11094

Tibetan	མངའ་རིས་མང་ཡུལ་དུ་དར་བའི་དགེ་ལྡན་པའི་དགོན་སྡེ་སུ་ཅུ་རྩ་གཅིག
Tibetan Alternate
Tibetan Definition	1.ཁྲི་སེའི་ཆོས་སྡེ་ནི། རྒྱལ་དབང་འཇམ་དཔལ་སྙིང་པོའི་དངོས་སློབ་ལ་སྟོད་ཤེས་རབ་བཟང་པོའི་དབོན་དཔལ་ལྡན་ཤེས་རབ་ཀྱིས་བཏབ། དགེ་འདུན་བདུན་ཅུ་དོན་ལྔ་སྐོར། 2.དཔེ་ཐུབ་ཆོས་སྡེ་ནི། སྔོན་དགྲ་བཅོམ་པ་ཉི་མ་གུང་པས་ས་གཞི་བྱིན་གྱིས་བརླབས། ལོ་ཆེན་རིན་ཆེན་བཟང་པོས་ཕྱོགས་དེར་ཆོས་སྡེ་དཔེ་ཐུབ་པ་གཅིག་འབྱུང་ཞེས་གསུངས་པས་དཔེ་ཐུབ་ཏུ་གྲགས། ལྷ་བླ་མ་འོད་ཀྱི་གཅེན་པོ་འོད་ལྡེ་ཞེས་བྱ་བས་དགུང་ལོ་སུམ་ཅུ་པ་བྱི་བ་ལོར་མང་ཡུལ་དུ་དཔེ་ཐུབ་ཀྱི་ལྷ་ཁང་བཞེངས། དགེ་འདུན་ལྔ་བཅུ་སྐོར། 3.བར་སྐྱའམ་བར་ཀྱོག་ནི། ལྷ་དབང་བློ་གྲོས་པས་བཏབ། དགེ་འདུན་བདུན་ཅུ་སྐོར། 4.ལི་ཀིར་ཆོས་སྡེའམ་དེང་སང་ཀླུ་དཀྱིལ་དུ་གྲགས་པ་ནི། མཁས་པ་ལྷ་དབང་བློ་གྲོས་པས་བཏབ། དགེ་འདུན་སུམ་ཅུ་སོ་དྲུག་སྐོར། 5.ཟངས་དཀར་དཀར་ཤ་བྱམས་པ་གླིང་ནི། ཟངས་དཀར་ལོ་ཙཱ་བ་འཕགས་པ་ཤེས་རབ་ཀྱིས་བཏབ། དགེ་འདུན་ཉིས་བརྒྱ་དང་གསུམ་སྐོར། 6.ཕུག་ཏ་ནི། ཟངས་དཀར་ལོ་ཙཱ་བ་འཕགས་པ་ཤེས་རབ་ཀྱིས་བཏབ། དགེ་འདུན་བརྒྱད་ཅུ་གྱ་བདུན་སྐོར། 7.མར་པ་གླིང་ངམ་ད་ལྟ་སྟོད་སྡེ་ལེགས་བཤད་གླིང་ནི། སྔོན་རྗེ་མར་པས་བཏབ་པར་གྲགས། དགེ་འདུན་ལྔ་བཅུ་ང་གཅིག་སྐོར། 8.ཟངས་དཀར་ཆོས་སྡེ་ནི། དྲུང་མདོ་སྡེ་རིན་ཆེན་པས་བཏབ། 9.ཁུ་ནུ་ཀ་གནམ་ལྷུན་གྲུབ་དགེ་འཕེལ་ནི། ཐོག་མར་ས་སྐྱ་པའི་རིང་ལུགས་འཛིན་པ། གུ་གེ་དཔོན་མོ་ཨ་རྒམ་ཟེར་བས་དགེ་ལུགསས་སུ་བསྒྱུར། ། 10.རྩ་ཧྲང་རང་རག་དགོན་ནི། ལོ་ཆེན་རིན་ཆེན་བཟང་པོས་བཏབ་པར་གྲགས། དགེ་འདུན་སུམ་ཅུ་སྐོར། 11.ཀུན་གྱི་དགོན་བཀྲ་ཤིས་དགེ་འཕེལ་ནི། འཇམ་དབྱངས་བློ་གྲོས་པས་བཏབ། དགེ་འདུན་ཉི་ཤུ་རྩ་ལྔ་སྐོར། ། 12.མངོན་དགའ་ཆོས་གླིང་ནི། བླ་མ་ཆོས་སྐྱོང་པས་བཏབ། གྲྭ་བཙུན་ཉི་ཤུ་སྐོར། 13.རི་སྤག་དགའ་ལྡན་ཆོས་གླིང་ནི། བླ་མ་ཆོས་སྐྱོང་བས་བཏབ། གྲྭ་བཙུན་བཅོ་ལྔ་སྐོར། ། 14.སྲིབས་དགའ་ལྡན་ཆོས་འཁོར་ནི། དགེ་སློང་སངས་རྒྱས་རྒྱལ་མཚན་པས་བཏབ། གྲྭ་བཙུན་དྲུག་ཅུ་སྐོར། 15.མངོན་དགའ་གླིང་ནི། སྟེང་པ་ཡོན་ཏན་རྒྱ་མཚོས་བཏབ། གྲྭ་བཙུན་ཉི་ཤུ་རྩ་ལྔ་སྐོར། 16.རག་མཚམས་ཆོས་འཁོར་གླིང་ནི། ཆི་ཁུལ་ཡོན་རྒྱམ་པས་བཏབ། དགེ་འདུན་བཅུ་དགུ་སྐོར། 17.གྲོ་ཤོད་དགའ་ལྡན་ཆོས་འཁོར་ནི། འཇམ་དབྱངས་ཤནྟི་པས་བཏབ། གློ་བོ་སྨོན་ཐང་པའི་བྱེད་པས་དེང་སང་སྟོངས། 18.དགའ་ལྡན་འཕེལ་ནི། དང་ཐོག་ས་སྐྱ་པའི་ལུགས། གྲྭ་པ་བརྒྱད་ཅུ་སྐོར། 19.ཀྲེ་པའི་ཆར་ཉེ་བ་སྤུ་བྲག་ནི། འཇམ་དབྱངས་ལེགས་པ་དོན་གྲུབ་ཀྱིས་བཏབ། གྲྭ་གྲངས་དྲུག་ཅུ་རེ་གསུམ་སྐོར། 20.རྫོང་དགའ་དགའ་ལྡན་ལྷུན་པོ་ནི། ཆོས་རྒྱལ་ཆེན་པོ་ཁྲི་རྣམ་རྒྱལ་ལྡེས་བཏབ། ཨང་གཉིས་གྲྭ་པ་དྲུག་ཅུ་རེ་གསུམ་སྐོར། 21.ནུབ་རི་ལྷ་མདུན་པ་ནི། ཆོས་རྗེ་སེང་གེ་རྒྱལ་མཚན་པས་བཏབ། ཨང་དང་གྲྭ་པ་བདུན་ཅུ་དོན་བཞི་སྐོར། ཁྱམས་སྒོ་བ་ནི། ཆོས་དཔལ་ལྡན་པས་བཏབ། ཨང་གཉིས་གྲྭ་པ་བཞི་བཅུ་སྐོར། 22.ཉང་པོ་རི་ཁ་ཆོས་སྡེ་ནི། པོ་ཏོ་བའི་སློབ་མ་དགེ་བའི་བཤེས་གཉེན་རི་ཁ་བ་ཆེན་པོས་བཏབ། ཨང་དང་གྲྭ་པ་བརྒྱ་དང་ལྔ་བཅུ་སྐོར། 23.ཉང་པོ་སང་སིང་སྒང་ངམ་ཐེག་ཆེན་ཆོས་འཁོར་གླིང་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་སེམས་དཔའ་ཆེན་པོ་ཆོས་འཕགས་པས་བཏབ། ཨང་དང་གྲྭ་པ་བརྒྱ་དང་ལྔ་བཅུ་སྐོར། 24.ཉང་སྟོད་འབྲས་དགེ་འདུན་སྒང་ནི། སེམས་དཔའ་ཆེན་པོ་ཆོས་འཕགས་པས་བཏབ། ཨང་དང་གྲྭ་པ་ལྔ་བཅུ་ང་གཉིས་སྐོར། 25.གླ་རུ་བ་ནི། སེམས་དཔའ་ཆེན་པོ་ཆོས་འཕགས་ཀྱིས་བཏབ། ཨང་དང་གྲྭ་པ་བརྒྱ་དང་ཉི་ཤུ་སྐོར། 26.ཝ་རུ་ཎ་ཚལ་ལམ་སྒྲ་འཆོལ་བའི་བ་རི་གླ་ཚལ་དགོན་ནི། ཀླུ་བདུད་ཝ་རུ་ཎའི་གནས་ས་གནམ་ཆུ་སོགས་གྲུ་གསུམ་ས་དཔྱད་ཤིན་ཏུ་གཉན་པ་དེ་གྲུབ་པའི་དབང་ཕྱུག་ཐང་སྟོང་རྒྱལ་པོས་ཀླུ་བདུད་དམ་ལ་བཏགས་ཤིང་མ་འོངས་པའི་དུས་གཙུག་ལག་ཁང་དང་ཆོས་སྡེ་འབྱུང་བ་ལྟར་གྲགས་བྱེད་པ་སོགས་ཁས་བླངས། གྲུབ་ཆེན་གྱིས་ཉན་པོ་རྟོགས་ལྡན་གཉེར་ཁར་བཞག་པ་དེས་མཁན་པོ་ཤཱཀྱ་རྡོ་རྗེ་སློབ་མ་དཔལ་ལྡན་འོད་ཟེར་བཅས་པས་གཙུག་ལག་ཁང་བརྩིག་པར་བརྩམས་པ་ན་ཕྱེད་ཙམ་འབྱོངས་ཚེ་བར་ཆད་ཀྱིས་འཕྲོ་བཞག དེ་ནས་དྲུང་པ་རྒྱལ་མཆོག་གདན་དྲངས་ཏེ་ཕུལ། གཙུག་ལག་ཁང་གི་འཕྲོ་དང་རྟེན་བཞེངས། ཨང་གཉིས་གྲྭ་བཙུན་ལྔ་བཅུ་ང་བརྒྱད་སྐོར། 27.བཀྲ་ཤིས་ཆོས་ལུང་ནི། འཕགས་པ་ལྷས་བཏབ། ཨང་དང་གྲྭ་པ་བརྒྱ་དང་ཉི་ཤུ་སྐོར། 28.དཔུང་དཀར་ནི། རྒྱ་ནང་པ་དྲུང་རྒྱལ་མཆོག་པས་བཏབ། ཨང་དང་གྲྭ་པ་དྲུག་ཅུ་རེ་དྲུག་སྐོར། 29.འབྲུ་ལ་ནི། ཇོ་གདན་པའི་མི་ངོར་འཁྲུངས་པ་སླ་བ་བཟང་པོས་བཏབ། ཨང་དང་གྲྭ་པ་ཉིས་བརྒྱ་དང་བརྒྱད་ཅུ་གྱ་བརྒྱད་སྐོར། 30.ཕན་བདེ་བ་ནི། འཕགས་པ་སངས་རྒྱས་ཀྱིས་བཏབ། 31.ལོང་སྨད་ཉི་ཟླ་ཐང་ནི། འཕགས་པ་ལྷས་བཏབ། བླ་མ་བྱམས་པ་བློ་གྲོས་ཀྱི་སྐབས་ཞོ་ཁ་བས་དགོན་པ་བཤིག་པས་ད་ལྟ་ཁྲལ་མི་བཅས་སོ། །
Tibetan Source	《དགའ་ལྡན་ཆོས་འབྱུང་བི་སེར་》ཤ་279.1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number