། ། 9.གསང་བའི་གནས་སྦུབས་སུ་ནུབ་པ་ནི་སྔོན་གསང་བའི་ཚིག་བསྲུང་ཤིང་འཁྲིག་པའི་ཆོས་སྤངས་པས་གྲུབ་བོ། ། 10.རོ་སྟོད་སེང་གེའི་རོ་སྟོད་ལྟ་བུ་ནི་སྔོན་དགེ་བའི་ལས་རྒྱ་ཆེན་པོ་མཐར་གྱིས་སྤྱད་པས་གྲུབ་བོ། ། 11.ཐལ་གོང་རྒྱས་པ་ནི་སྔོན་དགེ་བའི་ཆོས་ཡང་དག་པར་སྤྱད་པས་གྲུབ་བོ། ། 12.དཔུང་མགོ་ཤིན་ཏུ་ཟླུམ་པ་ནི་སྔོན་མི་འཇིག་པས་གཞན་དབུགས་ཕྱུང་བས་གྲུབ་བོ། ། 13.ཕྱག་མ་བཏུད་ཅིང་རིང་བ་ནི་སྔོན་གཞན་གྱིས་ཅི་བྱའོ་ཅོག་བྱེད་པ་ལ་སྤྲོ་བས་གྲུབ་བོ། ། 14.སྐུ་རྣམ་པར་དག་པ་ནི་སྔོན་དགེ་བ་བཅུའི་ལས་ཀྱི་ལོམ་ལ་ངོམས་མི་མྱོང་བར་ཡང་དག་པར་སྤྱད་པས་གྲུབ་བོ། ། 15.མགུར་དུང་ལྟ་བུ་ནི་སྔོན་ནད་པ་རྣམས་ལ་སྨན་སྣ་ཚོགས་བྱིན་པས་གྲུབ་བོ། ། 16.འགྲམ་པ་སེང་གེའི་འགྲམ་པ་ལྟ་བུ་ནི་སྔོན་དགེ་བའི་རྩ་བ་ལ་སྤྱོད་པ་ཡོངས་སུ་རྫོགས་པར་བྱས་པས་གྲུབ་བོ། ། 17.ཚེམས་བཞི་བཅུར་ཚང་བ་ནི་སྔོན་སེམས་ཅན་ལ་བསམ་པ་མཉམ་པར་སྦྱོར་བས་གྲུབ་བོ། ། 18.ཚེམས་ཐགས་བཟང་བ་ནི་སྔོན་སེམས་ཅན་མི་འདུམ་པ་རྣམས་ཀྱི་བསྡུམས་བྱས་པས་གྲུབ་བོ། ། 19.ཚེམས་མཉམ་པ་ནི་སྔོན་ཡིད་དུ་འོང་བའི་ནོར་བུ་བྱིན་པས་གྲུབ་བོ། ། 20.ཚེམས་མཆེ་བ་དཀར་བ་ནི་སྔོན་ལུས་དང་། ངག་དང་། ཡིད་ཀྱི་ལས་ཤིན་ཏུ་བསྲུངས་བས་གྲུབ་བོ། ། 21.ལྗགས་ཤིན་ཏུ་རིང་བ་ནི་སྔོན་བདེན་པའི་ཚིག་ཀུན་ཏུ་བསྲུངས་པས་གྲུབ་བོ། ། 22.རོ་བྲོ་བའི་མཆོག་དང་ལྡན་པ་ནི་སྔོན་བསོད་ནམས་ཚད་མེད་པས་བརྟན་ཅིང་ཡིད་དུ་འོངས་པའི་རོ་བྲོ་བ་བྱིན་པས་གྲུབ་བོ། ། 23.ཚངས་པའི་དབྱངས་དང་། ཀ་ལ་པིངྐའི་སྒྲ་དབྱངས་དང་ལྡན་པ་ནི་སྔོན་སེམས་ཅན་ལ་འཇམ་པའི་ཚིག་སྨྲས་པ་དང་། ཚིག་བསྡམས་པ་དང་། ཀུན་དགའ་བའི་ཚིག་བསྒྲགས་པས་གྲུབ་བོ། ། 24.སྤྱན་མཐོན་མཐིང་དང་ལྡན་པ་ནི་སྔོན་བྱམས་པ་དང་ལྡན་ཞིང་ཐམས་ཅད་བསྲུངས་པ་བརྗོད་པས་གྲུབ་བོ། ། 25.སྤྱན་གྱི་རྫི་མ་བའི་རྫིམ་ལྟ་བུ་ནི་སྔོན་བསམ་པ་སྒྱུ་མེད་པས་གྲུབ་བོ། ། 26.དཔྲལ་བའི་སྨིན་མཚམས་ཀྱི་སྤུ་ཤིན་ཏུ་དཀར་བ་ནི་སྔོན་བསྔགས་པར་འོས་པ་རྣམས་ཀྱི་བསྔགས་པ་བརྗོད་པས་གྲུབ་བོ། ། 27.དབུ་གཙུག་ཏོར་དང་ལྡན་པ་ནི་སྔོན་བླ་མ་ལ་གུས་ཤིང་འདུད་པས་གྲུབ་བོ། ། 28.པགས་པ་སྲབ་པ་ནི་སྔོན་ཆོས་ཡང་དག་པར་འགྲོ་བའི་སེམས་ལས་སུ་རུང་བས་གྲུབ་བོ། ། 29.པགས་པའི་མདོག་གསེར་འདྲ་བནི་སྔོན་ཡིད་དུ་འོང་བའི་གོས་དང་མལ་སྟན་བྱིན་པས་གྲུབ་བོ། ། 30.སྤུའི་ཁུང་བུ་ནས་བ་སྤུ་རེ་རེ་སྐྱེས་པ་ནི་སྔོན་འདུ་འཛི་ཡོངས་སུ་སྤངས་པས་གྲུབ་བོ། ། 31.སྤུའི་རྩེ་མོ་གཡས་སུ་འཁྱིལ་བ་ནི་སྔོན་མཁན་པོ་དང་། སློབ་དཔོན་དང་། དགེ་བའི་བཤེས་གཉེན་གྱི་གདམས་ངག་མཐུན་པར་འཛིན་པས་གྲུབ་བོ། ། 32.དབུ་སྐྲ་ཨིནྡྲ་ནཱི་ལ་ལྟ་བུ་ནི་སྔོན་སྲོག་ཆགས་ཐམས་ཅད་ལ་སྙིང་བརྩེ་ཞིང་རྡོ་དབྱུག་དང་། མཚོན་ཆ་བོར་བས་གྲུབ་བོ། ། 33.ཤིང་ནྱ་གྲོ་དྷ་ལྟར་ཆུ་ཞེང་གབ་པ་ནི་སྔོན་བདག་དང་། སེམས་ཅན་གཞན་དག་ཀྱང་ཏིང་ངེ་འཛིན་ལ་སྦྱོར་བས་གྲུབ་བོ། ། (སྐབས་འདིར་མཚན་སོ་གསུམ་ཡོང་འདུག་པ་དཔྱད་པར་ཞུ།）
Tibetan Source	《མདོ་པ་པ་》ཤ་473བ་3ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number