11326

Tibetan	སེམས་ཀྱི་ཁྱད་པར་གྱི་མཚན་ཉིད་དྲུག་ཅུ།
Tibetan Alternate
Tibetan Definition	དེ་ཡང་། མདོ་སྡེའི་དབང་གི་རྒྱལ་པོ་ཞེས་བྱ་བའི་མདོ་ལས་བྱུང་བ་སྟེ། 1.འདོད་ཆགས་ཀྱི་སེམས་ཀྱི་ནི། ཆགས་པ་ཅན་ཆོས་ཀུན་ཏུ་སྟེན་པའོ། ། 2.འདོད་ཆགས་དང་བྲལ་བའི་སེམས་ནི། འདོད་ཆགས་དང་བྲལ་བའི་ཆོས་ཀུན་ཏུ་སྟེན་པའོ། ། 3.ཞེ་སྡང་གི་སེམས་ནི། སྣང་བས་ཆོས་ཀུན་ཏུ་སྟེན་པའོ། ། 4.བྱམས་པའི་སེམས་ནི། བྱམས་པ་དང་ལྡན་པས་ཆོས་ཀུན་ཏུ་སྟོན་པའོ། ། 5.གཏི་མུག་གི་སེམས་ནི། གང་མི་སྦྱོང་བར་ཆོས་སྟོན་པའོ། ། 6.ཤེས་རབ་ཀྱི་སེམས་ནི། ཁྱད་པར་ལས་ཁྱད་པར་གཞན་རྟོགས་པར་བྱས་ཏེ་ཆོས་སྟེན་པའོ། ། 7.གཏན་ལ་ཕབ་པའི་སེམས་ནི། བཀའ་དང་བླ་མའི་ཚིག་བཞིན་བྱེད་པའོ། ། 8.ཐེ་ཚོམ་གྱི་སེམས་ནི། ཇི་ལྟར་ཡོངས་སུ་བཟུང་བ་ངེས་པ་དག་ལ་སོམ་ཉི་སྟེན་པ་ཉིད་དོ། ། 9.མུན་པར་གྱུར་པའི་སེམས་ནི། སོམ་ཉི་མེད་པ་ལ་སོམ་ཉིར་ཤེས་པའོ། ། 10.སྣང་བར་གྱུར་པའི་སེམས་ནི། སོམ་ཉི་མེད་པ་ལ་སོམ་ཉི་མེད་པར་སྟེན་པའོ། ། 11.སྡུད་པའི་སེམས་ནི། དུ་མ་གཅིག་ཏུ་བྱེད་པའོ། ། 12.འཐབ་པའི་སེམས་ནི། ཕན་ཚུན་རྩོད་པ་ཉིད་དོ། ། 13.རྩོད་པའི་སེམས་ནི། གང་དག་བདག་ཉིད་དང་བདག་ཉིད་དུ་རྩོད་པའོ། ། 14.མི་རྩོད་པའི་སེམས་ནི། མཉམ་པས་མཚུངས་པར་ལྟ་བའོ། ། 15.ལྷའི་སེམས་ནི། ཡིད་ཀྱིས་བདག་ཉིད་ལ་རློམ་སེམས་སུ་བྱེད་པའོ། ། 16.ལྷ་མ་ཡིན་གྱི་སེམས་ནི། གང་འཁོར་བ་ཉིད་ལ་སྨོད་པའོ། ། 17.ཀླུའི་སེམས་ནི། གང་ལོངས་སྤྱོད་ཆེན་པོ་ཉིད་དུ་བྱ་བའི་ཕྱིར་སེམས་པའོ། ། 18.མིའི་སེམས་ནི། དེ་ཉིད་ཀྱི་དོན་དུ་སེམས་པའོ། ། 19.བུད་མེད་ཀྱི་སེམས་ནི། འདོད་པ་ཁོ་ནའི་ཕྱིར་ཆོས་སྟེན་པའོ། ། 20.དབང་ཕྱུག་གི་སེམས་ནི།་གང་བདག་གིས་ཐམས་ཅད་བསམ་མོ་སྙམ་དུ་རློམ་སེམས་སུ་བྱེད་པའོ། ། 21.ཚོང་བའི་སེམས་ནི། གང་བསྡུ་བ་བྱས་ཏེ་རྣམ་པར་སྤེལ་ནས་ཕྱིས་སྟེན་པའོ། ། 22.ཞིང་པའི་སེམས་ནི། གང་ཐོས་པ་རྣམ་པ་དུ་མ་ཚོལ་ཞིང་ཕྱིས་སྟེན་པའོ། ། 23.ཆུ་བོའི་སེམས་ནི། གང་མཐའ་གཉིས་ལ་ལྟོས་ཤིང་སྟེན་པའོ། ། 24.ལྟེང་གའི་སེམས་ནི། གང་སྲེད་པས་སྟེན་པའོ། ། 25.ཁྲོན་པའི་སེམས་ནི། གང་མི་ཟབ་པ་ལ་ཟབ་པར་སེམས་པའོ། ། 26.ཀུན་ཏུ་སྲུང་བའི་སེམས་ནི། འདི་ཉིད་བདེན་གྱི་ གཞན་གཏི་མུག་གོ་སྙམ་དུ་སེམས་པའོ། ། 27.སེར་སྣའི་སེམས་ནི། བདག་ཉིད་སྟེན་ཅིང་གཞན་ལ་མི་སྟེར་བའོ། ། 28.བྱི་ལའི་སེམས་ནི། གང་མཆོད་པ་ལ་ལྟོས་ཏེ་སྟེན་པའོ། ། 29.ཁྱིའི་སེམས་ནི། གང་ཆུང་ངུས་ཀྱང་མགུ་བར་འགྱུར་བའོ། ། 30.ནམ་མཁའ་ལྡིང་གི་སེམས་ནི། གང་ཕྱོགས་འཛིན་པས་ཆོས་ལ་སྟེན་པའོ། ། 31.བྱི་བའི་སེམས་ནི། བཅིངས་པ་ཐམས་ཅད་གཅད་པའི་ཕྱིར་སེམས་པའོ། ། 32.གླུའི་སེམས་ནི། བདག་གི་དབྱངས་སྒྲ་སྣ་ཚོགས་ཀྱི་གླུས་སེམས་ཅན་རྣམས་གཟུང་བར་བྱའོ། ། སྙམ་པའོ། ། 33.གར་གྱི་སེམས་ནི། བདག་གིས་རྫུ་འཕྲུལ་སྣ་ཚོགས་ཀྱིས་གཞན་དག་ཡང་དག་པར་འཛིན་དུ་གཞུག་གོ་སྙམ་དུ་སེམས་པའོ། ། 34.སིལ་སྙན་གྱི་སེམས་ནི། བདག་གིས་ཆོས་ཀྱི་རྔ་བརྡུང་ངོ་སྙམ་པའོ། ། 35.ཁྱིམ་གྱི་སེམས་ནི། བདག་གི་ལུས་ཀུན་ཏུ་བསྲུང་བའི་ཕྱིར་སྟེན་པའོ། ། 36.སེངྒེའི་སེམས་ནི། གང་ཐམས་ཅད་ཟིལ་གྱིས་གནོན་པ་སྟེན་པའོ། ། 37.འུག་པའི་སེམས་ནི། གང་མཚན་མོ་སེམས་པའོ། ། 38.བྱ་རོག་གི་སེམས་ནི། ཐམས་ཅད་དུ་སྐྲག་པར་སེམས་པའོ། ། 39.སྲིན་པོའི་སེམས་ནི། དགེ་བས་མི་དགེ་བ་རྣམས་སྒྲུབ་པའོ། ། 40.ཚེར་མའི་སེམས་ནི། གང་ཐམས་ཅད་དུ་འགྱོད་པ་སེམས་པའོ། ། 41.ས་འོག་གི་སེམས་ནི། གོང་ས་འོག་གི་དོན་དུ་སེམས་པའོ། ། 42.རླུང་གི་སེམས་ནི། གང་ཐམས་ཅད་དུ་ཐམས་ཅད་སྒྲུབ་པའོ། ། 43.ཆུའི་སེམས་ནི། གང་མི་དགེ་བ་ཐམས་ཅད་བཀྲུ་བའི་ཕྱིར་སྟེན་པའོ། ། 44.མེའི་སེམས་ནི། གང་དཀའ་ཐུབ་ཉིད་ཀྱིས་གདུང་བར་བྱེད་པའོ། ། 45.འདམ་གྱི་སེམས་ནི། གང་བདག་གི་ཉེས་པས་གཞན་ལ་སྐུད་པའོ། ། 46.རྙོག་པའི་སེམས་ནི། གང་ཕ་རོལ་གྱི་ཉེས་པ་འཛིན་པས་སེམས་ལ་རྟོག་པ་སྐྱེད་པའོ། ། 47.ཚོན་རྩིའི་སེམས་ནི། གང་དེ་ལ་ཆགས་པ་ཉིད་དུ་སྟེན་པའོ། ། 48.ཤིང་ལེབ་ཀྱི་སེམས་ནི། གང་དགེ་བ་གཞན་སྤོང་བས་སྟེན་པའོ། ། 49.ནོར་བའི་སེམས་ནི། གཞན་བཟུང་ཞིང་གཞན་ཁོ་ནར་སེམས་པའོ། ། 60.དུག་གི་སེམས་ནི། གང་ཤིན་ཏུ་དངོས་པོ་མེད་པ་ཉིད་སེམས་པའོ། ། 51.ཞགས་པའི་སེམས་ནི། གང་ཐམས་ཅད་དུ་བདག་ཉིད་བཅིངས་ཤིང་འདུག་པའོ། ། 52.ལྕགས་སྒྲོག་གི་སེམས་ནི། གང་རྐང་པ་གཉིས་ལ་འདུག་སྟེ་སེམས་པའོ། ། 53.སྤྲིན་གྱི་སེམས་ནི། གང་ཆུ་དག་ལ་སེམས་པའོ། ། ། 54.ཞིང་གི་སེམས་ནི། རང་གི་ལུས་ཉིད་ཡོངས་སུ་སྦྱོང་པར་བྱེད་པའོ། ། 55.ལན་ཚྭའི་སེམས་ནི། གང་ཞིག་གང་གིས་སེམས་པར་བྱེད་པ་དེ་ལ་ཡང་སེམས་པའོ། ། 56.སྤུ་གྲིའི་སེམས་ནི། གང་རབ་ཏུ་བྱུང་བ་ཙམ་ལ་སྟེན་པའོ། ། 57.རི་རབ་ལྟ་བུའི་སེམས་ནི། གང་མཐོ་བར་གྱུར་ནས་སེམས་པའོ། ། 58.རྒྱ་མཚོ་ལྟ་བུའི་སེམས་ནི། གང་རང་གི་ལུས་ཉིད་ལ་མཆོག་ཏུ་འཛིན་ཅིང་འདུག་པའོ། ། 59.ཕུག་ལྟ་བུའི་སེམས་ནི། གང་སྔར་ངེས་པར་གྱུར་ལ་ཕྱིས་དེ་ཉིད་ཀྱི་འགྱུར་བ་སྟེན་པའོ། ། 60.སྐྱེ་བར་འགྱུར་བའི་སེམས་ནི། གང་གི་སེམས་འདུ་བྱེད་གང་ཁོ་ན་སྐྱེས་པ་དེ་ཁོ་ན་དང་ལྷན་ཅིག་ཏུ་འགྲོ་བའོ། །
Tibetan Source	《རྒྱུད་ཉ་པ་》ཤ་183བ་ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number