41458
< Dictionaries | Monlam Grand
Jump to navigation
Jump to search
Part of speech | མིང་ཚིག |
---|---|
Definition | རབ་བྱུང་བཅུ་པའི་ཆུ་གླང་ཕྱི་ལོ ༡༦༡༣ ལོར་བོད་དབུས་དགའ་བ་གདོང་དུ་འཁྲུངས། འབྲས་སྒོ་མང་གྲྭ་ཚང་གི་ཆོས་སྒོར་ཞུགས། གུང་རུ་སངས་རྒྱས་བཀྲ་ཤིས་བཤེས་གཉེན་དུ་བསྟེན། གཞུང་ཆེན་རྣམས་ལ་ཐུགས་བརྩོན་མཛད། དྭགས་པོ་གྲྭ་ཚང་དུ་གཞུང་བཀའ་པོད་ལྔར་ལེགས་པར་སྦྱངས། མདོ་སྨད་དུ་ཕེབས། རབ་བྱུང་བཅུ་གཅིག་པའི་ཆུ་རྟ་ཕྱི་ལོ ༡༦༤༢ ལོར་སྐུ་འབུམ་དགོན་ཁྲིར་བཞུགས། འགྲིག་ལམ་དང་། ཀུན་སྤྱོད། འཆད་ཉན་བཅས་ལ་གཟིགས་སྐྱོང་གནང་། ལོ་དེར་ཁལ་ཁ་ཨེར་ཏི་ནི་ཧུང་ཐའི་ཇིས་སྦྱིན་བདག་དང་། ཁྲི་ཟུར་ཆུ་བཟང་རྣམ་རྒྱལ་དཔལ་འབྱོར་གྱིས་ཞལ་བཀོད་མཛད་དེ། གསེར་སྡོང་ཆེན་མོའི་བྱང་ཆུབ་མཆོད་རྟེན་ལ་དངུལ་དཀར་གཞིར་བྱས་ཐོག་གསེར་ཚོས་ཀྱི་ཚིགས་རྒྱན་དང་། རིན་པོ་ཆེ་སྣ་ཚོགས་ཀྱིས་ཕྲ་རྒྱན་བཏབ། ཆོ་འཕྲུལ་མཆོད་རྟེན་གྱི་རྣམ་པར་བཞེངས། རྟེན་གཙུག་ལག་ཁང་ལོགས་རིས་བཅད་པ་གསར་བསྐྲུན་གནང་། གདན་ས་ལོ་དྲུག་རིང་བསྐྱངས། ཁྲི་ཟུར་རྗེས་སེམས་ཉིད་དགོན་པའི་བླ་མ་མཛད། ཐུགས་ཤིན་ཏུ་གཏུམ་པ་དང་། ཞལ་བཙན་པོ་ཡིན་པས་ཀུན་གྱིས་བླ་མ་བཙན་པོ་པ་ཞེས་ཞུ། རབ་བྱུང་བཅུ་གཅིག་པའི་ས་བྱི་ཕྱི་ལོ ༡༦༤༨ ལོར་དགོན་ལུང་དགོན་པའི་ཁྲིར་བྱོན། གདན་ས་ལོ་གཉིས་རིང་བསྐྱངས། རབ་བྱུང་བཅུ་གཅིག་པའི་ལྕགས་སྟག་ཕྱི་ལོ ༡༦༥༠ ལོར་གསེར་ཁོག་དགའ་ལྡན་དམ་ཆོས་གླིང་ཕྱག་བཏབ། དགེ་འདུན་གྱི་ཚོགས་བསྐྱངས། རབ་བྱུང་བཅུ་གཅིག་པའི་ཤིང་སྦྲུལ་ཕྱི་ལོ ༡༦༦༥ ལོར་སྐུ་གཤེགས། སྐུ་འབུམ་དགོན་གྱི་གདན་རབས་ཁྲི་ཆེན་བདུན་པ་དང་། དགོན་ལུང་བྱམས་པ་གླིང་གི་གདན་སའི་མཁན་རབས་བཅུ་པ་བཅས་ཡིན། |
{{#arraymap:བཙན་པོ་དོན་གྲུབ་རྒྱ་མཚོ་
|; |@@@ | | }}