11074

Tibetan	ཚེས་ཀྱི་འབྲས་བཤད་སུམ་ཅུ།
Tibetan Alternate
Tibetan Definition	ཁག་གཉིས་པ། 1.ཚེས་གཅིག་དཀར་ཕྱོགས་ལམ་ཞུགས་རྟེན། ། དོན་གཉེར་ས་དབྱེ་ཞི་ལས་བཟུང་། ། ཆོས་འཆང་སྐྲ་འཁྲུ་གཤིན་ལས་བག ། གང་ཡང་ཕྱི་ལ་གཏོང་བ་དང་། ། ལྷ་མཆོད་བཟློག་པ་སྲི་མནན་ངན། ། ཕོ་མོ་བསྟུད་བཙའ་ཤེས་པ་ཡངས། ། ནད་ཐབས་ཐོབ་གཞོབ་ཕྲུ་རློག་དང་། ། ཤིང་བཅད་སྔ་ཕྱིའི་འགྲུལ་གྱིས་རྐྱེན། ། སྟོད་གཟེར་མིག་ནད་ཁོང་སྟོང་དང་། ། གྲེ་མོ་ཀླུ་བཙན་གནོད་པ་ཡིན། ། བོང་རྟ་བཙན་མདོས་ཕྱུགས་སྲི་དཀར། ། ཤིང་ངན་རབ་བྱུང་ཟས་ནོར་འཛད། ། གཡུལ་བཤམས་ཤར་མིན་གཞན་རྣམས་བཟང་། ། ཕྱུགས་ཉོས་པ་ནི་སྟོང་དུ་འཕེལ། ། སྒྲིབ་ན་སྔ་དྲོ་ཁོག་མ་གཉིས། ། གྲོད་པ་ཆུས་བཀང་དགྲ་ཕྱོགས་གདེངས། ། གུང་ལ་རྫ་ས་སྔོན་པོ་དང་། ། ཆུ་ཁར་ཕྲུ་གདབ་ཕྱི་དྲོ་ལ། ། རས་དཀར་ཆུ་ཡིས་ཁ་ཕྲུ་བཏབ། ། མི་གཉིས་སོག་ལེ་ཕྱར་བས་ཐུབ། 2.གཉིས་ལ་རབ་གནས་རྒྱལ་སར་ཞུགས། ། ཐབ་འཆའ་ས་བོན་རྫོང་ཁྲོན་འདུ། ། རྒྱས་ལས་བཟང་ཞིང་དོན་གཉེར་ལམ། ། སྐྲ་འཁྲུ་ཆུ་རགས་སྦྱིན་སྲེག་ངན། ། ཕྱུགས་ཉོས་སྟོང་འཕེལ་བུ་སྐྱེས་བཟང་། ། བུ་མོ་ངན་ཅིང་ནད་བཏབ་ན། ། འཁོན་དང་གཤིན་ཟས་མི་གཙང་ལེན། ། ལྷ་གདོན་གྲེ་བཙན་ས་བདག་གནོད། ། ཕོ་མཆིན་མི་བདེ་སྣོད་གཞི་དགང་། ། གཟེར་ནད་སྐྲངས་འབུར་ཤུ་ནད་འོང་། མ་མོ་མཆོད་ཅིང་བསྐང་བཤུགས་བྱ། ། སྒྲིབ་ན་སྔ་དྲོ་གྲོང་ཆུས་བཀང་། ། དགྲ་ཡི་ཕྱོགས་གདེངས་ཉིན་དགུང་ལ། ། སྐྱེ་ཚེར་ལུག་བྲབ་དྲག་སྔགས་བཟླས། ། ཕྱི་དྲོ་རས་སྔོན་ཆུ་ཕྲུ་བཏབ། ། ཕྱར་བས་ཉེས་པ་ཐུབ་པ་ཡིན། ། 3.ཆིས་གཉེར་མཁར་ལས་ཁྱིམ་འཛིན་དང་། ། སྐྲ་འཁྲུ་སྦྱིན་སྲེག་རྒྱས་པའི་ལས། ། དབང་ལས་དམག་གཡུལ་བཤམ་པ་སོགས། ། ལྷོ་མིན་གཞན་བཟང་ཕྱུག་ཉོས་འཕེལ། ། འཁོར་བོག་རྫིང་ཡུར་ཁྲོན་འདྲུ་ངན། ། ཕོ་མོ་གང་བསྟུད་འཆིའམ་ངན། ། ནད་བཏབ་ཐབ་གཞོབ་བཙོས་བསྲེགས་ལན། ། ལྷ་གདོན་རྒྱལ་པོ་གྲེ་བོ་གནོད། ། བསངས་ཁྲུས་ཆུ་གཏོར་རྒྱལ་མདོས་གཏོང་། ། ཤེད་ཆུང་ཁོང་གཅོང་མཁལ་མ་ན། ། རྡུལ་ཡོང་ཁ་སྐམ་བྱ་རྙོང་བྱེད། ། ཤི་བའང་སྒྲིབ་ན་སྔ་དྲོའི་དུས། ། གོས་བཟང་གྱོན་ལ་སྐས་ཀ་གཏུབ། ། དགུང་ལ་བལ་ཚོན་སྣ་ལྔ་ཡིས། ། བོང་བུའི་མཆུ་བཅིངས་སྟེ་རེ་ནི། ། སྐེར་བཏགས་ཉེས་པ་ཐུབ་པ་ཡིན། ། ཕྱི་དྲོ་ལྕགས་སྡོང་ཁྲག་གིས་ནི། ། ཁ་ཕྲུ་བཏབ་ལ་ཐལ་ལྔ་གདབ། ། 4.ཚེས་བཞི་ལ་སྐྲ་འཁྲུ་ཚོང་བྱ་དང་། ། བྲན་བསྟེན་ཤིང་གཅོད་ཕྱག་བྱ་བ། ། ཆང་ཚོད་དཀར་ཕྱོགས་སྲི་མནན་བྱ། ། དབང་དྲག་ལས་བཟང་རབ་བྱུང་གནས། ། ལམ་འདུམས་གཏར་སྲེག་དམག་འདྲེན་བག ། རྫིང་ཁྲོན་འདྲུ་དང་ས་བོན་གདབ། ། ངན་ལ་ཕྱུགས་ཉོས་འཕེལ་བ་ཡིན། ། བུ་བཙས་མར་ངན་མོ་སྐྱེས་བསྡུད། །ནད་བཏབ་མནའ་ཡུགས་ཐབ་ཤོར་ལན། ། རྒྱལ་འགོང་གཤིན་དང་ས་བདག་གནོད། ། རྒྱལ་མདོས་ཀླུ་ཡས་གཟའ་མདོས་གཏོང་། ། སྒྲིབ་ན་སྔ་དྲོ་ལྒང་ཕུག་ཆུས། ། བཀང་ལ་དགྲ་ཡི་ཕྱོགས་ལ་གདེངས། ། དགུང་ལ་ཤིང་དང་གཤོལ་ལྕགས་དང་། ། ཐལ་གདབ་ཕྱི་དྲོ་མི་གཉིས་ཀྱིས། ། ཆུ་གཏོར་གོས་སྤྲུགས་ཉེས་པ་ཐུབ། 5.ལྔ་ལ་རབ་བྱུང་སྐྲ་འཁྲུས་མ། ། རབ་གནས་བྲན་བརྟེན་ཞི་ལས་བཟང་། ། གཤིན་ལས་ཕལ་ཆེར་བག་མ་ངན། ། བུ་སྐྱེས་ཕྱུག་ཅིང་ཕྱུགས་ཉོས་འཕེལ། ། བུ་མོ་སྐྱེས་ན་འཆི་འམ་དབེན། ། ནང་བཏབ་ཡུགས་སའི་ཟས་ཀྱིས་ལན། ། བྲང་རྒྱབ་ཚ་ཞིང་གྲེ་བ་བསྐམས། ། མོ་འདྲེ་ཆགས་འདྲེ་ས་བདག་གནོད། ། ཁྲུས་དང་གཉན་མདོས་ས་བདག་གི། ། ཤ་རུ་མདོས་སོགས་བཏང་བར་བྱ། ། སྒྲིབ་ན་སྔ་དྲོ་ཤིང་ལོ་ཅན། ། རོས་མ་ཟོས་པས་ཁྱི་གཉིས་བརྡུང་། ། དགུང་ལ་བནྡེའི་མཐང་ཤམ་གཡུག ། རྐུ་གདབ་ཕྱི་དྲོ་བུད་མེད་ནི། ། གཉིས་ཀྱི་ཐོག་བཟང་དགྲ་ཕྱོགས་གདངས། ། 6.དྲུག་ལ་སྐྲ་འཁྲུ་རབ་གནས་དང་། ། ས་ཁ་འབྱེད་དང་རྒྱས་ལས་བཟང་། ། ལམ་ཞུགས་ཆོས་ཉན་རབ་བྱུང་བྲན། ། ཕྱུགས་ཉོ་རྒྱལ་ས་མཁར་བག་སྤང་། ། ཤིང་ན་སྐྱེས་བསྟུད་ནད་འགྲུལ་ལན། ། གྲེ་བཙན་བྱད་ ཁ་སྲུང་མ་གནོད། ། བཙན་མདོས་ཁྲམ་མདོས་དགྲ་ལྷ་མཆོད། ། བློ་གཟེར་སྨྱོ་འབོག་ཕོ་ལོག་རིམས། ། སྒྲིབ་ན་སྔ་དྲོ་བོན་གཉིས་ཀྱིས། ། གཤང་དཀྲོལ་ཐལ་མོ་བརྡབ་པ་དང་། ། དགུང་ལ་བུ་གཉིས་ས་སྟེང་དུ། ། སྟེང་ནས་ཨ་ཀང་ཐོ་ལེ་བཏབ། ། ཕྱི་དྲོ་ར་དང་བོང་བུའི་སྐེ། ། བལ་ཚོན་སྣ་ལྔའི་ཐི་གུས་སྦྲེལ། ། 7.བདུན་ལ་མཁར་ལས་རབ་གནས་ལམ། ། རྫིང་ཡུར་ཁྲོན་འདྲུ་ཁྱིམ་གསར་འཛིན། ། གཤིན་ལས་ཐབ་འཆའ་དོན་གཉེར་དམག ། ཤར་མིན་ཕྱོགས་བཞིར་དབང་ལས་བཟང་། ། སྐྲ་འཁྲུ་བྲན་བག་རབ་བྱུང་ངན། ། ཕྱུགས་ཉོ་སྤང་ཞིང་བུ་སྐྱེས་པ། ། དབང་རྣོ་བུ་མོ་ཁྱོ་ཕྱིར་འབྲེང་། ། ནད་བཏབ་ཕྱོགས་ངན་ཤ་མར་ཟས། ། ནུ་མཆིན་རྩིབ་གཟེར་ཀླུ་གྲེ་གནོད། ། སྤྱི་མདོས་ཀླུ་མཆོད་གྲེ་མོ་བརྡུང་། ། ཤི་ན་འཆི་རྗེས་བཟང་བ་ཡིན། ། སྒྲིབ་ན་གླང་མའི་རྩེལ་པོ་ལ། ། ཚེར་མའི་ལྕག་བྲབ་དགུང་ཡིན་ན། ། འུག་པ་ཕོ་རོག་མཆུ་འཁྱིག་བྱ། ། མ་རྙེད་མགོ་བོ་སྤྲད་པ་དང་། ། ཕྱི་དྲོ་ཉ་དང་སྲམ་སྐྱོད་པར། ། དགྲ་མིང་བཅུག་ལ་བཙོན་དུ་བྱ། ། 8.བརྒྱུད་ལ་དགྲར་རྒོལ་ཞལ་ཆེ་གཅོད། ། རྒྱལ་ས་རབ་གནས་མནའ་སྐྱེལ་ཀུན། ། སྲི་མནན་སྐུ་འཁྲུ་ལྷ་རྟེན་བཞེང་། ། ཐབ་འཆའ་དྲག་བཟང་བག་གོས་ལམ། ། གཏར་ཁ་རབ་བྱུང་ས་བོན་གདབ། ། རྫིང་ཡུར་ཁྲོན་འདྲུ་ཕྱུགས་ཉོ་སྤང་། ། གང་སྐྱེས་གསོ་དཀའ་ནད་བཏབ་ན། ། མིག་ནད་མཁལ་རྐེད་སྙིང་རླུང་ལྡང་། ། ལྷ་ཁང་སྲུང་མ་རྒྱལ་པོ་གནོད། ། རྒྱལ་མདོས་དམ་སྲི་དགར་ཤི་ངན། ། སྒྲིབ་ན་སྔ་དྲོ་གླང་སེར་པོ། ། ཐག་པ་སེར་པོས་རྐང་ལག་བཅིངས། ། དགུང་ལ་ཆུ་གཟུགས་ཤིང་ཕྱེ་གཏོར། ། ཕྱི་དྲོ་དྲིལ་དཀྲོལ་ཡུངས་ཀར་གཏོར། ། 9.དགུ་ལ་རྒྱལ་ས་རབ་གནས་ལམ། ། སྲི་མནན་ཞི་ལས་དམག་འདྲེན་པ། ། ལྷོ་མིན་གཞན་རྣམས་བཟང་བ་ཡིན། ། སྐྲ་འཁྲུ་བྲན་བསྟེན་གཤིན་བག་ངན། ། སྐྱེས་ན་བྱུར་བུ་ནད་བཏབ་ཚེ། ། གཅིག་ལ་བཤད་ལྟར་མཚུངས་པ་ཡིན། ། སྒྲིབ་ན་སྔ་དྲོ་ཤིང་སྣ་ལ། ། མེ་སྤར་དགུང་ལ་ལུག་ལྤགས་འཕྱར། ། བུད་མེད་གཉིས་ཀྱིས་གདུང་འདྲུད་བྱ། ། ཕྱི་དྲོ་ར་ཕོར་སྤྲེའུ་བཀབ། ། ཚེར་མས་བརྡུངས་པས་ཉེས་པ་ཐུབ། ། 10.བཅུ་ལེ་སྐྲ་འཁྲུ་རབ་བྱུང་གནས། ། རྒྱལ་ས་ལྷ་ཁང་མཆོད་རྟེན་ཚིག ། རྟེན་བཞེང་དམག་འདྲེན་ལྷོ་མིན་ཆིས་ལམ་ཞུགས་བྲན་བསྟེན་ཕྱུགས་ཉོ་སྤང་། ། ཕོ་མོ་སྐྱེས་དབུལ་ཤི་བ་ངན། ། ནད་བཏབ་ཚེས་གཉིས་བཤད་དང་མཚུངས། ། སྒྲིབ་ན་སྔ་དྲོ་ཕུག་རོན་སྐྱུང་། ། མགོ་གཉིས་སྤྲད་ལ་དགྲ་ཕྱོགས་གདེང་། ། དགུང་ལ་རྟ་མགོར་མེ་ལོང་བཏགས། ། བཅགས་ལ་ཕྱི་དྲོ་བུད་མེད་གཉིས། ། མེ་ཁྱེར་ཐོ་ལེས་བཏབ་པར་བྱ། ། 11.བཅུ་གཅིག་སྐྲ་འཁྲུ་ཁྲུས་འགྲེལ་འདོགས། ། རྒྱལ་ས་རབ་གནས་རབ་བྱུང་མཁར། ། དམག་འདྲེན་ལྷོ་མིན་གཞན་གསུམ་དང་། ། ས་ཁ་གཏར་སྲེག་ལམ་དྲག་བཟང་། ། བྲན་བསྟེན་ཕྱུགས་ཀྱི་ཉོ་འདུལ་སྤོང་། ། སྐྱེས་བཏུད་ཤེས་ཡངས་ནད་བཏབ་ཚེ། ། ཚེས་པ་གསུམ་དང་འབྲས་བུ་མཚུངས། ། ཤི་ངན་སྒྲིབ་ན་སྔ་དྲོ་ལ། ། བུད་མེད་གཉིས་ཀྱིས་དབྱུག་པ་བཟུང་། ། སླེ་བརྡུང་དགུང་ལ་བནྡེ་གཉིས། ། ཐལ་བ་གཏོང་ཞིང་ཁ་བལྟ་བྱ། ། ཕྱི་དྲོ་བུད་མེད་ནག་མོ་གཉིས། ། སྦུད་པ་འཕྱར་ཞིང་སོལ་ཕྱེ་གཏོར། ། 12.བཅུ་གཉིས་རབ་གནས་རྒྱལ་ས་འཇུག ། མཆོད་རྟེན་ལྷ་ཁང་རྩིག་པ་དང་། ། ཐབ་འཆའ་རྟེན་བཞེང་ས་བོན་གདབ། ། རྫིང་ཡུར་ཁྲོན་འདྲུ་ཞི་ལས་དང་། ། དམག་འདྲེན་ལྷོ་ནུབ་མ་གཏོགས་བཟང་། ། ལམ་ཞུགས་སྐྲ་འཁྲུ་བྲན་གཡོག་བསྟེན། ། ཕྱུགས་ཉོ་སྦྱིན་སྲེག་རབ་བྱུང་སྤང་། ། བུ་བཟང་བུ་མོ་སྐྱེས་ན་ངན། ། ནད་བཏབ་ཚེས་བཞིར་བཤད་དང་མཚུངས། ། སྒྲིབ་ན་སྔ་དྲོ་སྦྲུམ་མ་གཉིས། ། ཐག་ནག་འཕྱར་ལ་དགུང་ཡིན་ན། ། མཆོད་རྟེན་འོ་མའི་ཁ་ཕྲུ་གདབ། ། ཕྱི་དྲོ་གྲོད་པ་སོལ་ཕྱེས་བརྒྱངས། ། མིག་བྲིས་འཕྱར་བས་ཉེས་པ་ཐུབོ། ། 13.བཅུ་གསུམ་རྒྱལ་ས་སྐུ་འཁྲུའམ། ། རབ་གནས་མཁར་ལས་ཐབ་ཁ་བཅའ། ། ལྷ་ཁང་རྟེན་བཞེང་མཆོད་རྟེན་ཚིག ། སྦྱིན་སྲེག་ཆུ་རགས་རྒྱས་ལས་བཟང་། ། རྫིང་ཁྲོན་བྲན་བསྟེན་ཕྱུགས་ཉོ་སྤོང་། ། གང་སྐྱེས་འཆི་འམ་ངན་པ་ཡིན། ། ནད་ཀྱིས་བཏབ་ན་ཚེས་ལྔར་མཚུངས། ། ཤི་བཟང་སྒྲིབ་ན་སྔ་དྲོ་ལ། ། ཤིང་གཅིག་ལམ་མདོའི་མགོ་རེ་བས། ། ཕུར་ལ་དགྲ་ཡིན་བྱ་བ་དང་། ། དགུང་ལ་ལུག་ལྤགས་འཕྱར་བ་དང་། ། ཡུགས་སས་དུལ་མོ་གདུལ་བ་དང་། ། ཕྱི་དྲོ་ལྷ་སྐུ་གདུང་རྟེན་འཕྱར། ། 14.བཅུ་བཞི་སྐྲ་འཁྲུ་རབ་བྱུང་བ། ། རབ་ཏུ་གནས་དང་ཕྱུགས་ཉོ་བ། ། མཁར་ལས་ལམ་ཞུགས་དབང་ལས་བཟང་། ། ས་བོན་ཆོས་འཆད་བྲན་བསྟེན་སྤང་། ། བུ་སྐྱེས་མར་ངན་བུ་མོ་བཏུད། ། ནད་བཏབ་དྲུག་མཚུངས་སྒྲིབ་པ་ན། ། སྔ་དྲོ་མི་གཉིས་སུ་གདབ་ལ། ། ཆུ་ནི་གཏོར་བས་ཉེས་པ་ཞི། ། དགུང་ལ་བུད་མེད་གཉིས་ཐུ་བ། ། གཡབ་ལ་ཕྱི་དྲོ་ཤིང་ལོ་ལ། དགྲ་མིང་བྲིས་ལ་བསྲེགས་པས་ཐུབ། ། 15.བཅོ་ལྔ་དྲག་ལས་ཁྱིམ་འཛིན་དང་། ། རྟེན་བཞེང་མཆོད་རྟེན་ལྷ་ཁང་རྩིག ། རབ་གནས་ས་བོན་ལྷ་གཡང་ལམ། ། དབང་ཆོས་སྐྲ་འཁྲུ་ནོར་སྒྲུབ་གཤིན། ། རྒྱལ་ས་བཟློག་པ་མཁར་ལས་བཟང་། ། ཕྱུགས་ཉོ་བདུན་འཕེལ་མནའ་སྐྱེལ་བ། ། བག་མ་རབ་བྱུང་བུ་འབོགས་དང་། ། བུ་ལོན་འཇལ་ངན་བུ་སྐྱེས་ཕྱུག ། བུ་མོ་འཆིའམ་དབེན་ནད་བཏབ། ། ཚེས་བདུན་དང་མཚུངས་སྒྲིབ་པ་ན། ། སྔ་དྲོ་ལྷ་ལྔར་མཆོད་པ་འབུལ། ། དགུང་ལ་བྱིས་པར་ཡོས་སྦྱིན་བཏང་། ། ཕྱི་དྲོ་ལྷ་ལ་ཕྱག་འབྲུ་དང་། ། གཏོར་བཏོང་ལྷ་བསྟེན་ཉེས་པ་ཞི། ། 16.བཅུ་དྲུག་ས་དབྱེ་ཞིང་ཞི་ལས། ། སྐྲ་འཁྲུ་བྲན་ནོར་ཉོ་བ་བཟང་། ། རབ་གནས་ལམ་ཇག་ཁ་སྨྲས་མཁར། ། རྒྱལ་སར་འཇུག་ངན་ཕྱུགས་ཉོས་འཕེལ། ། ཕོ་མོ་བཙས་ན་ཕྱིས་ནས་བཏུད། ནད་བཏབ་བརྒྱད་མཚུངས་ཤི་བ་ངན། ། སྒྲིབ་ན་སྔ་དྲོ་ཁོག་མ་གཉིས། ། གྲོད་པ་ཆུས་བཀང་དགྲ་ཕྱོགས་གདེང་། ། དགུང་ལ་རྫ་ས་སྔོན་པོ་ལ། ། ཆུ་ཁ་ཕྲུ་གདབ་ཕྱི་དྲོ་ལ། ། རས་དཀར་ཆུ་ཡི་ཁ་ཕྲུ་བཏབ། ། མི་གཉིས་སོག་ལེ་འཕྱར་བས་ཐུབ། ། 17.བཅུ་བདུན་གཤིན་ལས་ལམ་ཞུགས་དང་། ། ཐབ་འཆའ་མཁར་ལས་རྫིང་ཁྲོན་འདྲུ། ། ས་བོན་བཏབ་དང་རྒྱུས་ལས་བཟང་། ། སྐྲ་བཀྲུ་ཆུ་རགས་སྦྱིན་སྲེག་བག ། ཕྱུགས་ཉོ་སྤང་ཞིང་བུ་རིག་རྣོ། ། བུ་མོ་བཙས་པ་ཁྱོ་ཕྱིར་འབྲེང་། ། ནད་བཏབ་ཚེས་གཅིག་དག་དང་མཚུངས། ། ཤི་ན་གསོན་གཤིན་གཉིས་ཀ་བཟང་། ། སྒྲིབ་ན་སྔ་དྲོ་གྲོད་ཆུས་བཀང་། ། དགྲ་ཡི་ཕྱོགས་གདེང་ཉིན་གུང་ལ། ། སྐྱེ་ཚེར་ལུག་བྲབ་དྲག་སྔགས་བཟླས། ། ཕྱི་དྲོ་རས་སྔོན་ཆུ་ཕྲུ་བཏབ། ། འཕྱར་བས་ཉེས་པ་ཐུབ་པ་ཡིན། ། 18.བཅོ་བརྒྱད་སྐྲ་འཁྲུ་དགེ་ལས་རྟེན། ། སྲི་མནན་ཐབ་བཅའ་ས་བོན་བཏབ། ། ཆུ་རིགས་སྦྱིན་སྲེག་དྲག་ལས་བཟང་། ། ཐོག་འབུབས་སྒོ་འཛུགས་ལམ་ཞུགས་པ། ། གཏར་སྲེག་གཤིན་ལས་རྒྱལ་ས་བྱ། ། རྫིང་ཡུར་ཁྲོན་བག་ཕྱུགས་ཉོ་ངན། ། གང་སྐྱེས་གསོ་དཀའ་ནད་བཏབ་ན། ། གཉིས་མཚུངས་ཤི་ན་ངན་པར་བྱེད། ། སྒྲིབ་ན་སྔ་དྲོའི་དུས་ལ་ནི། ། གོས་བཟང་གྱོན་ལ་སྐས་ཁ་གཏུབ། ། དགུང་ལ་བལ་ཚོན་སྣ་ལྔ་ཡིས། ། བོང་བུའི་མཆུ་བཅིངས་སྟ་རེ་ནི། ། སྐེར་བཏགས་ཉེས་པ་ཐུབ་པ་ཡིན། ། ཕྱི་དྲོ་ལྕགས་སྟོང་ཁྲག་གིས་ནི། ། ཁ་ཕྲུ་བཏབ་ལ་ཐལ་ལྔ་གདབ། ། 19.བཅུ་དགུ་ས་དབྱེ་སྲི་མནན་པ། ། ལམ་ཞུགས་སྐྲ་འཁྲུ་མཁར་གྱི་ལས། ། ཞི་བ་ཞིང་ལས་བཟང་བ་ཡིན། ། གཤིན་ལས་རབ་གནས་རྒྱལ་སར་བསྐོར། ། ལྷ་ཁང་མཆོད་རྟེན་རྩིག་པ་དང་། ། བག་མ་རྟེན་བཞེང་ཕྱུགས་ཉོ་སྤང་། ། བུ་སྐྱེས་བྱུར་ཡིན་ནད་བཏབ་ན། ། གསུམ་མཚུངས་སྒྲིབ་ན་སྔ་དྲོ་ཡིན། ། ལྒང་ཕུག་ཆུས་བཀང་དགྲ་ཕྱོགས་གདེང་། ། དགུང་ལ་ཤིང་དང་གཤོལ་ལྕགས་དང་། ། ཐལ་གདབ་ཕྱི་དྲོ་མི་གཉིས་ཀྱིས། ། ཆུ་གཏོང་གོས་སྤྲུགས་ཉེས་པ་ཐུབ། ། 20.ཉི་ཤུ་རྒྱས་པའི་ལས་ཀུན་བཟང་། ། སྐྲ་འཁྲུ་རབ་གནས་རྒྱལ་ས་ལམ། ། ལྷ་རྟེན་བཞེང་ངན་གང་སྐྱེས་དབུལ། ། ནད་བཏབ་བཞི་མཚུངས་མི་ཤི་ངན། ། སྒྲིབ་ན་སྔ་དྲོ་ཤིང་ལོ་ཅན། ། རས་མ་ཟོས་པ་ཁྱི་གཉིས་བརྡུངས། ། དགུང་ལ་བནྡེའི་མཐང་ཤམ་གཡུག ། ཀུ་གདབ་ཕྱི་དྲོ་བུད་མེད་ནི། ། གཉིས་ཀྱིས་ཐག་བཟང་དགྲ་ཕྱོགས་གདེང་། ། 21.ཉེར་གཅིག་ཞིང་འདེབས་ལམ་ཞུགས་དང་། ། དབང་ལས་བཟང་ཞིང་ཕྱུགས་ལྔར་འཕེལ། ། རབ་གནས་བྲན་བསྟེན་རྒྱལ་ས་བག ། ལྷ་ཁང་རྟེན་བཞེང་སྐྲ་འཁྲུ་སྤང་། ། སྐྱེས་བཏུད་ཤེས་ཡངས་ནད་བཏབ་ན། ། ལྔ་མཚུངས་ཤི་ངན་སྒྲིབ་ན་ནི། ། སྔ་དྲོ་བོན་གཉིས་བཤང་དགྲོལ་དང་། ། ཐལ་མོ་བརྡབ་དང་དགུང་ལ་ཡང་། ། བུ་གཉིས་ས་ཕུང་བྱས་བའི་སྟེང་། ། ཨ་ཀར་ཐོ་ལེ་བཏབ་པ་དང་། ། ཕྱི་དྲོ་ར་དང་བོང་བུའི་སྐེ། ། བལ་ཚོན་སྣ་ལྔའི་ཐིག་གུས་སྤྲེལ། ། 22.ཉེར་གཉིས་ཡིག་རྩིས་བཟོ་རིག་སློབ། ། ཐབ་བཅའ་སྐྲ་འཁྲུ་རྫིང་ཡུར་ཁྲོན། ། ཞིང་འདེབས་གཏད་སྲི་དྲག་ལས་བཟང་། ། ཕྱུགས་ནི་ལྔར་འཕེལ་ཁང་གསར་འཛིན། ། རབ་གནས་རྒྱལ་ས་ལྷ་རྟེན་བཞེང་། ། མདུན་བག་དུར་འདེབས་ལམ་བྲན་བསྟེན། ། མཁར་ལས་ནོར་ཉོ་རྐང་འགྲོས་འདུལ། ། ཤ་རགས་སྦྱིན་སྲེག་ངན་པས་སྤང་། ། བུ་སྐྱེས་བཟང་ཞིང་བུ་མོ་ངན། ། ནད་བཏབ་དུག་མཚུངས་སྒྲིབ་ན་ནི། ། སྔ་དྲོ་གླང་མའི་རྩེལ་པོ་ལ། ། ཚེར་མའི་ལྕག་བྲབ་དགུང་ཡིན་ན། ། འུག་པ་ཕོ་རོག་མཆུ་འཁྱིག་བྱ། ། མ་རྙེད་མགོ་བོ་སྤྲད་པ་དང་། ། ཕྱི་དྲོ་ཉ་དང་སུམ་ཐོད་པར། ། དགྲ་མིང་བཅུག་ལ་བཙོན་དུ་བྱ། ། 23.ཉེར་གསུམ་མཁར་ལས་ཐབ་འཆའ་ལམ། ། རབ་བྱུང་སྐྲ་འཁྲུ་ས་བོན་གདབ། ། སྦྱིན་སྲེག་ཆུ་རགས་ཞི་ལས་བཟང་། ། རྫིང་ཡུར་ཁྲོན་འདྲུ་ཕྱུགས་ཉོ་དང་། ། བྲན་ནོར་རབ་གནས་རྒྱལ་ས་དང་། ། གང་སྐྱེས་འཆིའམ་ངན་པ་ཡིན། ། ནད་བཏབ་བདུན་མཚུངས་མི་ཤི་བཟང་། ། སྒྲིབ་ན་སྔ་དྲོ་གླང་སེར་ལ། ། ཐག་པ་སེར་པོས་རྐང་ལག་བཅིངས། ། དགུང་ལ་ཆུ་གཟུགས་ཤིང་ཕྱེ་གཏོར། ། ཕྱི་དྲོ་དྲིལ་དཀྲོལ་ཡུངས་ཀར་གཏོར། ། 24.ཉེར་བཞི་བྲན་བསྟེན་ནོར་ཕྱུགས་ཉོ། ། ལམ་ཞུགས་ས་བོན་རྒྱས་ལས་བཟང་། ། རྒྱལ་ས་ རབ་གནས་སྐྲ་འཁྲུ་ སྤང་། ། བུ་སྐྱེས་མ་ལ་ངན་པ་ཡིན། ། བུ་མོ་སྐྱེས་བསྟུད་ནད་བཏབ་ཚེ། ། བརྒྱད་མཚུངས་སྒྲིབ་ན་སྔ་དྲོ་ཡིན། ། ཤིང་སྣར་མེ་སྤར་དགུང་ལ་ནི། ། ལུག་ལྤགས་འཕྱར་ཞིང་བུད་མེད་གཉིས། ། གདུང་འདྲུད་བྱ་ལ་ཕྱི་དྲོ་ཡང་། ། ར་ཕོར་སླེའུ་བཀབ་ཚེར་མས་བརྡུང་། ། 25.ཉེར་ལྔ་མཁར་ལས་ཞིང་ཉོ་ལམ། ། ས་ཁ་སྲི་མནན་གཤིན་ལས་དང་། ། ས་བོན་དྲུག་ལས་དམག་འདྲེན་པ། ། ཤར་མིན་ཀུན་བཟང་སྐྲ་འཁྲུ་དང་། ། རབ་གནས་རྒྱལ་ས་བྲན་བསྟེན་ངན། ། ཕྱུགས་ཉོས་སྒྲུབ་འཕེལ་བུ་སྐྱེས་ཕྱུག ། བུ་མོ་འཆིའམ་དབེན་ནད་བཏབ། ། གཅིག་མཚུངས་སྒྲིབ་ན་སྔ་དྲོ་ནི། ། ཕུག་རོན་སྐྱུང་མགོ་གཉིས་སྤྲད་ལ། ། དགྲ་ཡི་ཕྱོགས་གདེངས་དགུང་ལ་ནི། ། རྟ་ཡི་མགོ་ལ་མེ་ལོང་བརྟགས། ། བཅགས་ལ་ཕྱི་དྲོ་བུད་མེད་གཉིས། ། མེ་ཁྱེར་ཐོ་ལེས་བཏབ་པར་བྱ། ། 26.ཉེར་དྲུག་སྐྲ་འཁྲུ་ས་བོན་གདབ། ། ས་ཁ་དབྱེ་དང་དྲག་ལས་བཟང་། ། བྲན་བསྟེན་ལམ་ཞུགས་ནོར་ཕྱུགས་ཉོ། ། རྒྱལ་ས་རབ་གནས་མཁར་ལས་སྤང་། ། ཕོ་མོ་སྐྱེས་བསྡུད་ཤི་བ་ངན། ། ནད་བཏབ་གཉིས་མཚུངས་སྒྲིབ་ན་ནི། ། སྔ་དྲོ་བུད་མེད་གཉིས་ཀྱིས་ཡང་། ། དབྱུག་པ་བཟུང་ལ་སླེ་བརྡུང་དང་། ། དགུང་ལ་བརྗེ་གཉིས་ཀྱིས་ཀྱང་། ། ཐལ་བ་གཏོང་ཞིང་ཁ་བལྟ་བྱ། ། ཕྱི་དྲོ་བུད་མེད་ནག་མོ་གཉིས། ། སྦུད་པ་འཕྱར་ཞིང་སོལ་ཕྱེ་གཏོར། ། 27.ཉེར་བདུན་ལམ་ཞུགས་སྐྲ་འཁྲུ་གཤིན། ། ས་བོན་འདེབས་དང་ཐབ་ཁ་འཆའ། ། རྫིང་ཁྲོན་འདྲུ་སོགས་རྒྱས་ལས་བཟང་། ། རྒྱལ་ས་རབ་གནས་བྲན་ནོར་ཉོ། ། རྟེན་བཞེང་ལྷ་ཁང་ཤུ་རགས་བག ། སྦྱིན་སྲེག་ངན་ཅིང་ཕྱུགས་ཉོ་འབྲིང་། ། བུ་སྐྱེས་རིག་རྣོ་བུ་མོ་ངན། ། ཁྱོ་ཡི་ཕྱི་ལ་འབྲང་བའོ། ། ནད་བཏབ་གསུམ་མཚུངས་མི་ཤི་བཟང་། ། སྒྲིབ་ན་སྔ་དྲོ་སྦྲུམ་མ་གཉིས། ། ཐགས་ནག་འཕྱར་ཁ་དགུང་ཡིན་ན། མཆོད་རྟེན་འོ་མའི་ཁ་ཕྲུ་བཏབ། ། ཕྱི་དྲོ་གྲོད་པ་སོལ་ཕྱེས་བརྒྱངས། ། མིག་བྲིས་འཕྱར་བས་ཉེས་པ་ཐུབ། ། 28.ཉེར་བརྒྱད་སྦྱིན་སྲེག་ཆུ་རགས་རྒྱག ། དབང་ལས་བཟང་ཞིང་སྐྲ་འཁྲུ་ལམ། ། གཤིན་ལས་བྲན་བསྟེན་རྫིང་ཡུར་བག ། རྒྱལ་ས་རབ་གནས་ས་བོན་ནོར། ། ཕྱུགས་ཉོ་དམག་འདྲེན་ལྷོ་ནུབ་སྤང་། ། གང་སྐྱེས་གསོ་དཀའ་ནད་ཀྱིས་བཏབ། ། བཞི་མཚུངས་ཤི་ངན་སྒྲིབ་པ་ན། ། སྔ་དྲོ་ཤིང་གཅིག་ལམ་གྱི་མདོར། ། མགོ་བོ་རེ་བས་ཕུར་ལ་བཞག ། དགྲ་ཡིན་བྱ་ཞིང་དགུང་ལ་ནི། ། ལུག་ལྤགས་འཕྱར་དང་ཡུགས་ས་མོས། དུལ་མོ་གདུལ་ལ་ཕྱི་དྲོ་ནི། ལྷ་སྐུ་གདུང་རྟེན་འཕྱར་བས་ཐུབ། ། 29.ཉེར་དགུ་གོམ་སྤོར་དགྲ་འདུལ་ལམ། ། ཐོག་སེར་སྲི་མནན་དྲག་ལས་བཟང་། ། ས་བོན་བྲན་བསྟེན་རྐང་འགྲོས་འདུལ། ། ཆང་བཙོ་སྐྲ་འཁྲུ་རབ་གནས་གཤིན། ། རྒྱལ་ས་གཏར་སྲེག་ལྷ་རྟེན་བཞེང་། ། ཕྱུགས་ཉོ་སྤང་ཞིང་གང་སྐྱེས་བྱུར། ། ནད་བཏབ་ལྔ་མཚུངས་སྒྲིབ་པ་ན། ། སྔ་དྲོ་མི་གཉིས་སུ་གདབ་ལ། ། ཆུ་ནི་གཏོར་བས་ཉེས་པ་ཞི། ། དགུང་ལ་བུད་མེད་གཉིས་ཐུ་བས། ། གཡབ་ལ་ཕྱི་དྲོ་ཤིང་ལོ་ལ། དགྲ་མིང་བྲིས་ལ་བསྲེགས་པས་ཐུབ། 30.གནམ་གང་དབང་ལས་ས་བོན་བཟང་། ། རབ་གནས་རྒྱལ་ས་སྐྲ་འཁྲུ་ལམ། ། གཏར་སྲེག་གཤིན་བག་བྲན་ནོར་ཉོ། ། ཕྱུགས་ཉོ་སྤང་ཞིང་གང་སྐྱེས་དབུལ། ། ནད་བཏབ་དྲུག་མཚུངས་སྒྲིབ་པ་ན། ། སྔ་དྲོ་ལྷ་ལྔར་མཆོད་པ་འབུལ། ། གུང་ལ་བྱིས་པར་ཡོས་སྟོན་བཏང་། ། ཕྱི་དྲོ་ལྷ་ལ་ཕྱག་འབྲུ་དང་། གཏོར་བཏང་ལྷ་བརྟེན་ཉེས་པ་ཞི། ། ཞེས་སོ། །
Tibetan Source	《དཔྱད་གསུམ་འབྲས་རྩིས་རཏྣའི་བང་མཛོད་》ཤ་9ན་2ལས་བཏུས། །
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number