100838

སྤྱོད་པར་བགྲོད་མཁན་གྱི་གང་ཟག་ (1)

Part of speech	མིང་ཚིག
Definition	སྡོམ་གསུམ། ས་སྐྱ། དབང་བཞི་ཡོངས་སུ་རྫོགས་པ་དང། །དང་པོར་རང་གི་ཁྱིམ་དུ་བསྒོམ། །བརྟན་པ་ཐོབ་ནས་དུད་ཁྲོད་སོགས། །བརྟན་པ་ཆེན་པོ་ཐོབ་ནས་ནི། །ལུས་དང་ངག་གི་བརྡ་རྣམས་ལ། །ལེགས་པར་སྦྱངས་ཤིང་དེ་ཉིད་རྟོགས། །ས་རྣམས་བགྲོད་པར་བྱ་བ་དང། །ཡུལ་རྣམས་དབང་དུ་བསྡུ་བའི་ཕྱིར། །གནས་དང་ཉེ་བའི་གནས་ལ་སོགས། །ཡུལ་ཆེན་སུམ་ཅུ་སོ་བདུན་དུ། །རིག་པའི་བརྟུལ་ཞུགས་སྤྱོད་ཕྱིར་རྒྱུ། །ལུགས་འདི་རྣལ་འབྱོར་ཆེན་པོ་ཡི། །རྒྱུད་དང་བསྟན་བཅོས་རྣམས་ལས་གསུངས། །འདི་འདྲའི་སྤྱོད་པ་ཤེས་ནས་ནི། །ཚེ་འདི་ཉིད་ལ་རྫོགས་སངས་རྒྱ། །ཞེས་ས་པཎ་གྱི་སྡོམ་གསུམ་རབ་དབྱེ་ལས་སོ། ། སྤྱིར་རྣལ་འབྱོར་བ་ཏིང་ངེ་འཛིན་ལ་བརྟན་པ་ཐོབ་པས་ཚར་གཅོད་དང་རྗེས་འཛིན་གཉིས་དང། རེངས་པ་དང་དགུག་པ་ལ་སོགས་པའི་བལྟ་སྟངས་ལེགས་པར་གྲུབ་པ། ཕྱག་རྒྱ་ཆེན་པོ་མྱུར་དུ་འགྲུབ་པའི་ཉམས་མྱོང་གི་དྲོད་རྟགས་ལ་ངེས་པ་ཐོབ་པས། ཕྱི་རོལ་གྱི་ཡུལ་ཉོན་མོངས་པའི་དམིགས་རྐྱེན་དུ་གྱུར་པ་རྣམས་ཀྱིས་ཚུལ་ཟིལ་གྱིས་མི་ནོན་ཅིང། ཕར་ཟིལ་གྱིས་མནན་ནས་རིམ་གཉིས་ཀྱི་གྲོགས་སུ་འཁྱེར་ནུས་པ་ཞིག་གིས་སྤྱོད་པ་བྱེད་པ་ཡིན་ནོ་ཞེས་སྤོས་ཁང་པའི་སྡོམ་གསུམ་རྣམ་བཤད་གཞུང་ལུགས་ལེགས་བཤད་ལས་སོ། ། དབང་བཞི་རྫོགས་པར་ཐོབ་ཅིང། རིམ་གཉིས་ཤེས་པའི་གང་ཟག་དེས། དང་པོ་བར་ཆད་ཉུང་བས་རང་གི་ཁྱིམ་དུ་བསྒོམ། བརྟན་པ་ཅུང་ཟད་ཐོབ་ནས་བརྩོན་འགྲུས་རྩོམ་པས་དུར་ཁྲོད་སོགས་སུ་བསྒོམ། བརྟན་པ་ཆེན་པོ་དྲོད་འབྲིང་གི་རྟོགས་པ་ཐོབ་ནས། གང་ཞིག་སོར་མོ་གཅིག་སྟོན་དང། །གཉིས་ཀྱིས་ལེགས་པར་འོངས་པ་ཡིན། །ཞེས་སོགས་ལུས་བརྡ་དང། མ་ད་ན་ཆང། བ་ལ་ཤ་ཞེས་སོགས་ངག་གི་བརྡ་རྣམས་ལ་ལེགས་པར་སྦྱངས་ཤིང། བླང་དོར་གཉིས་སུ་མེད་པའི་དེ་ཉིད་རྟོགས་པའི་གང་ཟག་དེས་སྤྱོད་པ་སྤྱད་དོ་ཞེས་ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས་སོ། །
Domain	ཆོས་ལུགས།

{{#arraymap:སྤྱོད་པར་བགྲོད་མཁན་གྱི་གང་ཟག་

|; |@@@ | | }}