101192

སྤྲོས་བྲལ་རྟོགས་པའི་རྣལ་འབྱོར་གྱི་ས་ (1)

Part of speech	མིང་ཚིག
Definition	མདོ། ཕར་ཕྱིན། མཚན་ཉིད། ཆོས་ཐམས་ཅད་སྤྲོས་པའི་མཐའ་བཞི་དང་བྲལ་བར་མངོན་སུམ་རྟོགས་པའི་ཡེ་ཤེས་གང་ཞིག རང་གི་ངོས་སྐལ་གྱི་ཤེས་སྒྲིབ་ཀྱི་དངོས་གཉེན་དུ་གྱུར་པའམ། ཡང་ན། དེ་ལྟར་རྟོགས་པའི་མཁྱེན་པ་གང་ཞིག རང་གི་ངོས་སྐལ་གྱི་ཤེས་སྒྲིབ་ཀྱི་གཉེན་པོའི་རིགས་སུ་གནས་པའི་མངོན་རྟོགས་སོ། །ས་མཚམས་ནི། ཐེག་ཆེན་གྱི་མཐོང་ལམ་ནས་བསྒོམ་པར་བྱ་བ་ཡིན་ཏེ། དེར་གཟུང་འཛིན་གྱི་རྣམ་རྟོག་བཞིའི་ས་བོན་གྱི་དངོས་གཉེན་བསྒོམ་པར་བྱ་བ་ཡིན་པའི་ཕྱིར་རོོ་ཞེས་ཀུན་མཁྱེན་གོ་རམས་པའི་ཡུམ་དོན་རབ་གསལ་ལས་སོ། ། དང་པོ་བསམ་བྱུང་གི་རིགས་པ་ནི། དགག་བྱ་སྔ་མར་མ་ཟད་གཉིས་མེད་ཀྱི་ཡེ་ཤེས་དེ་ཡང་ངོ་བོ་ཉིད་མེད་པ་སྟེ། རྟེན་ཅིང་འབྲེལ་བར་འབྱུང་བ་ཡིན་པའི་ཕྱིར། སྒྱུ་མ་བཞིན་ནོ། །གཉིས་པ་སྒོམ་བྱུང་གི་རྣལ་འབྱོར། ཡང་དག་པར་ན་མཐའ་ཅིག་ཏུ་དངོས་པོར་གྲུབ་པ་མེད་དེ། ངོ་བོ་ཉིད་མེད་པས་སོ། །དངོས་པོ་བཀག་པའི་དངོས་མེད་བདེན་པར་མེད་དེ། སྤྱིར་དགག་བྱ་བདེན་པ་བ་མེད་པས་སོ། །དགག་བྱ་ཡོད་པ་མ་ཡིན་པས། ཡང་དག་ཏུ་ན་བཀག་མེད་གསལ་ཅེས་སོ། །གཉིས་ཀ་མ་ཡིན་ཏེ། ཡོད་མེད་གཉིས་གཞི་མཐུན་པ་མེད་པའི་ཕྱིར། གཉིས་ཀ་ལས་བཟློག་པ་ཡང་མ་ཡིན་ཏེ། མེད་པའི་ཕྱིར་རོ། །རིགས་པ་འདི་ལ་བརྟེན་ནས་མཐའ་བཞིར་བརྟགས་པའི་ངོ་བོ་དང་བྲལ་བ་ཡིན་ནོ་སྙམ་དུ་རྩེ་གཅིག་ཏུ་བསྒོམ་པའོ། །གསུམ་པ་བསྒོམས་པའི་འབྲས་བུ་ནི། ཡུན་རིང་དུ་བསྒོམས་པའི་སྟོབས་གྲུབ་པ་ན་རྣལ་འབྱོར་པས་ཤེས་བྱའི་སྒྲིབ་པ་ཡང་དག་པར་སྤོང་ངོ་། །གང་གིས་ཞེ་ན། མཐའ་བཞིར་རྣམ་པར་མི་རྟོག་པའི་བདག་མེད་རྟོགས་པའི་ཡེ་ཤེས་སོ་སོ་རང་གིས་རིག་པར་བྱ་བ་ཅི་ཞིག་ལྟར་ཡང་དག་པར་སྐྱེས་ནའོ་ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། །
Domain	ཆོས་ལུགས།

{{#arraymap:སྤྲོས་བྲལ་རྟོགས་པའི་རྣལ་འབྱོར་གྱི་ས་

|; |@@@ | | }}