24813

དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་བཞིས་མ་བྱིན་པར་ལེན་ན་ཕམ་པར་འགྱུར་བ་བཞི་ (1)

Part of speech	མིང་ཚིག
Definition	༡ ཇི་ལྟར་གཞན་གྱིས་ཡོངས་སུ་བཟུང་བ་ཡིན་ཞེ་ན། འདི་ལྟ་སྟེ་ཡོ་བྱད་ལྕི་བ་དག་གཞན་སྐྱེས་པའམ། བུད་མེད་དམ་མ་ནིང་དག་གིས་ཡོངས་སུ་བཟུང་བར་གྱུར་པའོ། །ཇི་ལྟར་གཞན་གྱིས་ཡོངས་སུ་བཟུང་བར་འདུ་ཤེས་པ་ཡིན་ཞེ་ན། ཡོ་བྱད་ལྕི་བ་འདི་དག་གཞན་སྐྱེས་པའམ། བུད་མེད་དམ་མ་ནིང་དག་གིས་ཡོངས་སུ་བཟུང་བར་འདུ་ཤེས་པའོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པའོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པའོ། ། ༢ ཇི་ལྟར་སེམས་པར་བྱེད་ཅེ་ན། དེ་ལྟ་རྐུ་སེམས་ཉེ་བར་གནས་པར་གྱུར་པའོ། །ཇི་ལྟར་རྩོལ་བར་བྱེད་ཅེ་ན། ལག་པ་དག་དང་རྐང་པ་དག་གིས་རྩོལ་བར་བྱེད་པའོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པའོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པའོ། ། ༣ ཇི་ལྟར་བསྲུངས་པ་ཡིན་ཞེ་ན། འདི་ལྟ་སྟེ། མི་རྣམས་ཀྱི་ཡོ་བྱད་ལྕི་བ་དག་སྣོད་འདི་ལྟ་སྟེ། ཟངས་པོ་ཆེ་དང༌། ཟངས་དང༌། རྫ་བོ་དང༌། སྒྲོམ་དང༌། ཀོ་ལྤགས་སུ་བཅུག་པར་གྱུར་ཅིང༌། དེར་ཡང་སྲུང་མ་འདི་ལྟ་བུ་འདི་ལྟ་སྟེ། གླང་པོ་ཆེ་བའི་ཚོགས་དང༌། རྟ་པའི་ཚོགས་དང༌། ཤིང་རྟ་པའི་ཚོགས་དང༌། དཔུང་བུ་ཆུང་གི་ཚོགས་དག་བཀོད་པར་གྱུར་ཅིང༌། དེ་དག་དེ་ན་སྲུང་བར་བྱེད་པའོ། །ཇི་ལྟར་བདག་གིར་བྱས་པ་ཡིན་ཞེ་ན། འདི་ལྟ་སྟེ། མི་རྣམས་ཀྱི་ཡོ་བྱད་ལྕི་བ་དག་སྣོད་འདི་ལྟ་སྟེ། ཟངས་པོ་ཆེ་དང༌། ཟངས་དང༌། རྫ་བོ་དང༌། སྒྲོམ་དང༌། ཀོ་ལྤགས་སུ་བཅུག་པར་གྱུར་ཅིང༌། དེ་དག་གིས་འདི་དག་བདག་ཅག་གི་ཡིན་ནོ་ཞེས་དེ་དག་བདག་གིར་བྱེད་པའོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པའོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པའོ། ། ༤ ཇི་ལྟར་བསྲུངས་ཤིང་བདག་གིར་མ་བྱས་པ་ཡིན་ཞེ་ན། ཆོམ་རྐུན་པ་དག་གིར་གྲོང་གཞོམ་པ་དང༌། གྲོང་ཁྱེར་གཞོམ་པ་དང༌། ཡུལ་གཞོམ་པར་བྱས་ཏེ། དགོན་པར་ཀུན་ནས་འདུ་བར་བྱེད་ཅིང༌། དེར་མི་ཁ་ལུངས་པ་ལ་གཅན་བདག་གིས་དེ་དག་ལས། རྐུན་རྫས་ཕྲོགས་ཏེ་སྤུངས་ནས་སྲུང་བར་བྱེད་ཅིང༌། བདག་གིར་མི་བྱེད་པའོ། །ཇི་ལྟར་བདག་གིར་བྱས་ཤིང་མ་བསྲུངས་པ་ཡིན་ཞེ་ན། མི་རྣམས་ཀྱི་ཡོ་བྱད་ལྕི་བ་དག་སྣོད་འདི་ལྟ་སྟེ། ཟངས་པོ་ཆེ་དང༌། ཟངས་དང༌། རྫ་བོ་དང༌། སྒྲོམ་དང༌། ཀོ་ལྤགས་སུ་བཅུག་པར་གྱུར་ཅིང༌། དེ་དག་གིས་འདི་དག་བདག་ཅག་གི་ཡིན་ནོ་ཞེས་དེ་དག་བདག་གིར་བྱེད་ཅིང༌། སྲུང་མ་འདི་ལྟ་བུ། འདི་ལྟ་སྟེ། གླང་པོ་ཆེ་པའི་ཚོགས་དང༌། རྟ་པའི་ཚོགས་དང༌། ཤིང་རྟ་པའི་ཚོགས་དང༌། དཔུང་བུ་ཆུང་གི་ཚོགས་དག་བཀོད་པར་ནི་མ་གྱུར་པ་སྟེ། དེ་ལྟར་བདག་གིར་བྱས་ཤིང་མ་བསྲུངས་པའོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པའོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དག་ཏུ་འཇོག་པར་བྱེད་པའོ། །
Domain	ཆོས་ལུགས།

{{#arraymap:དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་བཞིས་མ་བྱིན་པར་ལེན་ན་ཕམ་པར་འགྱུར་བ་བཞི་

|; |@@@ | | }}