3688

Tibetan	བྱང་ཆུབ་སེམས་དཔའི་སྡེ་སྣོད་ཡོངས་སུ་ཚོལ་བའི་དགེ་བའི་རྩ་བས་བལྟར་མི་སྣང་བར་བྱེད་པའི་ཆོས་བཞི།
Tibetan Alternate
Tibetan Definition	དེ་ཡང་། དཀོན་བརྩེགས་ལེའུ་བདུན་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ལེའུ་ལས་བྱུང་བ་སྟེ། 1.འདོམས་ཀྱི་སྦ་བ་སྦུབས་སུ་ནུབ་པ་བལྟར་མི་སྣང་བའི་ཆོས་ཐོབ་པ། 2.བྱང་ཆུབ་སེམས་དཔའ་སྐྱེས་ནས་ཕ་དང་། མ་དང། གཞན་ཉེ་དུ་རྣམས་དང་། ལྷ་དང་། ཀླུ་དང་། དྲི་ཟ་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་རྣམས་དང་། དད་པའི་སེམས་ཀྱིས་ཀྱང་རུང་། མ་དད་པའི་སེམས་ཀྱིས་ཀྱང་རུང་སྟེ། སེམས་ཅན་གང་གིས་ཀྱང་བྱང་ཆུབ་སེམས་དཔའི་སྤྱི་གཙུག་མཐོང་བར་མི་ནུས་པ་སྟེ། བལྟར་མི་སྣང་བའི་ཆོས་ཐོབ་པ། 3.བྱང་ཆུབ་སེམས་དཔའ་དགེ་བའི་རྩ་བ་དེ་ཉིད་དང་ལྡན་པས་སྐྱེས་པ་ནས་རྒྱས་པར་བྱ་སྟེ། ཕ་མ་ནས་མི་དང་མི་མ་ཡིན་པའི་བར་གྱིས་དད་པའི་སེམས་ཀྱིས་ཀྱང་རུང་། མ་དད་པའི་སེམས་ཀྱིས་ཀྱང་རུང་སྟེ། གང་གིས་ཀྱང་བྱང་ཆུབ་སེམས་དཔའི་ཁའི་བྱི་དོར་བྱེད་མི་ནུས་ཏེ། དེ་ཁའི་བྱི་དོར་བྱའོ་སྙམ་པ་དང་། རྐང་པ་གཉིས་ལ་ཁའི་སྒོ་འབྱུང་ངོ་། དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་དག་འདི་ལྟ་བུའི་ངོ་མཚར་དང་། རྨད་ཀྱི་ཆོས་དང་ལྡན་ཞིང་སྐྱེས་བུ་དམ་པའི་ངོག་མཆོག་དང་ལྡན་པར་འགྱུར་བ་བལྟར་མི་སྣང་བའི་བྱེད་པའི་ཆོས་ཐོབ་པ། 4.བྱང་ཆུབ་སེམས་དཔའ་དེ་སྐྱེས་མ་ཐག་ཏུ་གཞན་གྱིས་མ་བཟུང་བར་ས་ལ་འདུག་ནས་ཕྱོགས་བཞིར་རྣམ་པར་བལྟ་སྟེ། དེ་ཡེ་ཤེས་འབར་བ་རྙེད་དོ། ། དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེས་སྔོན་གཡོ་མེད་པར་ཐོས་པ་བཙལ་བས་གཡོ་མེད་པའི་མིག་ཐོབ་སྟེ། བྱང་ཆུབ་སེམས་དཔའ་གཡོ་མེད་པའི་མིག་དེ་དང་ལྡན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་ཁམས་ཀྱི་སེམས་ཅན་ཇི་སྙེད་པ་དེ་དག་ཐམས་ཅད་ལྷའི་མིག་རྣམ་པར་དག་པ་མི་ལས་འདས་པས་མཐོང་ངོ། ། དེ་ལྟར་བྱང་ཆུབ་སེམས་དཔའ་མྱུར་བའི་ཚེ་དང་ལྡན་པའི་ཡེ་ཤེས་ཆེན་པོ་ཐོབ་སྟེ། བྱང་ཆུབ་སེམས་དཔའ་ ཡེ་ཤེས་ཆེན་པོ་དེ་དང་ལྡན་པས་སེམས་ཅན་ཐམས་ཅད་ཀྱི་དུས་གསུམ་གྱི་སེམས་ཀྱི་ཚུལ་རབ་ཏུ་ཤེས་སོ། ། དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེས་སྔོན་དོན་དུ་གཉེར་བར་བྱས། ཡིད་ལ་བྱས། སེམས་ཅན་ཐམས་ཅད་ཀྱིས་བསམ་ཞིང་རི་མོར་བྱས་ནས་ཆོས་ལ་སྨན་དུ་འདུ་ཤེས་པ། རིན་པོ་ཆེར་འདུ་ཤེས་པ། དཀོན་པར་འདུ་ཤེས་པ། ཇི་ལྟ་བ་བཞིན་དུ་འདུ་ཤེས་བསྐྱེད་དེ་ཐོས་པ་ཡོངས་སུ་བཟུང་ངོ། ། དེ་བས་ན། བྱང་ཆུབ་སེམས་དཔའ་མྱུར་དུ་རབ་ཏུ་རྣམ་པར་འབྱེད་པའི་ཡེ་ཤེས་རྙེད་དོ། ། རབ་ཏུ་རྣམ་པར་འབྱེད་པའི་ཡེ་ཤེས་དེ་དང་ལྡན་པའི་བྱང་ཆུབ་སེམས་དཔའ་སེམས་ཅན་ཐམས་ཅད་ཀྱི་ཚུལ་ཁྲིམས་ལ་ཡོངས་སུ་འཇལ་བ་ནས་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་བར་དུ་ཡོངས་སུ་འཇལ་ལོ། ། ཚུལ་ཁྲིམས་ཀྱི་སྤྱིར་ཡོངས་སུ་འཇལ་བ་ནས་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་བར་གྱི་སྤྱིར་ཡོངས་སུ་འཇལ་ལོ། ། སེམས་ཅན་ཐམས་ཅད་ཀྱི་ཚུལ་ཁྲིམས་ཀྱི་རྒྱུ་མཐུན་པ་ཡོངས་སུ་འཇལ་བ་ནས་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་རྒྱུ་མཐུན་པའི་བར་ལ་ཡོངས་སུ་འཇལ་ལོ། ། སེམས་ཅན་ཐམས་ཅད་ཀྱི་ཚུལ་ཁྲིམས་རྒྱུ་མཐུན་པ་ལས་ཤིན་ཏུ་ལྷག་པར་ཡོངས་སུ་འཇལ་བ་ནས་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་རྒྱུ་མཐུན་པ་ལས་ཤིན་ཏུ་ལྷག་པའི་བར་ལ་ཡོངས་སུ་འཇལ་ལོ། ། སེམས་ཅན་ཐམས་ཅད་ཀྱི་སྤྱོད་ལམ་དང་། སྤྱོད་པ་དང་། ནན་ཏན་དང་། བརྟུལ་བ་ལ་ཡོངས་སུ་འཇལ་ལོ། ། སེམས་ཅན་ཐམས་ཅད་ཕན་ཚུན་བཙལ་ན། གང་སེམས་ཅན་ཐམས་ཅད་ཀྱི་ཚུལ་ཁྲིམས་དང་ཐོས་པ་ནས་རྣམ་པར་གྲོལ་བའི་ཡེ་ཤེས་མཐོང་བའི་བར་དང་། སེམས་ཅན་ཐམས་ཅད་ཀྱི་སྤྱིའི་ཚུལ་ཁྲིམས་ནས་སྤྱིའི་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པརགྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་དང་། གང་སེམས་ཅན་ཐམས་ཅད་ཀྱི་ཚུལ་ཁྲིམས་ཀྱི་རྒྱུ་མཐུན་པ་ལས་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའི་བར་གྱི་རྒྱུ་འདྲ་བ་དང་། གང་སེམས་ཅན་ཐམས་ཅད་ཀྱི་ཚུལ་ཁྲིམས་ཀྱི་རྒྱུ་མཐུན་པ་ལས་ཤིན་ཏུ་ལྷག་པ་ནས་ཐོས་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། ། རྣམ་པར་གྲོལ་བའི་ཡེ་ཤེས་མཐོང་བའི་རྒྱུ་མཐུན་པ་ལས་ཤིན་ཏུ་ལྷག་པའི་བར་དང་། གང་སེམས་ཅན་ཐམས་ཅད་ཀྱི་སྤྱོད་ལམ་དང་། སྤྱོད་པ་དང་། བརྟུལ་བ་དེ་དག་ཐམས་ཅད་དང་། བདག་གི་བསོད་ནམས་བསྐྲུན་ཅིང་ཡོངས་སུ་བཙལ་ན། བདག་དང་མཚུངས་ཤིང་མཉམ་པ་ཡང་དག་པར་རྗེས་སུ་མི་མཐོང་ངོ་། ། དེ་ཡང་སེམས་ཅན་ཐམས་ཅད་ཀྱི་རྩ་བ་ལ་ལྷག་པར་གནས་པ་ཡོངས་སུ་ཚོལ་ཏེ། དེས་སེམས་ཅན་ཐམས་ཅད་ཡོངས་སུ་བཙལ་ན། བདག་དང་མཚུངས་ཤིང་མཉམ་པ་ཡང་དག་པར་རྗེས་སུ་མི་མཐོང་ངོ། ། བྱང་ཆུབ་སེམས་དཔའ་མྱུར་དུ་དེའི་སྐད་ཅིག་དེ་ཉིད་ལ་ལས་ཀྱི་རྣམ་པར་སྨིན་པས་སྒྲུབ་པའི་ཡེ་ཤེས་སྐྱེ་སྟེ། དེས་སེ་གོལ་གཏོགས་པ་སྲིད་ཀྱིས་སེམས་ཅན་ཐམས་ཅད་ཀྱི་སེམས་ཀྱི་རྣམ་པ་སྟོང་རབ་ཏུ་ཤེས་ཏེ། དེས་ཐམས་ཅད་ཡོངས་སུ་བཙལ་ན། བདག་དང་མཚུངས་ཤིང་མཉམ་པ་ཡང་དག་པར་རྗེས་སུ་མི་མཐོང་ངོ་། ། བདག་བླ་མའི་གནས་ལ་གནས་པར་ཤེས་ཤིང་མ་བཟུང་བར་སེངྒེ་དང་། གླང་པོ་ཆེའི་འགྲོས་ལྟ་བུས་ས་ལ་གོམ་པ་བདུན་བོར་ཏེ། དེ་བྱང་ཆུབ་ཀྱི་སྙིང་པོ་གང་ན་བ་དེར་ལས་ཀྱི་རྣམ་པར་སྨིན་པ་མདུན་དུ་བྱས་ནས་གནས་ཏེ་བདག་ནི། འཇིག་རྟེན་གྱི་གཙོ་བོ། བདག་འཇིག་རྟེན་གྱི་མཆོག་སྟེ། སྐྱེ་བ་དང་། རྒ་བ་དང་། ན་བ་དང་། འཆི་བ་མཐར་བྱའོ། ། སེམས་ཅན་སྐྱེ་བ་དང་། རྒ་བ་དང་། ན་བ་དང་། འཆི་བས་གཟིར་བ་རྣམས་ཐར་བར་བྱའོ། ། ཆོས་བཟང་པོ་བསྟན་པར་བྱའོ། ། ཞེས་སྨྲས་ཏེ། བྱང་ཆུབ་སེམས་དཔས་ཚིག་དེ་སྨྲས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དབྱངས་ཀྱིས་གོ་བར་བྱས་པར་འགྱུར། ས་གཡོ་བས་འཇིགས་ཤིང་སྤུ་ཟིང་བྱེད་པ་ཡང་འཇིག་རྟེན་དུ་འབྱུང་བར་འགྱུར་རོ། ལྷའི་རྔ་ཡང་རྒྱུན་མི་འཆད་པར་བརྡུང་ངོ་། ། ས་ཕྱོགས་གང་ན་བྱང་ཆུབ་སེམས་དཔའ་གནས་པར་འགྱུར་བའི་ས་ཕྱོགས་དེར་འཁོར་ལོ་ཙམ་ཞིག་མི་གཡོའོ། ། ཆུའི་ཕུང་པོ་གང་ལ་གནས་པའི་ཆུའི་ཕུང་པོ་དེ་རླུང་གིས་བསྐྱོད་པར་མི་འགྱུར་རོ། ། དེས་ཐམས་ཅད་དུ་བལྟས་ན། བདག་གི་སྣང་བར་གྱུར་ཅིང་གནས་པར་མཐོང་ངོ་། ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ན། དེ་ལ་སེམས་ཅན་ཐམས་ཅད་ཀྱིས་བལྟ་བར་མི་ནུས་སོ། ། འདི་ནི། བལྟར་མི་སྣང་བྱེད་པའི་ཆོས་ཐོབ་པར་བྱེད་པའོ། །
Tibetan Source	《དཀོན་བརྩེགས་ག་པ་》ཤ་184ན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number