10863

Tibetan	སྤྱོད་པ་ཉི་ཤུ་རྩ་གཅིག
Tibetan Alternate
Tibetan Definition	དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་བཞི་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་སྐབས་ཉེར་གསུམ་པ་སྤྱོད་པའི་རིམ་པ་ཉི་ཟླ་ཁ་སྦྱོར་གྱི་རྒྱུད་ལས་བྱུང་བ་སྟེ། 1.བུང་བ་ལྟ་བུའི་སྤྱོད་པ་ཡིས། ། ཆོས་ཀུན་གྱི་ནི་རོ་མྱང་བྱ། ། 2.རི་དྭགས་ལྟ་བུའི་སྤྱོད་པ་ཡིས། ། འཁྲུལ་པའི་རྐྱེན་གྱུར་ཡུལ་རྣམས་སྲུངས། ། 3.ལྐུགས་པ་ལྟ་བུའི་སྤྱོད་པ་ཡིས། ། འཁྲུལ་པའི་ངག་ནི་རྣམ་པར་སྤངས། ། 4.ཐིག་བྱ་ལྟ་བུའི་སྤྱོད་པ་ཡིས། ། གསང་བའི་སྔགས་ཀྱི་ཐེ་ཚོམ་བཅད། ། 5.སྨྱོན་པ་ལྟ་བུའི་སྤྱོད་པ་ཡིས། ། གཅིག་ཏུ་གནས་པའི་ཡུལ་རྣམས་སྤངས། ། 6.སེང་གེ་ལྟ་བུའི་སྤྱོད་པ་ཡིས། ། འཇིགས་པའི་སེམས་སྤངས་དུར་ཁྲོད་རྒྱུ། ། 7.ཁྱི་ཕག་ལྟ་བུའི་སྤྱོད་པ་ཡིས། ། གཙང་དང་སྨེ་བའི་རྣམ་རྟོག་སྤུངས། ། 8.སྡོམ་བུ་ལྟ་བུའི་སྤྱོད་པ་ཡིས། ། དྲན་བསམ་ཐོག་བབ་ཉིད་དུ་སྤྱད། ། 9.བུ་ཆུང་ལྟ་བུའི་སྤྱོད་པ་ཡིས། ། འཁྲུལ་པའི་ཞེན་པ་རྒྱུན་རིང་སྤངས། ། 10.རྔ་མོ་ལྟ་བུའི་སྤྱོད་པ་ཡིས། ། འཇིག་རྟེན་མཐུན་པའི་ཚིག་གིས་དྲངས། ། 11.གླང་ཆེན་ལྟ་བུའི་སྤྱོད་པ་ཡིས། ། འཁོར་བའི་གཡུལ་རྣམས་གཏིང་ནས་བཟློག ། 12.རྒྱ་མོ་ལྟ་བུའི་སྤྱོད་པ་ཡིས། །འདོད་པའི་ཆོག་ཤེས་དུས་ཚོད་བཅད། ། 13.དྲེད་མོ་ལྟ་བུའི་སྤྱོད་པ་ཡིས། ། འཁོར་བའི་ས་བོན་སྤེལ་མི་བྱ། ། 14.བྲམ་ཟེ་ལྟ་བུའི་སྤྱོད་པ་ཡིས། ། གཞན་གྱི་ལོངས་སྤྱོད་ཟས་རྣམས་སྤངས། ། 15.དཔའ་མོ་ལྟ་བུའི་སྤྱོད་པ་ཡིས། ། འཁོར་འདས་རྣམས་ཀྱི་རུ་ཤན་དབྱེ། ། 16.ཆུ་མིག་ལྟ་བུའི་སྤྱོད་པ་ཡིས། ། དྲན་པའི་རྟེན་ཉིད་རང་སར་བཞག ། 17.ནམ་མཁའི་མདུང་སྐོར་སྤྱོད་པ་ཡིས། ། དངོས་པོ་རྣམས་ལ་ཟང་ཐལ་སྦྱར། ། 18.བར་སྣང་རླུང་འདྲའི་སྤྱོད་པ་ཡིས། ། གཟུང་དང་འཛིན་པའི་རྟོག་པ་སྤངས། ། 19.བྱ་ཁྱུང་ལྟ་བུའི་སྤྱོད་པ་ཡིས། ། གཡང་ས་རྣམས་ནི་རླབས་ཀྱིས་བཅད། ། 20.རི་བོ་ལྟ་བུའི་སྤྱོད་པ་ཡིས། ། འགྱུར་མེད་རང་དག་སྟེང་དུ་སྤྱད། ། 21.ཐོག་ཆེན་ལྟ་བུའི་སྤྱོད་པ་ཡིས། ། སྣང་བ་ཕྱིར་མི་ལྡོག་པར་སྤྱད། ། ཅེས་སོ། ། རྣམ་གྲངས་ཉེར་གཉིས་ཡོད་ཀྱང་རི་དྭགས་ལྟ་བུའི་སྤྱོད་པ་གཉིས་གཅིག་ཏུ་ཕྱོགས་སྡེབས་པས་ཉེར་གཅིག་ཏུ་བཤད་དོ། ། ཞེས་སོ། །
Tibetan Source	《མདོ་རྒྱུད་མཛོད་ཛི་པ་》ཤ་341.1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number