10451

Tibetan	ཉིན་མོ་དང་།མཚན་མོའི་ཡུད་ཙམ་གྱི་མིང་བཅོ་ལྔ་བཅོ་ལྔ།
Tibetan Alternate
Tibetan Definition	དེ་ཡང་། སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། དང་པོ་ཉིན་མོ་ནི། 1.ཉི་མ་ཤར་བ་ན་སྐྱེས་བུ་དྲུག་ཅུ་རྩ་དགུའི་གྲིབ་མ་འཇལ་བ་ནི་འཐོན་པོ་བཞི་པ་ཞེས་བྱ་བའི་ཡུད་ཙམ་དུ་འགྱུར་རོ། ། 2.སྐྱེས་བུ་དྲུག་ཅུས་གཞལ་བའི་གྲིབ་མ་ནི་དཀར་པོ་ཞེས་བྱ་བའི་ཡུད་ཙམ་དུ་འགྱུར་རོ། ། 3.སྐྱེས་བུ་བཅུ་གཉིས་ཀྱིས་གཞལ་བའི་གྲིབ་མའི་ཡུན་ལ་ཡང་དག་པར་འཕེལ་བ་ཞེས་བྱ་བའི་ཡུད་ཙམ་དུ་འགྱུར་རོ། ། 4.སྐྱེས་བུ་དྲུག་གིས་བཅལ་བའི་གྲིབ་མའི་ཡུན་ལ་སྟོན་ཞེས་བྱ་བའི་ཡུད་ཙམ་དུ་འགྱུར་རོ། ། 5.སྐྱེས་བུ་ལྔ་ཡིས་བཅལ་བའི་གྲིབ་མའི་ཡུན་ལ་མངོན་པར་འཕེལ་བ་ཞེས་བྱ་བའི་ཡུད་ཙམ་དུ་འགྱུར་རོ། ། 6.སྐྱེས་བུ་བཞི་ཡིས་བཙལ་བའི་གྲིབ་མའི་ཡུན་ལ་གང་གསུམ་ཞེས་བྱ་བའི་ཡུད་ཙམ་དུ་འགྱུར་རོ། ། 7.སྐྱེས་བུ་གསུམ་གྱིས་བཅལ་བའི་གྲིབ་མའི་ཡུན་ལ་བཞིན་ལེགས་ཞེས་བྱ་བའི་ཡུད་ཙམ་དུ་འགྱུར་རོ། ། 8.ཉི་མ་གུང་ན་གནས་པ་ནི་གང་གི་རྡོ་རྗེ་ཞེས་བྱ་བའི་ཡུད་ཙམ་དུ་འགྱུར་རོ། ། དེའི་རྗེས་ལ་ནི་སྲིན་པོ་ཞེས་བྱ་བའི་ཡུད་ཙམ་དུ་འགྱུར་རོ། ། 9.དབུས་ནས་ཅུང་ཞིག་ཡོལ་བ་སྐྱེས་བུ་གཅིག་གིས་བཅལ་བའི་གྲིབ་མའི་ཡུན་ནི་རོ་ཧི་ཏ་ཞེས་བྱ་བའི་ཡུད་ཙམ་དུ་འགྱུར་རོ། ། 10.སྐྱེས་བུ་བཞི་ཡིས་བཅལ་བའི་གྲིབ་མའི་ཡུན་ནི་སྟོབས་ཞེས་བྱ་བའི་ཡུད་ཙམ་དུ་འགྱུར་རོ། ། 11.སྐྱེས་བུ་ལྔས་བཅལ་བའི་གྲིབ་མའི་ཡུན་ནི་རྣམ་པར་རྒྱལ་བ་ཞེས་བྱ་བའི་ཡུད་ཙམ་དུ་འགྱུར་རོ། ། 12.སྐྱེས་བུ་དྲུག་གིས་བཅལ་བའི་གྲིབ་མའི་ཡུན་ནི་རོ་ཐམས་ཅད་པ་ཞེས་བྱ་བའི་ཡུད་ཙམ་དུ་འགྱུར་རོ། ། 13.སྐྱེས་བུ་བཅུ་གཉིས་ཀྱིས་བཅལ་བའི་གྲིབ་མའི་ཡུན་ནི་ནོར་ཞེས་བྱ་བའི་ཡུད་ཙམ་དུ་འགྱུར་རོ། ། 14.སྐྱེས་བུ་བརྒྱད་ཀྱིས་བཅལ་བའི་གྲིབ་མའི་ཡུན་ནི་བལྟ་ན་སྡུག་ཅེས་བྱ་བའི་ཡུད་ཙམ་དུ་འགྱུར་རོ། ། 15.སྐྱེས་བུ་དྲུག་ཅུ་རྩ་དགུས་བཅལ་བའི་གྲིབ་མའི་ཡུན་ནི་གཞན་འཇིགས་ཞེས་བྱ་བའི་ཡུད་ཙམ་དུ་འགྱུར་རོ། ། དེ་དག་ནི་ཉི་མ་ནུབ་པར་རྩོམ་ཞེས་བྱ་བའི་ཡུད་ཙམ་དུ་འགྱུར་རོ། ། དེ་དག་ནི་ཉིན་མོ་རྣམས་ཀྱི་ཡུད་ཙམ་ཡིན་ནོ། ། གཉིས་པ་མཚན་མོ་ནི། 1.ཉི་མ་ནུབ་པ་ནི་དྲང་པོ་ཞེས་བྱ་བའི་ཡུད་ཙམ་དུ་འགྱུར་རོ། ། 2.དེའི་རྗེས་ལ་ནི་སྐར་མ་རྒྱུ་བ་ཞེས་བྱ་བའི་ཡུད་ཙམ་དུ་འགྱུར་རོ། ། 3.དེ་ནས་ཡང་དག་ཟུང་ཞེས་བྱ་བའི་ཡུད་ཙམ་མོ། ། 4.དེ་ནས་ད་ལྟར་ཞེས་བྱ་བའི་ཡུད་ཙམ་མོ། ། 5.དེ་ནས་མཐའ་མེད་ཅེས་བྱ་བའི་ཡུད་ཙམ་མོ། ། 6.དེ་ནས་བོང་བུ་ཞེས་བྱ་བའི་ཡུད་ཙམ་དུ་འགྱུར་རོ། ། 7.དེ་ནས་སྲིང་མོ་ཞེས་བྱ་བའི་ཡུད་ཙམ་མོ། ། 8.ནམ་གྱི་གུང་ལ་གནས་པ་ན་ནི་ཆ་ཤས་ཞེས་བྱ་བའི་ཡུད་ཙམ་མོ། ། 9.ནམ་གྱི་གུང་འདས་པ་ན་བྲམ་ཟེ་ཞེས་བྱ་བའི་ཡུད་ཙམ་མོ། ། 10.དེ་ནས་ཉིས་སྐྱེད་ཅེས་བྱ་བའི་ཡུད་ཙམ་མོ། ། 11.དེ་ནས་མརྒ་ཞེས་བྱ་བའི་ཡུད་ཙམ་མོ། ། 12.དེ་ནས་མུན་འཇིགས་ཞེས་བྱ་བའི་ཡུད་ཙམ་མོ། ། 13.དེ་ནས་མ་ཞེས་བྱ་བའི་ཡུད་ཙམ་མོ། ། 14.དེ་ནས་ཉི་མའི་གདུང་བ་ཞེས་བྱ་བའི་ཡུད་ཙམ་མོ། ། 15.དེ་ནས་བྱི་བཞིན་ཞེས་བྱ་བའི་ཡུད་ཙམ་མོ། །ཡུད་ཙམ་སུམ་ཅུ་པོ་དེ་དག་ནི་ཉིན་ཞག་ཡིན་པར་ཤེས་པར་བྱའོ། །
Tibetan Source	《མདོ་ཨ་པ་》ཤ་398ན་7ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number