85558

ལོ་རི་ཀརྨ་ཆོས་ཉིད་རྒྱ་མཚོ་ (1)

Part of speech

མིང་ཚིག

Definition

ལོ་རི་ཀརྨ་ཆོས་ཉིད་རྒྱ་མཚོ་མཆོག་ནི། སྒ་རོང་པོ་སྡེ་བའི་ནང༌། ཡབ་འཇམ་རྡོར་དང༌། ཡུམ་དཔལ་སྒྲོན་གྱི་སྲས་སུ། རབ་བྱུང་བཅུ་གཉིས་པའི་ནང་དུ་འཁྲུངས། དགུང་ལོ་གསུམ་ནས་མ་ཎི་པད་དབྱངས་གསུངས་ཤིང༌། འབུ་སྲིན་ལ་མི་འཚེ་བའི་བྱང་སེམས་མངའ། དེ་ནས་ལོ་རི་གཉིས་པ་མི་ཕམ་སྲིད་ཞི་ཡོངས་གྲོལ་གྱིས་རྗེས་སུ་བཟུང་ཞིང༌། མཚན་ཀརྨ་ཆོས་ཉིད་རྒྱ་མཚོ་ཞེས་གསོལ། ཕྱི་ནང་གི་རིག་གནས་དང༌། བཀའ་མདོ་རྒྱུད་བཅས་ལ་གསན་བསམ་སྦྱངས་པ་མཐར་ཕྱིན་མཛད། དེ་ནས་སྐུ་མཚམས་ལ་བཞུགས་ཏེ་ཕྱག་རྒྱ་ཆེན་པོར་ཉམས་བཞེས་གནང༌། དེ་ལྟར་མཁས་དང་གྲུབ་པའི་བདག་ཉིད་ཅན་དེ་ཉིད་སྐུ་ཚེའི་སྨད་ལ་ཕྱོགས་ངེས་མེད་དུ་བྱོན་ཏེ། མ་ཎི་དུང་སྒྲུབ་དང་སྨིན་གྲོལ་གྱི་ཆོས་འཁོར་ཡུན་རིང་བསྐོར་བའི་མཐར། དགུང་ལོ་བདུན་ཅུ་ཙམ་ལ་ཞི་བར་གཤེགས་སོ། །དེའི་རྗེས་སུ་སྐུ་ཕྲེང་གཉིས་པ་བློ་ཆེན་བསོད་ནམས་མཆོག་གྲུབ། གསུམ་པ་པདྨ་སྐལ་བཟང་རྣམ་གྲོལ། བཞི་པ་ཆོས་ཉིད་ཆོས་རྒྱལ་བསྟན་འཛིན་གྱི་བར་བསྟན་འགྲོའི་དོན་དུ་སྐྱེས་རབས་བཞི་ཙམ་བྱོན་པར་བཤད། གཞན་ཡང་མཁར་ཕུ་བ་རྒྱལ་མཚན་བློ་གྲོས་ཀྱི་སྐྱེས་མཐའ་བླ་མ་ཀརྨ་སྦྱིན་པའི་སྐུ་ཕྲེང་གསུམ་ཙམ་ཡང་དགོན་འདིར་ཕེབས་འདུག

{{#arraymap:ལོ་རི་ཀརྨ་ཆོས་ཉིད་རྒྱ་མཚོ་

|; |@@@ | | }}