101187

སྤྲོས་བྲལ་གཉེར་བར་བྱ་བའི་དོན་མཐར་ཐུག་ (1)

Part of speech	མིང་ཚིག
Definition	མདོ། དབུ་མ། ས་སྐྱ། གཉེར་བར་བྱ་བའི་དོན་མཐཪ་ཐུག་པ་ཡིན་པ་ལའང་གསུམ་སྟེ། རང་གི་ངོ་བོ་དོན་དམ་པའི་དགེ་བ་ཡིན་པ་དང་། དེ་ལ་དམིིགས་པས་དོན་ཀུན་འགྲུབ་པ་དང། དེར་གྱུར་པས་དོན་ཀུན་རྫོགས་པའོ། དང་པོ་ནི། ཡུལ་མཚན་མ་མེད་པས་དོན་དམ་པའི་དགེ་བ་དང། ཡུལ་ཅན་གཏི་མུག་མེད་པས་ངོ་བོ་ཉིད་ཀྱི་དགེ་བ་ཡིན་པའི་ཕྱིར་རོ། །གཉིས་པ་ལ་བདག་གི་དོན་འགྲུབ་པ་དང། གཞན་གྱི་དོན་འགྲུབ་པ་གཉིས་ལས། དང་པོ་ལ་སྡུག་བསྔལ་སྤང་བ་དང། སྒྲིབ་པ་བསལ་བ་དང་། ཡོན་ཏན་བསྒྲུབ་པའི་ཚོགས་མཆོག་ཡིན་པ་གསུམ། དང་པོ་ནི། རེ་ཞིག་ཚེ་འདིའི་འཚེ་བ་ལས་སྐྱོབ་པ་ཡིན་ཏེ། ཐམས་ཅད་སྟོང་པར་ཡིད་ཆེས་ན། རྒྱུ་བདག་འཛིན་མེད་པས་འཚེ་བའི་གཞི་མེད་པ་དང་། གླགས་ཚོལ་བ་རྣམས་ཀྱིས་མི་མཐོང་བ་དང། སྟོང་པ་ཉིད་ལ་སྦྱོར་བའི་སྲུང་བ་སྟེ། སྲུང་བ་གཞན་མི་དགོས་པའི་ཕྱིར་རོ། །ཚེ་ཕྱི་མའི་སྡུག་བསྔལ་སྤང་པ་ནི་བསགས་པའི་སྡིག་པ་སྦྱོང་བའི་སྒོ་ནས་ཡིན་ཏེ། ཁས་བླངས་པ་དང་འགལ་བ་བཅས་པའི་སྡིག་པ་དང་མི་དགེ་བ་བཅུ་དང་མཚམས་མེད་པ་ལྔ་དང་། ཆོས་སྤངས་པ་ལ་སོགས་པ་རང་བཞིན་གྱི་སྡིག་པ་ཤིན་ཏུ་ལྕི་བ་རྣམས་ཀྱང་སྟོང་པ་ཉིད་རྟོགས་ན་དག་པར་གསུངས་པའི་ཕྱིར་རོ། །ཡོན་ཏན་བསྒྲུབ་པའི་དགེ་ཚོགས་མཆོག་ཡིན་པའང་གཏི་མུག་མེད་པའི་དགེ་བ་ལས་དགེ་བའི་ཚོགས་ཐམས་ཅད་འབྱུང་བ་དང། དེས་དགེ་བ་གཞན་རྣམས་རྫོགས་པའི་བྱང་ཆུབ་ཏུ་བསྒྱུར་ཞིང། ཁྲིད་པ་དང་། དེ་བསྒོམ་པའི་ནང་དུ་དགེ་བའི་སྦྱོར་བ་ཕ་རོལ་ཏུ་ཕྱིན་པ་ལྔ་ལ་སོགས་པ་ཐམས་ཅད་འདུ་བ་དང། དེ་ལ་དམིགས་པའི་དགེ་བའི་ཁྱད་པར་ལས་བདེ་འགྲོ་དང་བྱང་ཆུབ་ཐམས་ཅད་འབྱུང་བས་དགེ་ལེགས་ཐམས་ཅད་ཀྱི་ཡུམ་ཞེས་ཀྱང་བརྗོད་པའི་ཕྱིར་ཏེ། མདོ་ལས། སུ་ལ་སྟོང་ཉིད་འདི་འབྱུང་བ། །དེ་ལ་དོན་རྣམས་ཐམས་ཅད་འབྱུང། །ཞེས་གསུངས་པས་སོ། །གཉིས་པ་གཞན་གྱི་དོན་འགྲུབ་པའི་རྒྱུའང་ཡིན་ཏེ། ཐེག་པ་ཆེན་པོའི་རིགས་ཅན་གྱིས་སྟོང་ཉིད་བསྒོམ་པས་དེ་མ་རྟོགས་པའི་སེམས་ཅན་འཁྲུལ་པས་སྡུག་བསྔལ་བའི་ཚུལ་མཐོང་ནས་བྱམས་པ་སྙིིང་རྗེ་སྐྱེ་བས་བདེ་བ་བསྒྲུབ་པའི་ཐབས་ལ་འཇུག་པ་དང་། གཞན་དོན་བྱེད་ཀྱང་ཆགས་པ་དང་འཇིགས་པའི་རྒྱུ་ཟད་པས་རང་ལ་མི་གནོད་པའི་ཕྱིར་རོ། །གསུམ་པ་དེར་གྱུར་པས་དོན་ཀུན་རྫོགས་པ་ནི་སྟོང་ཉིད་རྟོགས་ནས་གོམས་པ་མཐར་ཕྱིན་པའི་ཚེ་གློ་བུར་གྱི་དྲི་མ་ཟད་ནས་བློ་ཉིད་ཟག་མེད་ཀྱི་དབྱིངས་སུ་འགྱུར་བ་ནི། སྤངས་རྟོགས་ཕུན་སུམ་ཚོགས་པ་དོན་དམ་པའི་སངས་རྒྱས་ཡིན་ལ་དེ་ཉིད་ཀྱི་ཚེ་གཞན་དོན་ཀུན་རྫོབ་ཀྱི་སྐུ་གཞན་ངོར་སྐུ་གསུང་ཐུགས་ཀྱི་མཛད་པ་ཕུན་སུམ་ཚོགས་པ་འབྱུང་བའི་ཕྱིར་རོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།

{{#arraymap:སྤྲོས་བྲལ་གཉེར་བར་བྱ་བའི་དོན་མཐར་ཐུག་

|; |@@@ | | }}