11105

Tibetan	གང་ལ་གང་འདུལ་གྱི་འཕྲིན་ལས་སོ་གཉིས།
Tibetan Alternate
Tibetan Definition	དེ་ཡང་། སངས་རྒྱས་ཀྱི་གཙུག་ཏོར་དཔའ་བར་འགྲོ་བ་ཞེས་བྱ་བའི་མདོ་ལས་བྱུང་བ་སྟེ། 1.བྱང་ཆུབ་སེམས་དཔའ་རྣམས་ཏིང་ངེ་འཛིན་ལ་ཞུགས་ནས་ཟག་པ་མེད་པའི་གནས་སྒོམ་པ་ལ་རྟོགས་པ་མཆོག་ཐམས་ཅད་མངོན་དུ་གྱུར་པ་ན་བདག་(བྱང་ཆུབ་སེམས་དཔའ་སྤྱན་རས་གཟིགས་)དེ་བཞིན་གཤེགས་པའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་གྲོལ་བར་བྱེད་དོ། ། 2.སློབ་པ་གང་དག་ལུས་སེམས་དབེན་པས་གསལ་ཞིང་མི་རྟོག་པ་མངོན་དུ་གྱུར་ཅིང་འཕགས་པའི་ཡེ་ཤེས་ཁོང་དུ་ཆུད་པ་ལ་མངོན་དུ་ཕྱོགས་པ་ན་བདག་དེའི་མདུན་དུ་རང་རྒྱལ་བསེ་རུ་ལྟ་བུའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་གྲོལ་བར་བྱེད་དོ། ། 3.གང་དག་རྟེན་འབྲེལ་ཡན་ལག་བཅུ་གཉིས་འགག་ཅིང་དེའི་འབྲེལ་པ་ཆད་ནས་དོན་དམ་པའི་རང་བཞིན་མཆོག་ཏུ་གསལ་བ་ལ་མངོན་དུ་ཕྱོགས་པ་ན་བདག་དེའི་མདུན་དུ་རང་རྒྱལ་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་གྲོལ་བར་བྱེད་དོ། ། 4.སློབ་པ་གང་དག་བདེན་བཞིའི་སྟོང་ཉིད་རྟོགས་ནས་ལམ་སྒོམ་ཞིང་འགོག་པ་ཐོབ་སྟེ་དོན་དམ་པའི་རང་བཞིན་གསལ་བ་ལ་མངོན་དུ་ཕྱོགས་པ་ན་བདག་དེའི་མདུན་དུ་ཉན་ཐོས་ཀྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་གྲོལ་བར་བྱེད་དོ། ། 5.སེམས་ཅན་གང་དག་འདོད་པའི་སེམས་མངོན་དུ་རྟོགས་ནས་འདོད་ཆགས་ཀྱི་ཡུལ་དང་མི་འགྲོགས་པར་ལུས་འོད་གསལ་བར་འགྱུར་བར་འདོད་ན་བདག་དེའི་མདུན་དུ་ཚངས་པའི་རྒྱལ་པོའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་གྲོལ་བར་བྱེད་དོ། ། 6.སེམས་ཅན་གང་དག་ལྷའི་རྒྱལ་པོར་གྱུར་ནས་ལྷའི་གཙོ་བོ་བྱེད་པར་འདོད་ན་བདག་དེའི་མདུན་དུ་བརྒྱ་བྱིན་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 7.སེམས་ཅན་གང་དག་རང་དབང་ཅན་དུ་གྱུར་ནས་ཕྱོགས་བཅུར་གང་འདོད་དུ་འགྲོ་བར་འདོད་ན་བདག་དེའི་མདུན་དུ་ཉེ་དབང་གི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 8.སེམས་ཅན་གང་དག་རང་དབང་ཅན་དུ་གྱུར་ཏེ་ནམ་མཁའ་ལ་འགྲོ་བར་འདོད་ན་བདག་དེའི་མདུན་དུ་དབང་ཕྱུག་ཆེན་པོའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 9.སེམས་ཅན་གང་དག་ལྷ་དང་འབྱུང་པོའི་གཙོ་བོར་གྱུར་ནས་འཇིག་རྟེན་ཐམས་ཅད་སྐྱེད་པར་འདོད་ན་བདག་དེའི་མདུན་དུ་ལྷའི་སྡེ་དཔོན་ཆེན་པོའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 10.སེམས་ཅན་གང་དག་འཇིག་རྟེན་གྱི་གཙོ་བོར་གྱུར་ནས་སེམས་ཅན་ཐམས་ཅད་སྐྱོང་བར་འདོད་ན་བདག་དེའི་མདུན་དུ་རྒྱལ་ཆེན་བཞིའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 11.སེམས་ཅན་གང་དག་ལྷའི་གནས་སུ་སྐྱེས་ནས་ལྷ་དང་འབྱུང་པོ་བཀོལ་བར་འདོད་ན་བདག་དེའི་མདུན་དུ་རྒྱལ་ཆེན་རིས་བཞི་པའི་ལྷའི་བུའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 12.སེམས་ཅན་གང་དག་མིའི་རྒྱལ་པོར་འགྱུར་བར་འདོད་ན་བདག་དེའི་མདུན་དུ་མིའི་རྒྱལ་པོའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 13.སེམས་ཅན་གང་དག་རིགས་མཐོན་པོར་སྐྱེས་ནས་འཇིག་རྟེན་གྱི་སྐྱེ་བོ་དག་གི་བཀུར་བའི་གནས་སུ་འགྱུར་བར་འདོད་ན་བདག་དེའི་མདུན་དུ་རྒྱལ་རིགས་ཀྱི་སྐྱེ་བོའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 14.སེམས་ཅན་གང་དག་རིག་བྱེད་སྨྲ་བ་ལ་མཁས་ཤིང་ལུས་བདེ་བར་གནས་པ་ཞིག་ཏུ་འགྱུར་བར་འདོད་ན་བདག་དེའི་མདུན་དུ་བློན་པོ་ཆེན་པོའི་རིགས་ཅན་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 15.སེམས་ཅན་གང་དག་རྒྱལ་ཁམས་བདེ་བའི་ཐབས་སྒྲུབ་པ་དང་མཐའི་བྱ་བ་དག་གཏན་ལ་འབེབས་པར་འདོད་ན་བདག་དེའི་མདུན་དུ་སྣ་ཆེན་པོ་ལ་གཏོགས་པའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 16.སེམས་ཅན་གང་དག་རྩིས་ཀྱི་རིག་བྱེད་སློབ་པ་ལ་དགའ་བ་དང་ལུས་སྲུང་ཞིང་གསོ་བར་འདོད་ན་བདག་དེའི་མདུན་དུ་བྲམ་ཟེའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 17.གང་དག་སྐྱེས་པ་ལས་རབ་ཏུ་བྱུང་ཞིང་ཚུལ་ཁྲིམས་གཙང་མ་སྲུང་བར་འདོད་ན་བདག་དེའི་མདུན་དུ་དགེ་སློང་གི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 18.གང་དག་བུད་མེད་ལས་རབ་ཏུ་བྱུང་ཞིང་ཚུལ་ཁྲིམས་གཙང་མ་སྲུང་བར་འདོད་ན་བདག་དེའི་མདུན་དུ་དགེ་སློང་མའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 19.གང་དག་སྐྱེས་པ་ལས་བསླབ་པའི་གཞི་ལྔ་སྲུང་བར་འདོད་ན་བདག་དེའི་མདུན་དུ་དགེ་བསྙེན་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 20.གང་དག་བུད་མེད་ལས་བསླབ་པའི་གཞི་ལྔ་ལེན་པར་འདོད་ན་བདག་དེའི་མདུན་དུ་དགེ་བསྙེན་མའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 21.བུད་མེད་གང་དག་བུད་མེད་ཀྱི་ནང་ཁྲིམས་གཙོ་ བོར་བཟུང་ནས་ཁྱིམ་དང་ནང་མ་སྐྱོང་བ་དག་ཡོད་ན་བདག་དེའི་མདུན་དུ་རྒྱལ་ཡུམ་དང་བཙུན་མོ་དམ་པ་དང་བཀུར་འོས་ཀྱི་བཙུན་མོ་དང་ཁྱིམ་བདག་མོ་ཆེ་བའི་རིགས་ཅན་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 22.སེམས་ཅན་གང་དག་གཞོན་ནུའི་ལང་ཚོ་ལས་མི་ཉམས་པར་འདོད་ན་བདག་དེའི་མདུན་དུ་གཞོན་ནུའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 23.བུ་མོ་གང་དག་ལས་རང་གི་ལུས་གཅེས་པར་སྲུང་ཞིང་ཚུལ་མ་ཡིན་པའི་འདོད་པ་དོན་དུ་མི་གཉེར་བ་དག་ཡོད་ན་བདག་དེའི་མདུན་དུ་གཞོན་ནུ་མའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 24.ལྷོ་གང་དག་ལྷའི་རིགས་ལས་འབྱུང་བར་འདོད་ན་བདག་ལྷའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 25.ཀླུ་གང་དག་ཀླུའི་རིགས་ལས་འབྱུང་བར་འདོད་ན་བདག་ཀླུའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 26.གནོད་སྦྱིན་གང་དག་གནོད་སྦྱིན་གྱི་རིགས་ལས་འབྱུང་བར་འདོད་ན་བདག་དེའི་མདུན་དུ་གནོད་སྦྱིན་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 27.དྲི་ཟ་གང་དག་དེའི་རིགས་ལས་འབྱུང་བར་འདོད་ན་བདག་དེའི་མདུན་དུ་དྲི་ཟའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 28.ལྷ་མ་ཡིན་གང་དག་དེའི་རིགས་ལས་འབྱུང་བར་འདོད་ན་བདག་དེའི་མདུན་དུ་ལྷ་མ་ཡིན་གྱི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 29.མིའམ་ཅི་གང་དག་དེའི་རིགས་ལས་འབྱུང་བར་འདོད་ན་བདག་དེའི་མདུན་དུ་མིའམ་ཅིའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 30.ལྟོ་འཕྱེ་ཆེན་པོ་གང་དག་དེའི་རིགས་ལས་འབྱུང་བོར་འདོད་ན་བདག་དེའི་མདུན་དུ་ལྟོ་འཕྱེ་ཆེན་པོའི་གཟུགས་སུ་སྤྲུལ་ཏེ་དེ་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 31.སྐྱེ་བོ་གང་དག་མི་ལུས་ཉིད་མི་འདོར་བར་འདོད་ན་བདག་དེའི་མདུན་དུ་མིའི་གཟུགས་སུ་སྤྲུལ་ཏེ་དེ་དག་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། 32.མི་མ་ཡིན་པ་དང་གཟུགས་དང་གཟུགས་མེད་པ་དང་འདུ་ཤེས་དང་འདུ་ཤེས་མེད་པ་གང་དག་རང་རང་གི་རིགས་ལས་འབྱུང་བར་འདོད་ན་བདག་དེ་དག་གི་མདུན་དུ་དེ་དག་དང་མཐུན་པར་སྤྲུལ་ཏེ་དེ་དག་ལ་ཆོས་བསྟན་ནས་ཕན་པ་སྒྲུབ་པར་བྱེད་དོ། ། འདི་ལ་རྨད་དུ་བྱུང་ཞིང་རྣམ་པར་དག་པ་འཇིག་རྟེན་ཐམས་ཅད་ལ་ཁྱབ་པའོ། །
Tibetan Source	《མདོ་ཝ་པ་》ཤ་491བ་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number