5947

གང་ཟག་སྙན་ཁུངས་སུ་བརྒྱུད་པ་ (1)

Part of speech	མིང་ཚིག
Definition	རྙིང་མ། གང་ཟག་སྙན་ཁུངས་སུ་བརྒྱུད་པ་ནི། གསང་ཆེན་སྔ་འགྱུར་བའི་བསྟན་པའི་བབ་ལུགས་ཆེན་པོ་གསུམ་གྱི་ཡ་གྱལ་གང་ཟག་སྙན་ཁུངས་ཀྱི་བརྒྱུད་པ་ཡིན། འདི་ལ་ཀུན་མཁྱེན་ཀློང་ཆེན་པས། གང་ཟག་སྙན་ཁུངས་སུ་བརྒྱུད་པ་ནི་བོད་ནས་བརྒྱུད་པའི་སྙན་བརྒྱུད་ཁོ་ན་ལས་རྒྱ་གར་གྱི་གྲུབ་ཆེན་དང་རིག་པ་འཛིན་པ་ཁག་ནས་བརྒྱུད་པ་ལ་མི་འཇུག་པར་གསུངས་ཏེ། ཡིད་ཀྱི་མུན་སེལ་དུ། ད་ནི་སྐབས་ཀྱི་དོན་ཉིད་བཤད་དེ། རིག་འཛིན་གྱི་རྒྱལ་པོ་ཛཿས། ཨོ་རྒྱན་གྱི་རྒྱལ་པོ་ཨིནྡྲ་བྷུ་ཏི། ཟ་ཧོར་གྱི་རྒྱལ་པོ་ཨུ་པ་རཱ་ཛ། ཡུལ་དབུས་ཀྱི་དགེ་སློང་ཀུ་ཀུ་རཱ་ཛ་གསུམ་ལ་བཤད་དེ། ནས། དེས་ཀྱང་སློབ་དཔོན་ཆེན་པོ་པདྨ་ལ་གསུངས་སོ། །འདི་དག་ལ་ཁ་ཅིག་གང་ཟག་སྙན་བརྒྱུད་དུ་འདོད་པ་མི་འཐད་དེ། ལ་ལ་ནི་རྒྱུའི་རིག་འཛིན་ཡིན་ལ། ཕལ་ཆེར་ཕྱག་རྒྱའི་རིག་འཛིན་མང་ཞིང་། པདྨ་དང་བི་མ་ལ་ནི་ལྷུན་གྲུབ་ཀྱི་ས་ལ་བཞུགས་ནས་སེམས་ཅན་གྱི་དོན་དུ་པཎྜི་ཏར་སྣང་བ་སྟེ། འཕོ་བ་ཆེན་པོའི་སྐུར་བཞེངས་པ་ཡིན་ནོ། །གསུམ་པ་གང་ཟག་སྙན་ཁུངས་སུ་བརྒྱུད་པ་ནི། བོད་ཀྱི་རིམ་པས་བརྒྱུད་པ་རྣམས་ཏེ། སྔ་འགྱུར། བར་འགྱུར། ཕྱི་འགྱུར་གསུམ་དུ་གྲགས་སོ། །དེ་ཡང་སངས་རྒྱས་གསང་བ་གངས་ཏི་སེར་བཞུགས་དུས། བྲན་ཀ་མུར་ཏི། སྦ་མཉྫུ་ཤྲཱི། བཻ་རོ་ཙ་ན་གསུམ་ལ་བཤད་དེ། དེ་ལས་བརྒྱུད་པ་ནི་སྔ་འགྱུར་རོ། །པདྨས་གཉགས་ཛྙཱ་ན་ཀུ་མཱ་ར་དང་། ངན་ལམ་རྒྱལ་བ་མཆོག་དབྱངས་ལ་མཆིམས་ཕུར་དབང་བསྐུར་ཏེ་སྒྲ་བསྒྱུར་རྒྱ་གར་གྱི་གླིང་དུ་བསྒྱུར་ནས་བཤད་པ་ལ་བར་འགྱུར་ཞེས་གྲགས་སོ། །བི་མ་ལས་གཉགས་ཛྙཱ་ན་ཀུ་མཱ་ར་དང་རྨ་རིན་ཆེན་མཆོག་ལ་བསམ་ཡས་ལྷུན་གྱིས་གྲུབ་པའི་བར་ཁང་དུ་གསུངས་པ་ནི་ཕྱི་འགྱུར་རོ། །བཀའ་བརྒྱུད་འདིའི་རིམ་པ་ནི་དེ་གསུམ་ཀ་ལ་བརྒྱུད་དེ། བཻ་རོ་ཙ་ན་དང་། གཉགས་ཛྙཱ་ན་ཀུ་མཱ་ར་གཉིས་ཀའི་སློབ་མ་རྨ་རིན་ཆེན་མཆོག་གོ །དེས་གྱེ་རེ་མཆོག་སྐྱོང་ནས་རིམ་པ་བཞིན། དར་རྗེ་དཔལ་གྱི་གྲགས་པ། གནུབས་སངས་རྒྱས་ཡེ་ཤེས། པ་གོར་བློན་ཆེན་འཕགས་པ། དན་ཡོན་ཏན་མཆོག དགེ་གསལ་བའི་བྱང་ཆུབ། རྒྱ་སློབ་དཔོན་གཞོན་ནུ། འགར་ཚུལ་ཁྲིམས་བཟང་པོ། རོང་པ་ཆོས་ཀྱི་བཟང་པོ། མཚུར་ཡེ་ཤེས་དབང་པོ། དན་ཆོས་ཀྱི་དབང་ཕྱུག ཞང་མཆོག་གི་བླ་མ། ཀྱི་ཡོན་ཏན་འབྱུང་གནས། སློབ་དཔོན་གཞོན་ནུ་དོན་གྲུབ། དེས་གུ་རུ་དྲི་མེད་འོད་ཟེར་བདག་ལ་གསུངས་སོ། །ཞེས་གསུངས།
Domain	ཆོས་ལུགས།

{{#arraymap:གང་ཟག་སྙན་ཁུངས་སུ་བརྒྱུད་པ་

|; |@@@ | | }}