10578

Tibetan	མི་ཆོས་བཅུ་དྲུག
Tibetan Alternate
Tibetan Definition	དེ་ཡང་། བཻ་རོ་ཙཱ་ནའི་ཞལ་ནས་གསུངས་པའི་མི་ཆོས་ཏེ། ཨེ་མ། ལྷ་ཆོས་ཐར་པ་བསྒྲུབ་པར་མ་ནུས་ཀྱང་། ། མི་ཆོས་དྲང་པོ་ལུགས་བཞིན་སྤྱད་པ་ན། ། མཐོ་རིས་ཐར་པ་ཐོབ་པར་ཐེ་ཚོམ་མེད། ། མཐོ་རིས་ཐོབ་ན་ཐར་ལམ་སྐས་ཁ་ཡིན། ། མྱ་ངན་འདས་པའང་དེའི་རྩར་ཡོད་པས། ། དཀོན་མཆོག་མཆོད་ཅིང་དད་པ་སྐྱོ་ངན་མེད། ། དོན་དམ་འབྲས་བུ་ཆོས་ལ་ཤིན་ཏུ་མོས། ། གཙུག་ལག་ལ་སོགས་འབྲི་ཀློག་ཁ་ཏོན་བསླབ། ། བྱ་བ་གང་ལའང་རན་ཚོད་ཟིན་པར་བྱེད། ། མ་བརྟག་ལས་ལ་མི་འཇུག་ཁ་མི་སྨྲ། ། མཐོ་ལ་ཡར་བལྟ་གོང་མའི་རྗེས་སུ་སྙེགས། ། ཕ་མ་ལ་སོགས་དྲིན་ལན་རིན་གྱིས་བརླན། ། ཕུ་ནུ་ཕ་ཚན་ནང་དུ་ཤོང་ཡངས་བསྐྱེད། ། རྒན་པ་ཀུན་ལ་རིམ་པས་བཀུར་སྟི་བྱེད། །ཁྱིམ་མཚེས་ལ་སོགས་འགྲོགས་མཁས་བྱམས་པ་དང་། ། ཤག་རིགས་དགའ་བཤེས་ཀུན་ལ་ཕན་ཡང་བཏགས། ། སྲིད་འབྲེལ་གཉེན་འདུན་ཀུན་དང་མཐུན་པར་བྱ། ། ལྟོས་པའི་མི་ལ་དྲིན་གྱི་སྐྱབས་འོག་གཞུག ། རྒྱལ་ཁམས་ཡུལ་སོགས་བདེ་བའི་གྲོས་གཞིར་བཟུང་། ། བུ་ཆུང་གཉན་རྣམས་ཐབས་ཀྱིས་ཆོས་ལ་འཛུད། ། རང་གི་བློ་ཡང་ལས་མཐའ་ཆོས་ལ་གཏད། ། དེ་ལྟར་བཅུ་དྲུག་སུས་སྤྱོད་ཚེ་འཕོས་ནས། ། མི་ཡི་རྒྱལ་པོ་སུམ་ཅུ་རྩ་གསུམ་ལྷ། ། བློན་ཆེན་ཐོབ་ནས་ཐར་པའི་ལམ་རྙེད་འགྱུར། ། ཅེས་གསུངས་སོ། །
Tibetan Source	《དུང་དཀར་ཚིག་མཛོད་ཆེན་མོ་》ཤ་1599.16ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number