36749
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | རབ་བྱུང་གཉིས་པའི་ལྕགས་སྟག་ཕྱི་ལོ་ ༡༡༡༠ ལོར་མདོ་ཁམས་ལྷོ་རྒྱུད་དུ་ཡབ་ཝེ་ན་ཨ་ཐར་དང་། ཡུམ་བཙུན་ནེ་གཉིས་ཀྱི་སྲས་སུ་འཁྲུངས། དགུང་ལོ་དགུ་པར་བྱ་ཁྱི་ལྷ་ཁང་དུ་མཁན་པོ་ཚུལ་ཁྲིམས་དང་། སློབ་དཔོན་འོད་ཟེར་རྒྱ་མཚོ་ལས་རབ་ཏུ་བྱུང་། ཡི་གེ་དང་ལྷ་བྲིས་མ་བསླབ་ཀྱང་མཁྱེན། ཁམས་སུ་བཤེས་གཉེན་བཅུ་དྲུག་ཙམ་བསྟེན། ཐུན་མོང་རིག་གནས་དང་། ཐུན་མིན་གྱི་གཞུང་ལུགས་ཁག་སྦྱངས། དགུང་ལོ་བཅུ་དགུ་པར་དབུས་སུ་ཕེབས། སྟོད་ལུང་རྒྱ་དམར་བ་དང་། ཕྱ་པ་ཆོས་ཀྱི་སེང་གེ་ལས་དབུ་ཚད་སོགས་གསན། ཉེར་ལྔ་པར་བྱ་འདུལ་གྱིས་མཁན་པོ་མཛད་ནས་བསྙེན་པར་རྫོགས། མཁན་པོ་དེ་བ་ལས་འདུལ་བ་དང་། ཨར་ལས་ཕར་ཕྱིན། མྱང་བྲན་ལས་སྤྱོད་འཇུག་མང་དུ་གསན། དམར་ཆོས་ཀྱི་རྒྱལ་མཚན་ལས་བདེ་མཆོག་ཞུས། དཔལ་ཆེན་རྒྭ་ལོ་དང་། ས་ཆེན་ཀུན་དགའ་སྙིང་པོ་ལས་མདོ་སྔགས་ཀྱི་གདམས་པ་མང་དུ་གསན། ཞེ་གཅིག་པར་སྒམ་པོར་དྭགས་པོ་རིན་པོ་ཆེ་ལས་གདམས་ངག་གསན། ཞེ་དགུ་པ་ཕྱི་ལོ་ ༡༡༥༨ ལོར་ཕག་མོ་གྲུ་པ་ཀུན་བཟང་ནགས་ཁྲོད་དུ་དགོན་པ་བཏབ། ལོ་བཅུ་གསུམ་ཙམ་དུ་གདན་ས་བསྐྱངས། དེའི་བརྒྱུད་པ་ལ་ཕག་གྲུ་བཀའ་བརྒྱུད་དུ་གྲགས། བཀའ་བརྒྱུད་ཆུང་བ་ཚང་མ་འདི་ལས་གྱེས། རབ་བྱུང་གསུམ་པའི་ལྕགས་སྟག་ཕྱི་ལོ་ ༡༡༧༠ ལོར་སྐུ་གཤེགས། སློབ་མ་གྲགས་ཆེ་བ་ནི་སྟག་ལུང་ཐང་པ་བཀྲ་ཤིས་དཔལ། གླིང་རས་པདྨ་རྡོ་རྗེ། སྤར་ཕུ་བ་བློ་གྲོས་སེང་གེ མཆན་བུ་རྒྱ་རས་བཅས་ཡིན། གསུང་རྩོམ་ནི་པོད་ཆེན་བཞི་བཞུགས། |
{{#arraymap:ཕག་མོ་གྲུ་པ་རྡོ་རྗེ་རྒྱལ་པོ་
|; |@@@ | | }}