11120

Tibetan	དེ་བཞིན་གཤེགས་པའི་སྙིང་རྗེ་ཆེན་པོ་སོ་གཉིས།
Tibetan Alternate
Tibetan Definition	འདི་ལ་ཁག་གཉིས་ཡོད་པ་སྟེ། ཁག་དང་པོ། འཕགས་པ་དཀོན་མཆོག་སྤྲིན་ཞེས་བྱ་བའི་མདོ་ལས་བྱུང་བ་སྟེ། 1.ཆོས་ཐམས་ཅད་བདག་མེད་པ་ན་སེམས་ཅན་རྣམས་ནི། བདག་མེད་པར་མ་མོས་པས་དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 2.ཆོས་ཐམས་ཅད་ནི་སེམས་ཅན་མེད་པ་ན་སེམས་ཅན་རྣམས་ནི། སེམས་ཅན་དུ་སྨྲའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 3.ཆོས་ཐམས་ཅད་ནི་སྲོག་མེད་པ་ན་སེམས་ཅན་རྣམས་ནི། སྲོག་ཏུ་སྨྲའོ། ། ཞེས་དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 4.ཆོས་ཐམས་ཅད་ནི་གང་ཟག་མེད་པ་ན་སེམས་ཅན་རྣམས་ནི། གང་ཟག་ལ་གནས་པའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 5.ཆོས་ཐམས་ཅད་ནི། མེད་པ་ན་སེམས་ཅན་རྣམས་ནི། ཡོད་པར་ལྟའོ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 6.ཆོས་ཐམས་ཅད་ནི། གནས་མེད་པ་ན་སེམས་ཅན་རྣམས་ནི་གནས་ལ་རྟེན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 7.ཆོས་ཐམས་ཅད་ནི། གཞི་མེད་པ་ན་སེམས་ཅན་རྣམས་ནི། གཞི་ལ་དགའ་བོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 8.ཆོས་ཐམས་ཅད་ནི་ང་ཡིར་བྱ་བ་མེད་པ་ན་སེམས་ཅན་རྣམས་ནི། ང་ཡིར་བྱ་བ་ལ་བརྟེན་ཏེ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 9.ཆོས་ཐམས་ཅད་ནི་བདག་པོ་མེད་པ་ན་སེམས་ཅན་རྣམས་ནི་ཡོངས་སུ་བཟུང་བ་བརྩོན་ནོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 10.ཆོས་ཐམས་ཅད་ནི་དངོས་པོ་མེད་པ་ན་སེམས་ཅན་རྣམས་ནི། དངོས་པོ་ལ་བརྟེན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 11.ཆོས་ཐམས་ཅད་མ་སྐྱེས་པ་ན་སེམས་ཅན་རྣམས་ནི། སྐྱེ་བ་ལ་བརྟེན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 12.ཆོས་ཐམས་ཅད་ནི་མ་འཕོས་མ་བྱུང་བ་ན་སེམས་ཅན་རྣམས་ནི་འཆི་འཕོ་དང་། སྐྱེ་བ་ལ་བརྟེན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 13.ཆོས་ཐམས་ཅད་ནི། ཀུན་ནས་ཉོན་མོངས་པ་མེད་པ་ན་ཀུན་ནས་ཉོན་མོངས་སོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 14.ཆོས་ཐམས་ཅད་ནི་འདོད་ཆགས་དང་བྲལ་བ་ན་སེམས་ཅན་རྣམས་ནི། འདོད་ཆགས་པར་བྱེད་དོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 15.ཆོས་ཐམས་ཅད་ནི་ཞེ་སྡང་དང་བྲལ་བ་ན་སེམས་ཅན་རྣམས་ནི། ཞེ་སྡང་བར་བྱེད་དོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 16.ཆོས་ཐམས་ཅད་ནི་གཏི་མུག་དང་བྲལ་བ་ན་སེམས་ཅན་རྣམས་ནི། གཏི་མུག་པར་གྱུར་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 17.ཆོས་ཐམས་ཅད་ནི། འོང་བ་མེད་པ་ན་སེམས་ཅན་རྣམས་ནི། འོང་བ་ལ་གནས་པའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 18.ཆོས་ཐམས་ཅད་ནི། འགྲོ་བ་མེད་པ་ན་སེམས་ཅན་རྣམས་ནི། འགྲོ་བ་ལ་གནས་སོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 19.ཆོས་ཐམས་ཅད་ནི། མངོན་པར་འདུ་བྱེད་པ་མེད་པ་ན་སེམས་ཅན་རྣམས་ནི། མངོན་པར་འདུ་བྱེད་པ་ལ་སྤྱོད་དོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 20.ཆོས་ཐམས་ཅད་ནི། སྤྲོས་པ་མེད་པ་ན་སེམས་ཅན་རྣམས་ནི། སྤྲོས་པ་ལ་དགའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 21.ཆོས་ཐམས་ཅད་ནི། སྟོང་པ་ན་སེམས་ཅན་རྣམས་ནི། ལྟ་བ་ཞེན་པའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 22.ཆོས་ཐམས་ཅད་ནི་མཚན་མ་མེད་པ་ན་སེམས་ཅན་རྣམས་ནི། མཚན་མའི་སྤྱོད་ཡུལ་ཅན་ནོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 23.ཆོས་ཐམས་ཅད་ནི། སྨོན་པ་མེད་པ་ན་སེམས་ཅན་རྣམས་ནི། སྨོན་ལམ་ལ་སྤྱོད་དོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 24.ཀྱེ་མ་འཇིག་རྟེན་གནས་པ་འདི་ནི། ཕན་ཚུན་རྩོད་པས་ཡོངས་སུ་ཟིན་ཅིང་གནོད་སེམས་ཀྱི་ཐ་བའི་སྐྱོན་ལ་ཞུགས་པར་གཟིགས་ནས་དེ་དག་ལ་གནོད་སེམས་ཀྱི་ཐ་བའི་སྐྱོན་སྤོང་བའི་ཕྱིར་ཆོས་བསྟན་པར་བྱའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 25.ཀྱེ་མ་འཇིག་རྟེན་གནས་པ་འདི་ནི། ཕྱིན་ཅི་ལོག་དང་ལྡན་ཞིང་ལམ་ཉམ་ང་བར་ཞུགས་པ། ལམ་གོལ་བ་ལ་གནས་པ་ཡིན་གྱི། དེ་དག་ཡང་དག་པའི་ལམ་དུ་གཟུད་པར་བྱའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 26.ཀྱེ་མ་འཇིག་རྟེན་གནས་པ་ནི། བརྐམ་ཞིང་འདོད་པའི་ཟིལ་གྱིས་ནོན་པ་སྟེ། ཆོག་མི་ཤེས་ཤིང་གཞན་གྱི་ནོར་ལ་འཕྲོག་པ་ཡིན་གྱི། དེ་དག་འཕགས་པའི་ནོར་དད་པ་དང་། ཚུལ་ཁྲིམས་དང་། ཐོས་པ་དང་། གཏོང་བ་དང་། ཤེས་རབ་དང་། ངོ་ཚ་ཤེས་པ་དང་། ཁྲེལ་ཡོད་པའི་ནོར་ལ་འགོད་དོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 27.ཀྱེ་མ་སེམས་ཅན་འདི་དག་ནི། བུ་སྨད་དང་། ཁྱིམ་དང་། ནོར་དང་། འབྲུ་ལ་སྲེད་པས་འཁོར་བ་སྟེ། སྙིང་པོ་མེད་པ་ལ་འདུ་ཤེས་པ་ཡིན་གྱི། དེ་དག་ལ་ཤིན་ཏུ་མི་རྟག་པར་བསྟན་པར་བྱའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 28.ཀྱེ་མ་སེམས་ཅན་འདི་དག་ནི། མི་རིགས་པས་འཚོ་སྟེ། གཅིག་ལ་གཅིག་འདྲིད་པར་གནས་པ་ཡིན་གྱི། དེ་དག་ལ་འཚོ་བ་ཡོངས་སུ་དག་པར་བྱ་བའི་ཕྱིར་ཆོས་བསྟན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 29.ཀྱེ་མ་སེམས་ཅན་འདི་དག་ནི། ཆོག་མི་ཤེས་པ་སྟེ། རྙེད་པ་དང་། བཀུར་སྟི་དང་། ཚིགས་སུ་བཅད་པ་ལ་སྤྱོད་ཀྱང་བདག་ཅག་ནི། ཆོག་ཤེས་པའོ། ། སྙམ་དུ་འཛིན་གྱི། དེ་དག་ལ་གང་འདི་སྡུག་བསྔལ་ཤིན་ཏུ་ཞི་ཞིང་བདེ་བའི་མྱུ་ངན་ལས་འདས་པས་ཆོག་པར་བྱའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 30.ཀྱེ་མ་སེམས་ཅན་འདི་དག་ནི། ཁྱིམ་གྱི་གནས་སྡུག་བསྔལ་གྱི་སྣོད་ཤིན་ཏུ་ཉོན་མོངས་པ་ལ་རྟག་ཏུ་དགའ་བ་ཡིན་གྱི། དེ་དག་ལས་ཕྱུང་ཞིང་ཁམས་གསུམ་པ་ལས་ཡང་དག་པར་འདའ་བར་བྱ་བའི་ཕྱིར་ཆོས་བསྟན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 31.ཆོས་ཐམས་ཅད་ནི། རྒྱུས་ཉེ་བར་གནས་པའི་མཚན་ཉིད་ཡིན་ན། དེ་ལ་སེམས་ཅན་རྣམས་ནི། འཕགས་པའི་རྣམ་པར་གྲོལ་བ་ལ་ལེ་ལོ་བྱེད་ཀྱི། དེ་དག་ལ་རྣམ་པར་གྲོལ་བ་ལྷུར་བླང་བའི་ཕྱིར་བརྩོན་འགྲུས་བརྩམ་པར་ཆོས་བསྟན་ཏོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། 32.སེམས་ཅན་རྣམས་ནི། ཆགས་པ་མེད་པའི་ཡེ་ཤེས་རྣམས་ཁྱད་པར་དུ་འཕགས་པའི་ཡོངས་སུ་མྱ་ངན་ལས་འདས་པ་འདི་བཏང་ཞིང་གང་འདི་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དམན་པ་ཚོལ་བ་ཡིན་གྱི། དེ་དག་ལ་གང་འདི་སངས་རྒྱས་ཀྱི་ཡེ་ཤེས་ལ་དམིགས་པར་བྱ་བའི་ཕྱིར་རྒྱ་ཆེན་པོ་བློ་མོས་པར་བྱའོ། ། ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། །
Tibetan Source	《མདོ་ཚ་པ་》ཤ་71ན་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number