96093

སྒོམ་ཕུག་དགོན་ (1)

Part of speech

མིང་ཚིག

Definition

ཨ་གཟི་བསོད་ནམས་འབུམ་པས་རབ་བྱུང་བརྒྱད་པའི་མཇུག་འདིར་ཞབས་ཀྱིས་བཅགས་ཏེ་སྒྲུབ་པ་ལོ་མང་བཞུགས་པས་གོ་ཆེན་ཟེར་བའི་ས་དེར་སྒྲུབ་ཕུག་དང་། གང་ཟག་གི་མིང་གནས་ལ་ཐོག་སྟེ། ད་ལྟ་གོ་ཆེན་བསོད་ནམས་འབུམ་ཞེས་ཟེར་སྲོལ་ཡོད། དེའི་གནས་རྒྱབ་ཏུ་བསོད་ནམས་འབུམ་པའི་སློབ་མ་ལྔ་ཚོ་ཀུན་དགའ་འབུམ་གྱི་སྒྲུབ་ཕུག་དང་། རྡོ་ངོས་ལ་རྫུ་འཕྲུལ་གྱིས་ཕྱག་བྲིས་མ་ཎི་འབྲུ་དྲུག་མཇལ་རྒྱུ་ཡོད། ཀཿཐོག་པའི་སློབ་བརྒྱུད། མགོ་ཡོད་ཐོགས་བཟུང་བླ་མ་དང་། འབོར་རྔ་ཆིབས་བླ་མ་སོགས་བྱ་བྲལ་གྲུབ་ཐོབ་མང་པོའི་སྒྲུབ་གནས་ཡིན་པས་སྒོམ་ཕུག་ཞེས་མིང་དུ་གྲགས། ཕྱིས་རབ་བྱུང་བཅུ་གསུམ་པའི་ས་ཡོས་ལོར་སྒྲུབ་སྡེ་དངོས་སུ་བཙུགས་ནས་བཤད་པ་དང་སྒྲུབ་པའི་སྡེ་འདི་བཏབ། དགོན་པ་འདིར་གཙོ་ཆེར་ཀཿཐོག་པའི་བླ་མ་རིམ་བྱོན་སྤྱི་དང་། ཁྱད་པར་རྨོག་སྤྲུལ་སྐུ་ཕྲེང་རྣམས་ཀྱིས་དགོན་བདག་མཛད། ཕྱིས་རྨོག་རྩ་འཇིགས་བྲལ་ཕྱོགས་ཀྱི་གླང་པོ་དང་། སྲས་ཀུན་བཟང་གཉིས་ཀ་དགོན་འདིར་ཡུན་རིང་བཞུགས། སྔོན་དུས་བླ་སེར་ལྔ་བཅུ་ཁ་ལྷག་རེ་བཞུགས་པ་དེ་རྣམས་ཀྱིས་རྨོག་གྲུབ་བཀའ་བརྒྱད་དང་། མཁའ་འགྲོ་དགོངས་འདུས། ཀར་གླིང་ཞི་ཁྲོ་མ་ཎི་དུང་སྒྲུབ་སོགས་དང་། ཚེས་བཅུའི་དུས་མཆོད་དང་ལོ་མཇུག་དགུ་གཏོར་སོགས་དགོན་པ་གཞན་རྣམས་ཀྱི་སྲོལ་རྒྱུན་ལྟར་གནང་། དུས་འགྱུར་ཆེན་པོའི་རྗེས་རྨོག་སྤྲུལ་རིན་པོ་ཆེ་འཇིགས་བྲལ་ཕྱོགས་ལ་རྣམ་རྒྱལ་གྱི་བཀའ་དྲིན་དང་། མཁས་བཙུན་གྲུབ་པའི་རྣལ་འབྱོར་པ་བླ་མ་དཔལ་ལྡན་སོགས་ཀྱི་ཐུགས་བསྐྱེད་དང་ཆོས་དད་མང་ཚོགས་བཅས་ཀྱི་བཀའ་དྲིན་ལས། འདུ་ཁང་སྔར་མུས་ལྟར་གསར་བཞེངས་དང་། རྨོག་གྲུབ་འདྲ་ཞལ། མགོན་ཁང་ཇ་ཁང་། དུང་འཁོར་ཁང་བཅས་གྲུབ་པ་དང་། བླ་གྲྭ་ཇོ་སེར་བཞི་བཅུ་ཁ་ལྷག་གིས་རྨོག་གྲུབ་བཀའ་བརྒྱད་དང་། མཁའ་འགྲོ་དགོངས་འདུས་ཀྱི་སྒྲུབ་ཆེན། ཀར་གླིང་ཞི་ཁྲོ་དང་སྨྱུང་གནས། ཡུལ་དགོན་ཀུན་ནས་མ་ཎི་དུང་སྒྲུབ་བཅས་ཀྱི་སྒོ་ནས་སྔར་སྲོལ་ཉམས་གསོ་བྱེད་བཞིན་ཡོད།

{{#arraymap:སྒོམ་ཕུག་དགོན་

|; |@@@ | | }}