10549
| Tibetan | སྟོབས་བསྐྱེད་པ་བཅུ་དྲུག |
|---|---|
| Tibetan Alternate | |
| Tibetan Definition | དེ་ཡང་། འཕགས་པ་ཀླུའི་རྒྱལ་པོ་རྒྱ་མཚོས་ཞུས་པའི་མདོ་ལས་བྱུང་བ་སྟེ། །
1.དྲན་པའི་སྟོབས་བསྐྱེད་པ་ནི། དྲན་པ་གང་གིས་སངས་རྒྱས་ཐམས་ཅད་ཀྱིས་གསུངས་པ་ཀུན་ཏུ་འཛིན་པ་དང་། རབ་ཏུ་འཛིན་པའོ། ། 2.བློ་གྲོས་ཀྱི་སྟོབས་བསྐྱེད་པ་ནི། གང་བྱང་ཆུབ་སེམས་དཔའ་དེའི་བློ་གྲོས་དེ་སངས་རྒྱས་ཀྱི་གནང་བ་དང་། སེམས་ཅན་ཐམས་ཅད་ཀྱིས་མི་ཕྱེད་པའོ། ། 3.རྟོགས་པའི་སྟོབས་བསྐྱེད་པ་ནི། གང་སྒྲས་བསྟན་པའི་དོན་ཐམས་ཅད་རྟོགས་པར་འགྱུར་རོ། ། 4.ངོ་ཚ་ཤེས་པའི་སྟོབས་བསྐྱེད་པ་ནི། གང་མི་དགེ་བའི་ཆོས་རྣམ་པར་སྤངས་ནས་དགེ་བའི་ཆོས་ཐམས་ཅད་དང་ལྡན་པའོ། ། 5.མོས་པའི་སྟོབས་བསྐྱེད་པ་ནི། གང་སྡུག་བསྔལ་རྙེད་ཀྱང་བླའི་བྱ་བ་མ་ཡིན་པ་མི་བྱེད་པའོ། ། 6.བསོད་ནམས་ཀྱི་སྟོབས་བསྐྱེད་པ་ནི། གང་བདུད་ཀྱི་སྡེ་བྱེ་བ་བརྒྱུས་ཀྱང་ཟིལ་གྱིས་གནོན་མི་ནུས་པའོ། ། 7.གཟུངས་ཀྱི་སྟོབས་བསྐྱེད་པ་ནི། སངས་རྒྱས་ཐམས་ཅད་ཀྱིས་གསུངས་པ་ཐོས་ཤིང་དེ་ཐམས་ཅད་ཀུན་ཏུ་འཛིན་པ་དང་། མི་བརྗེད་པ་དང་། དེ་གཞན་དག་ལའང་སྟོན་པའོ། ། 8.སྤོབས་པའི་སྟོབས་བསྐྱེད་པ་ནི། གང་ངེས་པའི་ཚིག་གཞན་དང་། གཞན་གྱིས་ཐོགས་པ་མེད་ཅིང་རྒྱུན་ཆད་པ་མེད་ལ་ཆགས་པ་མེད་པར་བསྐལ་པ་བརྒྱ་སྟོང་དུ་འཆད་པའོ། ། 9.གཟུགས་ཀྱི་སྟོབས་བསྐྱེད་པ་ནི། གང་བྱང་ཆུབ་སེམས་དཔའ་དེའི་གན་དུ་བརྒྱ་བྱིན་དང་། ཚངས་པ་ལ་སོགས་པ་ཉེ་བར་འོངས་ན་མོག་མོག་པོར་འགྱུར་བའོ། ། 10.ལོངས་སྤྱོད་ཀྱི་སྟོབས་བསྐྱེད་པ་ནི། གང་ལག་ན་རིན་པོ་ཆེ་དང་། ལོངས་སྤྱོད་མི་ཟད་པའོ། ། 11.ལུས་ཀྱི་སྟོབས་བསྐྱེད་ནི། གང་ཕ་རོལ་གྱི་གནོད་པ་ཐམས་ཅད་ཀྱིས་མི་རྫི་བའོ། ། 12. སེམས་ཀྱི་སྟོབས་བསྐྱེད་པ་ནི། གང་སེམས་གཅིག་གིས་སེམས་ཅན་ཐམས་ཅད་ཀྱི་སྤྱོད་པ་རབ་ཏུ་ཤེས་པའོ ། ། 13.རྫུ་འཕྲུལ་གྱི་སྟོབས་བསྐྱེད་པ་ནི། གང་རྫུ་འཕྲུལ་གྱི་འདུལ་བའི་སེམས་ཅན་རྣམས་ལ་རྫུ་འཕྲུལ་དང་། ཆོ་འཕྲུལ་ཐམས་ཅད་ཀྱིས་ཆོས་སྟོན་པའོ། ། 14.ཆོས་སྟོན་པའི་སྟོབས་བསྐྱེད་པ་ནི། ཅི་རིགས་པར་ཆོས་བསྟན་པས་གང་བྱང་ཆུབ་སེམས་དཔའི་ཆོས་བསྟན་པ་ཤེས་པ་དེ་དག་ཡང་དག་པར་སྡུག་བསྔལ་ཟད་པར་བྱ་བའི་ཕྱིར་ངེས་པར་འབྱུང་བའོ། ། 15.བདུད་ཚར་གཅོད་པའི་སྟོབས་བསྐྱེད་པ་ནི། སངས་རྒྱས་ཀྱི་ཆོས་ལ་བྱ་བ་མི་འདོར་བས་སྟོབས་མཉམ་པ་མེད་པའོ། ། 16.ནན་ཏན་གྱི་སྟོབས་བསྐྱེད་པ་ནི། ཇི་སྐད་སྨྲས་པ་དེ་བཞིན་བྱེད་པའོ། ། |
| Tibetan Source | 《མདོ་ན་པ་》ཤ་347བ་4ལས་བཏུས། |
| Wylie | |
| Wylie Definition | |
| Wylie Synonym | |
| Sanskrit | |
| English | |
| English Definition | |
| English Synonyms | |
| Chinese | |
| Chinese (Simplified) | |
| Chinese (Traditional) | |
| Chinese Definition | |
| Page Number |