68775

འབྲས་སྒོ་མང་གདན་རབས་བདུན་ཅུ་དོན་བརྒྱད་པ་ (1)

Part of speech	མིང་ཚིག
Definition	ཧར་གདོང་དགེ་བཤེས་བློ་བཟང་བསམ་གཏན་མཆོག་ནི། རབ་བྱུང་༡༦ ལྕགས་རྟ་ལོ་ ༡༩༢༩ ཟླ་༧ཚེས་༦ཉིན། ལྷ་སའི་ལྷོ་རྒྱུད་ཡུལ་ཁང་སྐྱིད་ཞེས་པའི་གྲོང་ཆུང་དེར་ཡབ་སྔགས་འཆང་དཀོན་མཆོག་དར་རྒྱས་དང་། ཡུམ་བདེ་སྐྱིད་སྒྲོལ་མ་གཉིས་ཀྱི་སྲས་སུ་འཁྲུངས། དགུང་ལོ་བདུན་ནས་བཅུ་གསུམ་བར་ལུག་རྫི་མཛད། དགུང་ལོ་བཅུ་བཞི་ནས་འོན་དཔལ་ལྡན་མངའ་རིས་གྲྭ་ཚང་གི་ཆོས་སྒོར་ཞུགས་ཏེ་གཞུང་ཆེན་མང་པོ་ལ་སློབ་གཉེར་མཛད། དགུང་ལོ་ཉེར་ལྔ་ནས་འཇང་དགུན་ཆོས་ལ་ཕེབས་ནས་རྣམ་འགྲེལ་ལ་སྦྱངས། ཕྱི་ལོ ༡༩༥༩ ལོར་རྒྱ་གར་ལ་བྲོས་བྱོལ་དུ་ཕེབས་ཏེ་སྦག་སར་སྒོ་མང་གྲྭ་ཚང་དུ་ཞུགས། བཀའ་པོད་ལྔ་ལ་སློབ་གཉེར་མཐར་ཕྱིན་པའི་འབྲས་རྟགས་སུ་ལྷ་རམས་པའི་གྲྭ་སྐོར་དམ་བཅའ་མཛད་སྐབས་གནས་རིམ་ཨང་དང་པོའི་མཚན་རྟགས་ཐོབ། ཕྱི་ལོ་༡༩༨༣ ནས་ལོ་གཉིས་རིང་སྒོ་མང་དགེ་བསྐོས་མཛད། དེ་ནས་ལོ་ལྔའི་རིང་འཇིགས་བྱེད་བསྙེན་ཆེན་སྔོན་འགྲོ་དང་བཅས་པ་མཛད། གོང་ས་༸་མཆོག་གཙོས་སྐྱེས་ཆེན་དམ་པ་བཞི་བཅུ་ཙམ་ལས་དབང་ལུང་མན་ངག་མང་པོ་ཐོབ། ཕྱི་ལོ་༢༠༠༣ ལོའི་ཟླ་༥ ཚེས་༡༣ ནས་མཁན་པོའི་མཛད་འཁུར་བཞེས། དགེ་བཤེས་ལྷ་རམས་དང་བཀའ་བཅུ་པ་སོགས་སློབ་མ་མང་པོ་བསྐྱངས་ཤིང་ད་ལྟ་ཡང་ཞལ་བཞུགས་བཞིན་པའོ། །
Domain	ལོ་རྒྱུས།

{{#arraymap:འབྲས་སྒོ་མང་གདན་རབས་བདུན་ཅུ་དོན་བརྒྱད་པ་

|; |@@@ | | }}