11082

Tibetan	བོད་ཡིག་གསལ་བྱེད་སུམ་ཅུའི་ཐིག་ཚད་སུམ་ཅུ།
Tibetan Alternate
Tibetan Definition	1.ཀ་ནི། མགོ་རིང་དེའི་ཕྱེད་ཚད་མཆེ་བ་གཉིས། བར་མ་བར་གཉིས་མཉམ་ཞིང་ཚག་གང་རིང་བ། རྐང་པ་མགོའི་ཕྱེད་གཉིས་སོ། ། ཞེས་ཞིབ་ཏུ་ཞེང་ལ་སྨྱུག་ཁམ་བརྒྱད་ཀྱི་མགོར་སྟོད་ནས་ཆ་གཅིག་དོར། ཆ་བདུན་མཆེ་བའི་ཡས་སུ་དཀར་ཆ་གཉིས། མས་སུ་གཅིག་མཆེ་བའི་རྩ་བའི་སྣག་ཆ་དང་བཞི། རྐང་པའི་དཀར་ཆ་གཉིས། དབུས་ལག་གི་སྣག་ཆ་དང་གསུམ། རྐང་ཆ་དང་བཞི། དེ་བརྒྱད་དཔངས་སུ་ཆ་བཅུ་གཉིས། མཆེ་བའི་སྣེའི་གོང་དཀར་ཆ་གསུམ། མགོ་ནག་ཆ་དང་བཞི། འོག་དཀར་གཉིས་ཀྱི་ཐད་དབུས་ལག་གི་རྩེ་དེ་འོག་ཆ་དྲུག་པར་རྐང་པའི་མཐའ་ཚད་དོ། ། 2.ཁ་ནི། ལེབ་འཇོག་ཀ་དང་འདྲ་བ་ལས་ལག་པ་ཀ་རྐང་སུམ་གཉིས་སྙེག་དཔུང་པ་དཀྱིལ་ཆུང་བ་ལ་ཁོག་པའི་ཟག་མཆུ་མིག་དང་མཉམ་པ། ཞེས་ཞིབ་པར་དཔངས་ཆ་བརྒྱད། ཞེང་ཆ་ཕྱེད་བརྒྱད། མགོ་ཆ་ཕྱེད་བརྒྱད། རྐང་པའི་དཀར་ཆ་སྟོད་གསུམ་སྨད་གཉིས་དཔུང་ཆར་གཅིག་སོག་པའི་སྟོད་ཀྱི་དཀར་ཆ་ཕྱེད་གསུམ། སྨད་ཕྱེད་བཞི་ཡར་འཕུལ་ཆ་གཅིག དཔངས་སུ་མཉེན་གྱི་གོང་དཀར་གསུམ་མགོ་ཆ་དང་བཞི། མཉེན་གྱི་སྣག་ཆ་གཅིག མཉེན་གྱི་འོག་ཟག་མཆུའི་སྣ་བར་དཀར་ཆ་གཉིས་རྐང་པ་ལ་གཅིག་གོ། 3.ག་ནི། དུམ་བུ་བདུན་པ་ཞེས་གོང་མ་གཉིས་དང་ཆིས་ཟུར་མཉམ་ཞིང་དཀྱིལ་དུ་བསྐྱལ། ཞེས་ཞིབ་པར་ཞེང་བརྒྱད་དཔངས་སུ་བཅུ་གཉིས་ཡོད་པ་ལས་མགོ་ཆ་བདུན། སོག་པའི་སྟོད་ཀྱི་དཀར་ཆ་ཕྱེད་གཉིས། སྨད་ཕྱེད་བཞི་ལྷག་ཙམ། དཔུང་པའི་རྩ་བའི་སྣག་ཆོ་གཅིག་སྟོད་ཀྱི་དཀར་ཆ་གཉིས། དབུས་ལག་རྩ་བ་ཆ་གཅིག་རྐང་པའི་བར་དཀར་ཚ་གཉིས། རྐང་པའི་སྣག་ཆ་གཅིག་དཔངས་མཉེན་གྱི་གོང་དཀར་གསུམ་མགོ་ཆ་དང་བཞི། འོག་ཟག་མཆུ་སྣའི་བར་དཀར་གཅིག་མཉེན་ཆ་གཅིག་རྐང་པའི་མས་ཚ་དྲུག་གོ། 4.ང་ནི། མགོ་གོང་བས་ཚེག་དོས་ཐུང་བ། གསུམ་པོ་མཉམ་ཞིང་རྐེད་པ་དྲང་བ། མགོ་རྒྱས་དཔུང་ཐུང་ཐོན་པ་བྱ། ཟགས་མཆུའི་སྣར་ཚག་ཟུར་བསྟན་པ། ཞེས་ཞིབ་པར་ཞེང་དྲུག་དཔངས་བརྒྱད་ཡོད་པའི་མགོ་ཞེང་ལྔ་མས་སུ་དཀར་ཁ་གང་། སྟོད་ཀྱི་ཆ་གཉིས་ནས་རྐེད་པ་འདོན། སྦོའི་མཉེན་གྱི་གདས་དཀར་གསུམ་མགོ་དང་བཞི། འོག་དཀར་གསུམ་སྦོའི་སྣག་ཆ་དང་བཞི། སྦོ་ཞེང་གསུམ་ནས་བགས་ཀྱིས་གཞོལ་བའི་ཟག་མཆུ་འདོན་ནོ། ། 5.ཅ་ནི། དུམ་བུ་བདུན་པ་ཆ་གསུམ་དྲང་ལ་ཆ་གཉིས་སྐུར་བ། ཕྱི་རུ་བརྒྱངས་ལ་ནང་དུ་བསད་(ཟད)། ཐིག་བཞི་ཟུར་གསུམ་ཟླ་ཚེས་ཚང་། ཞེས་ཀྱང་ཞིབ་པར་ཞེང་བདུན་དཔངས་ཕྱེད་དང་བརྒྱད་ཡོད་པ་ལས། ཞེང་མགོར་ཕྱེད་ལྔ་ཡས་དཀར་གཅིག མས་དཀར་ཕྱེད་གཉིས་དང་། མཆུ་གོང་དཀར་ཆ་གསུམ་མགོ་ཆ་དང་བཞི། འོག་དཀར་ཕྱེད་གསུམ་འབྱུང་པའི་ཆ་དང་ཕྱེད་བཞི། མགོའི་ཆ་ཕྱེད་བཞིའི་ཐོག་ནས་སྐེ་གཏོད། མཆུ་གོང་དཀར་ཆ་གསུམ་གྱི་དཀྱིལ་དཔངས་བཞི་ཞེང་ལྔའོ། ། 6.ཆ་ནི། གྲུ་བཞི་ཟླུམ་པོ་ཐིག་བརྒྱུད་བསྣོལ་བའི་ལིང་ཚེ་བཞི་པ། མགོ་འོག་དཀར་གཉིས་མིག་དང་མཉམ། མགོ་ཟུར་དཔུང་ཐིག་མིག་དཀར་མཉམ། ། ཞེས་ཞིབ་པར་ཞེང་བརྒྱད་དཔངས་ཕྱེད་བརྒྱད་དེ། མགོ་ཞེང་ལྔ་གཡས་གཡོན་དཀར་ཆ་ཕྱེད་གཉིས་མིག་གཉིས་ལ་དཀར་ཕྱེད་བཞི་དམན་ཙམ་རེ། གང་ཆགས་ཀྱི་ཆ་ཞེང་དྲུག་མིག་གོང་དཀར་ཆ་གཉིས་མགོ་དང་གསུམ། མིག་དཔངས་དཀར་ཆ་ཕྱེད་གསུམ། གོང་ཆགས་སྣག་ཆ་གཅིག འོག་འཛུམ་སྨད་ཆ་ཕྱེད་གཉིས་སོ། ། 7.ཇ་ནི། རྐེད་པ་རིང་ཐུང་ཆ་དང་མཉམ། རྐེད་ཟུར་དང་མགོ་ཟུར་མཉམ། དཔུང་ཐུང་ཐོན་ཞིང་རྐེད་ལྟེམ་དྲང་། ནག་གསུམ་མཉམ། ནང་དཀར་གཉིས་མཉོམ། ཞེས་ཞིབ་པར་ཞེང་དྲུག་དཔངས་བརྒྱད་དེ་མགོ་ཞིང་ལྔ། མས་དཀར་གཅིག སྦོ་ཞེང་ལྔ། ཡས་དཀར་གཅིག ལེ་གུའམ་ལག་ཞེང་བཞི་ཡས་མས་སུ་དཀར་རེ་དང་། མགོ་ནས་ཆ་གཉིས་པའི་དཀྱིལ་ནས་དང་པོའི་མས་ཟུར་བར་དཔུང་ཐུང་ལ་འདོན། ལེ་གུའི་གོང་དཀར་གཉིས། མགོ་ཆ་དང་གསུམ། ལེ་གུ་དང་བཞི། སྦོའི་གོང་དཀར་གཉིས། སྦོ་ཆ་དང་གསུམ། འོག་དཀར་གཅིག དཀྱིལ་ཚད་ཚུན་སྦོའི་དྲང་འཐེན་དང་དེ་ནས་ཇེ་གཞོན་ཟག་མཆུ་ཡིན་ནོ། ། 8.ཉ་ནི། མགོ་འབྲིང་ཟླུམ་པོ། ཁ་གང་བླངས་ལ་ཆ་གཅིག་དགྱེལ་བ། དཔུང་དབུས་ལག་དྲང་ཞིང་དཀར་གཉིས་མཉམ་པ། གཞུང་ཐིག་ཚང་ཞིང་ཕྱི་སྒྲོས་མཉམ་ཞེས་ཞིབ་པར་ཞེང་བརྒྱུད་དཔངས་བཅུ་གཉིས། མགོ་ཕྱེད་བཞི་སྟོད་དཀར་ཕྱེད་གསུམ། མས་དཀར་གཉིས། ཉ་མགོའི་སྟོད་ཞེང་ཕྱེད་བཞི། དེ་འོག་བཞི་ལྷག་ཙམ་ཁ་ཞེང་གཉིས་ཕུབས་སྟོད་དཀར་ཆ་ཕྱེད་གསུམ། དེའི་འོག་གསུམ་ལྷག་ཙམ། དེ་འོག་བདུན། དེ་འོག་ཕྱེད་བདུན། དེ་འོག་དྲུག་ཕྱེད་དྲུག་ལྔ་ཕྱེད་ལྔ་རྣམས་ཡས་དཀར་དང་མས་ཤུགས་རྟོགས། དཔངས་སུ་སྟོད་ཕུགས་སྨད་ཕུགས་ཀྱི་མཚམས་ཉག་ཀེ་ཡན་ལ་གསུམ་དབུས་ལག་གི་སྣ་མན་ལ་གསུམ། དཀྱིལ་ཚད་སྟོད་ཕུགས་སྣག་གིས་སྨད་ཕུགས་དཀར་ནོན། ། 9.ཏ་ནི། དཔུང་ཐུང་ཐོན་ཞིང་རྐེད་ལྟེམ་དྲང་། རིང་ཐུང་ཟགས་མཆུའི་དཀར་དང་མཉམ་པ། ཕྱི་སྒྲོས་གཞུང་ཐིག་ཁོག་འདྲེན་ཟླུམ་པ། དཔུང་གང་ཕུབ་ཀྱི་སྣག་ལམ་དཀྱིལ་ལོ། ། ཞེས་ཀྱང་ཞེང་དྲུག་དཔངས་བཅུ་གཉིས་མགོ་ལྔ་མས་དཀར་གཅིག་མགོ་ནས་གཉིས་པའི་དཀྱིལ་དཔུང་ཆུང་ཐིག་སྟེང་འདོན། གཞུང་ཤིང་སྟོད་དུ་དཀར་ཕྱེད་ལྷག མས་ཕྱེད་ལྔ་ལྷག་སྨད་ཕུབས་སྟོད་དཀར་གསུམ་ལྷག་ཙམ་དེ་ནས་བཞི། ལས་ཐ་ཐིག་དང་བསྟུན་ཏེ་འོག་དེ་ནས་ཕྱེད་ལྔ་ཕྱེད་བཞི་གསུམ་ཕྱེད་གསུམ་ཕྱེད་གཉིས་དང་སྨད་ཕུབས་ཀྱི་རྩེ་གཞུང་ཤིང་ལ་ལྔ། མགོ་དང་དྲུག་གཞུང་ཤིང་མན་ལ་དྲུག་གོ ། 10.ཐ་ནི། ཆ་བཞི་ཟུར་བཞི་མ་འཛོལ་གཡས་ཕྱོགས་དྲང་། ཐ་སྟོད་ཟུར་གསུམ་གྲུ་བཞི་སྟེ། གཞུང་ཐིག་རྐེད་ཐེམ་ཉ་མོ་འཁྱུར། ཞེས་ཞིབ་པར་ཞེང་དྲུག་དཔངས་བརྒྱད་དེ། མགོ་ཞེང་ལྔ། ཐ་སྟོད་དཀར་བཞི། དེ་འོག་བཞི་ལྷག དེ་འོག་གསུམ། སྨད་ཁྱུག་ཆ་ཕྱེད་ལྔ། སྟོད་ཕྱེད་བཞི། ཆིས་འོག་དཀར་གཉིས། འོག་མཉེན་ཕྱེད་བཞིའི་བར་དྲང་ཐད་དང་དེ་ནས་ཆ་གཅིག་གཞོལ་སྟབས་ཟགས་མཆུ། མཉེན་ནག་ལ་ཆ་གཅིག་ཐགས་མཆུའི་སྣེས་ཟིན་པའི་དཀར་དཀྱིལ་ཚད་དོ། ། 11.ད་ནི། དཔུང་པ་དཀྱིལ་ནས་སུམ་ཆར་ཕྱུང་། རིང་ཐུང་མགོ་དང་མཉམ་པ། མགོ་ཕྱེད་སྦོའི་དྲང་འཐེན། ལག་པ་སུམ་གཉིས་མགོ་ཟུར་མནན་པ་ཞེས་ཞིབ་པར་ཞེང་དྲུག་དཔངས་བཅུ་གཉིས། མགོ་ཞེང་ཕྱེད་ལྔ་ཕྱི་དཀར་ཆ་ཕྱེད། ཡས་སུ་དཀར་ཆ་གཅིག དཔངས་སྦོ་གོང་དཀར་ཆ་གསུམ། མགོ་སྣག་དང་བཞི། སྒོ་འོག་དཀར་ཆ་བདུན། སྦོ་སྣག་དང་བརྒྱད། སྟོད་ནས་ཕྱེད་གསུམ་སྐེ་མཚམས། དེ་ནས་ཕྱེད་ན་དཀྱིལ་ཚད་དཀྱིལ་ཐད་ཚུན་སྦོ་སྣག་དྲང་པོ། སྦོ་ལྡིར་ནས་སྨྱུག་ཁམ་ཕྲ་བ་བཅས་ཟགས་མཆུའོ། ། 12.ན་ནི། མགོ་དཀྱིལ་རྐེད་པ་དྲང་བ། རྐེད་པ་ཕྱེད་ཚད་མིག་ཏུ་སྒྲིལ་བ། མགོ་ཟུར་མིག་གིས་ནང་དཀར་ནོན། ལག་པ་ད་དང་འདྲ་ཞེས་ཞིབ་པར་ཞེང་དྲུག་དཔངས་བཅུ་གཉིས། མགོ་བཞི་ཡས་མས་དཀར་ཆ་རེ། སྟོད་དུ་གཡས་དཀར་ཕྱེད་གསུམ་ལྷག་ཙམ། དེ་ལྟར་གཡོན་དཀར། རྐང་ཆ་ཕྱེད་བཞི་པ་དྲང་པོ་དང་། དེ་ནས་སྐེ་ཚད་ཕྱེད། གཡོན་ཕྱོགས་ཀྱི་སྒོར་མོར་འཐེན་པའི་མིག་གི་གོང་། དཔངས་གོང་དཀར་གཉིས། མགོ་དང་གསུམ། མིག་གོང་སྣག་ཆ་དང་བཞི། མིག་གི་དཀར་ཆ་ཕྱེད་གསུམ་འོག་གི་ནག་ཆ་ཕྱེད། དེ་མན་དཀར་ཆ་ཕྱེད་ལྔ་ཙམ་རྐེད་ཚད་ནས་ཆུ་བབས་ཀྱི་ཟགས་མཆུ་བཏོན་པའི་ཡས་ཐིག་རྣམས་དེས་རྟོགས་སོ། ། 13.པ་ནི། མགོ་ཐུང་དཔུང་ཅན། དཀྱིལ་འཛིན་མགོ་ཟུར་དཔུང་ཟུར་མཉམ། སྦོ་ཐག་ཐུང་ཞིང་ཆུ་བབས་དྲང་། དཔུང་པའི་ཟུར་དང་དཀར་རྩེ་མཉམ། ཞེས་པ་ཞེང་ཕྱེད་བདུན་དཔངས་བརྒྱད། མགོ་ཞེང་བཞི། སྔ་ཕྱིར་དཀར་ཆོ་གཅིག་རེ། ཡས་འཕུལ་ཆ་གཅིག་སྟོད་ནས་ཆ་གསུམ་པའི་དཀྱིལ་ནས་ཡས། ཕྱེད་བར་སྦོའི་དཔུང་པ་སྦོ་གོང་དཀར་ཆ་གསུམ་མགོ་དང་བཞི། སྦོ་འོག་དཀར་ཆ་གསུམ། སྦོ་ནག་དང་བཞི། སྦོའི་ཡས་ནས་ཆ་གསུམ་མཐར་དཀྱིལ་ཚད་དང་དཀྱིལ་བར་སྦོ་ནག་དྲང་པོ་དེ་ནས་ཇེ་ཕྲ་ཟགས་མཆུའོ། ། 14.ཕ་ནི། མགོ་ཐུང་དཔུང་ཅན། རྐེད་པ་དྲང་ཞིང་ནང་ནས་ཟད། སྦོ་མགོའི་སུམ་གཉིས་དྲང་བ། འཕྲེད་ཆོད་མགོའི་འོག་སྒྲོས་བཟུང་བ་ནི། དཔུང་པ་དཀྱིལ་ནས་སུམ་ཆར་ཕྱུང་། ཕྱི་ཟུར་བརྟུལ་ལ་རྐེ་དགུ་རྣོ། ཟུར་གསུམ་ཐོན་ལ་ཧ་གཉིས་རྒྱང་། ཡར་འཕུལ་དྲང་ཞིང་ཕྱི་སྒྲོས་རྒྱས་པ་ཞེས་ཞིབ་པར་ཞེང་བདུན་དཔངས་བརྒྱུད་དེ་མགོར་བཞི། ཁ་དཀར་གཉིས། ཡར་འཕུལ་དང་གསུམ། སྦོ་ཞེང་དཀར་ཆ་གསུམ། མགོ་ནག་དང་བཞི། སྒོ་འོག་དཀར་ཆ་གསུམ། སྦོ་ནག་དང་བཞི། ཕྱི་དཀར་རམ་འཕྲེད་ལག་ཡར་འཕུལ་སྟོད་དུ་ཆ་གཉིས་བཞག འོག་ནས་སྦོའི་ཕྱེད་སར་འཐེན། དཀྱིལ་ཐིག་ཚུན་ཆད་སྦོ་སྣག་དྲང་པོ། དེ་ནས་མགོ་ཇེ་ཕྲ་ཟགས་མཆུ་ཅན་ནོ། ། 15.བ་ནི། མགོ་འབྲིང་། མཁར་གྱི་འོག་འདྲ་བད་ཆུང་དག་དང་ལྡན། སྦོ་ཐུ་ཆུ་བབས་དྲང་བ་ལ། སྟེམ་ནི་བག་ག་ཞོན་ཡར་འཕུལ་དྲང་ལ་རྒྱས་པ་སྟེ་ཞེས། ཞིབ་པར་ཞེང་བདུན་དཔངས་བརྒྱད་དེ་མགོ་ཕྱེད་བདུན། ཡས་ཟུར་དཀར་ཕྱེད། ཡས་གསུམ་དཀྱིལ་ནས་དཔུང་མགོ་དང་དཔུང་ཐུར་ཡས་སུ་ཕྱེད་དཀར་བཞག སྦོ་གོང་དཀར་གསུམ་མགོ་དང་བཞི། སྒོ་འོག་དཀར་གསུམ་སྦོ་ནག་དང་བཞི། སྦོ་དཀྱིལ་ཚུན་དྲུང་པོ་དང་དེ་ནས་ཇེ་ཕྲ་ཟགས་མཆུའོ། ། 16.མ་ནི། མགོ་ཐུང་མིག་ཟླུམ་ཅན་། རྐེད་པ་ཕྱེད་ཚད་མིག་ཏུ་དྲིལ་བ། ཟགས་མཆུའི་སྣར་ཚག་ཟུར་བསྟད་དཔུང་ཁ། མིག་གི་བསྣོལ་མཚམས་ཡོད་པ་ཞེས་པའི་ཞེང་བདུན་དཔངས་བརྒྱུད། མགོ་བཞི་ཡས་དཀར་གཅིག བར་དཀར་གཅིག་ཡར་འཕུལ་ཆ་གཅིག་རྐང་ཕྱེད་བཞི་བར་དྲང་པོ་དང་དེ་ནས་སྐེ་ཚད་ཕྱེད་གཡས་ཕྱོགས་ལ་འཁྱོགས་ནས་སྒོར་མོར་མིག་བཏོན་པའི་གོང་དཀར་གཉིས། མགོ་ཆ་དང་གསུམ། མིག་གོང་སྣག་དང་བཞི། མིག་གི་ནང་དཀར། དཔངས་ཞེང་གཉིས་ཀར་གསུམ། འོག་སྣག་ཕྱེད་དམན་ཙམ། འོག་དཀར་གཅིག་རྐང་པའི་འཛོམས་སར་དཀྱིལ། ཟགས་མཆུའི་སྟོད་སྦོམ་སྨད་ཕྲ་བའོ། ། 17-19.ཙ་ཚ་ཛ་ནི། གསུམ་རགས་ཞིབ་ཐམས་ཅད་ཅ་ཆ་ཇ་གསུམ་ལ་ཕོད་བཏགས་པའོ། ། 20.ཝ་ནི། བར་མགོ་བཏགས་པའི་ཁྱད་པར་ཙམ་ཞིབ་པར་ཞེང་བདུན་དཔངས་བཅུ་ལས་ཕུབས་ཀྱི་མགོ་ཞེང་གསུམ། སྣག་ལ་གཉིས་ཏེ་ལྔ། མགོ་གོང་དཀར་ཆ་གསུམ་མགོ་ནག་དང་བཞི། སྤྲོ་གོང་དཀར་ཆོ་གཉིས་མགོ་ཆ་དང་གསུམ། སྦོ་འོག་དཀར་ཆ་གཉིས་སྦོ་ཆ་དང་གསུམ། བ་མགོ་ཞེང་ལྔ། གོང་ནས་བཞི་ཡིས་དཀྱིལ་ཐད་ནས་དཔུང་མགོ་དེ་སྟེང་མགོ་ཕུབས་ཀྱི་སྣག་སྣེ་བ་ཡི་དཀྱིལ་བར་སྤོ་སྣག་དྲང་པོ་དང་དེ་ནས་ཇེ་ཕྲ་ཟགས་མཆུའོ། ། 21.ཞ་ནི། ཕུབས་དང་སྣག་མཆུ་མཉམ་པ་སྟེ། སྟོད་ཕུབས་ནང་དཀར་ན་དང་མཉམ། སྐེད་པའི་དྲང་འཐེན་ཚག་གང་སྟེ། རྐེད་པ་ཕྱེད་ཚད་མིག་ཏུ་དྲིལ་ཞེས་ཞིབ་པར་ཞེང་བརྒྱད་དཔངས་བཅུ་གཉིས། ཁུགས་ཀྱི་མགོ་ཞེང་བཞི་དཀར་ཕྱེད་ལྔ། ཕུགས་ལག་དཀར་ཕྱེད་དོ། ། སྣག་ཕྱེད་མིག་དཀར་ཞེང་ཕྱེད་བཞི། སྣག་ཕྱེད་རེ། དཔངས་ཕུགས་སྟོད་དཀར་ཆ་ཕྱེད་གཉིས། མིག་སྣག་ཕྱེད། ཕུགས་མགོའི་ནག་ཆ་གཅིག་མིག་དཀར་གསུམ། མས་ནག་ཚ་ཕྱེད། འོག་དཀར་ཕྱེད་དྲུག མགོའི་གཡས་དཀར་ཕྱེད་དོ། ། གཡོན་དཀར་ཕྱེད་གསུམ། ཕུབས་ལག་གི་སྣེ་ཆ་བདུན། དེ་མན་དཀར་ཆ་ལྔ། ཟགས་མཆུ་དང་ཞེང་སོགས་དཀྱུས་ལྟར་རོ། ། 22.ཟ་ནི། ནག་གསུམ་དཀར་གཉིས་མཉམ་ལ་རྐེད་པ་དྲང་ཞིང་མཐར་རྒྱས། ནག་སྣ་སྦོམ་ཕྲ་རིམ་གྱིས་གཞོལ་བ། འཕྲེད་འདྲེན་འོག་མ་སྦོ་དང་འདྲ་ཞེས་ཞིབ་པར་ཞེང་དྲུག་དཔངས་བརྒྱུད། མགོ་ཞེང་ཕྱེད་དྲུག་ལེ་གུའམ་དཀྱིལ་ལག་གི་གོང་དཀར་གཉིས། མགོ་ཆ་དང་གསུམ། ལེ་ཆ་དང་བཞི། སྒོ་གོང་དཀར་ཆ་གཉིས། སྦོ་ཆ་དང་གསུམ། སྦོའི་འོག་ཆ་དང་བཞི། ལེ་གུའི་འོག་དཀར་ནག་མཚམས་ན་དཀྱིལ་ཚད། དཀྱིལ་ཐད་མཉེན་འདོན་ནོ། ། 23.འ་ནི། སྟོད་ཕུབས་སྒབ་མེད་ཐིག་ཁར་ཟླུམ། མགོ་བོའི་ཟུར་གསེགས་ཁ་ཕྱེད་ཡན་ཕུབས་ཀྱི་ཕྱེད་ཚད་བ་ཡི་ལེ་གུའི་ཟུར་དང་ཚག་ཟུར་མཉམ་ཞེས་ཞིབ་པར་ཞེང་བདུན་དཔངས་བརྒྱད། ཕུབས་ཀྱི་དཀར་ཆ་བཞི། ནག་ཆ་གཉིས། ཡས་མས་སུ་དཀར་ཕྱེད་གཉིས། ཕུབས་མགོ་བཞི་ལེ་གུའི་གོང་དཀར་གསུམ། ཕུབས་མགོ་དང་བཞི། ལེ་གུའི་འོག་དཀར་གསུམ། ལེ་གུའི་ཆ་དང་བཞི། ལེ་གུའི་ཆ་དོ་དྲང་པོ་དང་། དེ་ནས་ཇེ་ཞོལ་གྱི་ཟགས་མཆུའོ། ། 24.ཡ་ནི། ཕུབས་ཅན་མགོ་ཐུང་གསུམ་པོ་མཉམ་ཞིང་དབུས་ལག་དྲང་། ཕུབ་ཀྱི་དཀར་དང་དབུས་དཀར་མཉམ། ལེབ་འཇོག་ལ་དང་འདྲ་བ་ཡིན་ཞེས་ཞིབ་པར་ཞེང་བརྒྱུད་དཔངས་བརྒྱུད། དཀར་ཆ་གཡས་གཡོན་ཕྱེད་གསུམ་རེ། སྣག་གསུམ་སྟེ་བརྒྱད། སྒོ་ངའི་དཀར་ཆོ་དཔངས་བཞི། སྒོང་སྣག་དང་ལྔ། མས་ལ་དཀར་གསུམ། ཡས་ནས་ཕྱེད་གསུམ་ན་ཟགས་མཆུའི་དཔངས་རྐང་དང་བསྟུན་ཏེ་གསུམ་བཞི་ལྔ་རིམ་པས་སོ། ། 25.ར་ནི། དུམ་བུ་བཞི་པ་མཉམ་ཞིང་རྐེད་པ་དྲང་། སུམ་ཆ་ནས་བཟུང་དཀྱིལ་དུ་ཕྱུང་ནས་དྲང་པོར་བཏབ་ལ་སྔ་ཟུར་འཐེན་ཞེས་ཞིབ་པར་ཞེང་བརྒྱད་དཔངས་བརྒྱུད། མགོ་ཞེང་ལྔ། གཡས་གཡོན་དཀར་ཕྱེད་གཉིས་རེ། སྤོ་གོང་དཀར་ཆ་གསུམ་སྒོ་ཆ་དང་བཞི། འོག་དཀར་གསུམ་བཞི་གཉིས་མཚམས་ན་དཀྱིལ་ཚད་དེ་ནས་ཟགས་མཆུ་རིམ་གྱིས་འདོན། ། 26.ལ་ནི། ཕུབས་ཅན་མགོ་ཐུང་བ། ཐིག་ལྔ་བསྣོལ་བའི་གྲུ་བཞི་ཕོ་དྲང་ཞིང་འཕྲེད་འདྲེན་མཉེན། གཡས་ཕྱོགས་དྲང་ཞིང་ནང་དུ་རྒྱས་པ་ཞེས། ཞིབ་པར་ཞིང་དཔངས་ཆ་བརྒྱད་རེ། ཕུབས་དཀར་གསུམ་ལྷག་ཙམ། སྣག་ཆ་རགས་པ་གསུམ། ཁ་ཞེང་ཕྱེད་གསུམ། སྦོ་གོང་དཀར་ཆ་གསུམ། ཕུབས་སྣག་དང་བཞི། སྒོ་འོག་དཀར་ཆ་གསུམ། སྦོ་ཆ་དང་བཞི། སྦོའི་གོང་ཕུབས་སྣ་ན་དཀྱིལ་ལོ། ། དཀྱིལ་ཚད་སྦོ་བགས་ཀྱིས་གཞོལ་བ་ཟགས་མཆུའོ། ། 27.ཤ་ནི། མིག་ཅན་མགོ་ཐུང་། ལེ་གུའི་ལེའི་འཕྲེད་འདྲེན་འདྲ་བ་ཡར་འཕུལ་དྲང་ཞིང་མིག་ཤུ་ཟླུམ་པ། རྐང་པ་ཕྱི་ནང་མི་འཁྱོར་དྲང་བ་ཞེས་ཞིབ་པ་ནི་ཞེང་བཅུ་དཔངས་བཅུ་གཉིས། ལེ་གུ་ལག་པའི་ཞེང་ལྔ། མིག་གི་དཀར་ཕྱེད་བཞི། མགོ་སྣག་དང་བཞི་མས་ནག་ཕྱེད། ལེ་གུའི་གོང་དཀར་བཞི། འོག་དཀར་བདུན། ལེ་གུའི་སྣག་ཆ་དང་བརྒྱད། ལེ་གུ་ནས་ཞེང་རྐང་པའི་བར་དཀར་ཆ་བཞི། རྐང་སྣགུ་ཆ་གཅིག་ལེ་གུའི་སྣ་ནི་དཀྱིལ་ཚད་དོ། ། 28.ས་ནི། ཐིག་བརྒྱུད་གྲུ་བཞི་པ། དཀར་གཉིས་མཉམ་ཞིང་གྲུ་བཞི་འཇོག ལེ་གུའི་མཉེན་ནི་བསྣོལ་མཚམས་དང་རྒྱབ་ལག་འཕྱོས་ཤིང་དབུས་དཀར་གཙང་བ་ཞེས་ཞིབ་པར་ཞེང་དཔངས་བརྒྱད་རེ། མགོ་ཞེང་བཞི་ཡས་སུ་དཀར་གཅིག་ཁ་དཀར་གཉིས། ཡར་འཕུལ་སྣག་ཆ་གཅིག མགོ་ནས་ཆ་གསུམ་པའི་དཀྱིལ་ནས་འཕྲེད་གསུམ་གཞུང་གསུམ་ཟུར་སྟེང་གསེགས་སུ་དཔུང་པ་འདོན། དེ་ནས་འཕྲེད་གཞུང་ཐིག་བཞི་པ་དང་དཔངས་གཉིས་ཀྱི་སར། ལེ་གུས་དབུས་ལག་བཏོན་མཚམས་ནས་བགས་ཀྱིས་གཞོལ་བའི་ཟགས་ཆ་ཇེ་ཕྲ་ཟགས་མཆུ་ཅན། དབུས་ལག་བར་རྐང་གི་མཚམས་ནས་དཀྱིལ་ཚད་དོ། ། 29.ཧ་ནི། མགོ་འབྲིང་སྨད་ཕུབས་ཅན། དཔུང་པ་ས་འདྲ་བ་ཨེན་ཙམ་མཐོ། ལེ་གུ་མཉེན་ལ་མགོ་དཀྱིལ་བཞག་སྨད་ཕུབས་ཟླུམ་ལ་མགོ་དཀྱིལ་བསྐྱལ་ཞེས། ཞིབ་པར་ཞིང་བདུན། དཔངས་བཅུ་གཉིས། མགོ་ལྔ། ཡས་མས་དཀར་ཆ་རེ། ཡས་ནས་བཞི་གཞལ་བ་ནས་ལག་བཏོན། དཔུང་པ་ཐ་ཐིག་དཔངས་གསུམ་པ་དང་ཐུག དེ་ནས་གསུམ་ཇེ་སྒྱུར་གྱི་ཡོས་འཕྲེད་དུ་གཞལ་བའི་གསུམ་མགོའི་ས་ནས་ཆ་དྲུག་པར་ཕྲད་ས་དབུས་ལག་གི་མཆུ་ཕུབས་ཀྱི་ཞེང་དཀར་ཕྱེད། གསུམ་པ་གཉིས་དེ་ནས་ཕྱེད་དྲུག་ལྔ་ལྷག་ཙམ་ཕྱེད་ལྔ་བཞི་ལྷག་ཙམ་ཕྱེད་བཞི་གསུམ་རྣམས་དང་། ཕུབས་ཆིས་བོ་གཅིག་མན་ལ་དཀར་བརྒྱད་ལྷག་ཙམ་མོ། ། 30.ཨ་ནི། མགོ་ཐུང་ཐུ་བ་ཅན། ཐུ་བའི་གསེགས་སྦྱོར་ཟླུམ་པར་བྱ། འཛིན་པོ་དང་ལྡོག་པོ་མཉམ་པ། ཐུ་བའི་སྒྲོས་དང་དཀར་རྩེ་མཉམ་པ། ཚག་ནི་མ་འབྱར། གོང་མའི་རྩར་ཟུར་གསུམ་བྲ་བོའི་དབྱིབས་སུ་བཞག་པའོ་ཞེས་ཞིབ་པར་ཞེང་དགུ་དང་དཔངས་བརྒྱུད། མགོ་ཞེང་ཕྱེད་བཞི། ལག་ཡས་ནས་བཞི་པའི་དཀྱིལ་ནས་ཡས་གཉིས་ཐུར་གསུམ་དཀྱིལ་ཐད་དཔུང་ཟུར་དང་། དེ་ནས་ཐུ་བ་ཟུར་གསུམ་འཕྲེད་ཕྱེད་བཞིའི་སར་བཀུག་པའི་ཡས་འཕུལ་ཆ་གཅིག་དཔུང་རྩ་དང་མས་ཕྱིའི་ཟུར་ལ་ཟགས་མཆུ་བགས་ཀྱིས་བཏོན། དེ་ནས་ཡས་འཕུལ་སྣག་ཆ་གཅིག་པོ་སྦྱར། ཡས་ཀྱི་ཁ་དཀར་ཕྱེད་གཉིས་མས་ཀྱི་གཉིས། དཔུང་སྟོད་དཀར་གསུམ། ཐུང་དཀར་གཉིས་ཐུང་སྣག་ཆ་གཅིག་མས་དཀར་དོ། ཟུར་དཀར་བདུན་ནོ་ཞེས་གསལ་བྱེད་སུམ་ཅུའི་ཐིག་ཚད་རགས་ཞིབ་གཉིས་ཏེ། དེ་ལའང་ཁྱུང་པོ་སྔ་ཕྱི་རྡོ་དུས་གསུམ་གྱི་བཞེད་པ་ཅུང་ཟད་མི་འདྲ་བ་དང་། ལྡན་མ་རྩེ་མང་ལུགས་སུ་གྲགས་པ་སོགས་དུ་མ་སྣང་བ་ལས་གཡུ་ཁྲིའི་ཕྱག་རྒྱུན་གཡའ་སེལ་ལྟར་བཀོད་པའོ། །
Tibetan Source	《བཟོ་གནས་སྐྲ་རྩེའི་ཆུ་ཐིགས་》ཤ་166.8ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number