102967

སྲིད་པ་བཞི་འཁོར་བར་འཁོར་ཚུལ་ (1)

Part of speech	མིང་ཚིག
Definition	མདོ། མངོན་པ། གལ་ཏེ་བར་སྲིད་ལས་སྐྱེ་སྲིད་འབྱུང་ན་དེ་ལས་ཅི་འབྱུང་ཞེ་ན། སྔོན་གྱི་ལས་དང་ཉོན་མོངས་པས་ཇི་ལྟར་འཕངས་པ་བཞིན་ནུར་ནུར་པོ་དང་། མེར་མེར་པོ་དང་། ནར་ནར་པོ་དང་། འཁྲང་གྱུར་དང་། རྐང་ལག་འགྱུས་པ་སྟེ། མངལ་གྱི་གནས་སྐབས་ལྔ་དང་། དེ་ལས་སྐྱེ་མཆེད་དྲུག་དོད་པ་དང་། བྱིས་པ་དང་གཞོན་ནུ་དང་དར་ལ་བབ་པ་དང་དར་ཡོལ་བ་དང་རྒས་པ་ཞེས་བྱ་བ་བཙས་པའི་གནས་སྐབས་ལྔའི་རིམ་གྱིས་ཕུང་པོ་ལྔའི་རྒྱུན་སྐྱེའོ། །འདི་དག་ལ་སའི་དངོས་གཞི་ལས་ནི། ནུར་ནུར་པོ་ལ་སོགས་པ་མངལ་ན་གནས་པའི་དུས་དང་། བཙས་ནས་འཁོགས་པའི་བར་སྤྱི་ལ་བཙས་པའི་དུས་དང་། བཙས་ནས་འགྲོ་བ་དང་རྩེ་མི་ནུས་པ་མན་ཆད་བྱིས་པའི་དུས་ད་ང་། དེ་དག་ནུས་ལ་འདོད་པ་སྤྱོད་མི་ནུས་པའི་བར་ལ་གཞོན་ནུའི་དུས་དང་། འདོད་པ་སྤྱོད་ནུས་ནས་ལོ་སུམ་ཅུ་མན་ཆད་ལང་ཚོའི་དུས་དང་། དེ་ནས་ལོ་ལྔ་བཅུ་མན་དར་ལ་བབ་པའི་དུས་དང་། དེ་ནས་ལོ་བདུན་ཅུ་མན་ཆད་རྒས་པའི་དུས་དང་། དེ་མན་ཆད་འཁོགས་པའི་དུས་སོ་ཞེས་དུ་བཤད་དོ། །དེ་ལྟར་སྐྱེས་ནས་ཉོན་མོངས་པས་ལས་གསོག་ཅིང་ཡང་འཆི་སྲིད་དང་ཚེ་འདིར་བསགས་པའི་ལས་དང་ཉོན་མོངས་པ་རྣམས་ཀྱིས་འཇིག་རྟེན་ཕ་རོལ་ཀྱི་བར་སྲིད་དང་། དེ་ནས་ཡང་དེའི་སྐྱེ་བའི་སྲིད་པར་རིམ་གྱིས་སྐྱེ་བ་དག་ཏུ་འགྲོ་ལ། བདག་མེད་རྟོགས་པའི་ཡེ་ཤེས་ཀྱིས་སྲིད་བའི་རྩ་བ་མ་བཅད་པ་རྣམས་དེ་ནས་ཀྱང་འཆི་འཕོ་དང་སྐྱེ་བར་གཞོལ་བ་ཐུག་པ་མེད་པའི་ཕྱིར་སྲིད་པ་བཞིའི་འཁོར་ལོ་འཁོར་བ་ལ་ནི་ཐོག་མ་དང་ཐ་མའང་མེད་པ་ཡིན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:སྲིད་པ་བཞི་འཁོར་བར་འཁོར་ཚུལ་

|; |@@@ | | }}