101082

སྤྲུལ་སྐུ་ཤེས་རབ་རྒྱལ་མཚན་ (1)

Part of speech

མིང་ཚིག

Definition

སྤྲུལ་སྐུ་ཤེས་རབ་རྒྱལ་མཚན་མཆོག་ནི། བྱང་འབྲོག་ཧོར་ཡུལ་དུ་རབ་བྱུང་བཅུ་གཅིག་པའི་ལྕགས་རྟ་ ༡༦༣༠ ལོར་འཁྲུངས། ཞབས་དྲུང་དངོས་སློབ་འགྲོ་ཕན་ནུས་པའི་སྤྲུལ་སྐུ་རྣམ་གཉིས་ཀྱི་ཡ་གྱལ། རིགས་ལྡན་བུ་མོ་སྣང་གསལ་མའི་བླ་མ་ཐར་པའི་ལམ་སྟོན་ཤཱཀྱ་རྒྱལ་མཚན་གྱི་སྤྲུལ་སྐུ་ཡིན། སྨྲ་ཤེས་ཙམ་ནས་ཕ་མས་ཁུར་ཏེ་གདན་ས་ར་ལུང་ལས་བརྒྱུད་ལྕགས་རིར་བླ་མའི་ཞབས་སུ་འབྱོར། ཞབས་ནས་ཀྱང་ཐུགས་ལ་བཏགས་ཏེ་འདུས་སྡེར་བཙུད། འབྲུག་ལུགས་ཀྱི་དབང་ཆོས་གདམས་པ་ཡོངས་རྫོགས་སྦྱོང་སྒོམ་མཛད། གྲྭ་ཚང་དུ་དགེ་བསྐོས་ཀྱང་གནང་ནས་ཆོས་ཁྲིམས་ཤིན་ཏུ་གཅུན་པར་མཛད་པས་བོད་མོ་ཨ་ལི་མའི་སྒྲིག་ལམ་ཞེས་དཔེར་གླེང་བར་བྱུང༌། ཕྱིས་དགུང་ལོ་ཞེ་གསུམ་བཞེས་པའི་ཆུ་བྱི་ལ་རྟ་ལང་བཀྲ་ཤིས་འབྲུག་རྒྱལ་དགོན་དང་ཁུ་བྱུག་ཆོས་སྐྱོང་ཕོ་བྲང་གི་འདྲེན་པར་བསྐོས། གདན་ས་རྣམ་གཉིས་རྨང་ནས་གསོ་བ་དང་ཐེད་ཐིམ་གཉིས་སུ་གྲྭ་རིས་བཅད་ནས་བསྟན་པའི་ཕྲིན་ལས་མཐའ་རྒྱས་སུ་བཏང༌། དགུང་ལོ་དོན་བརྒྱད་པ་མེ་ཕག་ ༡༧༠༧ ལོར་གཤེགས་སོ། །དེ་ནས་བཟུང་ད་ལྟའི་བར་དུ་གདན་འཛིན་བླ་རབས་རིམ་པར་བསྐོས་པས་བསྟན་པ་ཉམས་མེད་པར་བྱུང་སྣང་ངོ༌། །

{{#arraymap:སྤྲུལ་སྐུ་ཤེས་རབ་རྒྱལ་མཚན་

|; |@@@ | | }}