From Rangjung Yeshe Wiki - Dharma Dictionary
< Dictionaries | chos rnam kun btus(diff) ← Older revision | Latest revision (diff) | Newer revision → (diff)
Jump to navigation
Jump to search
| Tibetan
|
ལུས་ཀྱི་རུས་པ་སུམ་བརྒྱ་དྲུག་ཅུ།
|
| Tibetan Alternate
|
|
| Tibetan Definition
|
དེ་ཡང་། དཀོན་བརྩེགས་ལེའུ་བཅུ་བཞི་པ་མངལ་དུ་འཇུག་པ་བསྟན་པའི་མདོ་ལས་བྱུང་བ་སྟེ། གཞུང་དུ་ཚན་པ་འདི་ཚིགས་བཅད་དུ་གསུངས་པས་ཚན་པ་སོ་སོར་དབྱེ་རྒྱུ་ཅུང་དཀའ་བར་མཐོང་བས་རེ་ཞིག་ཚིགས་བཅད་དུ་གང་གསལ་བ་ཆུ་བབ་ཏུ་བཀོད་པ་ནི་འདི་ལྟར། མགོ་ཐོད་རུས་པ་དགུ་འདུས་ཤིང་། ། འགྲམ་པའི་རུས་པ་གཉིས་འབྲེལ་ཏེ། ། སོ་ནི་སུམ་ཅུ་རྩ་གཉིས་ལྡན། ། དེ་ཡི་རྩ་བའང་དེ་བཞིན་ནོ། ། རྣ་རྩ་གཉའ་བའི་རུས་པ་དང་། ། རྐན་དང་སྣ་ཡི་རུས་པ་དང་། ། བྲང་དང་མིད་པའི་རུས་པ་ནི། ། བསྡུས་ན་རུས་པ་ཉི་ཤུ་ཡོད། ། མིག་ལ་རུས་པ་བཞི་ཡོད་དེ། ། ཕྲག་པ་བྱིན་པ་ཟུང་གཉིས་ཡོད། ། ལག་པ་གཉིས་དང་སོར་མོ་རྣམས། ། བསྡུས་ན་རུས་པ་ལྔ་བཅུ་ཡོད། ། ལྟག་རྒྱབ་རུས་པ་བརྒྱ་ཡོད་དེ། ། སྒལ་ཚིགས་ལ་ནི་སུམ་ཅུ་གཉིས། ། འདི་དག་ཀུན་ལ་རྩ་ཡོད་པས། ། དེ་ཡི་གྲངས་ནི་ཆ་བཞིར་འགྱུར། ། རྩིབ་ལོགས་གཡས་པའི་རུས་པ་ནི། ། ཕན་ཚུན་འབྲེལ་བ་བཅུ་གསུམ་ཡོད། ། རྩིབ་ལོགས་གཡོན་འབྲེལ་སྐྱེ་བ་ཡི། ། རུས་པ་དག་ནི་བཅུ་གསུམ་ཡོད། ། རུས་པའི་ལུ་གུ་རྒྱུད་འདི་དག ། གསུམ་གསུམ་དག་ནི་ཕན་ཚུན་འབྲེལ། གཉིས་གཉིས་དག་ནི་ཚིགས་ལྡན་ཏེ། ། ལྷག་མོ་གཞན་ནི་འབྲེལ་བ་མེད། ། གཡས་གཡོན་བརླ་ནི་གཉིས་པོ་ལ། ། བསྡུས་ན་རུས་པ་ལྔ་བཅུ་ཡོད། ། ལུས་དང་འབྲེལ་བའི་རུས་པ་ནི། ། བསྡོམས་ན་སུམ་བརྒྱ་དྲུག་ཅུ་ཡོད། ། རུས་ཚིགས་ཕན་ཚུན་འབྲེལ་ན་ནི། ། སེམས་ཅན་ལུས་ནི་གྲུབ་ཡིན་ཞེས། ། ཡང་དག་སངས་རྒྱས་མཁྱེན་པ་ཡིས། ། བདེན་ཚིག་ཏུ་ནི་གསུངས་པ་ཡིན། ། ཞེས་གསུངས་པ་ལྟར་རོ། །
|
| Tibetan Source
|
《དཀོན་བརྩེགས་ག་པ་》ཤ་439བ་6ལས་བཏུས།
|
| Wylie
|
|
| Wylie Definition
|
|
| Wylie Synonym
|
|
| Sanskrit
|
|
| English
|
|
| English Definition
|
|
| English Synonyms
|
|
| Chinese
|
|
| Chinese (Simplified)
|
|
| Chinese (Traditional)
|
|
| Chinese Definition
|
|
| Page Number
|
|