101034

སྤྲུལ་པ་བརྒྱད་ (1)

Part of speech	མིང་ཚིག
Definition	མདོ། མངོན་པ། སྤྲུལ་པ་ཅི་ལྟ་བུ་ཞེ་ན། སྤྲུལ་པ་ནི་རྟེན་འདོད་གཟུགས་ཀྱི་སྤྲུལ་པ་གཉིས་ལས་དང་པོ་ལ་ཡང་གཉིས་ལས་རེ་ཞིག་དང་པོ་འདོད་པར་གཏོགས་པའི་སྤྲུལ་པ་ནི་ཕྱིའི་སྐྱེ་མཆེད་གཟུགས་དྲི་རོ་རེག་བྱ་བཞི་སྤྲུལ་གྱི་ནང་གི་སྐྱེ་མཆེད་ནི་སྤྲུལ་པར་མི་བྱེད་དེ། དེ་སྤྲུལ་ན་སྔོན་མེད་པའི་སེམས་ཅན་འབྱུང་བར་ཐལ་བའི་ཕྱིར་རོ། །སྒྲ་ནི་རྒྱུན་མེད་པའི་ཕྱིར་མི་སྤྲུལ་ལོ། །དེ་ཡང་བདག་ཉིད་སེང་གེ་དང་གླང་པོ་ཆེ་ལ་སོགས་པར་བསྒྱུར་བས་བདག་གི་ལུས་དང་འབྲེལ་བ་དང་། བདག་ཉིད་ལས་ཕྱི་རོལ་ཏུ་སེང་གེ་དང་གླང་པོ་ཆེ་ལ་སོགས་པར་སྤྲུལ་པས་གཞན་གྱི་ལུས་དང་འབྲེལ་བ་རྣམ་པ་གཉིས་སོ། །གཉིས་པ་རྟེན་འདོད་པ་པ་དེས་གཟུགས་སུ་གཏོགས་པ་ནི་དེ་ན་དྲི་རོ་མེད་པས་གཟུགས་དང་རེག་བྱའི་སྐྱེ་མཆེད་གཉིས་ཁོ་ན་སྤྲུལ་ཞིང་དེ་ཡང་སྔ་མ་ལྟར་བདག་གཞན་གྱི་ལུས་དང་འབྲེལ་བ་གཉིས་གཉིས་བཞིའོ། །དེ་ལྟར་ན་འདོད་པའི་རྟེན་ཅན་གྱི་སྤྲུལ་པ་རྣམ་པ་བཞི་ཡིན་ནོ། །དེ་བཞིན་དུ་གཉིས་པ་རྟེན་གཟུགས་ཁམས་པས་ཀྱང་རང་ས་དང་འདོད་པའི་སྐྱེ་མཆེད་གཉིས་དང་བཞི་སྤྲུལ་ཞིང་དེ་གཉིས་ཀ་རེ་རེ་ཞིང་བདག་གཞན་གྱི་ལུས་དང་འབྲེལ་བར་སྤྲུལ་པས་སྤྱིར་སྤྲུལ་པ་ནི་རྣམ་པ་བརྒྱད་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:སྤྲུལ་པ་བརྒྱད་

|; |@@@ | | }}