10579

Tibetan	མི་ཆོས་ཆེན་མོ་གཙང་མ་བཅུ་དྲུག
Tibetan Alternate
Tibetan Definition	འདི་ལ་ཁག་གཉིས་ཡོད་པ་སྟེ། ཆོས་འབྱུང་མཁས་པའི་དགའ་སྟོན་ལས་གསུངས་པ་ལྟར་ན་མི་དགེ་བཅུ་སྤོང་བའི་སྟེང་དུ། 1.མ་ལ་མའི་འདུ་ཤེས་བཟུང་ནས་གུས་བཀུར་བྱ་བ། 2.ཕ་ལ་ཕ་ཡི་འདུ་ཤེས་བཟུང་ནས་གུས་བཀུར་བྱ་བ། 3.དགེ་སྦྱོང་བྲམ་ཟེ་ལ་དེ་ཡི་འདུ་ཤེས་བཟུང་ནས་གུས་བཀུར་བྱ་བ། 4.རིགས་མཐོ་བ་དང་རྒན་རབས་ལ་གུས་བཀུར་ཞུ་བ། 5.དྲིན་ཅན་གྱི་མི་ལ་དྲིན་ལན་འཇལ་བ། 6.གཞན་ལ་གཡོ་སྒྱུ་བྱས་ནས་མགོ་བསྐོར་མི་གཏོང་བ་བཅས་ཡིན་པར་གསུངས་སོ། ། ཡང་འདྲེན་ཚུལ་གཞན་ཞིག་སྟེ། སྔར་བོད་རྒྱལ་སྲོང་བཙན་སྒམ་པོས་གཏན་འབེབས་མཛད་པའི་ཁྲིམས་སྲོལ་དོན་ཚན་བཅུ་དྲུག་ནི། 1.ལྷ་དཀོན་མཆོག་གསུམ་ལ་མོས་གུས་བསྐྱེད་པ། 2.དམ་པའི་ཆོས་བཙལ་ཞིང་བསྒྲུབ་པ། 3.ཕ་མ་ལ་དྲིན་ལན་འཇལ་བ། 4.ཡོན་ཏན་ཅན་ལ་ཞེ་མཐོང་ཡོད་པ། 5.རིགས་མཐོ་བ་དང་རྒན་པར་བཀུར་སྟི་ཆེ་བ། 6.ཡུལ་མི་ཁྱིམ་མཚེས་ལ་ཕན་གདགས་པ། 7.བཀའ་དྲང་ཞིང་སེམས་ཆུང་བ། 8.ཉེ་དུ་མཛའ་བཤེས་ལ་གཞུང་རིང་བ། 9.ཡ་རབས་ཀྱི་རྗེས་བསྙེག་ཅིང་ཕྱི་ཐག་རིང་བ། 10.ཟས་ནོར་ལ་ཚོད་འཛིན་པ། 11.སྔར་དྲིན་ཅན་གྱི་མི་རྩད་གཅད་པ། 12.བུ་ལོན་དུས་སུ་འཇལ་ཞིང་བྲེ་སྲང་ལ་གཡོ་མེད་པ། 13.ཀུན་ལ་ཕྲག་དོག་ཆུང་བ། 14.ངན་པའི་གྲོས་ལ་མི་ཉན་ཞིང་རང་ཚུགས་འཛིན་པ། 15.ངག་འཇམ་ཞིང་སྨྲ་བ་ཉུང་བ། 16.ཐེག་པ་ཆེ་ཞིང་བློ་ཁོག་ཡངས་པ་བཅས་སོ། །
Tibetan Source	《དུང་དཀར་ཚིག་མཛོད་ཆེན་མོ་》ཤ་1600.16ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number