10557

Tibetan	དཔེ་དོན་ངེས་པའི་དོན་ལ་འདྲ་མི་འདྲའི་ཁྱད་བཅུ་དྲུག
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་བཞི་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱུས་འགྲེལ་སྐབས་ཉེར་གསུམ་པ་སྤྱོད་པའི་རིམ་པ་ལས་བྱུང་བ་སྟེ། 1.སེམས་རྟོག་མེད་དང་རིག་པ་རྟོག་མེད་གཉིས་མི་རྟོག་པར་འདྲ་ཡང་། རིག་པ་ཟང་ཐལ་ལ། སེམས་ལྷན་ནེ་གནས་ཤིང་འཁྱིལ་བའི་ཁྱད་ཡོད་དོ། ། 2.རིག་པ་གཏིང་གསལ་ཡུལ་ལ་མ་ཤར་བ་དང་། ། སེམས་རང་གནས་ལྷན་ནེ་བ་གཉིས་རང་གནས་སུ་འདྲ་ཡང་། རིག་པ་དྭངས་ལ་ཡུལ་མེད། སེམས་ཡུལ་ཅན་འཛིན་པས་བཅིངས་པའི་ཁྱད་ཡོད་དོ། ། 3.རིག་པ་རང་གནས་ཀྱི་བསམ་གཏན་དང་། རྩ་རླུང་ངལ་སོའི་བསྒོམ་པ་གཉིས་ཡིད་རྩེ་གཅིག་ཏུ་གནས་པར་འདྲ་ཡང་། རང་བབས་ཀྱི་བསམ་གཏན་རློན་དང་བཅས་པ་དུས་རྟག་ཏུ་ཡོད་ལ། རྩ་རླུང་གི་བསྒོམ་པ་བྱིང་རྒོད་ཤས་ཆེ་བ་རྩོལ་བའི་ཁྱད་ཡོད་དོ། ། 5.ཆོས་ཉིད་ཀྱི་བར་དོ་དང་། ཡི་དམ་ལྷའི་སྒྱུ་ལུས་གཉིས་ལྷ་སྐུ་སྣང་ཙམ་དུ་འདྲ་ཡང་། སྣང་བ་རྒྱ་ཆེ་ཆུང་དང་རང་སྣང་དུ་ཤེས་དུས་གྲོལ་མི་གྲོལ་གྱི་ཁྱད་ཡོད་དེ། ཆོས་ཉིད་བར་དོ་རིག་གདེངས་སྣང་ལ། ལྷའི་སྒྱུ་ལུས་རྟོག་པ་གོམས་རྗེས་སུ་བྱས་པའི་ཕྱིར་རོ། ། 6.རང་བཞིན་སྤྲུལ་སྐུའི་ཞིང་སྣང་དང་། མས་བགྲོད་སངས་རྒྱས་ནས་དག་པའི་ཞིང་དུ་མཛད་པ་སྟོན་པ་གཉིས། ལོངས་སྐུའི་སྣང་ཆ་དག་པའི་ཞིང་བཅས་སུ་འདྲ་འདྲ་འདྲ་ཡང་། རང་བཞིན་སྤྲུལ་པ་རང་སྣང་ལྷུན་གྲུབ་ཀྱི་སྒོ་ལས་ཤར་བ་ཡིན་ལ། མས་བགྲོད་ཀྱི་ཞིང་འཁྲུལ་སྣང་རེང་བུ་བ་མཐུན་པར་སྣང་བའི་ཁྱད་ཡོད་དེ། དོན་ལ་རང་སྣང་དང་གཞན་སྣང་གི་ཁྱད་ཡོད་དོ། ། 7.མཐར་ཐུག་གི་གྲོལ་ས་ཀ་དག་དང་། ངེས་མེད་བཞིའི་ལྷུན་གྲུབ་གཉིས་རིག་པའི་ཡོན་ཏན་ངོ་བོ་རང་བཞིན་ཐུགས་རྗེ་ལ་སོགས་པ་འདྲ་ཡང་། དྲི་མ་དག་མ་དག་འཁྲུལ་གཞི་བྱེད་མི་བྱེད་ཀྱི་ཁྱད་ཡོད་དོ། ། རང་གི་སྡེ་པས་ཁྱད་འདི་ཤེས་པ་གལ་ཆེ་བས། འབྲས་བུ་གཞི་ཐོག་ཏུ་གྲོལ་ཟེར་ནས་རྩིང་པོར་མ་སྨྲ་ཅིག 8.འོག་མའི་ཡིད་དཔྱོད་ཀྱི་ལྷ་སྒོམ་དང་། རིག་པ་མངོན་སུམ་གྱི་ལྷ་སྒོམ་གཉིས་མིང་དུ་འདྲ་ཡང་། དབང་པོ་དང་རིག་པ་ལ་སྣང་མི་སྣང་གི་ཁྱད་ཆེའོ། ། 9.རིག་པའི་སྐུ་དང་། རྟོག་པའི་ལྷ་སྐུ་གཉིས་ལྷ་མཐོང་ཙམ་དུ་འདྲ་ཡང་། རྒྱ་ཆེ་ཆུང་དང་རྟག་མི་རྟག་དང་རྟོག་པ་གོམས་རྗེས་སུ་བྱེད་དགོས་མི་དགོས་ཀྱི་ཁྱད་ཡོད་དོ། ། 10.རིག་པའི་སྣང་ཡུལ་རང་ཤར་དང་། འཁྲུལ་སྣང་སྣ་ཚོགས་སུ་ཤར་བ་གཉིས་མ་དག་པའི་དངོས་པོ་འདི་སྣང་ཙམ་དུ་འདྲ་ཡང་། རྣལ་འབྱོར་པ་ལ་ཆུ་ཟླ་དང་རྨི་ལམ་ལྟར་ངང་གིས་བདེན་མེད་དུ་ཤར་བས་མི་འཆིང་ལ། ཕལ་པ་རྣམས་འཆིང་བའི་ཁྱད་ཡོད་དོ། ། 11.འོད་གསལ་ཡེ་གདེངས་ཀྱི་ཐིག་ལེ་དང་། རླུང་སེམས་བཟུང་བའི་འཇའ་འོད་ཀྱི་ཐིག་ལེ་གཉིས་སྟོང་གཟུགས་ཤར་ཙམ་དུ་འདྲ་ཡང་། རང་བཞིན་རྣམ་དག་གི་ཐིག་ལེ་དབྱིངས་རིག་གི་སྣང་བ་ཡིན་པས་དྭངས་པ་དང་། རེ་ཞིག་གོང་འཕེལ་དུ་དཀྱིལ་འཁོར་གྱི་བར་དུ་འཆར་བ་དང་། རླུང་བཟུང་པ་ལས་ལྟོས་པ་དང་། ཉོན་མོངས་དང་རྟོག་པ་རང་འགགས་པ་དང་། དྭངས་ལ་རང་གནས་ཀྱི་བསམ་གཏན་གྱིས་བརྒྱན་ལ། རྩ་རླུང་གི་རྟགས་བཅུ་རྣམ་དག་ནི་རླུང་གི་རྩོལ་བའི་རྗེས་སུ་བྱེད་པས། འཕེལ་འགྲིབ་མང་ཞིང་མི་བརྟན་པ་དང་། མི་དྭངས་པ་དང་། ཆའི་འགྲིབ་པ་དང་། རྟོག་པ་དང་ཉོན་མོངས་རགས་པ་རྗེས་ལ་གསལ་བོར་སྐྱེ་བ་དང་། གནས་ཆའི་རླན་ཆུང་བ་ལ་སོགས་པ་སྟེ་ཁྱད་ཤིན་ཏུ་ཆེའོ། ། འདི་དག་ལམ་འབྲས་དང་སྦྱོར་དྲུག་དང་། གསང་འདུས་ཀྱི་ཕྲ་ཏིག་ལ་སོགས་པ་བསྒོམ་དུས་འཆར་ཡང་། སྙིང་ཏིག་གི་མངོན་སུམ་དང་གཉིས་གསེར་དང་ར་གན་གྱི་ཁྱད་བཞིན་ཡོད་དོ། ། 12.གྲོལ་སའི་དབྱིངས་ཀ་དག་དང་། ཉམས་སུ་ལེན་དུས་ཀྱི་ཕྱི་ནང་གི་དབྱིངས་ཀ་དག་གཉིས་རིག་པ་རྒྱུ་ཆད་མེད་པ་དང་། ཡུལ་སྣང་དག་ཙམ་དུ་འདྲ་ཡང་། གྲོལ་ས་ལ་རླུང་སེམས་དག་པས་འཁོར་འདས་ཀ་དག་ཏུ་གནས་ལ་ད་ལྟ་རླུང་སེམས་མ་དག་པས་རྐྱེན་དབང་རེས་འགའ་བ་དང་། མི་གསལ་ལ་དྲི་མ་དང་བཅས་པའི་ཁྱད་ཡོད་དོ། ། 13.རིག་པ་ནང་གསལ་རྗེན་ལ་བུད་དུས་སྣ་ཚོགས་སྣང་བ་དང་རིག་པ་མི་འགག་པར་འཆར་བ་དང་། སེམས་བྱུང་སྣ་ཚོགས་རྟོག་ཚོགས་སུ་འཕྲོ་བ་གཉིས་སྣང་སེམས་འཆར་བར་འདྲ་འདྲ་ལ། རིག་པ་རྐྱེན་དབང་དུ་མི་འགྲོ། ངང་དྭངས་དང་མི་འབྲལ། ཐལ་བྱུང་དུ་ཤར་བ་དང་གྲོལ་བ་དུས་མཉམ་རིས་མེད་དུ་གནས་ལ། བྱུང་ཚོར་རྟོག་པ་ཡུལ་ལ་ཡེངས་ནས་ཐ་མལ་རང་ཀའི་ཁྱད་ཡོད་དོ། ། 14.ཤེས་རབ་རང་རྩལ་དུ་རྫོགས་པ་དང་། རྣམ་རྟོག་ཡུལ་ལ་འཕྲོ་བ་གཉིས་ཕྱིར་འཆར་བ་ལ་འདྲ་ཡང་། ཤེས་རབ་ཟང་ངེ་ཐལ་ལེ་ཐད་ཀར་ཞི་གནས་ཕར་ཚུར་འཁོར་རྒྱུ་མེད་ལ་རྟོག་པ་ཕྱིར་ཡུལ་འཛིན། ཚུར་ལོག་ནང་དུ་གཅིག་ཕྱིར་མཐུད་ནས་གཟུང་འཛིན་རང་ཀ་མར་སོང་བའི་ཁྱད་ཡོད་དོ། ། 15.སྔགས་ཀྱི་རྩེ་མོ་འདིར་ཐད་དྲུང་དུ་བསྟན་པའི་དོན་དམ་མ་སྐྱེས་པ་ལ་སོགས་པ་དང་། འོག་མར་དགོངས་གཞི་རེ་ལ་ལྟོས་ནས་སྐྱེ་མེད་ལ་སོགས་པའི་ཚིག་རྣམས་སྟོང་གསལ་སྤྲོས་བྲལ་རང་བྱུང་གི་ཡེ་ཤེས་སུ་བཤད་ཚུལ་འདྲ་འདྲ་འདྲ་ཡང་། འདིར་མངོན་སུམ་གནད་ལ་ཕབ་པས་དོན་ཁོང་ནས་འཆར་བས་ཡིད་དཔྱོད་རྟོག་པ་ལ་མི་ལྟོས་ཏེ་རྟོག་པ་འགག་པའི་ཕྱིར་རོ། ། འོག་མར་དོན་དམ་པར་དེ་ཡིན་སྙམ་ནས་སྙམ་བྱེད་རྟོག་པས་ཡིད་དཔྱོད་བྱེད་པ་མུན་རྡོ་འཕེན་གྱི་ཁྱད་ཡོད་པས། སྟོང་སྒོམ་མུན་རྡོ་དང་བྲལ་ནས་འོད་གསལ་སྙིང་པོ་ལྔ་ལྡན་དུ་བསྟན་པ་ཡིན་ནོ། ། 16.ཡུལ་དང་ལུས་དང་རིག་པ་གསུམ་གནད་ལ་གཅུན་ནས་རིག་པ་མངོན་སུམ་གཞལ་བ་དང་། གསང་སྐོར་དུ་དཔེ་དོན་རྟགས་གསུམ་གྱིས་རིག་པ་གཞལ་བ་གཉིས་འདྲ་འདྲ་འདྲ་ཡང་འདི་མིག་ཅན་གྱིས་དུང་གཞལ་བ་འདྲ་ལ། གསང་སྐོར་དམུན་ལོང་ཤ་གསོབ་ཅན་གྱིས་དུང་གི་ཁ་དོག་བཤད་པ་འདྲ་བའི་ཁྱད་ཡོད་དོ། ། (སྐབས་འདིར་འདྲ་མི་འདྲའི་ངེས་པའི་ཁྱད་པར་བཞི་པ་གཞུང་དུ་མི་གསལ་ཡང་གཤམ་དུ་ཀློང་དྲུག་པ་ལས། དྲན་མེད་རིག་པ་ཡུལ་སྣང་དང་། ། དྲན་བསམ་འགྲོ་དྲུག་འཁྲུལ་པ་གཉིས། ། འདྲ་འོ་འདྲ་འོ་ནོར་ར་རེ། ། ཞེས་གསུངས་འདུག་པས་གོང་དུ་ཆད་པ་ཁ་གསབ་ནུས་སམ་སྙམ) དེ་སྐད་དུའང་ཀུན་ཏུ་བཟང་པོའི་ཀློང་དྲུག་པ་ལས། ། 1.རྙོག་པ་མེད་པའི་རང་སེམས་དང་། ། རྟོག་པ་མེད་པའི་རང་རིག་གཉིས། །འདྲ་འོ་འདྲ་འོ་ནོར་ར་རེ། ། 2.མ་བསྒྲིབས་གཏིང་གསལ་སྣང་བ་དང་། ། འགྲོ་བའི་བསམ་རྒྱུད་ཞེན་པ་གཉིས། ། འདྲ་འོ་འདྲ་འོ་ནོར་ར་རེ། ། 3.མ་བཙལ་བཞག་པའི་བསྒོམ་པ་དང་། ། རྩ་རླུང་སེམས་ཀྱི་ངལ་གསོ་གཉིས། །འདྲ་འོ་འདྲ་འོ་ནོར་ར་རེ། ། 4.དྲན་མེད་རིག་པ་ཡུལ་སྣང་དང་། ། དྲན་བསམ་འགྲོ་དྲུག་འཁྲུལ་བ་གཉིས། ། འདྲ་འོ་འདྲ་འོ་ནོར་ར་རེ། ། 5.ཆོས་ཉིད་དག་པའི་བར་དོ་དང་། ། ཡི་དམ་ལྷ་ཡི་སྒྱུ་ལུས་གཉིས། ། འདྲ་འོ་འདྲ་འོ་ནོར་ར་རེ། ། 6.རང་བཞིན་སྤྲུལ་སྐུའི་ཞིང་ཁམས་དང་། ། ཐེག་པས་བགྲངས་པའི་སངས་རྒྱས་གཉིས། ། འདྲ་འོ་འདྲ་འོ་ནོར་ར་རེ། ། 7.སྐུ་གསུམ་འབྲས་བུའི་མཐར་ཐུག་དང་། ། སྣ་ཚོགས་མ་ངེས་ལྷུན་གྲུབ་གཉིས། ། འདྲ་འོ་འདྲ་འོ་ནོར་ར་རེ། །། 8.ཐེག་པ་རྣམས་ཀྱི་ཡིད་དཔྱོད་དང་། ། རིག་པ་མངོན་སུམ་ལྟ་བ་གཉིས། ལྟ་བའི་ཕྱོགས་ནས་འདྲ་གཉིས་པས། ། འདྲ་འོ་འདྲ་འོ་ནོར་ར་རེ། ། 9.རྩོལ་མེད་རིག་སྐུ་ཡུལ་སྣང་དང་། ། མཚན་མ་བསྒོམས་པའི་གཟུགས་བརྙན་གཉིས། ། འདྲ་འོ་འདྲ་འོ་ནོར་ར་རེ། ། 10.རིག་པའི་མཛད་སྤྱོད་རོལ་པ་དང་། ། འགྲོ་དྲུག་འཁྲུལ་བའི་སྣང་བ་གཉིས། ། འདྲ་འོ་འདྲ་འོ་ནོར་ར་རེ། ། 11.རང་བཞིན་རྣམ་དག་ཐིག་ལེ་དང་། ། རླུང་བཟུང་མཚན་བཅས་ཐིག་ལེ་གཉིས། ། འདྲ་འོ་འདྲ་འོ་ནོར་ར་རེ། ། 12.ཆོས་སྐུ་རྣམ་དག་ཡུལ་དབྱིངས་དང་། མྱ་ངན་འདས་པའི་གྲོང་ཁྱེར་གཉིས། ། འདྲ་འོ་འདྲ་འོ་ནོར་ར་རེ། ། 13.རང་རིག་བསམ་པ་བྲལ་བ་དང་། ། སེམས་ཀྱི་བྱུང་ཚོར་སྣ་ཚོགས་གཉིས། ། འདྲ་འོ་འདྲ་འོ་ནོར་ར་རེ། ། 14.ཤེས་རབ་རང་རྩལ་རྫོགས་པ་དང་། ། ཡིད་ཀྱི་དྲན་པ་ཕྱིར་ཤོར་གཉིས། །འདྲ་འོ་འདྲ་འོ་ནོར་ར་རོ། ། 15.གསང་ཆེན་ངེས་པའི་བདེན་ཚིག་དང་། ། ལྡེམ་དགོངས་གཅུད་པའི་གལ་ཚིག་གཉིས། ། འདྲ་འོ་འདྲ་འོ་ནོར་ར་རེ། ། 16.ངེས་པའི་བཅུད་གསུམ་མན་ངག་དང་། ། མཚོན་པ་དཔེ་ཡི་བསླུ་བྲིད་གཉིས། ། འདྲ་འོ་འདྲ་འོ་ནོར་ར་རེ། ། ཞེས་གསུངས་སོ། །
Tibetan Source	《མདོ་རྒྱུད་མཛོད་ཛི་པ་》ཤ་347.19ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number