100735

སྤྱིའི་དམ་ཚིག་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། སྤྱིའི་དམ་ཚིག་ནི། སྔགས་བླ་མེད་ཀྱི་སྐབས་རྣལ་འབྱོར་པ་ཐུན་མོང་གི་བསྲུང་བྱ་ཇི་སྙེད་པ་སྟེ། དཀོན་ཅོག་འགྲེལ་ལས། དམ་ཚིག་གི་དབྱེ་བ་ནི། སྤྱི་དང་ཁྱད་པར་ལྷག་པའི་དམ་ཚིག་ཅེས་སྤྱིར་གྲགས་ཏེ། དེ་ལ་སྤྱིའི་སྡོམ་པ་ནི། ཐེག་པ་ཐུན་མོང་གི་སྡོམ་པར་གྲགས་པའི་སོ་སོར་ཐར་པའི་སྡོམ་པ་དང་། བྱང་ཆུབ་སེམས་དཔའི་སྡོམ་པ་དག་ཀྱང་གསང་སྔགས་ཀྱི་སྡོམ་པའི་གཞིར་གྲགས་སོ། །ལྷ་སྤྱིའི་སྡོམ་པར་གྱུར་པའི་རིགས་ལྔའི་སྡོམ་པ་ལྟ་བུའང་རིགས་གཅིག་གི་ལྷ་མཉེས་པར་བྱེད་པའི་ཚེའང་གཞན་ཐུན་མོང་གི་བསྲུང་བྱར་གྲགས་སོ། །རྣལ་འབྱོར་པ་རྣམས་ཀྱིས་དུས་དང་གནས་སྐབས་སྤྱིར་བསྲུང་བར་བྱ་བའི་སྡོམ་པ་ནི། རྩ་བ་དང་ཡན་ལག་ཏུ་གཏོགས་པའི་སྤྱད་པར་བྱ་བའི་དམ་ཚིག་དང་། བརྟུལ་ཞུགས་ཀྱི་དམ་ཚིག་དང་། རྒྱུན་གྱི་དམ་ཚིག་ལ་སོགས་པའོ། །དེ་དག་ནི་སྤྱིའི་དམ་ཚིག་ཏུ་གཏོགས་པའི་དབྱེ་བའོ། །ཞེས་དང་། འོད་གསལ་སྙིང་པོ་ལས། སྤྱི་ཡི་དམ་ཚིག་ནི་སོ་ཐར་གྱི་སྡོམ་པ། བྱང་སེམས་ཀྱི་བསླབ་པ། སྔགས་ཕྱི་པའི་དམ་ཚིག་ཏུ་གསུངས་པ་རྣམས་ཀྱང་དགོས་མེད་དུ་འདའ་བྱ་མིན་པས་སྔགས་བླ་མེད་ཀྱི་དམ་ཚིག་གི་གཞིའམ་ཡན་ལག་ཏུ་གྱུར་པས་ཐུན་མོང་སྤྱི་ཡི་དམ་ཚིག་ཅེས་ཀྱང་བྱའོ། །ཞེས་གསུངས། འདི་ལ་མིང་གི་རྣམ་གྲངས་སུ། ཐུན་མོང་སྤྱི་ཡི་དམ་ཚིག་དང་། སྤྱིའི་སྡོམ་པ་ཞེས་ཀྱང་གྲགས།
Domain	ཆོས་ལུགས།

{{#arraymap:སྤྱིའི་དམ་ཚིག་

|; |@@@ | | }}