100282

སྤོ་འབོར་བློ་བཟང་དྲི་མེད་ (1)

Part of speech

མིང་ཚིག

Definition

རབ་བྱུང་བཅུ་གཅིག་པའི་ཆུ་ཕག་ཕྱི་ལོ ༡༦༨༣ ལོར་མདོ་ཁམས་ཤོག་དྲུག་ཏུ་འཁྲུངས། འདས་ལོ་མི་གསལ། ཆུང་དུས་ནས་ཤོག་དྲུག་དགེ་ལྡན་ཆོས་འཕེལ་གླིང་དུ་ཞུགས། ཡི་གེའི་སྦྱོར་ཀློག་དང་། འདོན་ཆོས། དབྱངས་རོལ་མོ་སོགས་ལེགས་པར་སྦྱངས། དབུས་ཀྱི་འབྲས་སྤུངས་བློ་གསལ་གླིང་གི་ཆོས་གྲྭར་ཞུགས། བླ་མ་མང་པོར་བསྟེན་ནས་བསྡུས་གཞུང་དང་། པོད་ལྔའི་གཞུང་ལ་ཐོས་བསམ་རྣལ་མ་མཛད། རབ་བྱུང་བཅུ་གཉིས་པའི་ཆུ་ཡོས་ཕྱི་ལོ ༡༧༢༣ ལོར་ལྷ་ལྡན་སྨོན་ལམ་ཆེན་མོའི་གྲྭ་སྐོར་མཛད། སྐབས་དེར་མཁས་སྙན་རྒྱས། དཔལ་ལྡན་སྨད་རྒྱུད་གྲྭ་ཚང་དུ་གསང་སྔགས་ཀྱི་གཞུང་དང་། ཆོ་ག་ཕྱག་ལེན་བཅས་ལ་གསན་བསམ་མཛད། གསང་ཆེན་རྒྱུད་སྡེ་ལ་མཁས་གྲུབ་ཆེན་པོར་གྱུར། གསང་སྔགས་མཁར་གྱི་མཁན་ཁྲི་སྐྱོང་བཞིན་སྨད་རྒྱུད་གྲྭ་ཚང་གི་མཁན་ཁྲིར་ཕེབས། ཚལ་གྱི་འདུ་ཁང་གསར་ཡང་བཞེངས། བྱང་རྩེའི་ཁྲིར་བཞུགས། འཆད་ཉན་བསྐྱངས། རབ་བྱུང་བཅུ་གསུམ་པའི་ལྕགས་རྟ་ཕྱི་ལོ ༡༧༥༠ ལོར་དགའ་ལྡན་གསེར་ཁྲིར་བཞུགས། གསེར་ཁྲི་ལོ་བདུན་རིང་བསྐྱངས། རྟེན་གསུམ་མང་པོ་བཞེངས། ཁྲི་ཟུར་རྗེས་བྱ་ཡུལ་ཆོས་སྡེར་བཞུགས། གསེར་ཟངས་ལས་གྲུབ་པའི་རྗེ་རིན་པོ་ཆེའི་སྐུ་བརྙན་སོགས་བཞེངས། འདས་ལོ་མི་གསལ། དངུལ་གདུང་བློ་གསལ་གླིང་གི་གཙུག་ལག་ཁང་དུ་བཞུགས། དགའ་ལྡན་གསེར་ཁྲིའི་ཁྲི་རབས་ང་དྲུག་པ་ཡིན། མཚན་གཞན། བྱང་རྩེ་བློ་བཟང་དྲི་མེད།

{{#arraymap:སྤོ་འབོར་བློ་བཟང་དྲི་མེད་

|; |@@@ | | }}