101232

སྦ་ནེ་རོང་རི་ལོག་དགོན་ (1)

Part of speech

མིང་ཚིག

Definition

སྦ་ནེ་རོང་རི་ལོག་དགོན་ནི། ཉག་ཆུ་སྦ་ནེ་རོང་དུ། རབ་བྱུང་གསུམ་པའི་ཤིང་། ཕྱི་ལོ་ ༡༢༠༤ ལོར་བླ་མ་གཏེར་སྟོན་འཆི་མེད་རྡོ་རྗེ་ཚང་གིས་ཕྱག་བཏབ། དགོན་པའི་མདུན་ཕྱོགས་སུ་རི་འགོ་ལོག་ལོག་ཁྱད་པར་ཅན་ཞིག་ཡོད་པས་དེའི་མིང་དགོན་པ་ལ་ཐོགས་པས་རི་ལོག་དགོན་པ་ཞེས་མཚན་ཐོགས། དགོན་འདིའི་མ་དགོན་ནི་རི་ཁུད་དགོན་པ་ཡིན། ཆོས་བརྒྱུད་ནི་གནའ་ནས་ད་ལྟའི་བར་ས་སྐྱ་པ་ཡིན། བླ་རབས་ཉི་ཤུ་རྩ་གསུམ་ཡོད། གཏེར་སྟོན་འཆི་མེད་རྡོ་རྗེ་(འདིའི་བར་གྱི་བླ་མ་མང་ཆེ་ཞིག་འཇང་དམག་གིས་གནོད་འཚེ་ཐེབས་པས་གསལ་ཆ་མི་འདུག)རི་ཁུད་དར་རྒྱས། བླ་མ་བསོད་ནམས་བཟང་པོ། ཤ་སྦུ་ཀ་བཅུ། ཝམ་འབྲིང་བླ་མ། བློ་བཟང་དཔལ་ལྡན། དཔལ་ལྡན་རྒྱལ་མཚན། ཁང་རྗེས་ཟླ་བ། སངས་རྒྱས་བསྟན་འཛིན། བློ་གྲོས་ཆོས་འཕེལ། ངག་དབང་སེངྒེ། འཇམ་དབྱངས་ལེགས་བཤད། ཆོས་གྲགས། ངག་དབང་བསྟན་འཛིན། བཀྲ་ཤིས་ཀུན་དགའ། དབང་ཕྱུག་རབ་བརྟན། ཟུར་བ་རབ་བརྟན། བསོད་ནམས་རྒྱ་མཚོ། འཇམས་དབྱངས་འོད་ཟེར། ཚེ་དབང་བསྟན་འཛིན། སྤྲུལ་དམག། ཆོས་མཛད། དཔལ་ལྡན་རྡོ་རྗེ། བླ་མ་དམ་ཆོས། འགན་འཁུར་མཁན་སྐོར། བསྟན་བདག་གཅིག ཁྲི་བ་གཅིག་(སྔོན་ཆད་རི་ཁུད་ནས་ཁྲི་པ་གཏོང་དགོས)དབུ་མཛད་གཅིག དགེ་སྐོས་གཅིག། ཕྱག་མཛོད་གཅིག མགོན་བླ་གཅིག གཉེར་པ་གཉིས། མཆོད་དཔོན་གཉིས། གྲྭ་པ་སུམ་ཅུ་ཡོད། ཁང་པའི་འཛུགས་སྐྲུན་སྐོར། གཙུག་ལག་ཁང་གཅིག་དང་། གཉེར་ཁང་གཅིག ཇ་ཁང་གཅིག བླ་བྲང་ཁང་གཅིག གྲྭ་ཤག་བཞི། མགྲོན་ཁང་གཅིག་བཅས་ཡོད། སྐུ་གསུང་ཐུགས་རྟེན་སྐོར་ལ་འདམ་ལས་བཟོས་པའི་གུ་རུ་གཙོ་འཁོར་གསུམ། མར་མེ་མཛད་གཅིག ཐུབ་པ་གཅིག འཇམ་དབྱངས་གཅིག སྲུང་མའི་སྐུ་ཆ་ཚང་བ་གཅིག གསེར་སྐུ་ཆེ་ཆུང་ཉི་ཤུ་རྩ་ལྔ། ཞལ་ཐང་ཆེ་ཆུང་སུམ་ཅུ་སོ་གཅིག ཐང་མོ་ཆེ་ཀ་ཐག་གསུམ་ཅན་གཅིག་བཀའ་འགྱུར་གཅིག གསེར་བྲིས་དངུལ་བྲིས་ཀྱི་བཀའ་འགྱུར་གཅིག འབུམ་ཚར་གཅིག སྐུ་གདུང་མཆོད་རྟེན་གཅིག། བཀའ་གདམས་མཆོད་རྟེན་གཅིག་བཅས། སྦུག་ཆལ་རྩ་ཆེན་གཉིས། དངུལ་ལས་གྲུབ་པའི་སྤྱན་རས་གཟིགས་ཀྱི་སྐུ་བྱིན་ཅན་གཅིག དུང་དཀར་རང་གྲགས་གཅིག་བཅས་བཞུགས། དུས་མཆོད་ཀྱི་སྐོར་ནི། དབྱར་ཆོས་དང་དགུན་ཆོས་བཅས་ཡོད་ལ་དེ་དག་གི་སྐབས་སུ་འབག་འཆམ་རྒྱག་རྒྱུ་དང་བཅས་པ་ཡོད། རིག་གནས་གསར་བརྗེའི་སྐབས་ཉམས་རྒུད་ཚབས་ཆེ་བྱུང་ཡང་དེང་སྐབས་འདུ་ཁང་དང་། སྲུང་མ་ཁང་། གཉེར་ཁང་། ཇ་ཁང་། བླ་བྲང་ཁང་། ཁང་ཚན་བཞི་བཅས་བཞེངས་ཡོད། ལྷ་ཁང་ནང་དུ་གུ་རུ་གཙོ་འཁོར་གསུམ་དང་། འོད་དཔག་མེད་གཅིག ཐུབ་སྐུ་གཅིག་སྲུང་མའི་སྐུ་གསུམ། ཐང་ག་བཅོ་ལྔ། ཞལ་འབག་ཉི་ཤུ་རྩ་ལྔ། བཀའ་འགྱུར་ཆ་ཚང་གཅིག འབུམ་ཚར་གསུམ་བཅས་བཞུགས། དགེ་འདུན་པའི་ཞལ་གྲངས་ཡང་སུམ་ཅུ་ལྷག་ཙམ་ཡོད།

{{#arraymap:སྦ་ནེ་རོང་རི་ལོག་དགོན་

|; |@@@ | | }}