User:Kilaya

Sheja Dzo (shes bya mdzod), The Treasury of Knowledge, by Jamgon Kongtrul.

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

Sheja Dzo Chapter 3.1 volume1 (page 333)

gsum pa/ bstan pa dam pa'i chos kyi rim par phye ba/ 1. bstan pa dam pa'i chos dos gzung ba'i skabs/ de ltar 'dul byed 'jig rten gyi sgron me ji ltar snang ba'i tshul legs par bshad nas/ ston pa de'i bstan pa dam pa'i chos kyi rnam par gzhag pa rim par phye ba ste gnas gsum pa la (om 88 na) skabs bzhi/ dam pa'i chos ngos bzung ba/ lung gi chos 'khor bye brag tu dbye ba/ bka'i bsdu ba byung tshul/ zhar byung bstan pa'i gnas tshad bcas pa/ sna 'gyur rnying ma'i babs lugs bye brag tu bshad pa'o/
/dang po la gnyis/ bshad bya ngos bzung bas mtshams sbyar/ de'i don

Sheja Dzo Chapter 3.1 volume1 (page 334)

rgyas par bshad pa'o/
/dang po ni/ lha mi'i bla mas gdul bya 'dusl ba yi/ /cho 'phrul gco bo chos kyi 'khor lo ste/ /sangs rgyas bcom ldan 'das lha dang mi la sogs pa 'gro ba thams cad kyi bla mar gyur pa des gdul bya 'dul thabs kyi cho 'phrul bsam gyis mi khyab pa bstan pa thams cad 'dul ba rnam pa bzhi'i khongs su 'du zhing/ de thams cad kyi nang na mchog gam gtso bor gyur pa ni dam pa'i chos kyi 'khor lo bskor ba nyid yin pas rgyas par bshad par bya ste zhes lhag bcas kyi sgras mtshams sbyar ba'o/
/gnyis pa la gsum/ ngo bo dang/ nges tshig dbye ba'o/
/dang po ni/ ngo bo sgrib pa'i gnyen po rnam dkar phyogs/ /dam pa'i chos kyi ngo bo ni ji skad du/ sdug bsngal dag ni thams cad dang/ /sgrib kun sel byed dam pa'i chos/ /zhes pa ltar/ gang la tshul bzhin dmigs na lus can rnams kyi sgrib pa zad pa'i gnyen po rnam dkar phyogs su gyur pa'i yon tan zhig ste/ mtshan gzhi ni/ 'gog lam gyis bsdus pa'i zag med kyi chos rnams dang tshad ldan gyi bka' bstan bcos rnams yin zhing/ de'ng snga ma ni brjod bya dang/ phyi ma ni rjod byed kyi tshul gyis so/
/gnyis pa ni/ nges tshig dharma'i sgra las don bcu 'dzin/ /chos zhes bya ba'i nges tshig ni legs sbyar gyi skad du/ ddudhrii nya 'dzin pa'i byings las bsgrubs pa'i lharma zhes bya ba'i sgra las don bcu 'dzin pa'm/ de dag la 'jug ste/ 'dod 'jo las/ thams cad 'dzin pas na dharma ste chos so/
/zhes bshad do/
/don bcu ni rnam bshad rigs pa las/ chos ni shes bya lam dang ni/ /(om 88 ba) mya ngan 'das dang yid kyi yul/ /bsod nams tshe dang gsung rab dang/ /'byung 'gyur nges dang chos lugs la'o/
/zhes 'byung ba

Sheja Dzo Chapter 3.1 volume1 (page 335)

ltar chos kyi sgra
shes bya la 'jug pa ni dper na mdo las/ chos gang la la 'dus byas sam/ 'dus ma byas sam/ zhes dang/ chos rnams thams cad de 'drar shes par gyis/ /zhes pa la sogs pa lta bu'o/
/lam la 'jug pa ni/ dge slong dag log pa'i lta ba ni chos ma yin la yang dag pa'i lta ba ni chos yin no/
/zhes pa lta bu dang/ myang 'das la 'jug pa ni/ chos la skyabs su song ba/ zhes pa lta bu/ yid kyi yul la 'jug pa ni/ chos kyi skye mched/ ces pa lta bu/ bsod nams la 'jug pa ni/ btsun mo'i 'khor dang gzhon nu ma rnams dang lhan cig tu chos spyod/ ces pa lta bu/ tshe la 'jug pa ni/ byis pa ni mthong ba'i chos gces par 'dzin pa yin/ ces pa lta bu/ gsung rab la 'jug pa ni/ dge slong chos zhes pa ni 'di lta ste/ mdo'i sde dang/ dbyangs kyis bsnyad pa'i sde dang/ zhes pa lta bu/ 'byung 'gyur la 'jug pa ni/ 'du byed kyi rdzas rnams ni de'i chos so/
/zhes dang/ nga yang 'chi ba'i chos dang 'chi ba'i chos nyid las ma 'das so/
/zhes pa lta bu/ nges pa la 'jug pa ni/ dge slong gi chos bzhi zhes dang/ dge slong dag srog gcod pa ni chos ma yin la/ srog gcod pa spang ba ni chos yin no/
/zhes sogs 'byung ba lta bu/ lugs la 'jug pa ni/ yul chos dang rigs chos lta bu rnams so/
/de dag 'dzin pa'i sgran don dang ji ltar 'brel snyam na/ shes bya rnams kyis ni rang dang spyi'i mtshan nyid 'dzin pa ste/ dper na sa ni sra ba'o/
/chu ni gsher ba'o/
/me ni tsha ba'o/
/rlung ni yang zhing gyo ba'o/
/zhes pa lta bu rang mtshan dang/ 'dus byas thams cad ni mi rtag pa'o/
/zag bcas thams cad ni sdug bsngal ba'o/
/chos thams cad ni (om 89 na) bdag med pa'o/
/mya ngan las 'das pa ni zhi ba'o/
/zhes pa lta bu spyi mtshan 'dzin pa dang/ lam dang myang 'das kyis ni 'khor bar ltung ba las 'dzin pa dang/ yid yul gyis ni yid 'dzin

Sheja Dzo Chapter 3.1 volume1 (page 336)

pa dang/ bsod nams kyis ni ngan 'gror ltung ba las 'dzin pa dang/ tshe'm srog gis ni lus sam ris mthun 'dzin pa dang/ gsung rab kyis ni don phyin ci ma log par 'dzin pa dang/ 'byung 'gyur gyis ni 'byung rgyu'i chos de 'dzin pa dang/ nges pas ni nges par bya ba'i gzhi 'dzin pa dang/ lugs kyi ni rang dang mtshungs pa'i spyod pa 'dzin pa dang/ rig pas ni 'khrul pa'i phyogs las 'dzin pa lta bur rigs pas dpag par bu'o/
/gsum pa la gnyis/ dbye gzhi dang/ dbye ba dngos so/
/dang po ni/ de las 'gog lam gyis bsdus dam pa'i chos/ bshad ma thag pa de dag rnams las skabs 'dir bstan par bya ba ni/ 'gog pa dang lam gyi bden pas bsdus pa'i dam pa'i chos nyid yin la/ mtshan de ldan gyi rgyu mtshan kyang/ chos thams cad kyi mchog yin pas sam/ dam pa zhes bya ba rdzogs pa'i sangs rgyas/ chos ni des bstan pa yin pas sam/ yang na skyes bu dam pa rnams kyis spyad par bya ba'i chos yin pa'i phyir de skad ces bu'o/
/gnyis pa la gnyis/ mdor bstan/ rgyas bshad do/
/dang po ni/ dbye na brjod bya rtogs pa rjod byed lung/ /zhes pa'o/
/gnyis pa la gnyis/ brjod bya rtogs pa dang/ rjod byed lung ngo/
/dang po ni/ rtogs pa'i dam chos 'gog lam bden pa ste/ /'phags bzhi'i thugs rgyud gang zhig bral ba dang/ /gang zhig bral byed gnyen po'i rang bzhin nyid/ /de la rtogs pa dam pa'i chos la'ng rnam pa gnyis te 'gog pa dang lam gyi bden pa'o/
/dang po ni/ rnam par rtog pas ma brtag cing brjod pa'i yul las 'das pas 'phags pa kho nas mkhyen pa'iu phyir bsam du med (om 89 ba) pa dang/ rang bzhin gyis zhi ba'i phyir gnyis su med pa dang/ gzung 'dzin

Sheja Dzo Chapter 3.1 volume1 (page 337)

gyis spros pas dbyen pas rtog pa med pa ste mtshan nyid gsum ldan 'phags bzhi'i thugs rgyud kyi gnyen pos spang bya spangs pa gang zhig chags pa bral ba don dam pa'i bden pa'i ngo bo rtogs pa'i stobs kyis thob pa yin la/ gnyis pa ni/ nyi ma'i dkyil 'khor rang bzhin gyis dag cing 'od gsal mun pa'i gnyen por gyur pa bzhin du nyes pa'i dri ma dag cing yon tan gyi 'od gsal la sgrib pa dang nyon mongs pa'i gnyen por gyur pa ste mtshan nyid sum ldan zag med kyi ye shes 'khor dang bcas pa gang gis chags pa dang bral bar byed pa kun rdzob gnyen po'i rang bzhin nyid de/ rgyud bla ma las/ bsam med gnyis med rtog med pa/ /dag gsal gnyen po'i phyogs nyid kyis/ /gang zhig gang gis chags bral ba/ /bden gnyis mtshan nyid can de chos/ /chags bral nyid ni 'gog pa dang/ /lam gyi bden pa dag gis bsdus/ /go rim ji bzhin de dag kyang/ /yon tan gsum gsum gyis rig bya/ /brtag min phyir dang brjod min phyir/ /'phags pas mkhyen phyir bsam med nyid/ /zhi nyid gnyis med rtog med de/ /dag sogs gsum ni nyi bzhi no/
zhes pa ltar ro/
/gnyis pa rjod byed lung bshad pa la gnyis/ mdor bsdus te bstan pa dang/ de nyid rgyas par bshad pa'o/
/dang po ni/ lung ni ngo bo'i sgo nas rnam pa bcus/ /legs gsungs bka' dang dgongs 'grel bstan bcos gnyis/ de la lung gi dam pa'i chos kyang ngo bo'i sgo nas dbye na rnam pa bcus legs par gsungs pa'i bka' dang/ bka'i dgongs pa 'grel pa'i bstan bcos gnyis te/ lha'i bus zhus pa'i mdo las/ chos rnams thams cad bka' dang bstan bcos gnyis su 'dus/ /legs par (om 90 na) gsungs dang de yi dgongs 'grel pa/ /zhes gsungs

Sheja Dzo Chapter 3.1 volume1 (page 338)

so/
/rnam pa bcu ni rnam bshad rigs par/ ji ltar na legs par gsungs pa yin zhe na/ rnam pa bcu dag gis te/ yang dag par bslab pa nyid kyis dang/ dbang du mdzad pa nyid kyis dang/ 'jug pa nyid kyis dang/ rab tu bstan pa nyid kyis dang/ rab tu dbye ba nyid kyis dang/ rten nyid kyis dang/ go bar mdzad pa nyid kyis dang/ gdags pa nyid kyis dang/ dus nyid kyis dang/ yon tan yongs su 'dzin pa nyid kyis so/
zhes bstan pa ste/ de'ng rim pa bzhin yang dag par mngon par rdzogs par sangs rgyas nas gsungs pa'i phyir dang/ sems can thams cad kyi dbang du mdzad pa'i phyir dang/ res 'ga' ba ma yin par rgyun du gsungs pa'i phyir dang/ slob dpon gyi dpe mkhyud mi mnga' ba'i phyir dang/ sems can gyi bsam pa ji lta ba bzhin du gsungs pa'i phyir dang/ dbyangs kyi yan lag lnga dang ldan par gsungs pa'i phyir dang/ dbyangs gcig gis 'jig rten mtha' yas khyab par mdzad pa'i phyir dang/ 'khor gyi dkyil 'khor ji snyed pas go bar mdzad de gsungs pa'i phyir dang/ mtha' gnys spangs pa'i lam gsungs pa'i phyir dang/ gdul bya yongs su smin pa rnams la gsungs pa'i phyir dang/ yon tan drug cu dang ldan par gsungs pa'i phyur ro/
/de la dbyangs kyi yan lag lnga ni/ 'brug sgra ltar zab pa dang/ snyan cing 'jebs la rnar snyan pa dang/ yid du 'ong zhing dga' bar byed pa dang/ rnam par gsal zhing rnam par rig par byed pa dang/ mnyan par 'os sing mi mthun pa med pa rnams so/
/de dag la rgya che ba la sogs pa'i yon tan lnga yod pas mnyan pa la sogs pa'i bya ba lnga byed de/ ji skad du/ slob dpon dbyig gnyen gyis/ yon tan lnga ni rgya chen dang/ /snyan dang rig (om 90 ba) don ldan nyid dang/ /gzung sla sna tshogs ci 'dod nyid/ /'id dag lnga yi yan lag ste/ mnyan dang rnam par mi gyeng

Sheja Dzo Chapter 3.1 volume1 (page 339)

dang/ /rnam srol khong du chud pa dang/ /smin par byed pa yin te des/ /thub chen gsung ni yan lag lnga/ /zhes legs par bshad do/
/gsung gi yon tan drug cu ni/ de bzhin gshegs pa'i gsang ba'i mdo las drug cu rtsa gnyis su 'byung ba thub pa dgongs rgyan du so sor rgyas par bshad pa'i sdom ni/ mnyen 'jam yid 'ong yid 'thad dag /dri med gsal 'jebs mnyan par 'os/ /mi tshugs snyan 'dul mi rtsub dang/ /mi brlang rab dul rna bar snyan/ /lus sems tshim dang snying dga' byed/ /bde skyed yongs su gdung ba med/ /shes bya rig bya rnam par gsal/ /dga' bya dga' 'os kun shes gzhug / rnam rig rigs 'brel zlos skyon med/ /seng ge glang 'brug klu dbang sgra/ /dri za ka la pidka'i dbyangs/ /tshangs dang shang shang te'u'i sgra/ /sgra dang dbyangs dang grags pa bzung/ /lha dbang rnga sgra ma khengs pa/ /mi dma' sgra kun rjes su zhugs/ /jur ma chag cing ma tshang med/ /ma zhum ma zhan khyab dang chub/ /rgyun chags 'brel zhing sgra kun rdzogs/ /dbang po tshims byed ma smad dang/ /mi 'gyur ma brtabs khor yug grags/ /rnam pa thams cad mchog dang ldan/ /

Sheja Dzo Chapter 3.1 volume1 (page 340)

zhes so/
/gnyis pa rgyas par bshad pa la gnyis/ bka' dang/ bstan bcos so/
/dang po la gnyis/ ngo bo dang/ dbye ba'o/
/dang po ni/ bslab pa gsum brjod ngag tshig dri ma med/ /tshad ma gsum ldan thogmtha' bar dge ba/ /zhes pa ste/ de la bka'i ngo bo ni/ brjod bya bslab pa gsum ston/ rjod byed ngag tshig dri med/ sgrub byed tshad ma gsum ldan/ 'bras bu thog mtha' br du dge ba can yin te/ mgon po byams pas/ bslab (om 91 na) pa gsum brjod ngag tshig dri ma med/ /tshad ma gsum ldan thog mtha' bar dge ba/ /de ni chen por gsungs pa rgyal ba'i bka'/ /bzlog pa gzhan gyi gzhung du shes par bya/ /zhes dang/ 'dul ba 'od ldan las/ bslab pa gsum ni rab ston zhing/ /phug rgya gsum dang yang dag ldan/ /thog ma bar dab mthar dge ba/ /sangs rygas gsung du mkhas pas rtogs/ /zhes gsungs pa ltar ro/
/'dir tshad ma gsum ni/ mngon sum rjes dpag lung tshad ma'o/
/yang na rgyud bla ma las/ gang zhig don ldan chos dang nyer 'brel zhing/ /khams gsum kun nas nyon mongs spong byed gsung/ /zhi ba'i phan yon ston par mdzad pa gang/ /de ni drang srong gsung yin bzlog pa gzhan/ /zhes pa ltar/ brjod bya don ldan gyi chos dang nye bar 'brel zhing/ byed las khams gsum gyi nyon mongs spong ba'i thabs su gyur pa/ 'bras bu mya ngan las 'das pa zhi ba'i phyogs su gzhol zhing 'bab pa'i ngag/ bdag rkyen gtso bor rdzogs pa'i sangs rgyas la brten nas byung ba'o/
/de'ng nges tshig gi dbang du byas na/ su bhaa sshi ta/ zhes legs par gsungs pa ste/ rnam bshad rigs par de la phyir ci ma log par yang dag par gsungs pa'i

Sheja Dzo Chapter 3.1 volume1 (page 341)

phyir legs par gsungs pa'o/
/zhes so/
de'i don yang mdo las dam pa'i chos ni thog mar dge ba/ bar du dge ba/ tha mar dge ba/ don bzang po/
tshig 'bru bzang po/
ma 'dres pa/ yongs su rdzogs pa/ yongs su dag pa/ yongs su byang ba/ zhes gsungs pa'i tshul gyis te/ de'ng slob dpon thogs med kyis/ thog mar dge ba ni nyan pa po rnams rab tu dga' ba bskyed pa'o/
/bar du dge ba ni rab tu sbyor ba rnams tshegs chung ngus mtha' gnyis rnam par spangs pa dbu ma'i lam la yang dag par brten pa'o/
/tha mar dge ba ni shin tu dri ma med pa dang/ shin tu mthar phyir pa'i phyir dang/ thams cad (om 91 ba) la 'dod chags dang bral ba dang/ shin tu 'dod chags bral ba'i mthar gyur pa'i phyir ro/
/don bzang po ni phan pa dang bde ba dang ldan pa'i phyir ro/
/tshig 'bru bzang po ni ming gi tshogs la sogs par legs par sbyar ba dang/ tshig tu 'don pa zur phyin pa dang ldan pa'o/
/ma 'dres pa ni 'di las phyi rol pa rnams dang thun mong ma yin pa'o/
/yongs su rdzogs pa ni tshad med pa'i phyir thams cad kyi mchog tu byung ba'o/
/yong su dag pa ni rang bzhin rnam par grol ba'o/
/yongs su byang ba ni rgyud rnam par grol ba'o/
/zhes so/
/gnyis pa la bzhi/ bdag rkyen gyi sgo nas dbye ba/ brjod bya'i sgo nas dbye ba/ rjod byed kyi sgo nas dbye ba/ dbang po'i rim pas dbye ba'o/
/de la dang po ni/ bdag rkyen sangs rgyas zhal nas gsungs pa dang/ /sku gsung thugs byin rlabs dang rjes gnang ngo/
/de bzhin gshegs pa'i gsung rab la dbye sgo mang yang gsung bz po bdag po'i rkyen gyi sgo nas dbye na gsum/ zhal nas gsungs pa'i bka' dang/ byin gyis brlabs pa'i bka' dang/ rjes su gnang ba'i gka'o/
/dang po ni/ mdo sdud pa lta bu bcom

Sheja Dzo Chapter 3.1 volume1 (page 342)

ldan 'das nyid kyis dpal gyi mgur nas gsungs pa'i tshul bstan pa dang/ gnyis pa ni/ sku gsung thugs kyi byin gyis brlabs pa gsum du slob dpon seng ge bzang pos bshad de/ de'ng skus byin gyis brlabs pa'i bka' rdo rje snying po'i spyi bor phyag bzhag nas byin gyis brlabs pas mdo sde sa bcu pa 'chad pa'i spobs pa skyes nas rnam par grol ba'i zla bas dris pa lta bu'o/
/gsung gis byin gyis brlabs pa'i bka' ni 'jam dpal la ma skyes dgra'i 'gyod pa sol cig ces bka' stsal pas 'jam dpal gyis ma skyes dgra'i 'khyod pa bsal ba'i mdo byung ba lta bu'o/
/thugs kyis byin gyis brlabs pa'i bka' ni bcom ldan 'das zab mo snang ba'i ting nge 'dzin la bzhugs nas/ shaa ri'i (om 92 na) bu dang spyan ras gzigs la byin gyis brlabs pas shes rab snying po gsungs pa lta bu'o/
/gzhan yang yon tan dang phrin las lhun gyis grub pa'i byin rlabs 'od zer bkye ba las de bzhin gshegs pa'i sku snang nas chos ston pa 'bum gyi gleng gzhi las bshad pa lta bu dang/ ri dang/ shing dang/ bya dang/ padma dang/ rnga bo che la sogs pa las chos kyi sgra dbyangs 'byung ba lta bu dang/ nyan thos gang dag byin gyis brlabs pa'i mthu las chos smra ba dang/ skyes pa dang/ bud med dang/ khye'u dang/ bu mo la sogs pa srin las chen po'i mthus chos smra ba dag kyang bkar bsdu ba ni/ sdud pa las/ rgyal ba'i nyan thos pa dag ji snyed chos ton dang/ /'chad dang rigs pa dag dang ldan par brjod pa dang/ /mchog 'phags bde ba byed dang de yi 'bras thob pa/ /de dag kun kyang de bzhin gshegs pa'i skyes bu'i mthu/ /ci phyir zhe na rgyal bas chos tshul gang bstan pa/ /de la mi mchog slob mar bcas pas sngon bslabs shing/ /mngon sum byas nas bslab pa ji bzhin ston byed pa/ /sangs rgyas mthus byed rang gi stobs kyis mthus ma yin/ /ces so/
des na snga

Sheja Dzo Chapter 3.1 volume1 (page 343)

'gyur gter ma'i phyos su gter ston sprul pa'i skyes mchog rnams kyis shog ser gyi brda dang/ dag snang dang/ dgongs pa'i rtsal las byung ba rnams kyang lung dang rigs pa 'dis tshad mar sgrub pa yin no/
/gsum pa ni/ bka'i sdud pa po rnams kyis/ mgor gleng gzhi/ bar du mtshams sbyor/ mthar mthun 'gyur la sogs pa bkod pa rnams te/ snying rje chen po pad dkar las/ kun dga/ bo/
/de na dge slong de dag gis khyod la de skad dris pa dang 'di skad lung ston cig /'di skad bdag gis thos pa'i dus gcig na bcom ldan 'das dang po mngon par rdzogs par sangs rgyas nas yul ma ga dhaa na byang chub kyi snying po la bzhugs/ zhes sogs nas/ /(om 92 ba) don tshig dang yi ge gang dang gang dag gis rnam grangs gang dang gang gsungs pa de la khyod kyis gleng gzhi dang bcas pa dang/ rgyud dang bcas pa dang/ rkyen dang bcas pa dang/ don bzang po dang/ tshig 'bru bzang po rgyas par ston cig /mdo sde'i mjug tu'ng bcom ldan 'das kyis de skad ces bka' bstsal nas thams cad dang ldan pa'i 'khor yi rangs te/ bcom ldan 'das kyis gsungs pa la mngon par bstod do/
/zhes bris shig /kun dga' bo chos kyi tshul 'di de ltar yang dag par bsdu bar bya'o/
/zhes dang/ lung las kyang/ gnas ma dran na grong khyer drug po gang rung smros shig /ces sogs rjes su gnang bar mdzad pa'o/
/gnyis pa ni/ brjod bya'i dbang byas rjod byed sde snod gsum/ /de yang tshul khrims 'dul ba ting 'dzin mdo/
/shes rab bslab pa mngon pas gtso bor ston/ bka' thams cad brjod bya bslab pa gsum gtso bor ston pa'i dbang du byas nas rjod byed sde snod gsum du dbye na/ 'dul ba/ mdo sde/ mngon pa gsum mo/
de yang/ lhag pa tshul khrims kyi bslab pa brjod

Sheja Dzo Chapter 3.1 volume1 (page 344)

bya'i gtso bor ston pa'i rigs su gnas pa'i gsung rab ni 'dul ba'i sde snod/ lhag pa sems kyi bslab pa brjod bya'i gtso bor ston pa'i rigs su gnas pa'i gsung rab ni mdo sde'i sde snod/ lhag pa shes rab kyi bslab pa brjod bya'i gtso bor ston pa'i rigs su gnas pa'i gsung rab ni mngon pa'i sde snod kyi mtshan nyid do/
de dag gi mtshan gzhi ni rim pa bzhin/ lung sde bzhi sogs dang/ sher phyir 'bum pa sogs dang/ mngon pa sde bdun sogs so/
/de dag gi ming don yang/ spyir sde snod ces bya ba legs sbyar skad du pi tta ka ste/ de gong bu dang bre bo che la 'jug phyir/ don mang po 'dus pas bre bo che lta bu ste/ /bre bo che la bre'u chung mang po 'dus pa bzhin no/
/de ltar yang/ slob dpon thogs med kyis/ ci'i phyir sde snod ces (om 93 na) bya zhe na/ smras pa/ bsdus pa'i phyir te zhes bya ba ni don thams cad bsdus pa'i phyir ro/
/zhes sogs gsungs so/
/nang gses 'dul ba'i mdo sogs dgur dbye bas/ /don gyi dbang du bslab pa'ng dgu ru 'gyur/ /sde snod gsum po de la nang gses 'dul ba'i 'dul ba/ 'dul ba'i mdo sde la sogs pa dgur dbye ba gsungs pas/ don thob kyi dbang du bslab pa gsum la'ng nang gses kyi dbye bas dgu ru 'gyur bar bzhed pa yin no/
/de'ng 'dusl ba'i sde snod tshul khrims kyi bslab pa gtso bor ston pa las brtsams te 'dul ba'i 'dul ba bcas pa dang rang bzhin gyis rnam par gzhag pa che long rnams dang/ 'dul ba'i mdo sde ting nge 'dzin dang tshangs par spyod pa rnal 'byor du bya ba'i rim pa dang/ 'dul ba'i mngon pa de dag gi rab tu dbye ba rgya cher bshad pa la sogs pa rnams so/
/mdo sde'i sde snod gtso bor sems kyi bslab pa ston pa las/ mdo sde'i 'dul ba byang chub sems dpa'i sdom pa'i tshogs rnam par gzhag pa dang/ mdo sde'i mdo sde ting nge 'dzin zab cing rgya che ba dang/ mdo sde'i

Sheja Dzo Chapter 3.1 volume1 (page 345)

mngon pa sa dang lam dang gzungs dang ting nge 'dzin gyi rab tu dbye ba ji snyed pa rnams so/
/mngon pa'i sde snod shes rab kyi bslab pa gtso bor ston pa las/ mngon pa'i 'dul ba tshegs chung zhing sla ba'i thabs kyis nyon mongs pa 'dul ba rnams dang/ mngon pa'i mdo sde de kho na nyid la 'jug pa'i tshul rgya mtsho dang/ mngon pa'i mngon pa phung khams skye mched dbang po rnam shes sott dang/ de bzhin gshegs pa'i snying po'i khams rang bzhin gyis rnam par dag pa'i rab tu dbye ba cha dang bcas pa rnams so/
/gzhan yang so byang sngags la sde snod dgu/ /ming rkyang dang ni lhag dang zab sgras brgyan/ /bshad ma thag pa der ma zad sde snod gsum po la dbye tshul gzhan yang yod de/ theg dman so thar gyi dbang du byas pa gsum/ theg chen (om 93 ba) byang sems kyi dbang du byas pa gsum/ gsang sngags rdo rje theg pa'i dbang du byas pa gsum ste bsdoms pas sde snod dgu ru 'gyur zhing/ de dag kyang rim par 'dul mdo mngon pa'i sde snod ming rkyang tsam phyi'i sde snod dang/ lhag pa'i bslab pa gsum ston pa'i cha nas ston byed sde snod la'ng lhag pa'i sgra don gyis thob pa dang/ zab mo nang gi don ston pas zab mo'i 'dul ba sogs kyi sgras brgyan pa nang gi sde snod de/ 'dul dang mdo sde phyir shes pas/ /nyan rang 'bras bu thob byed de/ /zab mo'i mdo 'dul mngon pa rnams/ /spyod byed byang chub sems dpar 'gyur/ /zhes sogs 'byung bas rgyal ba gnyis pa rang byung zhabs kyi don gyi bzhed pa yang dag pa'o/
/mdo 'dul ngon pa rgyu mtshan bzhi bzhis brjod/ /mdo 'dul mngon pa zhes bya ba'ng nges tshig gi dbang du byas na rgyu mtshan bzhi bzhi ldan pas der brjod pa ste/ de la mdo sde zhes bya ba suu tra ste don gyi sdom smos pa yin la de'ng rnam pa bzhi ste/ mdo sde rgyan las/ gnas rnams dang ni tshan nyid dang/ /chos don smos phyir mdo yin no/

Sheja Dzo Chapter 3.1 volume1 (page 346)

zhes 'byung ba ltar yul gang du gang zag gang gi phyir gsungs pa smos pas gnas dang/ kun rdzob dang don dam pa'i bden pa'i mtshan nyid smos pas mtshan nyid dang/ phung khams skye mched la sogs pa smos pas chos dang/ dgongs pa'i don zab mo dag ston pas don no/
/'dul ba zhes bya ba ni bi na ya ste/ mdo rgyan las/ lhung dang 'byung dang ldang ba dang/ /nges par 'byung dang gang zag dang/ /bcas pa dang ni rab dbye dang/ /rnam par nges phyir 'dul ba nyid/ /zhes bzhi tshan gnyis kyis bshad pa las/ ltung ba ni ltung ba sde lnga dang/ ltung ba de dag gang las 'byung ba ni/ mi shes pa/ bag med pa/ nyon mongs pa mang ba/ ma gus pa rnams dang/ ltung ba de dag las ldang ba ni spang ba'i (om 94 na) sems pa sor chud pa dang/ ltung ba las nges par 'byung ba ni chad pa'i las khas len pa dang/ rjes nas gnang ba dang/ bag yangs su bya ba dang/ rten du gyur pa dang/ yang dag pa so sor rtogs pa dang/ chos nyid thob pa rnams so/
/de ltar gnas bzhi po de ston pas 'dul ba'i phyir ram/ gang la brten nas bslab pa bca' ba gang zag /bslab pa bcas pa dngos/ de rab tu dbye ba/ ltung ba dang ltung med rnam par nges pa ste rnam pa bzhi smos pa'i phyir ro/
/mngon pa zhes bya ba ni/ a bhi ste/ mdo rgyan las/ mngon du'i phyir dang yang dang yang/ /zil gnon rtogs phyir mngon pa'i chos/ /zhes pa ltar rgyu mtshan bzhis de ltar brjod de mya ngan las 'das pa la mngon du phyogs pa'i bden pa la sogs pa ston pa'i phyir dang/ chos re re la'ng gzugs can dang gzugs can ma yin pa sogs zhib mor phye nas yang nas yang du ston pa'i phyir dang/ phas rgol zil gyis gnon pa'i phyir dang/ 'dis mdo sde'i don rtogs par 'gyur ba'i phyir ro/
/the tshom spyod dang la ba phyir log spong/ /de ltar sde snod gsum po de nyid du rnam par

Sheja Dzo Chapter 3.1 volume1 (page 347)

gzhag pa'i rgyu mtshan ci zhi na/ thar pa sgrub pa rnams kyi spang bya'i gtso bo lam gong ma la the tshom za ba dang/ rang lam la spyod pa phyin ci log pa dang/ lta ba phyin ci log pa ste gsum yin pa'i phyir/ de dag gi gnyan por mdo 'dul mngon pa'i sde snod gsum gsungs pa ste/ sde snod dang po ni/ gang zhig don gang la the tshom pa de la nges par bya ba'i phyir bshad pa gang zhig /gnyis pa ni/ kha na ma tho ba dang bcas pa'i yongs su spyad pa 'dod sred kyi dbang gis gsog 'jog byed pa sogs bkag pa'i sgo nas 'dod pa bsod nyams la rjes su sbyor ba'i mtha' spong ba dang/ kha na ma tho ba med pa'i yongs su spyad pa tshul khrims dag cing (om 94 ba) ma zhen par lhag par rnyed na/ brgya stong ri ba'i gos la sogs pa'ng rjes su gnang ba'i sgo nas bdag nyid dub pa la sbyor ba'i mtha' spong ba ste mtha' gnyis spong ba'i spod pa ston pa'i phyir dang/ gsum pa ni/ chos rnams kyi rang dang spyi'i mthsan nyid phyin ci ma log par ston pa'i phyir bshad pa yin pas so/
/yang na chos don bshad sgrub 'bel gtam phyir/ /sde snod gsum bzhag gdul bya'i dbang byas nas/ /theg pa che chung sde snod gnyis su 'du/ /sde snod gsum du nges pa'i rgyu mtshan yang na chos don bshad pa dang/ chos don sgrub pa dang/ chos don 'bel ba'i gtam gtan la dbab pa rnams kyi ched du rim pa bzhin du gsungs pa'i phyir sde snod gsum du rnam par gzhag ste/ de la chos dang don ni/ mdo sde rgyan gyi 'grel bshad las/ ming dang tshig dang yi ge rnams la ni chos zhes bya'o/
/des brjod par bya ba phung po dang khams dang/ skye mched rnams la ni don zhes bya'o/
/yang na phung po dang khams dang skye mched la sogs pa la ni chos zhes bya'o/
/dgongs pa bzhi dang ldem po ngag bzhi la ni don zhes bya'o/
/yang na mtho ris thob par byed pa'i rgyud dge ba bcu la ni chos zhes bya'o/
/mya ngan las 'das pa thob

Sheja Dzo Chapter 3.1 volume1 (page 348)

par byed pa'i rgyu byang chub kyi phyogs kyi chos sum cu rtsa bdun la sogs pa la ni don zhes bya ste zhes sogs bshad do/
/'di dag la dgongs nas mdo rgyan du/ sde snod dag ni gsum mam gnyis kyang rung/ /bsdus pa'i phyir te rgyu ni dgur 'dod do/
/zhes 'byung ngo/
/yang gdul bya'i gang zag gi dbang du byas na/ theg chen la zhugs pa'i gang zag dang theg pa chung ngur zhugs pa'i gang zag gnyis su nges pas byang chub sems dpa'i sde snod dang nyan thos kyi sde snod gnyis su'ng 'du ba yin la/ de'ng bshad ma thag pa'i sde snod gsum so so la gnyis gnyis su dbye ba ste/ dman pa la mos pa rnams kyi ngor gsungs pa dang/ rgya chen po (om 95 na) la mos pa rnams kyi ngor gsungs pa'i khyad par gyis so/
/de la thogs med zhabs kyis/ gsum po de nyid theg pa dman pa dang/ theg pa mchog gi bye brag gis gnyis su 'gyur te/ nyan thos kyi sdo snod dang/ byang chub sems dpa'i sde snod do/
/zhes gsuns pa ltar ro/
/gsum pa ni/ rjod byed tsam gyi sgo nas rgyal ba'i bka/ /mdo sde dbyangs bsnyad lung bstan tshigs su bcad/ /ched brjod gleng gzhi rtogs brjod de ltar byung/ /skyes rabs rgyas dang rmad byung btan la dbab/ /gsung rab yan lag bcu gnyis rnams su dbye/ /rjod byed dam rjod tshul tsam gyi sgo nas dbye na rgyal ba'i bka' rnams gsung rab yan lag bcu gnyis su dbye bar rigs te/ de la dang po mdo'i sde ni 'dus byas 'dus ma byas rnam nges su/ de la tshig rkyang lhug gis mdo mdor brjod pa de ni mdo'i/ /zhes bshad pa bzhin du smos pa'i tshul gyis tshig lhug pas don mdor bstan pa'i gsung rab yin zhing/ smos pa'i tshul lgyis gsungs pa la phan yon bcu yod pa kun btus las gsungs te/ sdom ni/ bzhag dang bshad dang bzung bar sla/ /gus bas tshogs rdzogs chos nyid rtogs/ /dkon mchog gsum la dad

Sheja Dzo Chapter 3.1 volume1 (page 349)

pa thob/ /mthong chos bder gnas 'bel gtam nus/ /zhes so/
/dbyangs kyis bsnyad pa'i sde ni/ mdo'i sde de nyid kyi bar mtha' rnams su tshigs su bcad pa'i dbyangs kyis bsnyad pa dag dang/ brtag par bya ba gzhan yod pa'i phyir drang ba'i don gyi mdo sde gang yin pa rnams so/
/lung du bstan pa'i sde ni/ /nyan thos la sogs pa 'das pa dang skye ba lung ston pa rnams dang/ bye brag tu dgongs pa gsal bar bstan pa'i phyir nges don gyi mdo sde rnams so/
/tshigs su bcad pa'i sde ni/ tshigs bcad rkang pa gnyis pa nas drug pa'i bar gyis gsungs pa rnams so/
/ched du brjod pa'i sde ni/ gzhan gyis ma bskul bar thugs dgyes pa'i tshul gyi ched du gsungs par snang ba rnams (om 95 ba) so/
/gleng gzhi'i sde ni/ gang zag gi ched du gsungs pa dang/ byung ba dang bcas pa'i bslab pa gsungs pa rnams so/
/rtogs pa brjod pa'i sde ni/ dpe dang bcas nas gsungs pa rnams te/ bam gnyis las/ chos nyan pa rnams kyis go zhing rtogs par bya ba'i phyir sngon btags par byung ba bzhan las drangs te dpe rgyas par bstan pas na rtogs pa brjod pa'i sde zhes bya/ zhes so/
/de lta bu byung ba'i sde ni sngon gyi gtam rgyud sogs gsungs pa rnams so/
/skyes rabs kyi sde ni/ byang chub sems dpa'i spyod pa ston pa rnams te thams cad sgrol ba'i skyes rabs lta bu'o/
/shin tu rgyas pa'i sde ni/ byang chub sems dpa'i sde snod theg chen 'ba' zhig ston pa rnams te/ de la rnam par 'thag pa'i sde dang mtshungs pa dang bral ba'i sde zhes kyang bya'o/
/de'ang kun btus las/ sems can thams cad la tphan pa dang bde ba'i gnas yin pa dang/ rgyas pa dang/ rgya che ba dang/ zab pa'i rnam par chos ston pa'i phyir ro/
/ci'i phyir rnam par 'thag pa zhes bya zhe na/ sgrib pa thams cad rnam par 'thag pa'i phyir ro/
/ci'i phyir mtshungs bral zhs bya zhe na/ mtshungs pa med pa'i

Sheja Dzo Chapter 3.1 volume1 (page 350)

phyir ro/
/zhes so/
/rmad du byung ba'i sde ni/ nyan thos dang byang chub sems dpa' dang sangs rgyas rnams kyi mkhyen pa dang rdzu 'phrul dang byin rlabs sogs ngo mtshar rmad du byung ba'i chos bstan pa rnams so/
/gtan la dbab pa'i sde ni/ gang du chos rnams kyi mtshan nyid ci lta bar gtan la phab nas mdo sde la sogs pa'i don gsal bar gsungs pa rnams so/
/de ltar gsung rab yan lag bcu gnyis po rnams sngar bshad pa'i sde snod rnams su so sor bsdu na 'di ltar shes dgos te/ mdo'i sde nas ched du brjod pa'i sde'i bar lnga ni nyan thos kyi mdo sde'i sde snod do/
/de nas gleng gzhi'i sde la sogs pa bzhi ni 'dul ba'i (om 96 na) sde snod do/
de la dang po ni ltung ba bslab bya dang bcas pa ston pa'i phyir gtso bo yin la/ phyi ma rnams ni de'i 'khor ro/
/de nas shin tu rgyas pa'i sde sogs gnyis ni byang chub sems dpa'i mdo sde'i sde snod yin te bsam gyis mi khyab cing rgya che ba'i khyad par dang ldan pa'i phyir ro/
/de nas gtan la dbab pa'i sde gcig pu ni gnyis ka'i mngon pa'i sde snod du shes par bya'o/
/bzhi pa ni/ dbang po'i rim las chos 'khor rnam gsum mam/ /yang na bka' thams cad gdul bya'i dbang po'i rim pa dang sbyar na chos kyi 'khor lo rnam pa gsum du dbye bar rigs te mdo sde dgongs pa nges 'grel gyi lung don kun mkhyen dri med 'og zer gyi zhal nas/ de la las dang po ba'i tshe gzung 'dzin rang rgyud pas bcings pa'i nyon mongs pa las sems bsrung ba'i phyir spang gnyen blang dor byed pa'i rim pa gtso bor ston pas bden pa bzhi'i chos kyi rnam grangs dang/ bar pa gnyen po la mgnon par zhen pa dgag pa'i phyir mtshan nyid med pa dang/ tha ma gshis ji ltar gnas pa bstan pa don dam rnam par nges pa'i chos kya rnam grangs gsum du byung ba yin no/
/dbang

Sheja Dzo Chapter 3.1 volume1 (page 351)

po'i sgo nas dbye na nyan thos dang/ rang sangs rgyas dang/ bla na med pa'i theg pa ste gsum nyid mtshan brjod las/ theg pa gsum gyis nges 'byung la/ /theg pa gcig gi 'bras bur gnas/ /zhes so/
/zhes sogs gsungs pas so/
/gnyis pa dgongs 'grel bstan bcos bshad pa la lnga/ rtsom pa po/
bstan bcos kyi mtshan nyid/ nges tshig /dbye ba/ zhar byung blang dor gyi gnas bshad pa'o/
/dang po ni/ rab 'bring tha ma'i tshad ldan rtsom pa pos/ /de'ng bstan bcos rtsom pa po mtshan nyid rab 'breng tha ma gsum ga'm gang rung gi tshad dang ldan pa dgos te/ kun mkhyen chos rjes/ rab chos nyid kyi bden pa mthong ba ste klu sgrub dang/ 'phags pa lha/ thogs med (om 96 ba) la sogs pa lta bu'o/
/'bring yi dam lha'i zhal gzigs te gnang ba thob pa thugs rje chen pos byin gyis brlabs pa tsndra pa dang/ zhi ba lha la sogs pa lta bu'o/
/tha ma yang rig pa'i gnas lnga la mkhas shing bla ma brgyad pa'i bshad pa'i gdams ngag yod pa ste/ slob dpon dpal sbas dang/ ye shes snying po dang/ shaakya blo gros la sogs pa lta bu'o/
/zhes gsungs pa ltar te/ da lta'ng mtshan nyid gsum rjes mthun pa dang ldan pa'i gang zag ni rtsom pa po'i tshad du rung ba'o/
/gnyis pa ni/ rgyal bstan dbang byas/ /zhes pa ste/ rgyud bla ma las/ gang zhig rgyal ba'i bstan pa 'ba' zhig gi /dbang byas rnam gyeng med yid can gyis bshad/ /thar pa thob pa'i lam dang rjes mthun pa/ /de yang drang srong bka' bzhin spyi bos blang/ /zhes bshad pa ltar dngos dang brgyud nas bde bar gshegs pa'i gsungs rab kyi dgongs pa 'grel pa'i dbang du byas nas rtsom pa po lta ba ngan pa dang the tshom sogs rnam gyeng med pa'i blo gros can gyis

Sheja Dzo Chapter 3.1 volume1 (page 352)

bshad pa'i ngag gang zhig /thr pa thob pa'i lam dang rjes su mthun pa'o/
/gsum pa ni/ 'chos skyob yon tan can/ bstan bcos de ni drug bral gsum du 'dod/ /mtshan nyid de dang ldan pa'i bstan bcos kyi nges tshig ni legs sbyar gyi skad du shaa stra zhes bya ste/ de'ng shaa sa na 'chos pa/ tra ya skyob pa'i phyir bstan bcos zhes bya ste/ rnam bshad rigs par/ nyon mongs dgra rnams ma lus 'chos pa dang/ /ngan 'gro'i srid las skyob byed gang yin pa/ /'chos skyob yon tan phyir na bstan bcos te/ /gnyis po 'di dag gzhan gyi lugs la med/ /cs so/
/yang shaa stra zhes pa nges par bstan pa dang/ gzhung lugs la 'jug pa 'chi med mdzod du bshad pa ltar/ sa sde las/ don med don log don dang (om 97 na) ldan/ /thos rtsod sgrub pa lhur len dang/ /ngan gyo brtse bral sdug bsngal spong/ /bstan bcos drug bral gsum du 'dod/ /ces so/
/de'ng rig byed bzhi la sogs pa yang dag pa'i don med pa'i bstan bcos dang/ rtag chad du lta ba la sogs pas grol ba 'grub par smra ba sogs don log pa'i bstan bcos dang/ snyan ngag la sogs pa thos pa lhur len pa'i bstan bcos dang/ rtog ge la sogs pa'i rtsod pa lhur len dang/ gyul las rnam par rgyal ba la sogs pa'i ngan gyo dang/ ba glang la sogs pa'i mchod sbyin chos su smra ba'i rang gzhan la 'tshe ba can brtse ba dang bral ba'i bstan bcos ngan pa drug dang bral zhing/ gnas skabs bde zhing mthar thug grol ba 'grub pa'i don chen po dang ldan pa dang/ byang chub sgrub pa dang/ 'khor ba'i sdug bsngal mtha' dag spong ba'i bstan bcos gsum ni/ sangs rgyas pa dag gis dang du blang byar 'dod pa yin no/
/bzhi pa la gsum/ byed las kyi sgo nas dbye ba/ bshad bya'i sgo nas dbye ba/ brjod bya'i sgo nas dbye ba'o/
/

Sheja Dzo Chapter 3.1 volume1 (page 353)

dang po ni/ de yang byed las sgo nas rgya chen sdud/ /zab mo rnam 'byed 'khrugs pa sdeb dang gsum/ /de'ng bstan bcos de la byed las kyi sgo nas dbye na/ rgya chen po sdud pa'i bstan bcos dang/ zab mo rnam par 'byed pa'i bstan bcos dang/ 'khrugs pa go rim du sdeb pa'i bstan bcos dang gsum du bshad pa las/ dang po ni mngon pa mdzod lta bu/ gnyis pa mngon rtogs rgyan lta bu/ gsum pa mdo sde rgyan lta bu'o/
/gnyis pa ni/ bshad bya spyi dang bye brag dgongs 'grel la/ 'khor lo gsum gyi lta spyod tha dad dang/ /bshad bya bka'i sgo nas bstan bcos kyi dbye ba gnyis su 'gyur te/ bka' spyi'i dgongs 'grel dang/ bye brag gi dgongs 'grel lo/
/dang po ka tshaan la sogs brda sprod pa dang/ sde bdun sogs tshad ma rig (om 97 ba) pa'i bstan bcos rnams so/
/gnyis pa lan'ng 'khor lo gsum gyi lta spyod 'grel pa'i dbye bas tha dad pa mang du 'gyur te/ 'khor lo dang po'i lta ba'i cha 'grel pa la/ nyan thos kyi mngon pa sde bdun/ bye brag bshad mdzod chen mo/
de dag gi don bsdus mngon pa mdzod la sogs pa'o/
/spyod pa'i cha 'grel pa la/ 'dul ba mdo rtsa dang me tog phreng rgyud la sogs pa'o/
/'khor lo bar pa'i lta ba'i cha 'grel pa la/ dngos bstan stong nyid kyi rim pa gsal bar byed pa dbu ma rigs tshogs drug sogs dang/ sbas don mngon rtogs kyi rim pa gsal bar byed pa mngon rtogs rgyan sogs so/
/sbyod pa'i cha 'gel pa bslab pa kun las btus sogs dang/ lta spyod gnyis char 'grel pa byang chub sems dpa'i spyod pa la 'jug pa sogs so/
/'khor lo tha ma'i lta ba'i cha 'grel pa mdo sde rgyan dang rnam 'byed gnyis/ rgyud bla sogs dang/ spyod pa'i cha 'grel pa sdom pa nyi shu pa sogs so/
/gsum pa ni/ brjod bya ji snyed pa dang ji lta ba/ /thar dang rnam

Sheja Dzo Chapter 3.1 volume1 (page 354)

mkhyen gtso bor ston rnams te/ /bstan bcos rnams brjod bya'i sgo nas dbye ba gsum ste/ ji snyed pa ston pa dang/ ji lta ba ston pa dang/ thar pa dang thams cad mkhyen pa ston pa'o/
/ji snyed pa ston pa'ng phal pa dang mchog gnyis las snga ma ni lugs kyi bstan bcos sogs dang/ phyi ma ni rig pa'i gnas lnga'i bstan bcos rnams te/ de las nang rig pa ston pa ni phung po lnga'i rab byed sogs so/
/ji lta ba ston pa bden gnyis rnam nges dang/ sum cu pa dang/ dbu ma rgyan sogs dang/ thar pa dang thams cad mkhyen pa ston pa byang sa dang dgongs rgyan la sogs pa'o/
/bzhi pa zhar byung blang dor gyi gnas bshad pa ni/ sa bcu'i dbang phyug rgyan drug la sogs pa'i/ /gzhung rnams rgyal ba'i bka' bzhin spyi bor blang/ /bod gzhung rnying pa (om 98 na) rnams kyang khyad 'phags so/
/bstan pa nub ka ma'i skabs 'dir mi rnams bsod nams dang blo gros chung ba'i dbang gis rgyal ba'i bka' las bstan bcos/ de'ng rgya gzhung las bod gzhung/ de'ng sngar byung rnams las phyis byung rnams rim gyis rrsis su byed do/
/de la 'jig rten gyi khams 'di na tshig gi nang nas mchog gam phul du gyur pa ni rgyal pa'i gsung rab rin po che yin pas don ma go yang tshig glog pa kho na tsam la byin rlabs dang dgos pa bsam gyis mi khyab pa dang ldan pas srog ltar du gces par bya ba yin la/ de'i 'og tu byams chos sde lnga/ sems 'grel skor gsum sogs sa bcu'i dbang phyug gi gsung rnams dang/ sangs rgyas gnyis pa padmaa ka ra'i rdo rje'i gsung yin nges pa rnams dang/ 'dzam gling mdzes par byed pa'i rgyan drug /sogs khongs nas chen po bzhi/ rmad du byung ba'i slob dpon gnyis/ mkhas pa sgo drug /jo bo rje dang a bha maa ka ra sogs grub pa'i slob dpon chen po rnams kyis mdzad par nges pa'i gzhung rnams kyang ba'i

Sheja Dzo Chapter 3.1 volume1 (page 355)

bka' bzhin du spyi bor blang bar rigs shing/ bod du snga 'gyur gyi lo tsha chen po rnams dang/ phyi dar bshad sgrub kyi rtsa ba'i shing rta chen po rnams kyi bstan bcos phyogs su ma lhung ba rnams kyang khyad par du 'phags pa yin pas rgya gzhung rtsod med rnams dang rjes mthun par blta zhing dang du blang bar bya ba yin la/ pnnddi ta phal pas mdzad pa'i rgya gzhung dang/ bod kyi bstan bcos phyogs re'i mig can dag gis sbyar ba rnams dang/ khyad par phyi rabs kyi rtogs ge pa rnams dang/ blo gros rmongs kyang gyar khral du lad mo zlo ba rnams dang/ chos lugs so so'i kha 'dzin can rnams kyis ci thod du sbyar ba'i yig bris rnams ni dus dang blo gros gron pa'i rgyu dang/ de lta bus mi dge ba'i bshes gnyen byed pa'i nyen yod pas yid brton bya ba'i yul ma yin te/ rje btsun thams cad (om 98 ba) mkhyen pa sgrol ba'i mgon pos/ phyir rabs kyi gtam la ma dges shig /sngon gyi mkhas pa grub thob yin/ /deng sang gi mkhas pa mkhas rdzur 'dug /ces gsungs pa bzhin no/
/bstan pa dam pa'i chos ngo s gzung ba'i skabs dang po'i 'grel pa'o/
/