11365

Tibetan	རྒྱུ་སྐར་གང་ལ་ས་གཡོས་ན་དེའི་འབྲས་བུ་བསྟན་པ་ཉེར་བདུན།
Tibetan Alternate
Tibetan Definition	དེ་ཡང་། སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། 1.སྨིན་དྲུག་ལ་ས་གཡོས་ན་གྲོང་ཁྱེར་དང་། གྲོང་རྣམས་ཡང་དང་ཡང་དུ་མེས་བསྲེགས་པས་རྩྭའང་མི་ལུས་པར་འགྱུར་རོ། ། དེ་ལས་རྣམ་པར་གཡོས་ན་སོལ་བ་མཁན་དང་། ནོར་བུ་མཁན་དང་། ཁྱེའུ་དང་། མེས་སྐོར་བྱས་པའི་གཟའ་དང་། དེ་ལ་སྐྱེས་པ་དང་། ལམ་དུ་ཞུགས་པ་ན་ཞིང་སྡུག་བསྔལ་བར་འགྱུར་རོ། ། 2.སྣར་མ་ལ་ས་གཡོས་ན་ས་བོན་ཐམས་ཅད་ཉམས་པས་འབྲུ་རྣམས་འཐོབ་པར་མི་འགྱུར་ཞིང་སྡུག་བསྔལ་བར་འགྱུར་བ་དང་། བུད་མེད་སྦྲུམ་མ་རྣམས་མངལ་ན་ནད་འབྱུང་པ་དང་། མུ་གེ་འབྱུང་བ་དང་། སྨྲས་པ་དང་། ནད་ཀྱིས་བཏབ་པའི་མི་རྣམས་སུམ་ཆ་འཚོ་བར་འགྱུར། བདག་ཉིད་ཆེན་པོ་དང་། རྒྱལ་པོ་དང་། དཔལ་དང་ལྡན་པའི་མི་དང་། མིའི་མཆོག་རྣམས་ནད་ཀྱིས་བཏབ་པར་འགྱུར་རོ། ། 3.མགོ་ལ་ས་གཡོས་ན་སྨན་རྣམས་ཉམས་ཤིང་སྨན་པ་དང་། མཆོད་སྦྱིན་རྩོམ་པ་དང་། མཆོད་སྦྱིན་བྱེད་པ་དང་། བྲམ་ཟེ་ནགས་ན་གནས་པ་དང་། དཀའ་ཐུབ་པ་དེ་དག་ལ་ནད་འབྱུང་བར་འགྱུར་རོ། ། 4.ལག་ལ་ས་རྣམ་པར་གཡོས་ན་འོ་མ་ཅན་གྱི་ཤིང་རྣམས་ཉམས་ཤིང་། ཟས་དང་སྐོམ་དཀོན་ཞིང་འགྲོན་པོ་ཡུལ་འཁོར་ཆས་པ་དང་། དོང་དང་། འོབས་དང་། སྡིག་པ་ཅན་དང་། རྐུན་མ་རྣམས་ལས་གཡོས་པའི་ནད་ཀྱིས་འདེབས་པར་འགྱུར་རོ། ། 5.ནམ་སོ་ལ་ས་རྣམ་པར་གཡོས་ན་དཀྱིལ་འཁོར་བྱེད་པའི་ཞལ་ཏ་པ་དང་། ལམ་གྱི་ནོར་ཅན་དང་། ལམ་དུ་འགྲོ་བ་པོ་དང་། འཁོར་ལོ་པ་དང་། བྱིས་པ་དང་། སྲུས་མཁན་དང་། ཤན་པ་དང་། དུང་འཚོ་བ་རྣམས་ལ་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། ། 6.རྒྱལ་ལ་ས་རྣམ་པར་གཡོས་ན་བྲམ་ཟེ་རྣམས་དང་། དེ་བཞིན་དུ་གཙོ་བོ་རྣམས་དང་། ཚོང་པ་རྣམས་དང་། དེད་དཔོན་རྣམས་དང་། ཚོང་པ་རིང་པོར་འགྲོ་བ་རྣམས་ལ་ནད་འབྱུང་བར་འགྱུར་ཞིང་སེར་བས་འབྲུ་རྣམས་རློག་ཅིང་རི་ཁྲོད་ན་གནས་པའི་རྒྱལ་པོའི་བསྙེན་བཀུར་བ་རྣམས་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། ། 7.སྐག་ལ་ས་རྣམ་པར་གཡོས་ན་ཀླུ་རྣམས་དང་། སྦྲུལ་ཁ་སྡིག་པ་རྣམས་དང་། གྲོག་མོ་རྣམས་དང་། གྲོག་ཕྲན་རྣམས་དང་། སྲིལ་རྣམས་དང་། ཁྱིམ་རྣམས་དང་། ཀླུ་མགོ་གཅིག་པ་རྣམས་དང་། དུག་སྔགས་མཁན་རྣམས་དང་། དུག་བྱེད་པ་རྣམས་དང་། སེམས་ཅན་ཁུང་དུ་བའཇུག་པ་རྣམས་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། ། 8.མཆུ་ལ་ས་རྣམ་པར་གཡོས་ན་རྒྱལ་པོ་རྣམས་ལ་ནད་འབྱུང་ཞིང་མཆོད་སྦྱིན་དང་། ཤིང་ལས་ལོག་པ་རྣམས་དང་། འདུས་པའི་སྟོན་མོ་ལས་ལོག་པ་རྣམས་དང་། ལྷའི་མཆོད་སྦྱིན་ལས་ལོག་པ་རྣམས་དང་། དེ་ལ་ལོག་པ་ཐམས་ཅད་དང་། གང་ཞིག་དེ་ལ་སྐྱེས་པ་དང་། བསྐྱེད་པ་དང་། གང་མཁས་པའི་མཆོག་ཏུ་གྱུར་པ་དང་། གླུ་མཁན་རྣམས་འཆི་བར་འགྱུར་ཞིང་། དེ་དག་དང་། རིགས་མཐོན་པོ་རྣམས་ནད་ཀྱིས་ཐེབས་པར་འགྱུར་རོ། ། 9.ཆུ་སྟོད་ལ་ས་རྣམ་པར་གཡོས་ན་དུས་འགྱུར་ཞིང་ཆོས་ལ་དགའ་བ་དང་། ཤོ་གམ་གྱིས་འཚོ་བ་རྣམས་ལ་ས་གཡོས་ན་ནད་ཀྱིས་འཐེབས་པར་འགྱུར་རོ། ། 10.ཆུ་སྨད་ལ་ས་རྣམ་པར་གཡོས་ན་ཚོང་པ་གླིང་དུ་འགྲོ་བ་རྣམས་དང་། དེད་དཔོན་རྣམས་དང་། རི་ཁྲོད་ན་འཚོ་བ་རྣམས་ཨང་ག་དང་། ལུས་འཕགས་པོ་དང་། མ་ག་དྷ་པ་རྣམས་དང་། ནི་ཏིའི་བུད་མེད་བླངས་པ་རྣམས་ས་རྣམ་པར་གཡོས་པའི་ནད་ཀྱིས་ཐེབས་པར་འགྱུར་རོ། ། 11.མེ་བཞི་ལ་ས་རྣམ་པར་གཡོས་པས་ན་རྫ་མཁན་རྣམས་དང་། སྨན་པ་རྣམས་དང་། ཚོགས་ཀྱི་གཙོ་བོ་རྣམས་དང་། བློན་པོ་ཆེན་པོ་རྣམས་དང་། དམག་དཔོན་རྣམས་ས་རྣམ་པར་གཡོས་པའི་ནད་ཀྱིས་ཐེབས་པར་འགྱུར་རོ། ། 12.འདི་ལྟར་ནམ་སོ་ལ་ས་གཡོས་པ་ཡང་སྔ་མ་བཞིན་དུ་བལྟའོ། ། 13.ས་རི་ལ་ས་རྣམ་པར་གཡོས་ན་རྐུན་མ་ཚུལ་ཁྲིམས་ཉམས་པ་རྣམས་དང་། ཤན་པ་དང་། ཤན་པ་ལ་དགའ་བ་རྣམས་དང་། ཤན་པའི་བདག་པོ་དང་། རླུང་ཟའི་དཀའ་ཐུབ་པ་རྣམས་གཡོས་ནས་ནད་ཀྱིས་ཐེབས་པར་འགྱུར་རོ། ། 14.ས་ག་ལ་ས་རྣམ་པར་གཡོས་ན་རི་ཆེན་པོ་རྣམས་འཆད་པར་འགྱུར་རོ། ། རྟ་རྒྱུག་པོ་རྣམས་དང་། ལམ་ན་འགྲོ་བ་ལ་རླུང་དྲག་པོས་རྡོ་རྣམས་འཐོར་བས་སྟོབས་མེད་པར་བྱེད་ལ་ས་གཡོས་པས་དེ་དག་ནད་ཀྱིས་འདེབས་པར་འགྱུར་རོ། ། 15.ནག་པ་ལ་ས་གཡོས་ན་རྐུན་མ་ཆེན་པོས་གནོད་པ་བྱེད་པ་འོང་ཞིང་། བྱི་རྒྱུག་པ་དང་། ཆོ་ལོ་པ་རྣམས་དང་། མདུད་པ་འགྲོལ་བའི་མི་རྣམས་དང་། ཨན་དྲ་པ་རྣམས་དང་། བུ་རམ་ཤིང་འཕེལ་བ་རྣམས་དང་། ཕུ་ལིན་པ་རྣམས་ལ་སྐྱབས་མེད་པའི་འཇིགས་པ་འོང་ཞིང་གྲོགས་དང་འབྲལ་ཞིང་སྟོབས་ཆེ་བ་འབྱུང་ངོ་། ། 16.སྣོན་ལ་ས་གཡོས་ན་རྒྱལ་པོ་ཆེན་པོ་ལ་གནོད་པ་འབྱུང་ཞིང་ཁྲ་དང་། བྱི་བ་དང་། སྦྲུལ་དང་། དེ་བཞིན་དུ་གཅན་གཟན་གདུག་པ་ཅན་རྣམས་དང་། གཞན་གནོད་པ་བྱེད་པ་རྣམས་དང་། སུ་ར་སེ་ན་བ་དང་། མ་ལ་བ་རྣམས་དང་། བ་ལྷ་བ་གྲ་ཧ་པ་དང་། གནོད་པ་མེད་པ་དང་། དེ་ལ་གུས་པའི་མི་རྣམས་མྱུར་བར་ས་གཡོས་པས་ ནད་ཀྱིས་འདེབས་པར་འགྱུར་རོ། ། 17.སྣུབས་ལ་ས་གཡོས་ན་རྐང་བཞི་པ་རྣམས་དང་། རྐང་གཉིས་པ་དང་། དེ་བཞིན་དུ་གནོད་སྦྱིན་རྣམས་དང་། ཡི་དྭགས་རྣམས་དང་། སེམས་ཅན་དེ་དག་དང་། རི་ཁྲོད་པ་རྣམས་དང་། ཆུ་མེད་པས་ལོ་ཉེས་ཤིང་མྱུར་དུ་མུ་གེ་འབྱུང་ཞིང་རི་རྣམས་འཆད་པར་འགྱུར་རོ། ། 18.ཆུ་སྟོད་ལ་ས་གཡོས་ན་ཆུ་ལ་གནས་པའི་ཉ་རྣམས་དང་། ཤུ་ཤུ་མ་དང་། ཉ་ཕྱིས་རྣམས་དང་། ཆུ་སྲིན་རྣམས་དང་། རུས་སྦལ་དང་། རིགས་དང་། རུས་བཙུན་པ་རྣམས་དང་། ནོར་དང་ལྡན་པ་རྣམས་དང་། མཁས་པ་རྣམས་དང་། གཉིས་པ་རིགས་དང་ལྡན་པ་རྣམས་ལ་འཇིགས་པ་ཆེན་པོ་འབྱུང་ཞིང་ས་གཡོས་པས་དེ་དག་ནད་ཀྱིས་འདེབས་པར་འགྱུར་རོ། ། 19.ཆུ་སྨད་ལ་ས་གཡོས་ན་བཟོ་མཁས་པ་རྣམས་ལ་གནོད་པ་མི་འབྱུང་ཞིང་མགར་བ་དང་། ཞལ་མཁན་རྣམས་དང་། མདའ་མཁན་རྣམས་དང་། ཤིང་མཁན་རྣམས་དང་། དབུལ་པོ་རྣམས་དང་། གཞན་ཡང་བཟོ་སྣ་ཚོགས་པ་བྱེད་པ་དང་། གྲོང་དང་ཉེ་བའི་སྐམ་ལ་གནས་པ་ལ་གནོད་པར་འགྱུར་རོ། ། 20.གྲོ་བཞིན་ལ་ས་གཡོས་ན་མི་གང་ཞིག་རྒྱལ་པོ་མཆོད་པ་དང་། ཀློག་པ་རྣམས་དང་། བསྟན་བཅོས་མཁས་པ་རྣམས་དང་། སྙན་དངགས་མཁན་རྣམས་དང་། གླུ་མཁན་རྣམས་དང་། སུ་ར་སེ་ན་བ་དང་། རྗེས་སུ་འཇུག་པ་རྣམས་དང་། གོས་འཚོང་བ་དང་། གི་ཤ་ཏ་དང་། ས་ར་ད་ན་དང་། དེ་དག་གི་བསམ་པ་འགྲུབ་བོ། ། 21.མོན་གྲེ་ལ་ས་གཡོས་ན་ནོར་ཅན་རྣམས་ལ་གནོད་པ་འབྱུང་ཞིང་ཕྱུག་པོ་རྣམས་དང་། གྲོང་ཁྱེར་ཆེན་པོ་དང་། ཚོང་དཔོན་རྣམས་དང་། སྤྱི་སེར་རྣམས་དང་། བཀྲ་ཤིས་པ་དང་། བཟང་པོ་སྔགས་མཁན་དང་། རི་ཁྲོད་པ་རྣམས་དང་། པ་རི་ཀ་པ་དང་། མ་ལ་པ་དང་། གྲོང་ཁྱེར་ཆེ་བ་གཞན་རྣམས་ལ་གནོད་པ་འབྱུང་བར་འགྱུར་རོ། ། 22.མོན་གྲུ་ལ་ས་གཡོས་ན་ཆུ་ལ་གནས་པ་རྣམས་ལ་གནོད་པ་ཆེན་པོ་འབྱུང་ཞིང་གླང་པོ་དང་། རྟ་དང་། བོང་བུ་དང་། ཇ་མོ་རྣམས་ལ་ཆེར་སྡུག་བསྔལ་འབྱུང་ངོ་། ། དེ་བཞིན་དུ་ས་རི་ར་ཀ་པ་དང་། མ་དྲ་བ་དང་། བི་ལི་ཀ་ན་པ་དང་། ཀེ་ཀ་ཡ་ན་པ་དང་། རྟེན་མེད་པ་དང་། འཁོར་ལོ་གཅིག་པ་དང་། ཡུལ་དེ་དག་གི་སྐྱེ་བོ་རྣམས་ལ་ནད་འབྱུང་ངོ་། ། 23.མེ་བཞི་ལ་ས་རྣམ་པར་གཡོས་ན་སྲིན་པོའི་གདོན་གྱིས་འཛིན་ཅིང་། དེ་བཞིན་དུ་ཤན་པ་དང་། ཕག་འཚོང་པ་དང་། སོ་པ་རི་པ་རྣམས་འཆི་བར་འགྱུར་རོ། ། ཚོང་གིས་འཚོ་བའི་རྗེའུ་རིགས་དང་། དམངས་རིགས་དང་། ཟློས་ལ་ར་མཁན་དང་། ནས་གླིང་པ་དང་། རྡོ་རྣམས་དང་། གྱད་ཀྱི་ཡུད་པ་རྣམས་དང་། ཁུ་ལྗོ་དང་ལྡན་པའི་བུད་མེད་རྣམས་དང་། མདུད་པ་འགྲོལ་བ་རྣམས་མེད་པར་འགྱུར་རོ། ། 24.མོན་གྲུ་ལ་ས་གཡོས་ན་ཚོང་པ་རྣམས་ལ་ནད་འབྱུང་ཞིང་ཆོས་ལ་དགའ་བ་དང་། གྲུབ་པ་རྣམས་དང་། ཤོ་གམ་གྱི་ལས་བྱེད་པ་རྣམས་དང་། རྒྱལ་རིགས་སྲིད་སྒྲུབ་ཀྱི་རྒྱུད་དང་། མཛའ་བ་རྣམས་དང་། སིན་དུ་བའི་རྒྱལ་པོ་དང་། མདའ་གཞུ་ཐོགས་པ་རྣམས་ཡུན་རིང་པོར་དོན་མེད་པར་འགྱུར་རོ། ། 25.ནམ་གྲུ་ལ་ས་གཡོས་ན་གཡུལ་དྲག་པོ་ཤོམ་པར་འགྱུར་ཞིང་གྲོང་འཇོམས་པར་འགྱུར་བ་དང་། གྲོང་གིས་གྲོང་ཕུང་བ་དང་། ནིར་ཏ་པ་རྣམས་དང་། རྒྱ་ཡུལ་པ་དང་། ར་མ་ཏ་ན་གནས་པ་རྣམས་དང་། ཞིང་ལས་བཟང་པོ་བྱེད་པ་རྣམས་དང་། ལུང་པ་གནས་པའི་གཙོ་བོ་རྣམས་དང་། དམག་དཔོན་ཐམས་ཅད་ངེས་པར་སྲེག་པར་འགྱུར་རོ། ། 26.ཐ་སྐར་ལ་ས་རྣམ་པར་གཡོས་ན་རྟ་རྣམས་ལ་ནད་འབྱུང་ཞིང་གྲོང་རྣམས་འཇིག་པར་འགྱུར། སྤུན་ཟླ་གསོད་པར་འགྱུར་ཞིང་དེ་ལ་མངལ་ཆགས་པ་དང་། དེ་ལ་སྐྱེས་པ་དང་གསུམ་སྡུག་བསྔལ་དང་། རྒྱུན་དུ་ལྡན་པར་འགྱུར་ཞིང་མདུན་རྒྱུད་དང་། མངལ་ན་གནས་པ་དང་། བཟའ་བཏུང་འཐུང་བ་དང་། སྲིད་སྒྲུབ་ཀྱི་རྒྱལ་རིགས་རྣམས་ཕན་ཚུན་གསོད་པར་འགྱུར་རོ། ། 27.བྲ་ཉེ་ལ་ས་གཡོས་ན་རྐུན་མ་རྣམས་ལ་ནད་ཆེན་པོ་འབྱུང་ཞིང་རྩོད་པ་འབྱུང་ངོ་། ། ཆོ་ལོ་མཁན་དང་། མདུད་པ་འགྲོལ་བ་དང་། མེ་ལོང་གི་འཁོར་ལོས་སླུ་བར་བྱེད་པ་རྣམས་དང་། དེ་བཞིན་དུ་བཙོན་སྲུང་རྣམས་དང་། ཟས་སྡོམ་པ་དང་། གནོད་པ་བྱེད་པའི་སྐྱེ་བོ་མི་བཟང་བ་རྣམས་འཆི་བར་འགྱུར་རོ། །
Tibetan Source	《མདོ་ཨ་པ་》ཤ་421བ་2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number