10501

Tibetan	བཀའ་ཡི་བློན་པོ་བཅུ་དྲུག
Tibetan Alternate
Tibetan Definition	དང་པོ་ནང་བློན་རྣམ་པ་དྲུག་ནི། 1.འཕྲུལ་གྱི་མནའ་ཆེན་རིགས་བཟང་། 2.ཞང་པོ་རྒྱལ་གྱི་ཁྲོམ་བཟང་། 3.ཅོག་རོ་རིག་པའི་ཀོང་བཟང་། 4.ལྷ་གཟིགས་ཤོག་པོ་བསྟན་བཟང་། 5.ཀ་ཡི་སྙག་སྟོན་འཕེལ་བཟང་། 6.སྦས་ཅང་དཔལ་གྱི་ལེགས་བཟང་སྟེ། ། ནང་བློན་བཟང་པོ་རྣམ་དྲུག་ཟེར། ། དེ་ལ་སོགས་པ་བརྒྱ་ཕྲག་གཅིག ། རྒྱལ་པོའི་སྐུ་ཡི་ཞབས་ཏོག་དང་། །ནང་གི་བྱ་བ་ཐམས་ཅད་བྱེད། ། གཉིས་པ་ཕྱི་བློན་རྣམ་དྲུག་ནི། 1.བྱང་གི་ཁྱུང་པོ་པུན་ཟུང་བཙན། 2.ལམ་ཁྲི་བདེ་བླག་ཁྲི་བཙན། 3.མུ་ཁྲི་རྡོ་རྗེ་རྣམ་བཙན། 4.མཐིང་གི་བྱང་ཆུབ་མཆོག་བཙན། 5.ཐར་པ་ཀླུ་ཡི་དཔལ་བཙན། 6.རོང་པོ་འཕྲུལ་གྱི་ལྡེ་བཙན་སྟེ། ། ཕྱི་བློན་བཙན་པོ་རྣམ་དྲུག་ཟེར། ། དེ་ལ་སོགས་པ་བློན་པོ་བརྒྱས། །ཕྱི་ཡི་བྱ་བ་ཐམས་ཅད་བྱེད། ། ཤར་ཕྱོགས་རྒྱུ་དང་མི་ཉག་ནས། ། བཟོ་དང་རྩིས་ཀྱི་དཔེ་རྣམས་ལེན། ། ལྷོ་ཕྱོགས་དཀར་པོའི་རྒྱ་གར་ནས། ། དམ་པའི་ཆོས་ཀྱི་སྒྲ་རྣམས་བསྒྱུར། ། ནུབ་ཕྱོགས་སོག་པི་བལ་པོ་ནས། ། ཟས་ནོར་ལོངས་སྤྱོད་གཏེར་ཁ་འབྱེད། ། བྱང་ཕྱོགས་ཧོར་དང་ཡུ་གུར་ནས། ། ཁྲིམས་དང་ལས་ཀྱི་དཔེ་རྣམས་ལེན། ། དེ་ལྟར་ཕྱོགས་བཞིར་དབང་བསྒྱུར་ནས། ། མཐའ་ཡི་ལོངས་སྤྱོད་དབང་དུ་སྡུད། ། འཛམ་གླིང་ཕྱེད་ལ་ཁ་ལོ་བསྒྱུར། ། གསུམ་པ་མེད་ཐབས་མེད་པའི་བློན་པོ་བཞི་ནི། 1.མཁས་པ་ཐོན་མི་སམྦྷོ་ཊ། ། 2.མགར་གྱི་སྟོང་བཙན་ཡུལ་བཟུང་དང་། ། 3.འབྲི་ཡི་སེ་རུ་གུང་སྟོན་དང་། ། 4.ཉང་གི་ཁྲི་བཟང་ཡང་སྟོན་སྟེ། ། མེད་ཐབས་མེད་པའི་བློན་པོ་བཞི། ། དེ་ལ་སོགས་པའི་བློན་པོ་བརྒྱས། ། བར་གྱི་ཁོད་སྙོམས་ཁྲིམས་གཉིས་སྐྱོང་། ། ཞེས་སོ། །
Tibetan Source	《མཁས་པའི་དགའ་སྟོན་》དེབ་སྟོད་ཆ་ཤ་183.15ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number