10779

Tibetan	གཅིན་སྙིའི་ནད་ཀྱི་དབྱེ་བ་ཉི་ཤུ།
Tibetan Alternate
Tibetan Definition	བད་ཀན་གྱི་གཅིན་སྙིའི་ཟ་ཁུ་བཅུ་ནི། 1.མདོག་བད་ཀན་རང་དང་འདྲ་ལ་སྟེང་འོག་དྲི་མ་མེད་པའི་ཆུ་དང་འདྲ་བ། 2.སྟེང་ཅུང་ཟད་དྭངས་ལ་འོག་ཏུ་ཅུང་ཟད་རྙོག་ཅན་སྐུ་བ་ཚང་འདྲ་བ། 3.མདོག་རྙོག་ཅན་སྦྱིན་བག་ཅན་སྨུག་པོ་བུར་ཤིང་གི་ཁུ་བ་ལྟར་མངར་བ། 4.ཞག་ལོན་ནས་སྐ་བར་འགྱུར་བ་ཟ་ཁུ་གར་པོ། 5.མདོག་དཀར་བ་འབྲས་ཀྱི་ཕྱེ་མ་འདྲ་བ། 6.ཁུ་ཆུ་འདྲ་བའམ་ཁུ་ཆུ་ཅུང་ཟད་འདྲེས་པའི་ཁུ་ཆུ་འདྲ་བ། 7.བྱེ་མ་ཅན་བྱེ་ཚིགས་དྲི་མ་ཅན་བྱེ་མའི་ཟ་ཁུ། 8.རོ་མངར་ལ་རེག་བྱ་བསིལ་བ་བསིལ་གྱི་ཟ་ཁུ། 9.ཉུང་ཟད་དལ་བུས་འབྱུང་བ་བག་འབྱུང་གི་ཟ་ཁུ། 10.ནལ་ནལ་སྤྱིན་བག་ཅན་ཁ་ཆུ་འདྲ་བ་བཅས་དང་། མཁྲིས་པའི་ཟ་ཁུ་རྣམ་པ་དྲུག་ནི། 1.ཁ་དོག་དྲི་རོ་ནུས་ཚིགས་འདྲ་བ། 2.ནག་པོ་སྣག་ཚ་འདྲ་བ། 3.མདོག་སྔོན་པོ། 4.སེར་པོ་སྐྱེར་ཁུ། 5.དམར་པོ་བཙོད་ཁུ། 6.དྲི་ང་ཞིང་ཚ་ལ་ལན་ཚྭ་དང་བཅས་པ་ནི་ཁྲག་དང་འདྲ་བ་བཅས། རླུང་གི་ཟ་ཁུ་རྣམ་པ་བཞི་སྟེ། 1.རྐང་དམར་འདྲིས་པ་འདྲ་བ་རླུང་གི་ཟ་ཁུ། 2.ཞག་དང་འདྲེས་པ་འདྲ་བ་ཞིག་གི་ཟ་ཁུ། 3.གླང་ཆེན་མྱོས་པའི་ཆུ་ལྟར་རྒྱུན་དུ་གཅིན་ཤུགས་དལ་བར་འབྱུང་བར་འགྱུར་བ་གླང་ཆེན་ཟ་ཁུ། 4.མདོག་སེར་སྨུག་ཀུན་ཏུ་འདྲེས་པ་སྦྲང་རྩི་དང་འདྲ་བའི་ཟ་ཁུ་བཅས་སོ། ། གཅིན་སྙི་ཟ་ཁུའི་ནད་ཀྱི་རྒྱུ་རྐྱེན་གཞི་མཐུན་དུ་བསྟན་པ་ནི། རོ་ལན་ཚྭ་བ་དང་མངར་བའི་རིགས་མང་དྲགས་པ་དང་ནུས་པ་བསིལ་བ་དང་། ལྕི་བའི་རིགས་ཀྱི་ཟས་སྐོམ་ཡུན་དུ་ཟོས་པ་རླན་ཅན་གྱི་སར་མལ་ས་བཅས་ནས་ཡུན་རིང་འདུག་དྲགས་པ་སོགས་ཀྱིས་བད་ཀན་དང་ཚིལ་འཕེལ་བ་ཟུངས་སུ་ མ་གྱུར་པར། སྙིགས་མ་གཅིན་དུ་གྱུར་ནས་རིམ་གྱིས་སྒྲུང་པར་ཟགས་པས་ཟ་ཁུའི་ནད་སྐྱེད་པར་བྱེད་པ་ཡིན་ནོ། །
Tibetan Source	《རྒྱུད་བཞིའི་འགྲེལ་ཆེན་དྲང་སྲོང་ཞལ་ལུང་》དེབ་གསུམ་པ་ཤ་79.6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number