22613

ཐེག་ཆེན་སོར་སྡོམ་ (1)

Part of speech	མིང་ཚིག
Definition	སྡོམ་གསུམ། སེམས་ཅན་ཐམས་ཅད་ཀྱི་དོན་དུ་རྫོགས་པའི་བྱང་ཆུབ་ལ་དམིགས་ཏེ། གཞན་གནོད་གཞིར་བཅས་སྤོང་བའི་སེམས་པ་མཚུངས་ལྡན་དང་བཅས་པའོ། །དེ་ལ་དབྱེ་ན་ཆོ་ག་ཉན་ཐོས་དང་ཐུན་མོང་བའི་ཐེག་ཆེན་སོ་ཐཪ། ཆོ་ག་ཐུན་མོང་མ་ཡིན་པའི་ཐེག་ཆེན་གྱི་སོ་ཐར། ཆོ་ག་གོང་མ་དང་ཐུན་མོང་བའི་ཐེག་ཆེན་གྱི་སོ་ཐཪ་དང་གསུམ་ལས། དང་པོ་ནི། བསམ་པ་ཐེག་ཆེན་སེམས་བསྐྱེད་ཀྱིས་ཀུན་ནས་བསླངས་ཏེ་ཆོ་ག་ཉན་ཐོས་ཀྱི་ལུགས་བཞིན་བྱས་པའི་སོ་ཐར་རིས་བརྒྱད་དོ། །གཉིས་པ་ལ་སྔོན་གྱི་ཆོ་ག་ལས་ཐོབ་པ་དང། ད་ལྟར་གྱི་ཆོ་ག་ལས་ཐོབ་པ་གཉིས་ལས། དང་པོ་ནི། རྒྱལ་སྲས་བྱམས་པ་དང་འཇམ་དབྱངས་སོགས་ཀྱིས་འགྲོ་བ་མང་པོ་བསྙེན་པར་རྫོགས་པ་བྱས་པར་བཤད་པའི་སྡོམ་པ་རྣམས་དང། ཙན་དན་སྤོས་ཀྱི་ངད་ལྡན་པའི་དགེ་སློང་གི་རྒྱུད་ཀྱི་སྡོམ་པ་ལྟ་བུའོ། །གཉིས་པ་ནི། དོན་ཡོད་ཞགས་པ་ལས་བཤད་པའི་གསོ་སྦྱོང་གི་སྡོམ་པ་དང། མཎྜལ་ཚོམ་བུ་བདུན་པ་ལ་བརྟེན་པའི་སེམས་བསྐྱེད་ཀྱི་ཆོ་གའི་སྔོན་འགྲོའི་སྐྱབས་འགྲོའི་སྡོམ་པ་ལྟ་བུའོ། །གསུམ་པ་ནི། སེམས་བསྐྱེད་ཀྱི་ཆོ་གའི་སྨོན་སེམས་ཀྱི་སྐབས་སུ་ཐོབ་པའི་སོ་ཐར་དང། དབང་བསྐུར་གྱི་ཆོ་གའི་སྟ་གོན་གྱི་སྐབས་སུ་ཐོབ་པའི་སྡོམ་པ་ལྟ་བུའོ། །དེེས་ན་སྡོམ་པ་གསུམ་ཀ་ལ་སོ་ཐར་གྱི་སྡོམ་པས་ཁྱབ་པ་འདི་ནི་རྗེ་བཙུན་ས་སྐྱ་པ་ཡབ་སྲས་ཀྱི་དགོངས་པ་བླ་ན་མེད་པ་སྟེ། རྗེ་བླ་མ་མུས་པ་ཆེན་པོའི་ཞལ་ལས་ཁོ་བོས་རྙེད་པའོ། །ཞེས་ཀུན་མཁྱེན་གོ་རམས་པའི་སྡོམ་གསུམ་སྤྱི་དོན་ཡིད་བཞིན་ནོར་བུ་ལས་སོ། །
Domain	ཆོས་ལུགས།

{{#arraymap:ཐེག་ཆེན་སོར་སྡོམ་

|; |@@@ | | }}

ཐེག་ཆེན་སོར་སྡོམ་ (2)

Part of speech	མིང་ཚིག
Definition	བྱང་སེམས་ཀྱི་སྡོམ་པ་བླངས་ན་བྱང་སེམས་ཀྱི་སོ་ཐར་ནི་ངེས་པར་སྐྱེ་བ་ཡིན་ཏེ། དེའི་ཚེ་ན་གཞན་དོན་དོན་གཉེར་གྱི་བསམ་པས་ཉེར་ལེན་བྱས་པ་ལས་བྱུང་བའི་གཞན་ལ་གནོད་པ་གཞི་དང་བཅས་པ་སྤོང་བར་འདོད་པའི་སེམས་བྱུང་སེམས་པ་དེ་ངེས་པར་སྐྱེ་བའི་ཕྱིར་རོ། །དེའི་ཚེ་ན་བྱང་སེམས་ཀྱི་སོ་ཐར་སྡོམ་པ་ནི་སྐྱེ་བར་མ་ངེས་ཏེ། དེ་ནི་ཆོ་གའི་ཡན་ལག་རྣམས་ངེས་པར་ཚང་བ་ལ་ལྟོས་པའི་ཕྱིར་རོ། །ཞེས་པཎ་ཆེན་ཤཱཀྱ་མཆོག་གི་སྡོམ་གསུམ་གསེར་ཐུར་ལས་སོ། །

{{#arraymap:ཐེག་ཆེན་སོར་སྡོམ་

|; |@@@ | | }}