Khentrul Lodro Thaye Rinpoche

//shes rab kyi pha rol tu phyin pa brgyad stong pa/ bam po bco lnga pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das kyi ? mchos bstan pa 'di ni chos thams cad

@170a */ /dmigs su ma mchis pa ste/ bcom ldan 'das chos 'di ni gang la yang thogs pa ma mchis so/ /bcom ldan 'das kye ma nam mkha' dang mtshungs pas gnas thams cad dmigs su ma mchis pa'i slad du chos 'di ni thogs pa ma mchis pa'i mtshan nyid do/ /

bcom ldan 'das kye ma gnyis su ma mchis pa'i slad du chos 'di ni mtshungs pa ma mchis pa'i mtshan nyid do/ /bcom ldan 'das kye ma rgol ba ma mchis pa'i slad du chos 'di ni do zla ma mchis pa'i mtshan nyid do/ /bcom ldan 'das kye ma mngon par grub pa ma mchis pa'i slad

du chos 'di ni gnas pa ma mchis pa'o/ /bcom ldan 'das kye ma skye ba thams cad skye ba ma mchis pa'i slad du chos 'di ni 'byung ba ma mchis pa'o/ /bcom ldan 'das kye ma lam thams cad mi dmigs pa'i slad du chos 'di ni lam ma mchis pa'o/ /de nas lha rnams

kyi dbang po brgya byin dang mi mjed kyi bdag po tshangs pa dang 'dod pa na spyod pa dang gzugs na spyod pa'i lha'i bu de dag gis bcom ldan 'das la 'di skad ces gsol to/ /bcom ldan 'das kye ma bcom ldan 'das kyi nyan thos 'phags pa gnas brtan rab 'byor 'di

ni rjes su mthun par skyes pa lags so/ /de ci'i slad du zhe na/ bcom ldan 'das gnas brtan rab 'byor 'di ni 'di ltar chos gang dang gang kho nar ston pa'i chos de dang de nyid stong pa nyid las brtsams te ston pa'i slad du'o/ /de nas tshe dang ldan pa rab 'byor gyis lha rnams kyi

dbang po brgya byin dang mi mdzad kyi bdag po tshangs pa dang 'dod pa na spyod pa dang gzugs na spyod pa'i lha'i bu de dag la 'di skad ces smras so/ /lha'i bu dag gang 'di skad du gnas brtan rab 'byor 'di ni de bzhin gshegs pa'i rjes su mthun par skyes so zhes smras pa ni/ ma skyes

pa'i phyir gnas brtan rab 'byor ni de bzhin gshegs pa'i rjes su mthun par skyes te/ gnas brtan rab 'byor de ni de bzhin gshegs pa'i de bzhin nyid kyi rjes su song ba'o/ /ci ltar de bzhin gshegs pa'i de bzhin nyid 'ong ba yang med song ba yang med pa de bzhin du

@170b gnas brtan rab 'byor gyi de bzhin nyid 'ong ba yang med song ba yang med de/ de ltar na gnas brtan rab 'byor ni de bzhin gshegs pa'i de bzhin nyid kyi rjes su song ba'o/ /gnas brtan rab 'byor ni dang po nyid nas de bzhin gshegs pa'i de bzhin nyid kyi rjes su song ba ste/ de ci'i

phyir zhe na/ de bzhin gshegs pa'i de bzhin nyid gang yin pa de ni chos thams cad kyi de bzhin nyid do/ /chos thams cad kyi de bzhin nyid gang yin pa de ni de bzhin gshegs pa'i de bzhin nyid do/ /de bzhin gshegs pa'i de bzhin nyid gang yin pa dang chos thams cad kyi de

bzhin nyid gang yin pa de ni gnas brtan rab 'byor gyi de bzhin nyid do/ /gnas brtan rab 'byor ni de bzhin nyid de'i rjes su song ba ste/ de bas na de bzhin gshegs pa'i rjes su skyes so/ /de bzhin gshegs pa'i de bzhin nyid de yang de bzhin nyid ma yin te/ de bzhin

nyid de'i rjes su song ba'o/ /de ltar na gnas brtan rab 'byor ni de bzhin gshegs pa'i rjes su skyes pa'o/ /de bzhin gshegs pa'i de bzhin nyid kyi gnas pa gang yin pa'i gnas pa des gnas brtan rab 'byor ni de bzhin gshegs pa'i rjes su skyes pa'o/ /ci ltar de

bzhin gshegs pa'i de bzhin nyid 'gyur ba med pa dang rnam par 'gyur ba med pa dang rtog pa med pa dang rnam par rtog pa med pa de bzhin du/ gnas brtan rab 'byor gyi de bzhin nyid kyang 'gyur ba med pa dang rnam par 'gyur ba med pa dang rtog pa med pa dang rnam par rtog pa med pa'o/ /

de ltar na gnas brtan rab 'byor yang de bzhin nyid des 'gyur ba med pa rnam par 'gyur ba med pa rtog pa med pa rnam par rtog pa med pas de bzhin gshegs pa'i rjes su skyes so/ /ci ltar de bzhin gshegs pa'i de bzhin nyid 'gyur ba med rnam par 'gyur ba med rtog pa med

rnam par rtog pa med de gang la yang thogs pa med pa de bzhin du/ chos thams cad kyi de bzhin nyid kyang 'gyur ba med rnam par 'gyur ba med rtog pa med rnam par rtog pa med de gang la yang thogs pa med do/ /de ci'i phyir zhe na/ de bzhin gshegs pa'i de bzhin nyid

@171a */ /gang yin pa dang chos thams cad kyi de bzhin nyid gang yin pa'i de bzhin nyid 'di ni gcig ste gnyis su med cing gnyis su byar med do/ /gnyis su med pa'i de bzhin nyid ni gang du yang de bzhin nyid ma yin gang las kyang de bzhin nyid ma yin gang gi yang de bzhin

nyid ma yin te/ gang gi phyir de ni gang gi yang de bzhin nyid ma yin pa des na de bzhin nyid de ni gnyis su med pa ste gnyis su med pa'i de bzhin nyid ni gnyis su byar med do/ /de ltar na gnas brtan rab 'byor ni ma byas pa'i de bzhin nyid kyis de bzhin gshegs pa'i rjes su

skyes te/ ma byas pa'i de bzhin nyid gang yin pa de ni nam yang de bzhin nyid ma yin par mi 'gyur ro/ /gang gi phyir de nam yang de bzhin nyid ma yin par mi 'gyur pa de'i phyir de bzhin nyid de ni gnyis su med de gnyis su med pa'i de bzhin gnyis su byar med do/

de ltar na gnas brtan rab 'byor ni de bzhin gshegs pa'i rjes su skyes so/ /ci ltar de bzhin gshegs pa'i de bzhin nyid rnam pa thams cad du chos thams cad la mi rtog rnam par mi rtog pa de bzhin du gnas brtan rab 'byor gyi de bzhin nyid kyang thams cad du thams cad

chos la mi rtog rnam par mi rtog go/ /de bzhin du de bzhin gshegs pa dang rab 'byor ni de bzhin nyid kyis mngon par sprul pa ste/ 'di gnyig yang bskal pa ma yin zhing tha mi dad pa ste/ tha dad par byed pa mi dmigs pa'i phyir ro/ /de ltar na gnas brtan rab

'byor ni de bzhin pa'i rjes su skyes so/ /ji ltar de bzhin gshegs pa'i de bzhin nyid ni chos thams cad kyi de bzhin nyid las gzhan ma yin pa de bzhin du rab 'byor gyi de bzhin nyid kyang chos thams cad kyi de bzhin nyid las bzhan ma yin la chos thams cad kyi de

bzhin nyid las gzhan ma yin pa gang yin ba de ni gang gi yang de bzhin nyid ma yin par de ni 'gyur te/ de bzhin nyid de nyid ni chos thams cad kyi de bzhin nyid do/ /de bzhin nyid de la gnas brtan rab 'byor gyis gzhan ma yin ba'i de bzhin nyid kyis rjes su song bar khas

@171b blangs te/ 'dir 'ga' zhig 'ga' zhig tu rjes su song bar khas blangs pa yang med do/ /de ltar nag nas brtan rab 'byor ni de bzhin gshegs pa'i rjes su skyes so/ /ci ltar de bzhin gshegs pa'i de bzhin nyid 'das pa ma yin ma 'ongs pa ma yin da ltar byung ba

ma yin pa de bzhin du/ chos thams cad kyi de bzhin nyid kyang 'das pa ma yin ma 'ongs pa ma yin da ltar byung ba ma yin te de ltar na gnas brtan rab 'byor de bzhin nyid de'i rjes su song bas de bzhin gshegs pa'i rjes su skyes pa zhes bya'o/ /de bzhin gshegs pa'i de bzhin

nyid kyis kyang de bzhin nyid kyi rjes su song ba ste/ de bzhin gshegs pa'i de bzhin nyid kyis 'das pa'i de bzhin nyid kyi rjes su song do/ /'das pa'i de bzhin nyis de bzhin gshegs pa'i de bzhin nyid kyi rjes su song ngo/ /de bzhin gshegs pa'i de bzhin nyid kyis ma

'ongs pa'i de bzhin nyid rjes su song ngo/ /ma 'ongs pa'i de bzhin nyid kyis de bzhin gshegs pa'i de bzhin nyid kyi rjes song ngo/ /de bzhin gshegs pa'i de bzhin nyid kyis da ltar byung ba'i de bzhin nyid kyi rjes su song ngo/ /de ltar byung ba'i de bzhin nyid kyis de bzhin

gshegs pa'i de bzhin nyid kyi rjes su song ngo/ /de bzhin gshegs pa'i de bzhin nyid kyis 'das pa dang ma 'ongs pa dang da ltar byung ba'i de bzhin nyid kyi rjes su song ngo/ /'das pa dang ma 'ongs pa dang da ltar byung ba'i de bzhin nyid kyis de bzhin gshegs pa'i de bzhin nyid kyi

rjes su song ste/ de ltar na gnas brtan rab 'byor gyi de bzhin nyid dang 'das pa dang ma 'ongs pa dang da ltar byung ba'i de bzhin nyid dang de bzhin gshegs pa'i de bzhin nyid 'di ni gnyis su byar med do/ /de bzhin du chos thams cad kyi de bzhin nyid dang rab 'byor gyi de bzhin

nyid 'di ni gnyis su med de su g.nyis byar med do/ /bcom ldan 'das byang chub sems dpar gyur pa'i de bzhin nyid gang yin pa de nyid ni bcom ldan 'das bla na med pa yang dag par rdzogs pa'i byang chub mngon par rdzogs bar sangs rgyas pa'i de bzhin nyid de de bzhin nyid gang gis

@172a */ /byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas par gyur pa na yang de bzhin gshegs pa'i ming 'thob par 'gyur ba de ni de bzhin nyid 'di yin no/ /de bzhin gshegs pa'i de bzhin nyid 'di

bstan pa de'i tshe na yang de bzhin gshegs pa bla na me dpa yang dag par rdzogs pa'i byang chub mngon par rdzogs par 'tshang rgya ba bzhin du sa chen po de rnam par 'gyur ba drug dang ltas chen po bcwa brgyad du 'gul rab tu 'gul kun tu rab tu 'gul/ /g.yos rab tu g.yos kun tu

rab tu g.yos/ /ldeg rab tu ldeg kun tu rab tu ldeg/ /'khrugs rab tu 'khrugs kun tu rab tu 'khrugs/ /chem chem rab tu chem chem kun tu rab tu chem chem/ 'ur 'ur rab tu 'ur 'ur kun tu rab tu 'ur 'ur ro/ /gzhan yang gnas brtan rab 'byor gyis lha'i bu de dag

la smras pa lha'i bu dag de ltar na gnas brtan rab 'byor ni de bzhin gshegs pa'i rjes su skyes so/ /gzhan yang gnas brtan rab 'byor ni gzugs kyi rjes su ma skyes te/ tshor pa'i ma yin 'du shes kyi ma yin 'du byed rnams kyi ma yin rnam par shes pa'i rjes su ma skyes so/ /rgyun

tu zhugs pa'i 'bras bu'i rjes su ma skyes te/ lan cig phyir 'ong ba'i 'bras bu'i ma yin phyir mi 'ong ba'i 'bras bu'i ma yin dgra bcom pa'i 'bras bu'i rjes su ma skyes so/ /rang sangs rgyas nyid kyi rjes su ma skyes sangs rgyas nyid kyi rjes su ma skyes so/ /de ci'i phyir zhe na/ /'di

ltar gang gis rjes su skye ba dang gang rjes su skye ba'i chos de dag ni yang dag par yod pa ma yin zhing nyer bar mi dmigs so/ /de ltar na gnas brtan rab 'byor ni de bzhin gshegs pa'i rjes su skyes so/ /de nas bcom ldan 'das la tshe dang ldan pa sh'a ri'i bus 'di skad ces gsol

to/ /bcom ldas 'das 'di lta ste de bzhin nyid 'di ni spyod pa zab mo lags so/ /de skad ces gsol ba dang/ /bcom ldan 'das kyis tshe dang ldan pa sh'a ri'i bu la 'di skad ces bka' stsal to/ /sha' ri'i bu de de bzhin no de de bzhin te/ /sh'a ri'i bu 'di ste de bzhin nyid 'di ni spyad pa zab

@172b mo yin no/ /de bzhin nyid bstan pa 'di bshad pa na yang dge slong sum brgya len pa med par zag pa las sems rnam par grol lo/ /dge slong ma lnga brgya chos rnams la chos kyi mig rdul med cing dri ma dang bral ba rnam par dag go/ /lha'i bu lnga sngon yongs su sbyang ba byas pa

dag gis mi skye ba'i chos la bzod pa thob par gyur to/ /byang chub sems dpa' drug cu len pa med par zag pa las sems rnam par grol lo/ /de nas tshe dang ldan pa sh'a ri'i bus byang chub sems dpa' de rnams len pa med par zag pa rnams las sems rnam par grol bar

shes nas bcom ldan 'das la 'di skad ces gsol to/ /bcom ldan 'das byang chub sems dpa' 'di rnams len pa med par zag pa rnams las sems rnam par grol ba'i rgyu ni gang lags rkyen ni gang lags/ bcom ldan 'das kyis bka' stsal pa/ sh'a ri'i bu byang chub sems

dba' 'di dag gis ni sangs rgyas lnga brgya la bsnyen bkur byas shing thams cad du yang sbyin ba byin tshul khrims bsrungs bzod pa bsgrubs brtson 'grus ba rtsams bsam gtan dag bced de de dag kyang shes rab kyi pha rol tu phyin bas yongs su ma gzung zhing thabs mkhas pa dang bral bar gyur

to/ /sh'a ri'i bu 'di ltar yang byang chub sems dpa' 'di dag gi lam stong pa nyid dam mtan ma med pa la spyod pa 'am smon pa med pa yin mod kyi/ /de ltar na yang de dag thabs mkhas pa dang mi ldan pa'i phyir yang dag pa'i mtha' mngon du byas nas nyan thos kyi sar nges par byung gi sangs

rgyas kyi sar ni ma yin no/ /sh'a ri'i bu 'di lta ste dper na 'dab chags bya zhig gi lus dpag tshad brgya ba'am dpag tshad nyis brgya pa'am dpag tshad sum brgya pa'am dpag tshad bzhi brgya pa 'am dpag tshad lnga brgya pa tsam du gyur pa zhig yod de/ /de sum cu rtsa gsum pa'i lha'i nang

na 'dug pa las 'dzam bu'i gling 'dir 'gro'o snyam du sems shing sh'a ri'i bu 'dab chags bya de 'dab ma ma skyes pa 'am 'dab ma byi bar gyur pa 'am 'dab ma bcad par gyur la/ /des 'dzam bu'i gling 'dir gnas bar bya'o snyam du bsams te sum cu rtsa gsum pa'i lha'i ris nas

@173a */ /bdag nyid mchongs te 'dab chags bya de de nas lhung ba dang/ nam mkha'i bar snang la gnas pa'i bar der 'di snyam du kye ma'o bdag phyir sum cu rtsa gsum pa'i lha'i nang du gnas par bya'o snyam du sems na sh'a ri'i bu do ci snyam du sems ci 'dab chags bya des phyir sum cu

rtsa gsum pa'i lha'i nang na gnas par nus sam/ /tshe dang ldan pa sh'a ri'i bus gsol ba/ /bcom ldan 'das de ni ma lags so/ /bcom ldan 'das kyis bka' stsal pa/ /sh'a ri'i bu gal te yang 'di snyam du kye ma bdag gni ma smas ma snad par 'dzam bu'i gling du gnas par bya'o snyam na/

sh'a ri'i bu de ci snyam du sems ci dab chags bya de ma smas ma snad bar 'dzam bu'i gling du gnas par 'gyur ram/ /sh'a ri'i bus gsol pa/ /bcom ldan 'das de ni ma lags so/ /bcom ldan 'das de 'dzam bu'i gling du ltung nas smas shing snad par 'gyur te/ /de 'gum pa

'am 'bum ba la thug pa tsam gyi sdug bsngal du 'gyur ro/ /de ci'i srad du zhe na/ bcom ldan 'das de ni 'di ltar lags te/ gang gi lus kyang chen por gyur ba dang 'dab ma yang ma mchis par gyur pa dang mthon po zhig nas kyang lhung bar gyur pa'i slad du'o/ /de skad ces

gsol pa dang/ bcom ldan 'das kyis tshe dang ldan pa sh'a ri'i bu la 'di skad ces bka' stsal to/ /sha' ri'i bu de de bzhin ni di de bzhin te/ sh'a ri'i bu byang chub sems dpa' sems dpa' chen po gang bla na med pa yang dag par rdzogs pa'i byang chub tu sems bskyed nas bskal pa gang

g'a'i ? klung gi bye ma snyed du gnas shing sbyin pa byin tshul khrims bsrungs bzod pa bsgrungs brtson 'grus brtsams bsam gtan lam nyam par bzhag ste/ de rgya cher yang dag par zhugs par gyur cing bla na med pa yang dag par rdzogs pa'i byang chub mngon par rdzogs par 'tshang rgya bar de'i sems

cher bskyed par gyur kyang gal te shes rab kyi pha rol tu phyin pa 'di sa yongs su ma zin cing thabs mkhas pa dang bral bar gyur na 'di ltar nyan thos kyis 'am rang sangs rgyas kyi sar lhung ngo/ /sha ri'i bu gzhan yang byang chub sems dpa' 'das pa dang ma 'ongs pa dang da ltar byung ba'i

@173b sangs rgyas bcom ldan 'das rnams kyi tshul khrims de dang ting nge 'dzin de dang shes rab de dang rnam par grol ba de dang rnam par grol ba'i ye shes gzigs pa de la mtshan ma'i tshul gyis sems shing 'dzin par byed pa des ni de bzhin gshegs pa dgra bcom pa yang dag par

rdzogs pa'i sangs rgyas rnams kyi tshul khrims mi shes mi mthong ste/ /ting nge 'dzin ma yin shes rab ma yin rnam par grol ba ma yin de bzhin gshegs pa dgra bcom pa yang dag par rdzogs pa'i sangs rgyas rnams kyi rnam par grol ba'i ye shes gzigs pa mi shes

mi mthong ngo/ /des ma shes ma mthong bas stong pa nyid kyi sgra nyan cing des sgra de la mtshan mar byed de dos sgra de mtshan mar byas nas bla na med pa yang dag par rdzogs pa'i byang chub tu yongs su bsdo bar 'dod pa de'i phyir 'di ni nyan thos kyis 'am rangs sangs rgyas kyis la gnas

par 'gyur bar rig par bya'o/ /de ci'i phyir zhe na/ /sh'a ri'i bu gang shes rab kyi pha rol tu phyin pas yongs su ma bzung zhing thabs mkhas pa dang bral bar gyur pa de ni 'di ltar 'gyur ro/ /sh'a ri'i bus gsol pa/ /bcom ldan 'das kyis ci ltar bshad pa'i don bdag gi

'tshal ba ltar na byang chub sems dpa' dpa' gang bsod nams kyi tshogs shin tu mang po dang ldan du lags kyang/ /shes rab kyi pha rol tu phyin pas yongs su bzung la thabs mkhas pa dang bral zhing dge ba'i bshes gnyen dang mi ldan par gyur na/ /de bla na med pa yang dag par rdzogs pa'i

byang chub 'thob pa la the tshom du 'gyur ro/ /bcom ldan 'das de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas shes rab kyi pha rol tu phyin pa bsgom par bgyi zhing thabs mkhas pa

la yang brtson par bgyi'o/ /de skad ces gsol pa dang/ /bcom ldan 'das kyis tshe dang ldan pa sh'a ri'i bu la 'di skad ces bka' stsal to/ /sh'a ri'i bu de de bzhin no de de bzhin te/ /sh'a ri'i bu byang chub sems dpa' sems dpa' chen po gang shes rab kyi pha rol tu phyin pas

@174a */ /yongs su ma bzung zhing thabs mkhas ba dang bral ba ni bsod nams kyi tshogs mang pa dang ldan na yang dge ba'i bshes gnyen dang bral bar gyur na bla na med pa yang dag par rdzogs pa'i byang chub 'thob pa ni the tshom du 'gyur ro/ /sh'a ri'i bu de lta bas na byang chub

sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas shes rab kyi pha rol tu phyin pa la bsgom par bya zhing thabs mkhas pa dang yang ldan par bya'o/ /de nas lha rnams kyi dbang po brgya byin 'dod pan spyod pa'i

lha'i bu rnams dang bcas pa dang mi mdzed kyi bdag po tshangs pa gzugs na spyod pa'i lha'i bu rnams dang bcas pas bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa 'di ni zab bo/ /bcom ldan 'das bla na med pa yang dag par

rdzogs pa'i byang chub ni 'byung bar dka'o/ /bcom ldan 'das bla na med pa yang dag par rdzogs pa'i byang chub mngon par rdzogs par 'tshang rgya pa shin tu 'byung bar dka'o/ /de nas bcom ldan 'das kyis lha rnams kyi dbang po brgya byin la sogs pa 'dod pa na spyod pa'i lha'i bu

rnams dang mi mjed kyi bdag po tshangs pa la sogs pa gzugs na spyod ba'i lha'i bu rnams la bka' stsal pa/ /lha'i bu dag de de bzhin no de de bzhin te/ /lha'i bu dag shes rab kyi pha rol tu phyin pa 'di ni zab bo/ /bla na med pa yang dag par rdzogs pa'i byung chub kyang 'byung bar dka'

ste/ shes rab 'chal ba dang brtson 'grus damn pa dang mos ba dman pa thabs mi mkhas pa dang sdig pa'i grogs po la sten pa rnams kyis bla na med pa yang dag par rdzogs pa'i byang chub mngon par rdzogs par 'tshang rgya ba shin tu 'byung bar dka'o/ /de nas bcom ldan

'das la tshe dang ldan pa rab 'byor gyis 'di skad ces gsol to/ /gang bcom ldan 'das kyis 'di skad du bla na med pa yang dag par rdzogs pa'i byang chub 'byung bar dka'o/ /bla na med pa yang dag par rdzogs pa'i byang chub mngon par 'tshang rgya 'byung bar shin tu dka'o zhes

@174b bka' stsal na/ /gang la cung zad kyang mngon par rdzogs par 'tshang rgya bar bgyi ba ma mchis na/ bcom ldan 'das ci ltar bla na med pa yang dag par rdzogs pa'i byang chub mngon par rdzogs par 'tshang rgya ba 'byung bar dka' zhing bla na med pa yang dag par rdzogs pa'i byang chub

mngon par rdzogs par 'tshang rgya ba shin tu 'byung bar dka' ba lags/ de ci'i slad du zhe na/ bcom ldan 'das chos thams cad stong ba lags pa'i slad du chos gang mngon par rdzogs par 'tshang rgya bar nus pa'i chos de gang yang ma mchis so/ /bcom ldan 'das

'di ltar chos thams cad ni stong ba ste/ bcom ldan 'das chos gang spang bar bgyi ba'i slad du chos bstan pa'i chos de yang ma mchis so/ /de bzhin du bla na med pa yang dag par rdzogs pa'i byang chub mngon par rdzogs par 'tshang rgya ba gang lags pa dang mngon par 'tshang rgya bar

bgyi ba gang lags pa dang 'tshal ba gang lags pa dang 'tshal bar bgyi ba gang lags pa'i chos de dag thams cad ni stong ba'o/ /bcom ldan 'das rnam grangs 'dis kyang bdag ni 'di snyam du bla na med pa yang dag par rdzogs pa'i byang chub mngon par rdzogs par 'tshang rgya ba ni

'byung bar sla ba lags te 'byung bar dka' ba ni ma lags so zhes sems so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'byung ba med pa'i phyir bla na med pa yang dag par rdzogs pa'i byang chub 'byung

bar dka'o/ /rab 'byor yang dag par ma yin pa'i phyir bla na med pa yang dag par rdzogs pa'i byang chub 'byung bar dka'o/ /rab 'byor rnam par mi rtog pa'i phyir bla na med pa yang dag par rdzogs pa'i byang chub ni 'byung bar dka'o/ /rab 'byor rnam par ma bsgrubs pa'i phyir

bla na med pa yang dag par rdzogs pa'i byang chub 'byung bar dka'o/ /bla na med pa yang dag par rdzogs pa'i byang chub mngon par rdzogs par 'tshang rgya ba ni mchog tu 'byung bar dka'o/ /de nas tshe dang ldan pa sh'a ri'i bus tshe dang ldan pa rab 'byor la 'di skad ces smras so/ /tshe dang ldan

@175a */ /pa rab 'byor stong ba zhes bya ba'i rnam grangs 'dis kyang bla na med pa yang dag par rdzogs pa'i byang chub 'byung bar dka'o/ /bla na med pa yang dag par rdzogs pa'i byang chub mngon par rdzogs par 'tshang rgya ba mchog tu 'byung bar dka'o/ /de ci'i phyir zhe na/

tshe dang ldan pa rab 'byor nam mkha' 'di snyam du bdag gis bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du mi sems so/ /tshe dang ldan pa rab 'byor de bzhin du chos 'di dag kyang mngon par rdzogs par 'tshang rgya bar bya ba ma yin no//

de ci'i phyir zhe na/ /tshe dang ldan pa rab 'byor chos thams cad ni nam mkha' dang mtshungs pa'i phyir ro/ /tshe dang ldan pa rab 'byor gal te bla na med pa yang dag par rdzogs pa'i byang chub 'byung bar slar zin na byang chub sems dpa' gang ga'i klung gi bye ma snyed bla na me da yang

dag par rdzogs pa'i byang chub las phyir mi ldog par 'gyur pa zhig na/ /tshe dang ldan pa rab 'byor 'di ltar byang chub sems dpa' gang g'a'i ? glung gi phye ma snyed bla na med pa yang dag par rdzogs pa'i byang chub las phyir ldog ste/ /tshe dang ldan pa rab 'byor de bas na bla na med pa

yang dag par rdzogs pa'i byang chub 'byung bar dka' zhing bla na med pa yang dag par rdzogs pa'i byang chub mngon par rdzogs par 'tshang rgya ba mchog tu 'byung bar dka'o zhes de ltar rig par bya'o/ /de skad ces smras pa dang/ /tshe dang ldan pa rab 'byor de bas na bla na med pa

bu la 'di skad ces smras so/ /tshe dang ldan pa sh'a ri'i bu yang ci gzugs gang yin pa bla na med pa yang dag par rdzogs pa'i byang chub las phyir ldog gam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci bla na

med pa yang dag par rdzogs pa'i byang chub las gang phyir ldog pa'i chos de gzugs las gzhan na yod dam/ sh'a ri'i bus smras ba tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu gang ci tshor ba dang 'du shes dang 'du byed rnams dang

@175b rnam par shes pa gang yin pa bla na med pa yang dag par rdzogs pa'i byang chub las phyir ldog gam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci bla na med pa yang dag par rdzogs pa'i byang chub las

gang phyir ldog pa'i chos de tshor ba dang 'du shes dang 'du byed rnams las gzhan na yod dam rnam par shes pa las gzhan na yod dam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ca gzugs kyi

de bzhin nyid gang yin pa de bla na med pa yang dag par rdzogs pa'i byang chub las phyir ldog gam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci tshor ba'i de bzhin nyid dang 'du shes kyi de bzhin nyid dang 'du byed

rnams kyi de bzhin nyid gang yin pa dang rnam par shes pa'i de bzhin nyid gang yin pa de bla na med pa yang dag par rdzogs pa'i byang chub las phyir ldog gam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci bla na

med pa yang dag par rdzogs pa'i byang chub las gang phyir ldog pa'i chos de gzugs kyi de bzhin nyid las gzhan na yod dam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci gang bla na med pa yang dag par

rdzogs pa'i byang chub las phyir ldog pa'i chos de tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid las gzhan na yod dam rnam par shes pa'i de bzhin nyid las gzhan na yod dam/ sh'a ri'i bus smras pa tshe dang ldan pa rab 'byor de ni ma yin no/ /

rab 'byor gyis smras pa/ tshe dang ldan pa sh'a ri'i bu yang ci gzugs gang yin pa bla na med pa yang dag par rdzogs pa'i byang chub mngon par rdzogs par 'tshang rgya'am/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa

@176a */ /sh'a ri'i bu yang ci tshor ba dang 'du shes dang 'du byed rnams dang rnam par shes pa gang yin pa bla na med pa yang dag par rdzogs pa'i byang chub mngon par rdzogs par 'tshang rgya 'am/ sh'a ri'i bus smras ba tshe dang ldan pa rab 'byor de ni ma yin no/ /rab 'byor gyis

smras pa tshe dang ldan pa sh'a ri'i bu yang ci gang bla na med pa yang dag par rdzogs pa'i byang chub mngon par rdzogs bar 'tshang rgya ba'i chos de gzugs las gzhan na yod dam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang

ldan pa sh'a ri'i bu yang ci gang bla na med pa yang dag par rdzogs pa'i byang chub mngon par rdzogs par 'tshang rgya ba'i chos de tshor ba dang 'du shes dang 'du byed rnams las gzhan na yod dam rnam par shes pa las gzhan na yod dam/ sh'a ri'i bus smras pa tshe dang ldan pa rab

'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci gzugs kyi de bzhin nyid gang yin pa bla na med pa yang dag bar rdzogs pa'i byang chub mngon par rdzogs par 'tshang rgya 'am/ sh'a ri'i bus smras pa tshe dang ldan ba rab 'byor de ni ma yin no/ /

rab 'byor gyis smras pa tshe dang ldan pa sh'a ri'i bu yang ci tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid dang rnam par shes pa'i de bzhin nyid gang yin pa bla na med pa yang dag par rdzogs pa'i byang chub mngon par rdzogs par 'tshang rgya 'am/ sh'a

ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci bla na med pa yang dag par rdzogs pa'i byang chub mngon par rdzogs par 'tshang rgya ba'i chos gang yin ba de gzugs kyi de bzhin nyid las gzhan na yod dam/ sh'a ri'i

bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci bla na med pa yang dag par rdzogs pa'i byang chub mngon par rdzogs par 'tshang rgya ba'i chos gang yin pa de tshor ba'i de bzhin nyid dang 'du shes kyi de bzhin nyid dang 'du byed

@176b rnams kyi de bzhin nyid las gzhan na yod dam rnam par shes pa'i de bzhin nyid las gzhan na yod dam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci gzugs gang yin pa bla na med pa yang dag

par rdzogs pa'i byang chub tu rig par bya'am/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci tshor ba dang 'du shes dang 'du byed rnams dang rnam par shes pa gang yin pa bla na med pa yang dag

par rdzogs pa'i byang chub tu rig par bya'am/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci gzugs las gzhan pa'i chos gang yin pa de bla na med pa yang dag par rdzogs pa'i byang chub tu rig

par bya'am/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci tshor ba dang 'du shes dang 'du byed rnams las gzhan pa dang rnam par shes pa las gzhan pa'i chos gang yin pa de bla na med pa yang dag par

rdzogs pa'i byang chub tu rig par bya'am/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci gzugs kyi de bzhin nyid gang yin pa bla na med pa yang dag par rdzogs pa'i byang chub tu rig par bya'am/ sh'a ri'i bus

smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid dang rnam par shes pa'i de bzhin nyid gang yin pa bla na med pa yang dag par rdzogs pa'i byang chub tu

rig par bya 'am/ sh'a ri'i bus smras ba tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci gzugs kyi de bzhin nyid las gzhan ba'i chos gang yin pa de bla na med pa yang dag par rdzogs pa'i byang chub tu rig par bya'am/ sh'a ri'i bus

@177a */ /smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang ci tshor ba'i de bzhin nyid dang 'du shes kyi de bzhin nyid dang 'du byed rnams kyi de bzhin nyid las gzhan pa dang rnam par shes pa'i de bzhin nyid las gzhan pa'i chos gang yin

pa de bla na med pa yang dag par rdzogs pa'i byang chub tu rig par bya 'am/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu de ci snyam du sems de bzhin nyid bla na med pa yang dag par rdzogs pa'i byang chub las phyir sdog

gam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu de ci snyam du sems gang bla na med pa yang dag par rdzogs pa'i byang chub las phyir ldog pa'i chos de de bzhin nyid la yod dam/ sh'a ri'i bus smras pa tshe dang

ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu yang gang zhig chos nyid de nyid la mi gnas ba'i tshul gyis gnas pa bla na med pa yang dag pa rdzogs pa'i byang chub las gang phyir ldog ba'i chos de gang yin/ sh'a ri'i bu gang zhig de bzhin nyid

du gyur pa'i chos de yang gang yin/ tshe dang ldan pa sh'a ri'i bu ci de bzhin nyid phyir ldog par 'gyur ba yang yod dam/ sh'a ri'i bus smras ba tshe dang ldan ba rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu de ltar ba den pa nyid dang gnas ba nyid du chos thams cad

dmigs su med pa la bla na med pa yang dag par rdzogs pa'i byang chub las phyir ldog par 'gyur ba'i chos de gang yin/ de skad ces smras pa dang tshe dang ldan ba sh'a ri'i bus tshe dang ldan pa rab 'byor la 'di skad ces smras so/ /chos kyi tshul gyi rnam pa gang zhig tshe dang ldan pa gnas

brtan rab 'byor gyis bshad pa ltar na bla na med pa yang dag par rdzogs ba'i byang chub las gang phyir ldog pa'i chos de gang yang med do/ /tshe dang ldan ba rab 'byor byang chub sems dpa'i theg pa pa'i gang zag gsum po gang dag yin pa 'di dag ni de bzhin gshegs pas gsungs

@177b pa yin na/ ci ltar tshe dang ldan pa rab 'byor gyis bstan pa ltar na mi gsum po dag gi rnam par gzhag pa yod par mi 'gyur gyi/ theg pa gcig kho nar 'gyur te 'di lta ste sangs rgyas kyi theg pa byang chub sems dpa'i theg pa'o/ /de nas tshe dang ldan pa byams ma'i bu gang pos tshe dang ldan pa sh'a

ri'i bu la 'di skad ces smras so/ /tshe dang ldan pa sh'a ri'i bu yang ci tshe dang ldan pa gnas brtan rab 'byor nyan thos kyi theg pa can nam rang sangs rgyas kyi theg bcan nam theg pa chen po pa'i byang chub sems dpa' gcig kyang yod par khas mi len nam/ re zhig gnas brtan tshe dang ldan pa rab 'byor

'di la dri dgos so/ /de nas tshe dang ldan pa sh'a ri'i bus tshe dang ldan pa gnas brtan rab 'byor la 'di skad ces smras so/ /tshe dang ldan ba rab 'byor yang ci khyod nyan thos kyi theg pa can nam rang sangs rgyas kyi theg pa can nam theg pa chen po pa'i byab chub sems dpa' gcig kyang yod par khas

mi len nam/ rab 'byor gyis smras pa tshe dang ldan pa sh'a ri'i bu yang ci de bzhin nyid kyi de bzhin nyid gang yin pa de la nyan thos kyi theg pa can nam rang sangs rgyas kyi theg pa can nam theg pa chen po pa'i byang chub sems dpa' gcig kyang yang dag par rjes su mthong ngam/ sh'a ri'i bus smras pa/

tshe dang ldan pa rab 'byor de ni ma yin te de bzhin nyid kyang re zhig rnam pa gsum du dmigs su med na byang chub sems dpa' lta ci smos/ rab 'byor gyis smras pa tshe dang ldan pa sh'a ri'i bu yang ci de bzhin nyid rnam pa gcig tu yang dmigs su yod dam/ sh'a ri'i bus smras pa tshe dang ldan pa rab

'byor de ni ma yin no/ /rab 'byor gyis smras pa tshe dang ldan pa sh'a ri'i bu ci khyod kyis de bzhin nyid la byang chub sems dpa'i chos gcig kyang yang dag par rjes su mthong ngam/ sh'a ri'i bus smras pa tshe dang ldan pa rab 'byor de ni ma yin no/ /rab 'byor gyis smras pa tshe dang ldan pa sh'a ri'i bu de ltar

bden pa nyid dang gnas pa nyid du byang chub sems dpa'i chos de yang dmigs su med na khyod ci'i phyir 'di snyam du 'di ni nyan thos kyi theg pa can 'di ni rang sangs rgyas kyi theg pa can 'di ni theg pa chen po pa'o snyam du sems/ sh'a ri'i bu de ltar byang chub sems dpa' sems dpa' chen po de bzhin nyid

@178a */ /la rab tu rnam par 'byed pa rnams khyad bar med pa dang bye brag med pa dang tha dad du byar med pa nyid thos nas/ byang chub sems dpa' sems dpa' chen po gang sems mi 'gong kun tu mi zhum phyir phyogs par mi 'gyur na/ byang chub sems dpa' sems dpa' chen po 'di ni

byang chub tu nges par 'byung bar rig par bya'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no de de bzhin te/ rab 'byor 'di ltar de bzhin gshegs pa'i mthu dang sangs rgyas kyi byin gyi rlabs kyis khyod de skad du smra

bar spobs pa de ni rab 'byor legs so legs so/ /de ltar byang chub sems dpa' de dag de bzhin nyid rab tu rnam par 'byed pa rnams khyad par med pa dang bye brag med pa dang tha dad du bya ba med par thos nas/ byang chub sems dpa' sems dpa' chen po sems mi 'gong kun tu mi

zhum phyir mi phyogs na/ rab 'byor byang chub sems dpa' sems dpa' chen po de ni byang chub la nges par 'byung bar rig par bya'o/ /de nas bcom ldan 'das la tshe dang ldan pa sh'a ri'i bus 'di skad ces gsol to/ /bcom ldan 'das byang chub gang gis byang chub sems dpa'

sems dpa' chen po 'di nges par 'byung bar 'gyur/ bcom ldan 'das kyis bka' stsal pa/ sh'a ri'i bu bla na med pa yang dag par rdzogs pa'i byang chub kyis byang chub sems dpa' sems dpa' chen po 'di nges par 'byung bar 'gyur ro/ /de nas bcom ldan 'das la tshe dang ldan

pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'tshal bas ci ltar gnas par bgyi ci ltar bslab par bgyi/ bcom ldan 'das kyis bka' stsal pa/

rab 'byor byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas/ sems can thams cad la mnyam par gnas par bya sems can thams cad la sems mnyam pa bskyed par bya ste mi mnyam pa med pa'i sems kyis

@178b gzhan la dmigs par bya/ byams pa'i sems kyis gzhan la dmigs par bya/ phan pa'i sems kyis gzhan la dmigs par bya/ dge ba'i sems kyis gzhan la dmigs par bya/ nga rgyal bcag pa'i sems kyis gzhan la dmigs par bya/ khong khro ba med pa'i sems

kyis gzhan la dmigs par bya 'tshe ba med pa'i sems kyis gzhan la dmigs par bya/ tho 'tsham pa med pa'i sems kyis gzhan la dmigs bar bya/ sems can thams cad la mar 'du shes pa nye bar bzhag pa dang phar 'du shes pa dang bur 'du shes pa dang bu mor 'du shes pa nye bar

bzhag ste gzhan la dmigs par bya'o/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas sems can thams cad la de ltar gnas par bya de ltar bslab par bya ste/ bdag

sems can thams cad kyi mgon du gyur par bya'o/ /bdag nyid kyang sdig pa thams cad las ldog ba la gnas par bya/ sbyin pa sbyin par bya tshul khrims bsrung bar bya bzod pa bsgom par bya brtson 'grus brtsam par bya bsam gtan la mnyam par gzhag par bya shes rab kyis yongs

su rgyas par bya/ rten cing 'brel par 'byung ba lugs dang mthun pa dang lugs dang mthun ba ma yin pa blta bar bya/ gzhan dag kyang de la yang dag par bskul ba dang de'i bsngags pa brjod pa dang de la rjes su mthun pas dga' bar bya'o/ /de bzhin du bden pa nas byang chub sems

dpa'i skyon med par 'jug pa'i bar dang sems can rnams yongs su smin pa la gnas nas gzhan dag kyang de la yang dag par bskul ba dang de'i bsngags pa brjod pa dang de la rjes su mthun pas dga' bar bya'o/ /de ltar 'dod cing de ltar slob ba ni sgrib pa med pa'i tshul nas dam pa'i chos gnas pa

dang sgrib pa med pa'i rang bzhin gyi bar du 'gyur ro/ /'phags pa shes rab kyi pha rol tu phyin pa brgyad stong pa las de bzhin nyid kyi le'u zhes bya ste bcu drug pa'o// //de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das

@179a */ /phyir mi ldog pa'i byang chub sems dpa' sems dpa' chen po'i rnam pa gang dag lags rtags gang dag lags mtshan ma gang dag lags/ bcom ldan 'das ci ltar bdag gis phyir mi ldog pa'i byang chub sems dpa' sems dpa' chen po lags par 'tshal bar bgyi/

bcom ldan 'das kyis bka' stsal pa/ rab 'byor so so'i skye bo'i sa gang yin pa dang nyan thos kyi sa gang yin pa dang rang sangs rgyas kyis gang yin pa dang sangs rgyas kyi sa gang yin 'di ni de bzhin nyid kyi sa zhes bya ste/ 'di dag thams cad kyi de bzhin nyid la gnyis su med cing gnyis su

byar med de rtog pha med la rnam par rtog pha med pa'o/ /de bzhin nyid de dang chos nyid de la 'jug pa dang de bzhin nyid la gnas shing de bzhin nyid la mi rtog rnam par mi rtog ste/ de ltar 'jug cing de ltar zhugs pa ni de bzhin nyid ci lta ba bzhin thos nas de las kyang song nas 'di ltar ma yin no

zhes nem nur mi byed yid gnyis mi byed the tshom mi byed rmongs par mi byed de 'on kyang 'di ni de bzhin te de kho na ltar yin no zhes mos par byed khong du chud par byed do/ /ci thod thod smra bar mi 'gyur gyi don dang ldan pa'i tshig tu smra ste don dang mi ldan pa ma yin zhing pha rol gyis byas pa dang dang ma byas

pa la mi lta ste/ rab 'byor rnam pa de dag dang rtags de dag dang mtshan ma de dag dang ldan ba'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par gzung par bya'o/ /rab 'byor gzhan yang phyir mi ldog pa'i byang chub

sems dpa' sems dpa' chen po ni dge sbyong dang bram ze khyed 'di dag ni shes par bya bshes so/ /blta bar bya ba mthong ngo zhes dge sbyong dang bram ze gzhan dag gi ngor mi lta zhing / lha gzhan dag la phyag mi 'tshal lha gzhan dag la me tog gam bdug pa 'am dri 'am phreng ba 'am

phyug pa 'am phye ma 'am gos sam gdugs sam rgyal mtshan nam dril bu 'am bdan dag gam mar me dag sbyin par mi sems shing lha gzhan dag la mi rten te/ rab 'byor rnam pa de dag dang rtags de dag dang mtshan ma de dag dang yang lngan pa'i byang chub sems dpa' sems

@179b dpa' chen po ni bla na med pa yang dag par rdzogs pa'i byang chub las phyir mi ldog par gzung bar bya'o/ /rab 'byor yang phyir mi ldog pa'i byang chub sems dpa' sems dpa' chen po de dag ni ngan song du mi skye zhing bud med kyi dngos po yang yongs su mi 'dzin to/ /rab 'byor gzhan yang

phyir mi ldog pa'i byang chub sems dpa' sems dpa' chen po ni/ dge ba bcu'i las kyi lam rnams yang dag par blangs nas gnas te/ de bdag nyid kyang srog gcod pa spangs shing gzhan yang srog gcod pa spong ba la yang dag par 'god do/ /bdag nyid kyang ma byin par len

pa spangs sing gzhan yang ma byin par len pa spong ba la yang dag par 'god do/ /bdag nyid kyang 'dod pas log par spyod pa spangs pa yin zhing gzhan yang 'dod pas log par spyod pa spong ba la yang dag par 'god do/ /bdag nyid kyang 'bru'i chang dang bcos pa'i chang bag

med pa'i gnas spangs shing gzhan yang 'bru'i chang dang bcos pa'i chang bag med pa'i gnas spong ba la yang dag par 'god do/ /bdag nyid kyang brdzun du smra ba spangs shing gzhan yang brdzun du smra ba spong ba la yang dag par 'god do/ /bdag nyid kyang phram smra ba spangs shing gzhan yang

phram smra ba spong ba la yang dag par 'god do/ /bdag nyid kyang tshig rtsub mo smra ba spangs shing gzhan yang tshig rtsub mo smra ba spong ba la yang dag par 'god do/ /bdag nyid kyang tshig kyal pa smra ba spangs shing zhan yang tshig kyal pa smra ba spong ba la yang dag bar 'god do/ /bdag

nyid kyang brnab sems spangs shing gzhan yang brnab sems spong ba la yang dag par 'god do/ /bdag nyid kyang gnod sems spangs shing gzhan yang gnod sems spong ba la yang dag par 'god do/ /bdag nyid kyang log par lta ba spangs shing gzhan yang log par lta ba spong ba la

yang dag par 'god do/ /rab 'byor de ltar phyir mi ldog pa'i byang chub sems dpa' sems dpa' chen po ni bdag nyid kyang dge ba bcu'i las kyi lam rnams yang dag par blangs nas gnas shing gzhan yang dge ba bcu'i las kyi lam rnams la yang dag par ston yang dag par

@180a */ /'god yang dag par gzengs stod yang dag par rab tu dga' bar byed brtan par byed de de rmi lam du yang mi dge ba bcu'i las kyi lam rnams gcig gam mang du yang rung ste thams cad nas thams cad rnam pa thams cad du mi 'byung zhing sems kyis kyang kun

tu mi spyod do/ /rab 'byor yang phyir mi ldog pa'i byang chub sems dpa' sems dpa' chen po de-'i rmi lam du yang dge ba bcu'i las kyi lam rnams mngon du 'gyur te/ rab 'byor rnam pa de dag dang rtags de dag dang mtshan ma de dag dang yang ldan pa'i byang chub sems dpa' sems dpa'

chen bo ni bla na med pa yang dag par rdzogs pa'i byang chub las phyir mi ldog par gzung bar bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni chos gang dang gang kun chub par byed pa dang sbyin par byed pa de dang de nyid sems la kun chub

par byed cing sbyin par byed de/ bdag gis chos 'di sems can thams cad kyi don dang phan ba dang bde ba'i phyir sbyin par bya ste chos bstan pa 'dis kyang sems can thams cad chos kyi bsam pa yongs su rdzogs par gyur cig ces chos kyi sbyin pa de yang sems can thams cad la thun

mong du byed de/ rab 'byor rnam pa de dag dang rtags de dag dang mtshan ma de dag dang yang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par gzung bar bya'o/ /rab 'byor gzhan yang phyir mi ldog pa'i byang chub

sems dpa' sems dpa' chen po ni chos zab mo bshad pa la nem nur mi byed yid gnyis mi byed the tshom mi byed rmongs par mi 'gyur ro/ /de phan pa'i tshig dang ldan par 'gyur chig ran par 'gyur tshig 'jam par 'gyur/ rmugs pa dang gnyid chung bar 'gyur ro/ /bag la

nyal med par 'gyur/ de 'ong ngam 'gro ba na yang sems ma 'khrul bar 'gro zhing 'ong ngo/ /de dran pa nye bar gzhag cing 'gro /dran pa nye bar gzhag cing 'ong / de rkang pa sa la 'deg ba bul bar mi byed rkang pa sa la 'jog pa bul bar mi byed/ bde ba nyid du 'deg bde bar

@180b 'jog rkang pa sa la gya tshom du mi 'degs rkang pa sa la gya tshom du mi 'jog de mthong bzhin du sa phyogs su gom pa 'dor ro/ /rab 'byor yang phyir mi ldog pa'i byang chub sems dpa' sems dpa' chen po de'i lus la chos gos yongs su longs spyad pa yang shig med par 'gyur te

kun tu spyod pa gzob par 'gyur gnod pa nyung bar 'gyur skyon nyung bar 'gyur ro/ /sems can gzhan dag gi lus la srin bu'i rigs stong phrag brgyad cu dag gang yod pa de dag kyang de'i lus la thams cad nas thams cad rnam pa thams cad du thams cad mi 'byung ngo/ /de ci'i

phyir zhen/ rab 'byor 'di ltar phyir mi ldog pa'i byang chub sems dpa' sems dpa' chen po'i dge ba'i rtsa ba de dag ni 'jig rten thams cad las mngon par 'phags pa yin no/ /ci lta ci ltar dge ba'i rtsa ba de dag rnam par 'phel ba de lta de lta byang chub sems dpa' sems

dpa' chen po de yang lus yongs su dag pa yongs su 'dzin to/ /dag yongs su dag pa dang sems yongs su dag pa yongs su 'dzin to/ /rab 'byor gyis gsol pa/ bcom ldan 'das yang byang chub sems dpa' sems dpa' chen po'i sems yongs su dag pa gang

lags par rig par bgyi/ bcom ldan 'das kyis bka' stsal pa/ rab 'byor ci lta ci ltar byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar byang chub sems dpa' sems dpa' chen po sems la bya ba nyung ba yongs su 'dzin to/ /

sems g.yo med pa dang sems sgyu med pa dang sems gya gyu med pa dang sems yon po med pa yongs su 'dzin to/ /rab 'byor sems rnam par dag pa gang yin pa des nyan thos dang rang sangs rgyas kyi sa las 'das par 'gyur te/ rab 'byor 'di ni byang chub sems dpa' sems

dpa' chen po'i sems yongs su dag par rig par bya'o/ /rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o/ /

@181a */ /rab 'byor gzhan yang phyir mi ldog pa'i byang chub sems dpa' sems dpa' chen po ni rnyed ba dang bkur sti dang tshigs su bcad pa la lhur mi byed do/ /chos gos dang bsod snyoms dang mal stan dang na ba'i gsos sman dang yo byad dag la lhur byed pa ma yin no/ /

phrag dog dang ser sna mang ba ma yin no/ /chos zab mo dag bshad na yang dag par mi zhum zhing blo brtan bar 'gyur blo zab par 'gyur ri mor byas te gzhan las chos nyan cing ri mor byas te gzhan las chos gang nyan pa de dag thams cad kyang shes rab kyi pha rol tu phyin pa dang sbyor bar

byed do/ /'jig rten gyi bzo'i gnas dang las kyi gnas ci snyed yod pa de dag thams cad kyang shes rab kyi pha rol tu phyin pa la brten nas chos nyid dang sbyor bar byed de/ gang chos kyi dbyings dang mi sbyor ba'i chos gang yang yang dag par rjes su mi mthong ste thams cad kyang

de dang ldan par yang dag par mthong ngo/ /rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar bya'o/ /rab 'byor gzhan

yang gal te bdud sdig can des sems can dmyal ba chen po brgyad mngon par sprul te/ sems can dmyal ba chen po de re rer yang byang chub sems dpa' brgya phrag mang po dag dang byang chub sems dpa' stong phrag mang po dag dang byang chub sems dpa' brgya stong phrag mang po dag

mngon par sprul te/ phyir mi ldog pa'i byang chub sems dpa' sems dpa' chen po la 'di skad ces zer te de bzhin gshegs pas byang chub sems dpa' sems dpa' chen po gang dag phyir mi ldog par lung bstan pa de dag ni sems can dmyal ba chen po brgyad po 'di dag tu

skyes te/ khyod kyang phyir mi ldog par lung bstan pas khyod kyang sems can dmyal ba chen po brgyad po 'di dag tu skye bar 'gyur gyis 'di ltar khyod kyis byang chub kyi sems de phyir bshags par gyis shig so sor spongs shig sems can dmyal ba brgyad po der skyes na khyod la sangs

@181b rgyas kyis ci zhig bya/ de ltar byas na khyod mtho ris kyi 'jig rten du 'gro bar 'gyur ro zhes zer ba de lta na yang gal te byang chub sems dpa' sems dpa' chen po'i sems mi 'khrug mi g.yo zhing/ 'di snyam du gang phyir mi ldog pa'i byang chub sems dpa' sems dpa' chen po ngan 'gro

rnams su skye ba 'di ni gnas ma yin zhing go skabs med do snyam du shes na/ rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po yang bla na med pa yang dag par rdzogs pa'i byang chub las phyir mi ldog par gzung bar

bya'o/ /rab 'byor gzhan yang bdud sdig can dge spyong gi cha byad du phyir mi ldog pa'i byang chub sems dpa' sems dpa' chen po'i gan du 'ongs nas 'di skad ces zer te gang khyod kyis sngon bros pa de phyir bshags par gyis shig gang khyod kyis sngon yongs su bzung ba de so sor

spongs shig gal te khyod kyis 'di phyir bshags shing gal te khyod kyis 'di so sor spangs pa de lta na da khyod kyi gan du yang dang yang du nye bar 'ong ngo / /gang khyod kyis de ltar thos pa 'di ni sangs rgyas kyi bka' ma yin te 'di ni snyan dang gas byed pas rang bzor byas pa'o/ /yang

gang nga 'chad pa 'di ni sangs rgyas kyis bshad pa ste ba di ni sangs rgyas kyi bka'o zhes zer ba de thos nas gal te byang chub sems dpa' 'khrug cing g.yo na/ rab 'byor byang chub sems dpa' 'di ni de bzhin gshegs pa dag gis lung ma bstan pa ste/ byang chub sems dpa' 'di ni

bla na med pa yang dag par rdzogs pa'i byang chub tu nges pa ma yin zhing 'di ni phyir mi ldog pa'i khams la gnas pa ma yin par rig par bya'o/ /rab 'byor yang gal te byang chub sems dpa' sems dpa' chen po bdud sdig can las tshig 'di dag thos nas kyang mi 'khrug mi g.yo zhing

de chos nyid la rton te mi skye ba nyid dang mi 'gag pa nyid dang mngon par 'du mi byed pha nyid la rton cing gzhan gyi dad pa'i phyir mi 'gro ste/ rab 'byor dper na dge slong dgra bcom bzag pa zang pa gzhan gyi dad pa'i phyir mi 'brang ste chos nyid la mngon sum du byed cing bdud sdig can

@182a */ /gyis mi 'phrogs pa de bzhin du/ rab 'byor phyir mi ldog pa'i byang chub sems dpa' sems dpa' chen po yang nyan thos kyi theg pa dang rang sangs rgyas kyi theg pa can gyi gang zag dag gis mi brdzi ba yin te nyan thos kyis 'am rang sangs rgyas kyi sar phyir mi

ldog pa'i chos can du 'gyur ro/ /thams cad mkhyen pa nyid du nges shing rdzogs pa'i byang chub la gzhol bar 'gyur ro/ /rab 'byor yang byang chub sems dpa' sems dpa' chen po de gang gi tshe phyir mi ldog pa'i khams la gnas par gyur pa de'i tshe gzhan gyi dring la mi 'jog

par 'gyur ba yin no/ /rab 'byor rnam pa de dag dang rtags de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po ni yang bla na med pa yang dag par rdzogs pa'i byang chub las phyir mi ldog par gzung bar bya'o//