Sheja Dzo Introduction Wylie

Sheja Dzo

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter and Christoph, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

shes bya Forword volume 1 (page 161)

thog mar dge ba klad kyi don dang/ mtshan smras shing mchod par brjod cing bshad par dam bca' ba na ma: shrii maa gu ru mndzu shrii naa thaa ya/ zab cing rgya che'i sku mnga' rang dang gzhan la phan pa phun sum tshogs pa'i gter/ /dam pa'i chos rnga mkha' dang mnyam par rab sgrogs bde stong thugs ni brtan gyo khyab/ /bsam yas yon tan rgya mtsho'i 'byung gnas rgyun gyi phrin las rtsol med lhun gyis grub/ /rigs brgya'i khyab bdag dpal ldan bla ma'i zhabs pad mi 'bral tshangs pa'i rgyan du bzhugs/ /chen po gsum gyi mthar son rgyal ba nyi ma mdzad pa'i rol mo yis/ /'jig rten gsum gyi mun pa rnam sel nges legs lam gyi snang ba ston/ /shes bya'i khongs na khyod mtshungs gzhan med chos kyi dbang phyug chos kyi rgyal/ /don kun thub pa thugs rje can la sgo gsum gus pa chen pos 'dud/ /nam mkha' ji srid 'chi med lus kyis rtag tu don mdzad ye shes sku/ /(om 1 ba) bde ba chen po gsung gi rdo rje pdmaa ka ra yab yum zhabs/ /snying gi chu skyes mdzes pa'i ze'u 'brur byang chub thob kyang brtan par gzhugs/ /gang zhig khyod mtshan rna bar lhungs pas bdud sde bye ba'i ru mtshon bsnyol/ /ye shes ral gri gzi 'od 'phro bas kun rmongs drwa ba cig char gcod/ /mkhyen gnyis snang ba bde blag sbyin pas nges legs rin chen sgo 'byed pa/ /'jam dpal

shes bya Forword Volume 1 (page 162)

yab yum zhabs la 'dud do dri med blo gros mchog sbyin mdzod/ /'phags bod thub bstan gsal ba'i shing rta che/ /dus gsum byon dang de yi bka' brgyud 'dzin/ /ris med kun la zol sbyor spangs pa yi/ /gus pa chen bos snying nas lan brgyad 'dud/ /bdag blo khab kyi mig bzhin khyon dog pas/ /shes bya nam mkha'i mtha' gzhal nus min kyang/ /rang 'dra'i skal mnyam rnams la go bde'i slad/ /gce par bsdus pa'i (om 2 na) gzhung 'di bkrol bar bya/ /mkha' dang shes bya'i pha mtha' mtha' yas ma lus su yis 'jal bar nus/ /'on kyang mtshan nyid phyogs mtshon tsam gyis mtshon bya kun gyi de nyid rtogs/ /de phyir blo gros bum par bzung ba'i chu thigs tsam gyi ro yis kyang/ /shes bya rgya mtsho chen po'i ro mchog blo ldan rnams kyis myang ba yin/ /lung dang rigs pa'i mtha' gcod ji snyed pa/ /dam pa rnams kyis rab tu bstan pa dang/ /blo dman dag gis rtogs par dka' bas na/ /tshig tsam bkrol bas gzhung don gsal bar bgyi/ /de yang thar pa dang thams cad mkhyen pa'i go 'phang sgrub pa la thog mar thos pa rgya mtsho'i pha rol tu son par bya zhing/ /de nas bsam pa dang sgom byung gi shes rab la brten nas rim gyis bla na med pa'i byang chub bde blag tu 'thobs par 'gyur ba 'di ni rgyal ba sras dang bcas pas legs par gdams pa'i lam ma nor ba yin cing/ /de lta bu'i lam gyi 'jug sgo tsam zhig rang 'dra'i blo gros dman pa rnams kyi blo la 'char bde ba'i slad du bstan bcos 'di 'chad pa la don gsum/ thog mar dge zhing mngon par mtho ba klad kyi don/ bar du dge zhing nges par legs pa gzhung gi don/ tha mar dge zhing don gnyis grub pa gjug gi don no/ /dang po klad kyi don la gsum/ gzhung gi lus rnam par bzhag pa' ma tha snyad rtogs pa'i phyir ming bstan pa/ brtsam pa la bar chad mi 'byung zhing dam

shes bya Forword Volume 1 (page 163)

pa'i rjes 'jig tu shes pa'i ched du mchod par brjod pa/ /rtsam pa mthar phyin cing dgos pa mthong ba'i don du dam bca' ba'o/ /dang po ming bstan pa la gsum/ ming dngos skad gnyis shan sbyar du bstan pa/ de'i don bshad pa/ de la log rtog bsal ba'o/ /dang po ni/ rgya gar skad du/ yaa na srba mu khe bhya sa mu tstsha ya pra ba tsa (om 2 ba) nang rtna ko ssha tri shikssha su de shi kaa shaa sangtra srba dznye ya spha ra nna naa ma/ zhes pa ste/ yul rgya chen zhing chas gos kyi gtso bo kha dog dkar po la byed pas rgya gar ram sangs rgyas 'phags pa byon pa'i yul 'phags yul du grags par legs sbyar rang bzhin zur chag sha za ste skad rigs chen po bzhi yod pa'i gtso bo sang skra ta sha'i skad du brjod pa de bod skad du bsgyur na/ /yaa na theg pa/ srba mu ge bhya sgo thams cad las/ sa mu tstsha ya kun tu btus pa/ pra ba tsa nang gsung rab/ rtna ko ssha rin po che'i mdzod/ tri shikssha bslab pa gsum/ su de she kaa legs par ston pa/ shaa sangtra bstan bcos/ srba dznye ya shes bya kun nam thams cad/ spha ra na khyab pa'm 'phro ba'i don can/ naa ma/ zhes bya ba'o/ 'dir drug sgra gsum mi 'byung ba ni legs sbyar la tshig sdud kyi dbang du byas pa'o/ /gnyis pa la gsum/ don thad kar bshad pa/ de nyid rtsis 'go lnga dang sbyar ba/ 'grel tshul ngos bzung ba'o/ dang po ni/ rnam paj'i dbang du byas na/ sor bzhag lha mi'i theg pa dang/ sangs rgyas pa'i theg pa gsum mam theg rim 918) dgu'i rnam grangs ston pa'i gzhung lugs kun las gces par btus pa ste/ skabs 'di'i sgo mo ni rnam grangs kyi don to/ /ngo bo'i dbang du byas na/ de bzhin gshegs pa'i gsung rab dngos dang de'i rjes su 'brel ba'i gzhung lugs rnams kyi bshad tshul gtso chen ba rnams nye bar 'dus pas/ bstan bya'i rin p che de dag 'di la chud pa'm/ 'di de dag la yod pas mdzod kyi tha snyad sbyar

shes bya Forword Volume 1 (page 164)

zhing/ rang bzhin ni/ ltag pa tshul khrims dang sems dang shes rab kyi bslab pa gsum po gsal la ma tshang ba med pa legs par ston cing/ nyon mongs pa'i dgra las 'chos shing ngan 'gro'i srid pa las skyob pa'i yon tan dang ldan pa drug bral sum ldan gyi bstan (om 3 na) bcos te/ ming de gsum ni brjod bya gtso bor byas pa yin la/ nam mkhas dngos po so sor rtog pa'i go 'byed pa bzhin du gzhung 'dis kyang shes bya ji snyed pa so sor rtog pa'i blo gros kyi go 'byed pas kun la khyab pa' ma/ de las snod bcud 'phro gzhir gyur pa bzhin 'di las kyang shes rab rnam pa gsum 'phror rung ba ste/ 'di ni rjod byed gtso bor byas pa'o/ /gnyis pa ni/ bi kra ma shii la'i gtsug lag khang na bzhugs pa'i mkhas pa rnams kyis bstan bcos thams cad rtsis 'go yan lag lnga yis 'chad par byed de/ ji skad du/ 'di yi mdzad pa po ni su/ /lung ni gar btus phyogs gar gtogs/ /su yi don du 'di nyid mdzad/ /dbu zhabs bsdus pa'i don ni ci/ /zhes pa ltar lnga las/ dang po ni/ bya ba 'di dag gi shugs las byed pa po thon pa ste ming gi rnam grangs ni gsham du 'chad par 'gyur ro/ /gnyis pa ni/ theg pa'i sgo kun las btus pa zhes pas 'chad/ gsum pa ni/ gsung rab rin po che'i mdzod ces pas bstan/ bzhi pa la rang don gzhan don gnyis las gzhan skul pa po sogs kyi don du ma yin par rang nyid shes bya kun la blo gros sbyong ba dang lhag pa'i bsam pas kun nas bslangs pa'i phyir shes bya kun khyab ces pas bstan/ lnga pa ni/ bslab pa gsum legs par ston pa'i bstan bcos zhes pas don bsdus pa'o/ /gsum pa ni/ bstan bcos la bka' spyi dang bye brag gi dgongs 'grel gnyis su grangs pa las 'di ni shes bya'i gnas thams cad la khyab pa'i phyir spyi'i dgongs 'grel du gzung bar bya'o/ /gsum pa log rtog bsal ba ni/ bod kyi bstan bcos chos

shes bya Forword Volume 1 (page 165)

can/ rgya gar gyi skad du smos mi rigs te de nas ma bsgyur ba'i phyir zhe na/ de chos can/ de la de'i skyon med de/ 'phags yul nas byung ba'i gsung (om 3 ba) rab dgongs 'grel dang bcas pa la brten nas 'di nyid byung bas de ltar brjod pa'i don can du 'gyur ba'i phyir/ dper na bod du skyes pa'i rgya gar gyi mi rigs la rgya gar pa brjod pa bzhin no/ /de gar bod kyi mkhan po thu mi'i gzhung dang/ kun mkhyen klong chen pa'i gsung rab sogs las kyang ci rigs pa 'byung ba bzhin/ 'dir de dag gi lad mo zlo ba la me khyer dang nyi ma'i dpe bzhin gyur kyang dang ba'i sems kyis rjes su slob par 'dod pas 'gal ba ma mchis so/ /gnyis pa mchod par brjod pa la bzhi/ dpal ldan bla ma la legs sbyar skad du phyag bya ba/ thub pa'i dbang po la bslab gsum dang mthun par phyag bya ba/ /smra ba'i seng ge la pha rol tu phyin pa'i lam dang mthun par bstod cing 'dod don gsol ba/ bla ma brgyud pa dang bcas pa la gsang sngags kyi lam rim dang mthun par gus pas 'dud pa'o/ /dang po ni/ na ma shrii maang sdgu ru paa daa ya/ zhes pa de bod skad du bsgyur na/ dpal ldan bla ma dam pa'i zhabs la phyag 'tshal lo/ /zhes pa ste 'di la'ng gnyis/ mtshams sbyar ba dang don bshad pa'o/ /dang po la'ng dgos pa/ rgyu mtshan/ brgal lan/ dris lan gyi sgo nas mtshams sbyar ba sogs yod pa las/ 'dir dgos pa'i sgo nas mtshams sbyor na/ phyag 'tshal lo zhes pa bshad pa'i gzhir bzhag gang la 'tshal na skyabs thams cad kyi phul du gyur pa'i dpal ldan bla ma dam pa de la/ gang gis 'tshal na bstan bcos rtsom pa pos sgo gsum gus pa chen pos 'tshal/ dgos pa ci'i phyir 'tshal na/ gtso bor yul khyad par can la bstod pas de la gdul bya rnams dad par 'gyur ba dang/ rang nyid dam pa'i rjes

shes bya Forword Volume 1 (page 166)

su zhugs pas blo ldan rnams thog mar spyod pa de ldan gyi gang zag (om 4 na) la dang ba skye zhing/ slar des bshad pa'i bstan bcos kyang blang bar 'os par bsam ste 'jug par 'gyur ba dang/ zhar byung tshogs rdzogs shing bar chad med pa'i ched du'o/ /dus nam gyi tshe 'tshal na bstan bcos rtsom pa'i nyog 94) mar/ tshul ji ltar 'tshal na sgo gsum gus pa chen pos so/ /gnyis pa ni/ shii'i sgra las dpal ni gnyis su med pa'i ye shes dang bsten par bya ba'i don mtshon pas gzhi snang stong la lam thabs shes kyis bgrod nas 'bras bu sku ye gnyis su med pa'i zung 'jug dang rang nyid ldan la/ gdul bya de dang ldan par mdzad pa/ bla ma ni gu ru'i sgra las yon tan gyis lci ba dang utta ra'i sgra las gong mar gyur pa/ stra kyi sgra don mang po can las skabs 'dir dam pa ste phul du byung ba'i don can yin pas bla ma'i yang bla mar gyur pa ste/ rgyud kyi rgyal po las/ sangs rgyas zhal 'di gang gi thugs dang zhal la gnas par gyur pa de ni dpal ldan bla ma'o/ /zhes 'byung bas/ sangs rgyas te dus kyi 'khor lo'i zhal bzhis mtshon par dbang bzhi'i rim pa las bzhi pa lhan cig skyes pa'i ye shes thugs su chud de/ zhal gyi sgo nas gdul bya la nye bar ston pas gnas pa nyid la dpal ldan bla mar grags pa'i phyir skabs 'dir de lta bu'i bka' drin gyi cha shas thob pa'i rtsa ba'i bla ma nyid dmigs su bzung nas/ zhabs la zhes pa'i shugs kyis shin tu gus pa chen pos 'dud cing phyag 'tshal bar mtshon pa'o/ /gnyis pa ni/ rnam dag tshul khrims gser gyi sa gzhi brtan/ /ting 'dzin dpag med ri gling gkod pas mdzes/ /shes rab nyi zla'i snang bas chos kun gsul/ /thub mchog don kun grub la phyag 'tsal lo/ /zhes pa ste/ 'jig rten pa dang theg pa 'og ma'i skyon gyis shin tu rnam par dag pa/ /sdom pa gsum gyi tshul khrims kyi phung po ni gser gyi sa gzhi dang

shes bya Forword Volume 1 (page 167)

chos mtshungs par yon tan kun gyi gzhi mar (om 4 ba) brtan cing/ srid rtse man chad kyi sems las 'das pa dpa' bar 'gro ba la sogs pa ting nge 'dzin gyi phung po dpag tu med pa ni ri rab gling bzhi gling phran dang bcas pa'i bkod pa bzhin du ma 'dres pas mdzes byed kyi chos su brgyan la/ spyi dang rang gi mtshan nyid ma nor bar rtogs shing bdag med pa gnyis mkhas par khong du chud pa'i shes rab kyi phung po ni nyi zla'i snang bas 'jig rten gsal ba bzhin du ji lta ba dang ji snyed pa'i chos kun gsal bar mdzad pa/ ser skya sogs 'jig rten na thub par grags pa sus kyang cha la'ng mi bsgrun pa lhag ma med par mya ngan las 'das pa'i rnam par grol ba'i phung po dang ldan pa'i mtshog ye shes bzhi'i mthar phyin te rnam par grol ba'i ye shes mthong ba'i phung pos rtsod dus kyi gdul bya rnams la sangs rgyas kyi don thams cad de kun grub par mdzad pa de la bka' drin dran pa'i gus pa chen pos phyag 'tshal bar bgyi'o/ /zhes so/ /'dis ni rgyal ba'i yon tan gyi gco bo bslab pa gsum dngos su ston cing rnam par dag pa'i phung po lnga zhor las ston pa dang/ bstan bcos 'di'i brjod bya'i lus mdor bsdus te bstan pa yin no/ /'dir bslab gsum ni theg pa gsum ga'i thun mong ba yin pas 'jig rten pa'i mthun snang du grub pa nyan thos theg pa'i lugs su byas te bkral nang go rim gyi dngos bstan yin pas rung mod/ 'dir sangs rgyas kyi theg pa'i dbang du byas pa'o/ /gsum pa ni/ 'gro khams ji srid bzung ba'i dpa' chen blos/ /bzang po spyod pas chos kyi dbyings kun gtams/ /rgyal ba'i yab tu gyur kyang rgyal sras tshul/ /smra ba'i seng ges dri med blo gros stsol/ /zhes pa ste/ thog mar rgyu phun sum tshogs pa byang chub mchog tu thugs bskyed tshul rnam pa gsum 922) las dbang rab rdzi bo lta bu'i sems bskyed kyis 'gro khams ji srid de (om 5 na)

shes bya Forword Volume 1 (page 168)

srid du rang nyid 'tshang mi rgya bar sems can rnams snying rjes bzung ba 'gran zla med pa'i dpa' bo chen po'i blo gros kyi stobs kyis/ lam gyi skabs su rgyal ba'i sras po sus kyang cha tsam mi bsgrun pa'i pha rol tu phyin pa bcu la sogs pa'i bzang po spyod pa rgya mtshos chos kyi dbyings kun tu rgyas par gtams shing/ 'bras bu gthod ma nyid nas mngon par byang chub pas rgyal ba thams cad kyi yab tu gyur kyang da dung rgyal sras gzhon nu'i tshul gyis 'khor ba ma stong bar du 'gro ba'i don mdzad pa la skyo ngal med pa/ 'jam dpal smra ba'i seng ges bdag dang 'chad nyan byed pa rnams la chags thogs kyi dri ma med pa'i blo gros dang gzungs kyi mtshog stsol cig/ /ces so/ /'dis ni theg chen pha rol tu phyin pa'i lus mdor bsdus te bstan pa'o/ /bzhi pa ni/ rigs khams sa bon smin grol gdams pas gso/ /rim gnyis lam gyis glo bur dri ma sbyong/ /bde chen sku bzhi'i 'bras bu ster mdzad pa/ /yongs 'dzin bla ma brgyud par bcas la 'dud/ /ces pa ste/ gzhi'i rgyud sems can kun la rang bzhin gyis 'od gsal ba'i rigs sam khams bde bar gshegs pa'i snying po sa bon gyi tshul du gnas par gzhigs nas smin byed kyi dbang bskur zhing grol byed kyi gdams pa 'bogs pas thar pa'i gsos khyad par can btab/ lam gyi rgyud bskyed pa dang rdzogs pa'i rim pa gnyis kyis lam gyi mngon rtogs rgyud la bskyed nas nyon shes 'pho ba med snang glo bur ba'i dri ma kun sbyangs nas/ bde ba chen bos khyad par du byas pa'i sku bzhi'i 'bras bu rgyud la tshe 'di nyid du sbyor zhing ster bar mdzad pa/ bka' drin sum ldan gyi rdo rje slob dpon gtso bor gyur pa'i yongs 'dzin bla ma dge ba'i bshes gnyen/ sdom pa gsum gyi brgyud pa'i bla ma'i tshogs dang bcas pa la gus pa chen pos 'dud par bgyi'o/ /zhes so/ /'dis ni rdo rje theg pa'i lam rim yongs (om 5 ba) su rdzogs par bstan to/ /

shes bya Forword Volume 1 (page 169)

gsum pa dam bca' ba la gnyis/ dngos dang zhar byung dgos sogs chos bzhi bshad pa'o/ /dang po ni/ yang dag sdud pa'i blo nus ldan min kung/ /gzhung lugs rtogs pa'i sher brtson dman pa dag /rin chen gling nas skal pa mi 'chad phyir/ /nyung ngu rnam gsal yang dag rdzogs su brjod/ /ces pa ste/ skyes sbyor las byung ba'i thos bsam sgom pa'i shes rab kyis dbul bas shes bya rgya chen po yang dag par sdud pa'i blo gros kyi nus pa cha phra ba tsam yang ldan pa ma yin pas/ bya ba 'di rtsom pa'i 'os su gyur pa ma yin kyang/ snyigs dus kyis bslad pa'i gang zag dkon mchog la brten nas log pa'i 'tsho ba la gyeng ba/ sher brtson shin tu dman pas gsung rab rgya chen po dag lta ci smos/ gzhung lugs chung ngu tsam yang ji bzhin rtogs pa'i blo gros kyi mthu dang skal pa dman pa rang dang rang 'dra ba dag la cung zad phan par 'dod pa'i ltag bsam gyis kun nas bslangs te/ mdo rgyud rin po che'i gling du sngon bsags las 'phro bzang pos phyin pa'i skabs 'dir go myong rtogs gsum gyi skal pa'i cha tsam mi 'chad pa'i phyir du/ brjod bya rgya chen po la ltos nas rjod byed kyi gzhung nyung ngu/ tshig dang don gyi cha rtogs sla bas rnam par gsal ba/ shes bya ma lus pa'i gnas yang dag par rdzogs pa'i tshigs su bcad pa shas tsam brjod par bya'o/ /zhes so/ /gnyis pa ni/ slob dpon dbyig gnyen zhabs kyis/ dgos pa bsdus pa'i don bcas dang/ tshig don bcas dang mtshams sbyor bcas/ /brgal lan bcas te bsnyad par bya/ zhes bstan bcos bshad thabs kyi yan lag lnga man ngag tu bstsal ba las/ thog mar bstan par bya ba ni dgos pa'i don yin la/ de yis grub don bsdus don gyis mdor bstan/ (om 6 na) de'i don tshig don gyi cha rgyas par bshad/ go rim dang mi 'gal bar mtshams sbyor dang rigs pa dang mi 'gal bar brgal lan

shes bya Forword Volume 1 (page 170)

ni snga phyi ci rigs su 'chad pa'i thog ma la dgos 'brel bzhi gsum bcu gnyis kyi rnam bzhag rgyas par byar yod kyang/ skabs 'dir bsdu na bzhi ste/ gdul bya'i zhing khams 'dul byed kyi ston pa dang bstan pa/ de la 'jug pa'i rim pas tshul khrims dang thos bsam sgom gsum gyi gnas/ de las lam bgrod cing 'bras bu yongs su rdzogs par 'gyur ba thar bsgrub pa'i rnam gzhag shin tu cha tshang ba ni bstan bcos 'di'i brjod bya/ de la 'chad nyan gyis blo sbyangs pas sde snod ngang theg pa'i rim pa la 'jug rung gi thos pa las byung ba'i shes rab skye zhing rim gyis bsam sgom gyi shes rab phyin ci ma log pa skye rung du 'gyur ba ni dgos pa/ de las thar pa dang thams cad mkhyen pa'i go 'phang bde blag tu 'grub par 'gyur ba ni nying dgos/ nying dgos dgos pa dang 'brel/ dgos pa brjod bya dang 'brel/ brjod bya sogs kyang phyi ma phyi mar ltos pa ni 'di'i 'brel par grub bo/